Night Curfew: ಚಿತ್ರಮಂದಿರಗಳಿಗೂ ತಟ್ಟಿದ ನೈಟ್​ ಕರ್ಫ್ಯೂ ಎಫೆಕ್ಟ್​: ಇಂದಿನಿಂದ 4 ಶೋ.. 7 ಗಂಟೆಗೆ ಕೊನೆಯ ಪ್ರದರ್ಶನ!

ರಾಜ್ಯದ ಶೇ.80ರಷ್ಟು ಚಿತ್ರಮಂದಿರಗಳಲ್ಲಿ 7 ಗಂಟೆ ಶೋ ಲಾಸ್ಟ್ ಆಗಲಿದೆ. ನೈಟ್ ಶೋ ಸ್ಥಗಿತದಿಂದ ಶೇ.30ರಷ್ಟು ಆದಾಯಕ್ಕೆ ಕತ್ತರಿ ಬಿದ್ದಿದೆ. ನೈಟ್ ಕರ್ಫ್ಯೂ ವಿಸ್ತರಣೆಯಾದ್ರೆ ಸಮಯ ಬದಲಾವಣೆಗೆ ಚಿಂತನೆ ನಡೆಸಲಾಗುತ್ತಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ಕೊರೋನಾ (Corona) ಹೊಡೆತದಿಂದ ಇಡೀ ದೇಶವೇ ನಲುಗಿಹೋಗಿತ್ತು. ಬಡವ, ಶ್ರೀಮಂತ ಎಂದು ನೋಡದೇ ಎಲ್ಲರ ಮೇಲೂ ಕೋರೊನಾ ದಾಳಿ ಮಾಡಿತ್ತು. ಈ ವರ್ಷದ ಮಧ್ಯದಂತರ ಆದಮೇಲೆ ಎಲ್ಲವೂ ಮತ್ತೆ ಚೇತರಿಸಿಕೊಳ್ಳುತ್ತಿತ್ತು. ಕರೋನಾ ಅಬ್ಬರವೂ ಕೂಡ ಕಡಿಮೆಯಾಗಿತ್ತು. ಕಳೆದ ಎರಡು ವರ್ಷಗಳಿಂದ ಇಡೀ ವಿಶ್ವ (World)ವನ್ನೇ ತನ್ನ ಕಪಿ ಮುಷ್ಠಿಯಲ್ಲಿಟ್ಟುಕೊಂಡು ಜನರ ಜೀವನವನ್ನು ಹಿಂಡಿ ಹಿಪ್ಪೆ ಮಾಡಿತ್ತು. ಈ ವರ್ಷ ಮೇ ಬಳಿಕ ಜನರಿಗೆ ಮತ್ತೆ ಹೊಸ ಭಾವನೆ ಮೂಡಿತ್ತು. ಇನ್ನೂ ಕೊರೋನಾ ನಮ್ಮನ್ನು ಕಾಡಲ್ಲ ಅಂದುಕೊಂಡಿದ್ದರು. ಚಿತ್ರರಂಗ ಕೂಡ ಕೊರೋನಾ ಹೊಡೆತಕ್ಕೆ ಸಿಲುಕಿ ನಲುಗಿಹೋಗಿತ್ತು. ಈಗ ತಾನೇ ನಿಧಾನವಾಗಿ ಚೇತರಿಸಿಕೊಳ್ಳುತ್ತಿತ್ತು. ಲಾಕ್​ಡೌನ್​ ಲಿಫ್ಟ್ ​(Lock Down Lift) ಆದ ಬಳಿಕ ಶೇಕಡಾ 50 ರಷ್ಟು ಸೀಟು ಭರ್ತಿಗೆ ಸರ್ಕಾರ ಅವಕಾಶ ಮಾಡಿಕೊಟ್ಟಿತ್ತು. ಮತ್ತೆ ಕೊರೋನಾ ಹೆಚ್ಚಾದಗ ಚಿತ್ರಮಂದಿರ (Theater)ಗಳನ್ನು ಬಂದ್ ಮಾಡಲಾಗಿತ್ತು. ಮತ್ತೆ ಕಳೆದ ಎರಡು ತಿಂಗಳಿನಿಂದ ಹಂತ ಹಂತವಾಗಿ ಟ್ರ್ಯಾಕ್ (Track)​ಗೆ ಮರಳಿತ್ತು. ಹೊಸ ವರ್ಷಾ (New Year)ಚರಣೆ ವೇಳೆ ಹೆಚ್ಚಾಗುವ ಸಾಧ್ಯತೆ ಇರುವ ಮಹಾಮಾರಿ ಕೊರೊನಾ ಹಾಗೂ ಒಮಿಕ್ರಾನ್ (Omicron) ಕಟ್ಟಿ ಹಾಕಲು ರಾಜ್ಯ ಸರ್ಕಾರ ನೈಟ್‌ ಕರ್ಫ್ಯೂ (Night Curfew) ಜಾರಿಗೆ ತಂದಿದೆ. ಇಂದಿನಿಂದ 2022ರ ಜನವರಿ 7ರವರೆಗೆ ನೈಟ್‌ ಕರ್ಫ್ಯೂ ಜಾರಿಯಲ್ಲಿರಲಿದೆ.

ಚಿತ್ರಮಂದಿರಗಳಲ್ಲಿ ಇಂದಿನಿಂದ 4 ಶೋ!

ಚಿತ್ರಮಂದಿರಗಳಿಗೆ ಮತ್ತೆ ಸಂಕಷ್ಟ ಎದುರಾಗಿದೆ. ಇಂದಿನಿಂದ ನೈಟ್​ ಕರ್ಫ್ಯೂ ಜಾರಿಯಲ್ಲಿರಲಿದೆ. ಹೀಗಾಗಿ ಚಿತ್ರಮಂದಿರಗಳಲ್ಲಿ ಇಂದಿನಿಂದ 4 ಶೋ ಮಾತ್ರ ಪ್ರದರ್ಶನಗೊಳ್ಳಲಿದೆ. ನಿನ್ನೆಯವರೆಗೆ 5 ಶೋ ಪ್ರದರ್ಶನ ನಡೆಯುತ್ತಿತ್ತು. ಆದರೆ ಇಂದಿನಿಂದ 4 ಶೋ ಮಾತ್ರ ಪ್ರದರ್ಶನಗೊಳ್ಳಲಿದೆ. ರಾಜ್ಯದ ಶೇ.80ರಷ್ಟು ಚಿತ್ರಮಂದಿರಗಳಲ್ಲಿ 7 ಗಂಟೆ ಶೋ ಲಾಸ್ಟ್ ಆಗಲಿದೆ. ನೈಟ್ ಶೋ ಸ್ಥಗಿತದಿಂದ ಶೇ.30ರಷ್ಟು ಆದಾಯಕ್ಕೆ ಕತ್ತರಿ ಬಿದ್ದಿದೆ. ನೈಟ್ ಕರ್ಫ್ಯೂ ವಿಸ್ತರಣೆಯಾದ್ರೆ ಸಮಯ ಬದಲಾವಣೆಗೆ ಚಿಂತನೆ ನಡೆಸಲಾಗುತ್ತಿದೆ. ಸರ್ಕಾರ ಘೋಷಿಸಿದ 10 ದಿನಗಳ ನೈಟ್ ಕರ್ಫ್ಯೂಗೆ ಒಂದು ಶೋ ಬಂದ್ ಮಾಡಲಾಗಿದೆ.

ಇದ ನ್ನು ಓದಿ : Aditi Prabhudeva ಮನ ಗೆದ್ದ ರೈತನ ಮಗ.. ಗುಟ್ಟಾಗಿ ಎಂಗೇಜ್​ಮೆಂಟ್​ ಮಾಡಿಕೊಂಡ ಸ್ಯಾಂಡಲ್​ವುಡ್​ ನಟಿ!

ನೈಟ್​ ಕರ್ಫ್ಯೂಗೆ ಶೇ.30 ರಷ್ಟು ಕಲೆಕ್ಷನ್​ಗೆ ಕತ್ತರಿ!

ರಾಜ್ಯಾದ್ಯಂತ ಒಟ್ಟು 630 ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳಿವೆ. ಬೆಂಗಳೂರು ನಗರ, ಗ್ರಾಮಾಂತರ ಭಾಗದಲ್ಲಿ ಒಟ್ಟು 150 ಸಿಂಗಲ್ ಸ್ಕ್ರೀನ್ ಇವೆ. ಬೆಂಗಳೂರಿನಲ್ಲಿ ಮಲ್ಟಿಪ್ಲೆಕ್ಸ್ (PVR) 45. ರಾಜ್ಯಾದ್ಯಂತ ಒಟ್ಟು 60 ಮಲ್ಟಿಪ್ಲೆಕ್ಸ್ ಗಳಿವೆ. ರಾಜ್ಯದ ಶೇ.80 ಥಿಯೇಟರ್ ಗಳಲ್ಲಿ ಇಂದಿನಿಂದ ಸಂಜೆ 7 ಗಂಟೆ ಶೋ ಲಾಸ್ಟ್ ಮಾಡಲಾಗುತ್ತಿದೆ. ನೈಟ್​ ಶೋ ಒಂದು ಸ್ಥಗಿತಗೊಳಿಸಲಾಗುತ್ತಿದೆ. ಇದರಿಂದ ಶೇ.30ರಷ್ಟು ಕಲೆಕ್ಷನ್​​ಗೆ ಕತ್ತರಿ ಬೀಳಲಿದೆ. ಕಾರಣ ಹೆಚ್ಚು ಮಂದಿ ನೈಟ್​ ಶೋ ನೋಡಲು ಇಷ್ಟಪಡುತ್ತಾರೆ. ಬೆಳಗಿನ ಶೋಗಳೆಲ್ಲ ಖಾಲಿ ಇದ್ದರೂ, ನೈಟ್​ ಶೋ ಬಹುತೇಕ ಕಡೆ ಹೌಸ್​ಫುಲ್​ ಆಗುತ್ತೆ. ವೀಕೆಂಡ್​ನಲ್ಲಿ ಹೆಚ್ಚು ಮಂದಿ ನೈಟ್ ಶೋ ಸಿನಿಮಾ ನೋಡಲು ಇಷ್ಟಪಡುತ್ತಾರೆ.

ಇದನ್ನು ಓದಿ: ಗೋವಾದಲ್ಲಿ ಸ್ನೇಹಿತರೊಂದಿಗೆ ಸಮಂತಾ ಫುಲ್​ ಮಸ್ತಿ: ನಟಿಯ ಹಾಟ್​ ಫೋಟೋಗಳು ವೈರಲ್​!

ನೈಟ್​ ಕರ್ಫ್ಯೂ ಮುಂದುವರೆದರೆ ಶೋ ಸಮಯ ಬದಲಾವಣೆ!

ಕೇವಲ ನೈಟ್ ಕರ್ಫ್ಯೂ 10 ದಿನಕ್ಕೆ ಮಾತ್ರ ಇರುವುದರಿಂದ ಕೊಂಚ ನಿರಾಳವಾಗಿದೆ. ಆದ್ರೆ ಒಂದು ವೇಳೆ ನೈಟ್ ಕರ್ಫ್ಯೂ ಮುಂದುವರಿದ್ರೆ ಸಮಯ ಬದಲಾವಣೆ ಮಾಡಬೇಕಾಗುತ್ತೆ. ಬೇರೆ ಸಮಯ ಬದಲಿಸಿದ್ರೆ ಜನ ಬರೋದು ಡೌಟ್. ಇನ್ನೇನು ಕೊರೊನಾ ಮುಗೀತು ನಾವು ಆರಾಮಾಗಿ ಇರಬಹುದು ಎಂದು ಕೊಂಡಿದ್ದವರಿಗೆ ಮತ್ತೆ ಶಾಕ್​ ನೀಡಿದೆ. ಸಂಪೂರ್ಣ ಥಿಯೇಟರ್ ಓಪನ್​ ಅವಕಾಶ ಸಿಕ್ತು ಎಂದು ಖುಷಿ ಪಡುವಷ್ಟರಲ್ಲಿ ಮತ್ತೆ ಆತಂಕ ಎದುರಾಗಿದೆ.
Published by:Vasudeva M
First published: