Nayanthara: ಮಗುವನ್ನೆತ್ತಿ ನಗು ನಗುತ್ತಾ ಪೋಸ್ ಕೊಟ್ಟ ನಯನತಾರಾ! ಅವಳಿ ಮಕ್ಕಳ ಜೊತೆ ಏಪೋರ್ಟ್​ನಲ್ಲಿ ಸೌತ್ ಜೋಡಿ

ನಟಿ ನಯನತಾರಾ (Nayanthara) ಅವರು ನಿರ್ದೇಶಕ ವಿಘ್ನೇಶ್ ಶಿವನ್  (Vighnesh Shivan) ಜೊತೆ ಪುಟ್ಟ ಮಕ್ಕಳನ್ನು ಎತ್ತಿಕೊಂಡು ಏರ್ಪೋರ್ಟ್​ನಲ್ಲಿ (Airport) ಕಾಣಿಸಿಕೊಂಡರು. ಪತಿ ವಿಘ್ನೇಶ್ ಜೊತೆ ಮುಂಬೈ ಏರ್ಪೋರ್ಟ್​ನಲ್ಲಿದ್ದರು ನಟಿ (Actress). ಇದು ಮಕ್ಕಳ ಜೊತೆ ಅವರ ಮೊದಲ ಪಬ್ಲಿಕ್ ಅಪಿಯರೆನ್ಸ್. ಸೌತ್ ನಟಿ ನಯನತಾರಾ ಅವರ ಪತಿ ಹಾಗೂ ತಮಿಳಿನ ಖ್ಯಾತ ನಿರ್ದೇಶಕ ವಿಘ್ನೇಶ್ ಶಿವನ್ ಜೊತೆ ಮುಂಬೈನಲ್ಲಿ (Mumbai) ಕಾಣಿಸಿಕೊಂಡಿದ್ದು ಅವರ ಮುದ್ದು ಮಕ್ಕಳನ್ನೂ ಎತ್ತಿಕೊಂಡಿದ್ದರು. ಅವರನ್ನು ಕಾಣುತ್ತಿದ್ದಂತೆ ಮಾಧ್ಯಮದವರು ಫೋಟೋ ಕ್ಲಿಕ್ಕಿಸಿಕೊಂಡು ವಿಡಿಯೋ (Video) ಕೂಡಾ ಮಾಡಿದ್ದಾರೆ.

ಫ್ಯಾಮಿಲಿ ಔಟಿಂಗ್ ಸಂದರ್ಭ ನಯನತಾರಾ ಬ್ಯ್ಲಾಕ್ ಟೀ ಶರ್ಟ್ ಬ್ಲ್ಯಾಕ್ ಜೀನ್ಸ್ ಧರಿಸಿದ್ದರು. ವಿಘ್ನೇಶ್ ಹಸಿರು ಟೀಶರ್ಟ್ ಹಾಗೂ ಬ್ಲ್ಯಾಕ್ ಜೀನ್ಸ್ ಧರಿಸಿದ್ದರು. ಮಕ್ಕಳು ಮ್ಯಾಚಿಂಗ್ ಡ್ರೆಸ್ ಧರಿಸಿದ್ದರು. ಕೆಂಪು ಹಾಗೂ ಕಪ್ಪು ಕಾಂಬಿನೇಷನ್ ಡ್ರೆಸ್ ಧರಿಸಿದ್ದರು. ನಯನತಾರಾ ಹಾಗೂ ವಿಘ್ನೇಶ್ ನಗುತ್ತಾ ಕ್ಯಾಮೆರಾಗೆ ಕೈಬೀಸಿದ್ದಾರೆ.

ಜೂನ್​ನಲ್ಲಿ ಮದುವೆಯಾಗಿದ್ದ ಜೋಡಿ

ನಯನತಾರಾ ಹಾಗೂ ವಿಘ್ನೇಶ್ ಶಿವನ್ ಚೆನ್ನೈನಲ್ಲಿ ವಿವಾಹಿತರಾದರು. ಜೂನ್ 9 2022ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಆಪ್ತ ಸ್ನೇಹಿತರು ಹಾಗೂ ಕೆಲವೇ ಅತಿಥಿಗಳ ಸಮ್ಮುಖದಲ್ಲಿ ಅವರು ವಿವಾಹಿತರಾದರು. ಸರೋಗಸಿ ಮೂಲಕ ಈ ಜೋಡಿ ಅವಳಿ ಮಕ್ಕಳಿಗೆ ಪೋಷಕರಾದರು. ಉಯಿರ್ ಹಾಗೂ ಉಲಗಂ ಇವರ ಮಕ್ಕಳ ಹೆಸರು. ಈ ಜೋಡಿ ತಮ್ಮ ಮಕ್ಕಳ ಪಾದಗಳನ್ನು ಕಿಸ್ ಮಾಡುತ್ತಿದ್ದ ಫೊಟೋ ಶೇರ್ ಮಾಡಿದ್ದರು.

View this post on Instagram

A post shared by Viral Bhayani (@viralbhayani)

ನಮ್ಮ ಎಲ್ಲಾ ಪ್ರಾರ್ಥನೆಗಳು, ನಮ್ಮ ಪೂರ್ವಜರ ಆಶೀರ್ವಾದ ಸೇರಿ ನಮಗೆ ಇಬ್ಬರು ಮಕ್ಕಳಾಗಿದ್ದಾರೆ. ನಮ್ಮ ಉಯಿರ್ ಮತ್ತು ಉಲಗಂಗೆ ನಿಮ್ಮೆಲ್ಲರ ಆಶೀರ್ವಾದ ಬೇಕು. ಜೀವನವು ಪ್ರಕಾಶಮಾನವಾಗಿ ಮತ್ತು ಸುಂದರವಾಗಿ ಕಾಣುತ್ತದೆ. ದೇವರು ಡಬಲ್ ಗ್ರೇಟ್ ಎಂದು ಪೋಸ್ಟ್ ಹಾಕಿದ್ದರು.

ಇದನ್ನೂ ಓದಿ: Satish Kaushik: ವಿವಾಹಿತನಿಂದ ಗರ್ಭಿಣಿಯಾಗಿದ್ದ ಸ್ಟಾರ್ ನಟಿ! ಡೋಂಟ್ ವರಿ, ನಾನು ನಿನ್ನ ಮದ್ವೆಯಾಗ್ತೀನಿ ಎಂದಿದ್ರು ಸತೀಶ್ ಕೌಶಿಕ್

ನಟಿ ನಯನತಾರಾ 2003ರಲ್ಲಿ ಮನಸಿನಕ್ಕರೆ ಸಿನಿಮಾ ಮೂಲಕ ಮಾಲಿವುಡ್​ಗೆ ಎಂಟ್ರಿ ಕೊಟ್ಟರು. ನಂತರದ ವರ್ಷಗಳಲ್ಲಿ ತಮಿಳಿನಲ್ಲಿ ಅಯ್ಯ(2005), ತೆಲುಗಿನಲ್ಲಿ ಲಕ್ಷ್ಮಿ(2006), ಕನ್ನಡದಲ್ಲಿ ಸೂಪರ್(2010)ರಲ್ಲಿ ನಟಿಸಿದ್ದರು.

ನಯನತಾರಾ ಹಾಗೂ ವಿಘ್ನೇಶ್ ರೌಡಿ ಪಿಕ್ಚರ್ಸ್ ಎನ್ನುವ ಪ್ರೊಡಕ್ಷನ್ ಹೌಸ್ ನಿರ್ಮಿಸಿದ್ದು 2021ರಲ್ಲಿ ಲಾಂಚ್ ಮಾಡಿದ್ದಾರೆ. ಇದರಲ್ಲಿ ಕೂಳಂಗಳ್, ನೆಟ್ರಿಕನ್, ಕಾತುವಾಕುಲ ರಂಡು ಕಾದಲ್ ಸಿನಿಮಾ ನಿರ್ಮಿಸಿದ್ದಾರೆ.