Nikhil Kumaraswamy  ನಟನೆಯ Rider ಸಿನಿಮಾದ ಸಾಂಗ್​ ರಿಲೀಸ್​

Sandalwood: ಈ ಸಿನಿಮಾದಲ್ಲಿ ನಿಖಿಲ್​​ ಕುಮಾರಸ್ವಾಮಿಗೆ ಇಬ್ಬರು ನಾಯಕಿಯರು ಕಾಣಿಸಿಕೊಳ್ಳಲಿದ್ದಾರೆ. ಮೊದಲ ಬಾರಿಗೆ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿರುವ ನಟಿ ಕಾಶ್ಮೀರಿ ಪರ್ದೇಸಿ ರೈಡರ್ ಸಿನಿಮಾದಲ್ಲಿ ನಿಖಿಲ್ ಕುಮಾರಸ್ವಾಮಿ ಜೊತೆಗೆ ತೆರೆ ಹಂಚಿಕೊಂಡಿದ್ದಾರೆ

ರೈಡರ್ ಚಿತ್ರದ ಪೋಸ್ಟರ್​

ರೈಡರ್ ಚಿತ್ರದ ಪೋಸ್ಟರ್​

  • Share this:
    ಮಾಜಿ ಪ್ರಧಾನ ಮಂತ್ರಿ (Ex- Prime Minister) ಎಚ್​.ಡಿ.ದೇವೇಗೌಡ(H.D. Devegowda)ರ ಮೊಮ್ಮಗ, ಮಾಜಿ ಮುಖ್ಯಮಂತ್ರಿ ಎಚ್ .ಡಿ.ಕುಮಾರಸ್ವಾಮಿ(H.D.Kumaraswamy) ಅವರ ಮಗ ನಿಖಿಲ್​ ಕುಮಾರಸ್ವಾಮಿ(Nikhil Kumaraswamy). ಜಾಗ್ವಾರ್​(Jaguar) ಸಿನಿಮಾ ಮೂಲಕ ಚಿತ್ರರಂಗಕ್ಕೆ ನಿಖಿಲ್​ ಎಂಟ್ರಿಯಾಗಿದ್ದರು. ಬಳಿಕ ಸೀತರಾಮ ಕಲ್ಯಾಣ(Seetharama Kalyana) ಸಿನಿಮಾ ಮೂಲಕ ಫ್ಯಾಮಿಲಿ ಪ್ರೇಕ್ಷಕರ ಗಮನ ಸೆಳೆದು, ಪೌರಾಣಿಕ ಪಾತ್ರಗಳಲ್ಲೂ ನಟಿಸಬಲ್ಲೇ ಎಂದು ಕುರುಕ್ಷೇತ್ರ(Kurukshethra) ಸಿನಿಮಾದ ಮೂಲಕ ಪ್ರೋವ್​ ಮಾಡಿಕೊಂಡ ನಟ ನಿಖಿಲ್​ ಕುಮಾರಸ್ವಾಮಿ. ಇದಾದ ಬಳಿಕ ಯಾವ ಸಿನಿಮಾದಲ್ಲಿ ನಿಖಿಲ್​ ನಟಿಸುತ್ತಾರೆ ಅಂತ ಎಲ್ಲರಿಗೂ ಕ್ಯೂರಿಯಾಸಿಟಿ ಇತ್ತು. ಅದಕ್ಕೆ ವಿಜಯ್​​ ಕುಮಾರ್​ ಕೊಂಡ ಉತ್ತರ ನೀಡಿದ್ದರು. ತಮ್ಮ ನಿರ್ದೇಶನದಲ್ಲಿ ನಿಖಿಲ್​ ಜತೆ ರೈಡರ್(Rider)​ ಸಿನಿಮಾ ಅನೌನ್ಸ್​ ಆಗಿತ್ತು. ಪೋಸ್ಟರ್​​, ಟೀಸರ್​ ಸಖತ್​ ಕಮಾಲ್​ ಮಾಡಿತ್ತು.

    ಈಗ ಸಿನಿಮಾದ ರೊಮ್ಯಾಂಟಿಕ್​ ಸಾಂಗ್(Song)​ವೊಂದು ರಿಲೀಸ್​ ಆಗಿದೆ. ನಿಖಿಲ್ ಕುಮಾರಸ್ವಾಮಿ ನಟನೆಯ ವಿಜಯ್ ಕುಮಾರ್ ಕೊಂಡ ನಿರ್ದೇಶನದ ಬಹುನಿರೀಕ್ಷೆಯ ‘ರೈಡರ್’(Rider) ಸಿನಿಮಾದ ‘ಡವ್ವ ಡವ್ವ’ ಹಾಡು ರಿಲೀಸ್ ಆಗಿದೆ.

    ಇದನ್ನೂ ಓದಿ: Meghana Raj Photoshoot- ಚಿರು ಪಟಗಳೊಂದಿಗೆ ಯುವರಾಣಿಯಂತೆ ಮಿಂಚುತ್ತಿರುವ ಮೇಘನಾ ರಾಜ್

    ಸ್ಟೈಲಿಶ್​ ಲುಕ್​ನಲ್ಲಿ ‘ಅಭಿಮನ್ಯು’ ಮಿಂಚಿಂಗ್​
    ರಿಲೀಸ್​ ಆಗಿರುವ ಈ ವಿಡಿಯೋ ಸಾಂಗ್​ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಸ್ಟೈಲಿಶ್​ ಲುಕ್​ನಲ್ಲಿ ಕಾಣಿಸಿಕೊಂಡಿರುವ ನಿಖಿಲ್ ಕುಮಾರಸ್ವಾಮಿ ಹಾಗೂ ಯುವ ನಟಿ ಕಾಶ್ಮೀರಿ ಪರ್ದೇಸಿ ಅವರ ಮುದ್ದಾದ ಲುಕ್​ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಲಹರಿ ಮ್ಯೂಸಿಕ್​ ಹಾಗೂ ಟಿ - ಸಿರೀಸ್​ ಸಿನಿಮಾ ನಿಮಾರ್ಣದ ಜವಾಬ್ದಾರಿ ಹೊತ್ತುಕೊಂಡಿದೆ. ಲಹರಿ ಸಂಸ್ಥೆಯ ಯೂಟ್ಯೂಬ್​ ಚಾನೆಲ್​ನಲ್ಲಿ ರೈಡರ್​ ಸಿನಿಮಾದ ಡವ್ವ ಡವ್ವ ಹಾಡು ಬಿಡುಗಡೆಯಾಗಿದೆ. ಅರ್ಜುನ್​ ಜನ್ಯ ರೈಡರ್​ ಸಿನಿಮಾಗೆ ಮ್ಯೂಸಿಕ್​ ಕಂಪೋಸ್​ ಮಾಡಿದ್ದಾರೆ. ಡವ್ವ ಡವ್ವ ಹಾಡಿಗೆ ಚೇತನ್​ ಕುಮಾರ್​​ ಸಾಹಿತ್ಯ ಬರೆದಿದ್ದಾರೆ. ಇನ್ನೂ ಈ ಹಾಡು ಇಷ್ಟು ಅದ್ಭುತವಾಗಿ ಕಾರಣ ಅಂದರೆ ಅದು ಅರ್ಮಾನ್​ ಮಲಿಕ್​ ಅವರ ಕಂಠ. ಈ ಹಾಡನ್ನು ಅರ್ಮಾನ್​ ಮಲಿಕ್​ ಹಾಡಿದ್ದಾರೆ. ಬಿಡುಯಾಗಿರು ಮೊದಲನೇ ವಿಡಿಯೋ ಸಾಂಗ್​ನಲ್ಲಿ ನಿಖಿಲ್ ಕುಮಾರಸ್ವಾಮಿ ಸಖತ್​ ಸ್ಟೆಪ್​ ಹಾಕಿದ್ದಾರೆ.

    ಬಾಸ್ಕೆಟ್​ ಬಾಲ್​ ಪ್ಲೇಯರ್​​ ಪಾತ್ರದಲ್ಲಿ ನಿಖಿಲ್​
    ಸೀತಾರಾಮ ಕಲ್ಯಾಣ ಚಿತ್ರದ ಮೂಲಕ ಲವರ್ ಬಾಯ್​ ಆಗಿ ಸ್ಯಾಂಡಲ್​ವುಡ್​ ಪ್ರೇಕ್ಷಕರನ್ನು ರಂಜಿಸಿದ್ದ ನಿಖಿಲ್​ ಕುಮಾರಸ್ವಾಮಿ ಈಗ ಮತ್ತೆ ಅಂತಹದ್ದೇ ಪಾತ್ರದಲ್ಲಿ ರೈಡರ್​ ಸಿನಿಮಾದಲ್ಲಿ ಕಾಣಿಸಿಕಳ್ಳುತ್ತಿದ್ದಾರೆ. ಕಾಲೇಜ್​ ಸ್ಟೂಡೆಂಟ್​​ ಜೊತೆಗೆ ಬಾಸ್ಕೆಟ್​ ಬಾಲ್​ ಪ್ಲೇಯರ್​ ಆಗಿ ನಿಖಿಲ್​ ಮಿಂಚಲಿದ್ದಾರೆ. ರೈಡರ್​ ಚಿತ್ರದ ಟೀಸರ್​ ಬಿಡುಗಡೆಯಾಗಿ ಸಖತ್​ ಸೌಂಡ್​ ಮಾಡುತ್ತಿದೆ. ಈಗ ಬಿಡುಗಡೆಯಾಗಿರುವ ವಿಡಿಯೋ ಸಾಂಗ್​ ಕೂಡ ಸಿನಿಮಾದ ಮೇಲಿರುವ ನಿರೀಕ್ಷೆಯನ್ನ ಡಬಲ್​ ಮಾಡಿದೆ.

    ಬಹುತಾರಾಗಣದ ಸಿನಿಮಾ ರೈಡರ್​
    ಈ ಸಿನಿಮಾದಲ್ಲಿ ನಿಖಿಲ್​​ ಕುಮಾರಸ್ವಾಮಿಗೆ ಇಬ್ಬರು ನಾಯಕಿಯರು ಕಾಣಿಸಿಕೊಳ್ಳಲಿದ್ದಾರೆ. ಮೊದಲ ಬಾರಿಗೆ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿರುವ ನಟಿ ಕಾಶ್ಮೀರಿ ಪರ್ದೇಸಿ ರೈಡರ್ ಸಿನಿಮಾದಲ್ಲಿ ನಿಖಿಲ್ ಕುಮಾರಸ್ವಾಮಿ ಜೊತೆಗೆ ತೆರೆ ಹಂಚಿಕೊಂಡಿದ್ದಾರೆ. ಜೊತೆಗೆ ಇನ್ನೋರ್ವ ನಾಯಕಿಯಾಗಿ ಅನುಷಾ ರೈ ನಟಿಸಿದ್ದಾರೆ.

    ಇದನ್ನೂ ಓದಿ: Mahesh Babuಗೆ ಆ್ಯಕ್ಷನ್​ ಕಟ್​ ಹೇಳಲಿದ್ದಾರೆ ಈ ಖ್ಯಾತ ಡೈರೆಕ್ಟರ್​? ಯಾರು ಗೊತ್ತಾ?

    ಇನ್ನೂ ಬಿಗ್​ ಬಾಸ್​ ವಿನ್ನರ್​ ಮಂಜು ಪಾವಗಡ, ಶಿವರಾಜ್​ ಕೆ.ಆರ್​.ಪೇಟೆ, ಸೇರಿದಂತೆ ಹಲವು ಕಲಾವಿದರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ನಿನ್ನೆ ನಡೆದು ರೈಡರ್​ ಸಿನಿಮಾದ ಆಡಿಯೋ ರಿಲೀಸ್​​ ಕಾರ್ಯಕ್ರಮದಲ್ಲಿ ರೈಡರ್​ ಚಿತ್ರದ ಬಗ್ಗೆ ಎಲ್ಲರೂ ತಮ್ಮ ಅಭಿಪ್ರಾಯ ಹಂಚಿಕೊಂಡರು. ರೈಡರ್​ ಒಂದು ಪಕ್ಕಾ ಆ್ಯಕ್ಷನ್​ ಚಿತ್ರವಾಗಿದ್ದು, ಅಭಿಮಾನಿಗಳು ಸಿನಿಮಾ ಬಿಡುಗಡೆಯಾಗಲು ಕಾತುರದಿಂದ ಕಾಯುತ್ತಿದ್ದಾರೆ.

    ವರದಿ - ವಾಸುದೇವ್​.ಎಂ
    Published by:Sandhya M
    First published: