Niveditha Gowda-Chandan Shetty: ಗುಡ್ ನ್ಯೂಸ್ ಕೊಟ್ಟ ನಿವೇದಿತಾ ಗೌಡ, ಚಂದನ್ ಶೆಟ್ಟಿ! 'ಚಂದನ'ದ 'ಗೊಂಬೆ'ಗೊಂದು ಮರಿ ಗೊಂಬೆ ಬರೋದು ಕನ್ಫರ್ಮಾ?

ಬಿಗ್ ಬಾಸ್​ ಸ್ಪರ್ಧೆಗಳಿದ್ದ ನಿವೇದಿತಾ ಗೌಡ (Niveditha Gowda) ಹಾಗೂ ಚಂದನ್ ಶೆಟ್ಟಿ (Chandan Shetty) ಪ್ರೀತಿಸಿ ಮದುವೆಯಾದ್ರು. ಇಬ್ಬರು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟೀವ್ ಆಗಿದ್ದಾರೆ. ಇಬ್ಬರು ಸೇರಿಕೊಂಡು ರೀಲ್ಸ್ ಮಾಡುತ್ತಾರೆ, ಈ ರೀಲ್ಸ್ ಮೂಲಕವೇ ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ಗುಡ್ ನ್ಯೂಸ್ ಹಂಚಿಕೊಂಡಿದ್ದಾರೆ. ಮಗುವಿನ ನಿರೀಕ್ಷೆಯಲ್ಲಿದ್ದೇವೆ ಎಂದು ವಿಡಿಯೋ ಮೂಲಕ ಹೇಳಿದ್ದಾರೆ.

ಅಪ್ಪ ಆಗ್ತಿದ್ದಾರೆ ಗಾಯಕ ಚಂದನ್ ಶೆಟ್ಟಿ

ರೀಲ್ಸ್​ನಲ್ಲಿ ಚಂದನ್​ ಶೆಟ್ಟಿ ಅವರು ನಿವೇದಿತಾರನ್ನು ನಾನು ಹೇಳುವುದನ್ನು ಕೂಡಿಸಿ ಹೇಳು ಎಂದು ಹೇಳ್ತಾರೆ.  Fat + Her ಅಂದರೆ ಏನು ಎಂದು ನಿವೇದಿತಾ ಗೌಡಗೆ ಚಂದನ್​ ಶೆಟ್ಟಿ (Chandan Shetty) ಕೇಳಿದ್ದಾರೆ. Fat her ಅಂತಾರೆ ಬಳಿಕ ಸರಿಯಾಗಿ ಕೂಡಿಸು ಎಂದು ಹೇಳಿದಾಗ ನಿವೇದಿತಾ ಗೌಡ ‘ಫಾದರ್​’  ಎಂದು ನಾಚಿಕೊಳ್ತಾರೆ. ಹಾಗಾಗಿ ಚಂದನ್​ ಶೆಟ್ಟಿ ತಂದೆ ಆಗುತ್ತಿದ್ದಾರೆ ಎಂದು ಫ್ಯಾನ್ಸ್​ ಊಹಿಸಿದ್ದಾರೆ.

ಅಭಿಮಾನಿಗಳಿಂದ ಶುಭಾಷಯಗಳ ಸುರಿಮಳೆ

ನಿವೇದಿತಾ, ಚಂದನ್​ಗೆ ಇನ್ಟಾ ಗ್ರಾಮ್​ ನಲ್ಲಿ ಅತಿ ಹೆಚ್ಚು ಫಾಲೋವರ್ಸ್​ ಇದ್ದು, ಅಭಿಮಾನಿಗಳು ಕೂಡ ಇವರ ಫೋಟೋ ಹಾಗೂ ವಿಡಿಯೋಗಳನ್ನು ನೋಡೋಕೆ ಇಷ್ಟ ಪಡುತ್ತಾರೆ. ಈಗ ಚಂದನ್​ ಶೆಟ್ಟಿ ಹಂಚಿಕೊಂಡಿರುವ ಈ ವಿಡಿಯೋ ನೋಡಿ ಅಭಿಮಾನಿಗಳಿಗೆ ಖುಷಿ ಆಗಿದೆ. ವಿಡಿಯೋ ನೋಡಿದ ಫ್ಯಾನ್ಸ್​ , ನಿವೇದಿತಾ-ಚಂದನ್​ ಕೊಟ್ಟ ಟ್ವಿಸ್ಟ್​ ಕಂಡು ಹಿಡಿದು ವಿಶ್ ಮಾಡ್ತಿದ್ದಾರೆ.

View this post on Instagram

A post shared by Chandan Shetty (@chandanshettyofficial)

ಬಿಗ್​ ಮನೆಯಲ್ಲಿ ಶುರುವಾಗಿತ್ತು ಪ್ರೀತಿ

ಬಿಗ್​ ಬಾಸ್​ ಕನ್ನಡ ಸೀಸನ್​ 5’ ರಿಯಾಲಿಟಿ ಶೋನಲ್ಲಿ ನಿವೇದಿತಾ ಗೌಡ ಹಾಗೂ ಚಂದನ್​ ಶೆಟ್ಟಿ ಅವರು ಸ್ಪರ್ಧಿಸಿದ್ದರು. ಅಲ್ಲಿಯೇ ಅವರಿಗೆ ಮೊದಲ ಬಾರಿಗೆ ಪರಿಚಯ ಆಗಿದ್ದು. ನಂತರ ಇಬ್ಬರ ನಡುವೆ ಪ್ರೀತಿ ಚಿಗುರಿತು. 2020ರ ಫೆಬ್ರವರಿಯಲ್ಲಿ ಹಸೆಮಣೆ ಏರಿದರು. ಮೂರು ವರ್ಷಗಳ ಬಳಿಕ ಈ ಜೋಡಿ ಗುಡ್​ ನ್ಯೂಸ್​ ನೀಡಿದೆ.

ಚಂದನ್-ನಿವೇದಿತಾ ಹಳೇ ರೀಲ್ಸ್​

ಚಂದನ್ ಶೆಟ್ಟಿ ಕೊಕ್ಕರೆ ಡ್ಯಾನ್ಸ್ ಎಂದು ಶುರುವಾಗುವ ವಿಡಿಯೋದಲ್ಲಿ ಚಂದನ್ ಹಾಗೂ ನಿವೇದಿತಾ ಜಾಲಿಯಾಗಿ ಸ್ಟೆಪ್ಸ್ ಹಾಕುತ್ತಾರೆ. ಚಂದನ್ ಬ್ಲಾಕ್ ಶೂಸ್, ಬ್ಲಾಕ್ ಗಾಗಲ್ಸ್ ಧರಿಸಿದ್ದು ವೈಟ್ ಟೀಶರ್ಟ್​ ಮಾಲೆ ಜಾಕೆಟ್ ಧರಿಸಿದ್ದಾರೆ. ನಿವೇದಿತಾ ಗೌಡ ಕೂಡಾ ಮಿನಿ ಡ್ರೆಸ್ ಧರಿಸಿಕೊಂಡು ಗಂಡನ ಡ್ಯಾನ್ಸ್​ಗೆ ಸಾಥ್ ಕೊಟ್ಟಿದ್ದಾರೆ. ಸ್ಟೈಲಿಷ್ ಲುಕ್​​ನಲ್ಲಿ ಇಬ್ಬರೂ ಸಖತ್ ಸ್ಟೆಪ್ ಹಾಕಿದ್ದು ನಿವೇದಿತಾ ಹೀಲ್ಸ್ ಹಾಕಿ ಡ್ಯಾನ್ಸ್ ಮಾಡುವುದನ್ನು ಕಾಣಬಹುದು.

View this post on Instagram

A post shared by Chandan Shetty (@chandanshettyofficial)

ವಿಡಿಯೋವನ್ನು ಇನ್​​ಸ್ಟಾಗ್ರಾಮ್​ಗೆ ವೈರಲ್ ಮಾಡಿದ ಬರೀ 2 ಗಂಟೆಗಳಲ್ಲಿ ಇದು ವೈರಲ್ ಆಗಿದೆ. 25 ಸಾವಿರಕ್ಕೂ ಹೆಚ್ಚು ಲೈಕ್ಸ್​ ಪಡೆದ ವಿಡಿಯೋಗೆ 100ಕ್ಕೂ ಹೆಚ್ಚು ಮಂದಿ ಕಮೆಂಟ್ ಮಾಡಿದ್ದಾರೆ. ನೆಟ್ಟಿಗರು ಕಮೆಂಟ್ ಮಾಡಿ ಕ್ಯೂಟೆಸ್ಟ್ ಜೋಡಿ, ಸಾಂಗ್ ಸೂಪರ್ ಎಂದೆಲ್ಲಾ ಮೆಚ್ಚಿ ಬರೆಯುತ್ತಿದ್ದಾರೆ.

1.5 ಮಿಲಿಯನ್ ಫಾಲೋವರ್ಸ್

ಸದ್ಯ ನಿವೇದಿತಾ ಗೌಡ ಅವರು ಸದ್ಯ ಇನ್ಸ್ಟಾಗ್ರಾಮ್​ನಲ್ಲಿ ಸುಮಾರು 1.5 ಮಿಲಿಯನ್ ಫಾಲೋವರ್ಸ್​ಗಳನ್ನು ಹೊಂದಿದ್ದಾರೆ. ನಿವೇದಿತಾ ಅವರು ಈವರೆಗೂ 1428 ಪೋಸ್ಟ್​​ಗಳನ್ನು ಮಾಡಿದ್ದಾರೆ. ಬಹುತೇಕ ಎಲ್ಲ ದಿನವೂ ನಿವೇದಿತಾ ವಿಡಿಯೋಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳುವುದರಿಂದ ಅವರ ಫಾಲೋವರ್ಸ್ ಸಂಖ್ಯೆ ಹೆಚ್ಚುತ್ತಲೇ ಇದೆ.