Kerala Elephant Death: ಗರ್ಭಿಣಿ ಆನೆ ಸಾವಿಗೆ ಮರುಗಿದ ನಿಖಿಲ್​ ಕುಮಾರಸ್ವಾಮಿ-ಅಭಿಷೇಕ್​ ಅಂಬರೀಷ್​..!

ಕೇರಳದ ಪಾಲಕ್ಕಾಡ್​ನಲ್ಲಿ ಆಹಾರ ಅರಸಿ ಬಂದಿದ್ದ ಗರ್ಭಿಣಿ ಆನೆಗೆ ಅನಾನಸ್​ನಲ್ಲಿ ಸಿಡಿಮದ್ದು ಇಟ್ಟು ನೀಡಲಾಗಿತ್ತು. ಅದನ್ನು ತಿಂದ ಆನೆ ನರಳಾಡಿ ಸಾವನ್ನಪ್ಪಿತ್ತು. ಈ ಘಟನೆ ಬೆಳಕಿ ಬರುತ್ತಿದ್ದಂತೆಯೇ ವ್ಯಾಪಕ ಖಂಡನೆ ವ್ಯಕ್ತವಾಗುತ್ತಿದೆ.

ಮನುಷ್ಯತ್ವ ಸತ್ತಿದೆ ಎಂದು ಹಲವಾರು ಸೆಲೆಬ್ರಿಟಿಗಳು ಟ್ವೀಟ್​ ಮಾಡುವ ಮೂಲಕ ತಮ್ಮ ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. ಇದಕ್ಕೆ ಸ್ಯಾಂಡಲ್​ವುಡ್​ ತಾರೆಯರೂ ಹೊರತಾಗಿಲ್ಲ. ಐಂದ್ರಿತಾ ರೇ, ಯಂಗ್​ ರೆಬೆಲ್​ ಸ್ಟಾರ್ ಅಭಿಷೇಕ್​ ಅಂಬರೀಷ್​ ಹಾಗೂ ನಿಖಿಲ್​ ಕುಮಾರ್​ ಸ್ವಾಮಿ ಸಹ ಗರ್ಭಿಣಿ ಆನೆಯ ಸಾವಿಗೆ ಮರುಗಿದ್ದಾರೆ.

ಅಭಿಷೇಕ್​ ಅಂಬರೀಷ್​, ಹಸಿವನ್ನು ನೀಗಿಸಿಕೊಳ್ಳಲು ಬಂದಿದ್ದ ಜೀವಿಯ ಪ್ರಾಣವನ್ನು ತೆಗೆದಂತಹ ಘಟನೆ ಮತ್ತೊಮ್ಮೆ ಮರುಕಳಿಸದಿರಲಿ ಹಾಗೂ ನಂಬಿಕೆ ಬಲಿಯಾಗದಿರಲಿ. ಮಾನವೀಯತೆ ಮರೆಯಾಗದಿರಲಿ. ಆನೆಯನ್ನು ಪೂಜಿಸಿದರೆ ಸಾಲದು ಅದನ್ನು ದಯೆಯಿಂದ ಕಾಣಬೇಕು ಎಂದು ಮನವಿ ಮಾಡಿದ್ದಾರೆ.

View this post on Instagram

ಪ್ರತಿಯೊಂದು ಜೀವಿಯೂ ಇನ್ನೊಂದು ಜೀವಿಯ ಮೇಲೆ ಆಧಾರವಾಗಿರುತ್ತದೆ. ಹಸಿವಿನ ದಾಹವನ್ನು ತೀರಿಸಿಕೊಳ್ಳಲು ಸೇವಿಸಿದ ಆಹಾರ ತನ್ನ ಪ್ರಾಣವನ್ನು ತೆಗೆದಂತಹ ದುರ್ಗತಿ ಮುಂದೊಮ್ಮೆ ಮರುಕಳಿಸದಿರಲಿ. ನಂಬಿಕೆಯೂ ಬಲಿಯಾಗದಿರಲಿ. ಸಕಾಲ ಜೀವಿಗಳಲ್ಲಿ ಮಾನವೀಯತೆ ಮರೆಯಾಗದಿರಲಿ. ಗಜೇಂದ್ರನೆಂದು ಪೂಜೆಸಿ ಆರಾಧಿಸುವುದಲ್ಲ , ಗಜೇಂದ್ರ ನನ್ನು ದಯೆಯಿಂದ ಕಾಣಬೇಕು.

A post shared by Abishek Ambareesh (@abishekambareesh) on Jun 3, 2020 at 10:19am PDT

ಇದೇ ವಿಷಯವಾಗಿ ನಿಖಿಲ್​ ಕುಮಾರಸ್ವಾಮಿ ಸಹ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಮನುಷ್ಯ ಎಂದರೆ ಮಾನವೀಯತೆ. ಪ್ರಾಣಿಗಳೊಂದಿಗೆ ಮನುಷ್ಯನ ಈ ವರ್ತನೆ ನಿಜಕ್ಕೂ ಖೇದಕರ ಎಂದು ಖಂಡಿಸಿದ್ದಾರೆ.

View this post on Instagram

ಮನುಷ್ಯ ಅಂದರೆ ಮಾನವೀಯತೆ ಆದರೆ ಪ್ರಾಣಿಗಳೊಂದಿಗೆ ಮನುಷ್ಯನ ಈ ಮಟ್ಟದ ಮೃಗೀಯ ವರ್ತನೆ ನಿಜಕ್ಕೂ ಖೇದಕರ ವಿಚಾರ..

A post shared by Nikhil Kumar (@nikhilgowda_jaguar) on Jun 3, 2020 at 7:04am PDT

ಇಷ್ಟೇ ಅಲ್ಲ ದರ್ಶನ್​ ಪತ್ನಿ ವಿಜಯಲಕ್ಷ್ಮಿ ಸಹ ಟ್ವೀಟ್​ ಮಾಡಿದ್ದು, ಮನುಷ್ಯತ್ವ ಸತ್ತಿದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ಜೊತೆ ಪ್ರಾಣಿ ಪ್ರಿಯೆ ಐಂದ್ರಿತಾ ರೇ ಪ್ರಾಣಿಗಳ ಮೇಲೆ ನಡೆಯುವ ದೌರ್ಜನ್ಯಕ್ಕೆ ಸಂಬಂಧಿಸಿದಂತೆ ಕಠಿಣ ಹಾಗೂ ಕಟ್ಟುನಿಟ್ಟಾದ ಕಾನೂನುಗಳ ಅಗತ್ಯ ಇದೆ ಎಂದಿದ್ದಾರೆ.

View this post on Instagram

On one hand we worship lord Ganesha and on the other we destroy its living form!! We as humans shud cease to exist, then Mother Earth will thrive again!!! #saveanimals #saveelephants #shameonus We need stricter laws against animal cruelty!!!

A post shared by Aindrita Ray (@aindrita_ray) on Jun 3, 2020 at 8:52am PDT

ಮಗಳ ಮೊದಲ ಹುಟ್ಟುಹಬ್ಬವನ್ನು ವಿಶೇಷವಾಗಿ ಆಚರಿಸಿದ ಲೂಸ್​ ಮಾದ ಯೋಗಿ..!