Darshan: ರಿಲೀಸ್​ ಆಯ್ತು ದರ್ಶನ್​ ಅಭಿನಯದ ರಾಬರ್ಟ್​ ಸಿನಿಮಾದ ಮೋಷನ್​ ಪೋಸ್ಟರ್​..!

ಡಿಬಾಸ್ ದರ್ಶನ್ ನಿನ್ನೆಯಷ್ಟೆ ಫೇಸ್​ಬುಕ್​ ಲೈವ್​ನಲ್ಲಿ ರಾಬರ್ಟ್​ ಸಿನಿಮಾದ ರಿಲೀಸ್​ ದಿನಾಂಕ ಪ್ರಕಟಿಸಿದ್ದರು. ನಿನ್ನೆ ಬೆಳಿಗ್ಗೆ 11ಕ್ಕೆ ಫೇಸ್​ಬುಕ್​ನಲ್ಲಿ ಲೈವ್​ ಬಂದಿದ್ದ ದಾಸ ತಮ್ಮ ಹುಟ್ಟುಹಬ್ಬದ ಆಚರಣೆ, ಒಟಿಟಿ ರಿಲೀಸ್​ ಸೇರಿದಂತೆ ಹಲವಾರು ವಿಷಯಗಳ ಬಗ್ಗೆ ಅಭಿಮಾನಿಗಳಿಗೆ ಮಾಹಿತಿ ನೀಡಿದರು. ಅಲ್ಲದೆ ಫ್ಯಾನ್ಸ್​ ಕೇಳಿದ ಸಾಕಷ್ಟು ಪ್ರಶ್ನೆಗಳಿಗೂ ಉತ್ತರಿಸಿದರು. ಇದೇ ವೇಳೆ ಅಭಿಮಾನಿಯೊಬ್ಬರು ರಾಬರ್ಟ್​ ರಿಲೀಸ್​ ದಿನಾಂಕದ ಬಗ್ಗೆ ಪ್ರಶ್ನೆ ಕೇಳಿದಾಗ, ಸಿನಿಮಾದ ಬಿಡುಗಡೆ ದಿನಾಂಕವನ್ನು ಪ್ರಕಟಿಸಿಯೇ ಬಿಟ್ಟರು. ದರ್ಶನ್ ರಾಬರ್ಟ್​ ರಿಲೀಶ್​ ಡೇಟ್ ಪ್ರಕಟಿಸುತ್ತಿದ್ದಂತೆಯೇ ನಿರ್ದೇಶಕ ತರುಣ್​ ಸುಧೀರ್​ ಒಂದು ಪೋಸ್ಟರ್​ ಸಹ ಹಂಚಿಕೊಂಡರು.​ ತಮ್ಮ ಹುಟ್ಟುಹಬ್ಬದ ವಿಷಯವಾಗಿ ದರ್ಶನ್​ ತೆಗೆದುಕೊಂಡಿರುವ ನಿರ್ಧಾರ ತಿಳಿಯುತ್ತಿದ್ದಂತೆಯೇ ಕೊಂಚ ಬೇಸರಗೊಂಡಿದ್ದ ಅಭಿಮಾನಿಗಳು ಸಿನಿಮಾ ರಿಲೀಸ್​ ವಿಷಯ ತಿಳಿದು ಸಂಭ್ರಮಿಸಲಾರಂಭಿಸಿದರು. ಈಗ ಚಿತ್ರತಂಡ ರಾಬರ್ಟ್​ ಅಭಿಮಾನಿಗಳಿಗೆ ಮತ್ತೊಂದು ಸರ್ಪ್ರೈಸ್​ ಕೊಟ್ಟಿದೆ.  

ನಿನ್ನೆಯಷ್ಟೆ ದರ್ಶನ್​ ಅವರ ಹೊಸ ಪೋಸ್ಟರ್​ ರಿಲೀಸ್​ ಮಾಡಲಾಗಿತ್ತು. ಈಗ ಇದೇ ಸಿನಿಮಾದ ರಿಲೀಸ್​ ದಿನಾಂಕ ಇರುವ ಮೋಷನ್​ ಪೋಸ್ಟರ್​ ಅನ್ನು ಆನಂದ್​ ಆಡಿಯೋ ಸಾಮಾಜಿಕ ಜಾಲತಾಣದಲ್ಲಿರುವ ಖಾತೆಯಲ್ಲಿ ರಿಲೀಸ್​ ಮಾಡಿದೆ.

This #MahaShivarathri we are gonna Stay Awake a Night before too ! #RoberrtStormMarch11 #MahaShivarathri #Roberrt

🔥▶ https://t.co/Fzh2DIzcjX ◀🔥@dasadarshan @TharunSudhir @ArjunJanyaMusic @StarAshaBhat @UmapathyFilms @umap30071 @Dcompany171 #DBoss #AnandAudio pic.twitter.com/LQ1AmZF5ql

— aanandaaudio (@aanandaaudio) January 11, 2021

ಮಹಾ ಶಿವರಾತ್ರಿಗೆ ರಾಬರ್ಟ್​ ರಿಲೀಸ್​ ಆಗಲಿದೆ. ಹಬ್ಬಕ್ಕೆ ಜಾಗರಣೆ ಮಾಡುವುದು ಇದ್ದದ್ದೇ. ಆದರೆ ಅದಕ್ಕೂ ಮುಂಚಿತವಾಗಿ ಒಂದು ದಿನ ನಿದ್ದೆ ಮಾಡದೆ ಎದ್ದಿರುತ್ತೇವೆ ಎಂದು ಈ ಮೋಷನ್​ ಪೋಸ್ಟರ್ ಅನ್ನು ಹಂಚಿಕೊಳ್ಳಲಾಗಿದೆ.

The Gaint is set to hit the theaters on MARCH 11th, 2021 😍... 

May ur love and support shower as always.

ರಾಬರ್ಟ್ ಆಬ್ಬರ ಮಾರ್ಚ್ 11,2021 ರಿಂದ ಚಿತ್ರಮಾಂದಿರದಲ್ಲಿ.#RoberrtStormMarch11#Roberrt #DBoss @UmapathyFilms@StarAshaBhat @IamJagguBhai @aanandaaudio pic.twitter.com/VO73TQlURr

— Tharun Sudhir (@TharunSudhir) January 10, 2021

ಈಗಾಗಲೇ ರಾಬರ್ಟ್​ ಸಿನಿಮಾದ ಚಿತ್ರೀಕರಣ ಮುಗಿದಿದ್ದು, ಪೋಸ್ಟ್​ ಪ್ರೊಡಕ್ಷನ್​ ಕೆಲಸಗಳು ಆರಂಭವಾಗಿದೆ. ತುಂಬಾ ಸಮಯದಿಂದ ರಾಬರ್ಟ್​ ಸಿನಿಮಾದ ಬಿಡುಗಡೆ ದಿನಾಂಕದ ಅಪ್ಡೇಟ್​ಗಾಗಿ ಕಾಯುತ್ತಿದ್ದ ಪ್ರೇಕ್ಷಕರ ಮುಖದಲ್ಲಿ ಮಂದಹಾಸ ಮೂಡಿದೆ.

ಇದನ್ನೂ ಓದಿ: Roberrt: ಶಿವರಾತ್ರಿ ಹಬ್ಬಕ್ಕೆ ರಾಬರ್ಟ್​ ರಿಲೀಸ್​: ದರ್ಶನ್​ ಅಭಿನಯದ ಯಾವ ಸಿನಿಮಾಗಳೂ ಒಟಿಟಿಯಲ್ಲಿ ತೆರೆ ಕಾಣೋದಿಲ್ಲ..!

ತರುಣ್​ ಸುಧೀರ್​ ನಿರ್ದೇಶನದ ಹಾಗೂ ಉಮಾಪತಿ ನಿರ್ಮಾಣದ ರಾಬರ್ಟ್​ ದರ್ಶನ್​ ಅಭಿನಯದ 53ನೇ ಚಿತ್ರವಾಗಿದ್ದು, ಈಗಾಗಲೇ ರಿಲೀಸ್ ಆಗಿರುವ ಟೀಸರ್​, ಪೋಸ್ಟರ್​ ಹಾಗೂ ಹಾಡುಗಳಿಂದ ಸಿನಿ ಪ್ರಿಯರಲ್ಲಿ ಸಾಕಷ್ಟು ಕುತೂಹಲ ಹೆಚ್ಚಿದೆ. ಇನ್ನು ಕೆಲವೇ ದಿನಗಳಲ್ಲಿ ರಾಬರ್ಟ್​ ಸಿನಿಮಾ ಕುರಿತಾದ ಒಂದೊದೇ ಅಪ್ಡೇಟ್​ಗಳು ಸಿಗಲು ಆರಂಭವಾಗುತ್ತದೆ.

ರಾಬರ್ಟ್​ ಸಿನಿಮಾದಲ್ಲಿ ನಾಯಕಿಯಾಗಿ ಆಶಾ ಭಟ್​, ಪ್ರಮುಖ ಪಾತ್ರದಲ್ಲಿ ಟಾಲಿವುಡ್​ ನಟ ಜಗಪತಿ ಬಾಬು ನಟಿಸಿದ್ದಾರೆ. ಇನ್ನು ಅವರ ಪಾತ್ರಕ್ಕೆ ಅವರೇ ಮೊದಲ ಬಾರಿಗೆ ಕನ್ನಡದಲ್ಲಿ ಡಬ್​ ಮಾಡಿರುವುದು ವಿಶೇಷ.

ಇದನ್ನೂ ಓದಿ: ಟಾಲಿವುಡ್​ ನಿರ್ದೇಶಕ ಸುಕುಮಾರ್​ ಹುಟ್ಟುಹಬ್ಬಕ್ಕೆ ಶುಭ ಕೋರಿದ ದರ್ಶನ್​..!

ಇನ್ನು ಸ್ಟಾರ್​ ನಟರ ಸಿನಿಮಾಗಳು ಒಟಿಟಿ ಮೂಲಕ ರಿಲೀಸ್ ಆಗಲಿವೆ ಎಂದೂ ಹೇಳಲಾಗುತ್ತಿದ್ದು, ದರ್ಶನ್​ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತಾಗಿ ಬೇಸರ ವ್ಯಕ್ತಡಿಸಿದ್ದರು. ಈ ಬಗ್ಗೆಯೂ ತಮ್ಮ ಫೇಸ್​ಬುಕ್​ ಲೈವ್​ನಲ್ಲಿ ಮಾತನಾಡಿರುವ ದರ್ಶನ್​, ನನ್ನ ಸಿನಿಮಾಗಳು ಯಾವುದೇ ಕಾರಣಕ್ಕೂ ಒಟಿಟಿ ಮೂಲಕ ರಿಲೀಸ್ ಕಾಣುವುದಿಲ್ಲ ಎಂದಿದ್ದಾರೆ.

ನಿರ್ಮಾಪಕರು ಕಷ್ಟಪಟ್ಟು ಹಣ ಹೂಡಿರುತ್ತಾರೆ. ಇಡೀ ಚಿತ್ರತಂಡ ಶ್ರಮಪಟ್ಟು ಕೆಲಸ ಮಾಡಿ ನಿರ್ಮಿಸಿರುವ ಸಿನಿಮಾವನ್ನು ಮೊಬೈಲ್​ನಲ್ಲಿ ನೋಡುವುದು ಸರಿಯಾದ ಕ್ರಮವಲ್ಲ. ಬೆಳ್ಳಿತೆರೆ ಮೇಲೆ ಸಿನಿಮಾ ನೋಡಿ ಪ್ರೇಕ್ಷಕರು ಹೊಡೆಯುವ ಸೀಟಿ ಹಾಗೂ ಚಪ್ಪಾಳೆ ನಮಗೆ ಮುಖ್ಯ. ಚಿತ್ರಮಂದಿರಗಳಲ್ಲಿ ಶೇ 50 ರಷ್ಟು ಹೋಗಲಿ ಶೇ 25ರಷ್ಟು ಪ್ರೇಕ್ಷಕರಿಗೆ ಅನುಮತಿ ನೀಡಿದರೂ ನಾವು ಚಿತ್ರಮಂದಿಗಳಲ್ಲೇ ಸಿನಿಮಾ ರಿಲೀಸ್​ ಮಾಡುತ್ತೇವೆ ಎಂದು ದರ್ಶನ್​ ಸ್ಪಷ್ಟಪಡಿಸಿದ್ದಾರೆ.