ಬಾಲಿವುಡ್ ಸ್ಟಾರ್ ನಟನ ತಮ್ಮನಿಂದ 9 ವರ್ಷದ ಬಾಲಕಿಗೆ ಲೈಂಗಿಕ ಕಿರುಕುಳ; ಕಣ್ಮುಚ್ಚಿ ಕುಳಿತ ಪೊಲೀಸರು?

ಅಪ್ರಾಪ್ತೆಯರಿಗೆ ಲೈಂಗಿಕ ಕಿರುಕುಳ ನೀಡುವ ಪ್ರಕರಣ ಹೆಚ್ಚುತ್ತಲೇ ಇದೆ. ಈ ಬಗ್ಗೆ ಅರಿವು ಮೂಡಿಸುವ ಬಗ್ಗೆ ಸಾಕಷ್ಟು ಸಿನಿಮಾಗಳು ತೆರೆಕಂಡಿವೆ. ಇನ್ನು, ಅನೇಕ ನಟ-ನಟಿಯರು ಈ ಅಪರಾಧದ ವಿರುಧ್ಧ ಧ್ವನಿ ಎತ್ತಿದ್ದಾರೆ. ವಿಚಿತ್ರ ಎಂದರೆ, ಈಗ ಬಾಲಿವುಡ್​ನ ಸ್ಟಾರ್​ ನಟನ ತಮ್ಮನ ವಿರುದ್ಧ ಅಪ್ರಾಪ್ತೆಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪ ಕೇಳಿ ಬಂದಿದೆ.

ಅದು ಬೇರೆ ಯಾರೂ ಅಲ್ಲ ನವಾಜುದ್ದೀನ್​ ಸಿದ್ಧಿಕಿ ತಮ್ಮ ಮಿನಾಜುದ್ದಿನ್​ ಸಿದ್ಧಿಕಿ. ವಿಚಿತ್ರ ಎಂದರೆ, ಹೀಗೊಂದು ಆರೋಪ ಮಾಡಿದ್ದು ಬೇರಾರು ಅಲ್ಲ ನವಾಜುದ್ದೀನ್​ ಸೋದರ ಸೊಸೆ. ಸಂದರ್ಶನವೊಂದರಲ್ಲಿ ಅವರು ತಮಗಾದ ಕಹಿ ಘಟನೆ ಬಗ್ಗೆ ನೆನೆದಿದ್ದಾರೆ.

ಅವರು ಹೇಳೋ ಪ್ರಕಾರ ಆಕೆಗೆ 9 ವರ್ಷ ಇದ್ದಾಗಲೇ ಮಿನಾಜುದ್ದೀನ್​ ಲೈಂಗಿಕ ಕಿರುಕುಳ ನೀಡಿದ್ದರಂತೆ. “ನನಗೆ ಈಗ ವಯಸ್ಸು 20. ಆದರೆ, ನನಗಾದ ಕಹಿ ಘಟನೆ ನಡೆಯುವಾಗ ನನ್ನ ವಯಸ್ಸು 9 ವರ್ಷ ಆಗಿತ್ತು. ಮಿನಾಜುದ್ದಿನ್​ ಮನೆಗೆ ಬಂದಾಗ ನನ್ನ ಖಾಸಗಿ ಭಾಗಗಳನ್ನು ಮುಟ್ಟುತ್ತಿದ್ದರು. ಆಗ ನನಗೆ ಏನು ಅರ್ಥವೇ ಆಗುತ್ತಿರಲಿಲ್ಲ. ಆದರೆ, ಬರುಬರುತ್ತಾ ಆ ಬಗ್ಗೆ ನನಗೆ ಅರ್ಥವಾಗಿತ್ತು,” ಎಂದು ಕಹಿ ಘಟನೆ ನೆನೆದಿದ್ದಾರೆ.

ಇದನ್ನೂ ಓದಿ: ಕೊರೋನಾ ನಿಧಿ ಸಂಗ್ರಹಕ್ಕೆ ತನ್ನ ನಗ್ನ ಫೋಟೋ ಹರಾಜಿಗಿಟ್ಟ ನಟಿ!

“2017ರಲ್ಲಿ ನಾನು ನನ್ನ ಮನೆಯಲ್ಲಿ ಕೂತಿದ್ದೆ. ಈ ವೇಳೆ ಮಿನಾಜುದ್ದಿನ್​ ಆಗಮಿಸಿದ್ದರು. ಬಂದವರೇ ನನ್ನ ದೇಹದ ಖಾಸಗಿ ಜಾಗಗಳನ್ನು ಮುಟ್ಟಲು ಆರಂಭಿಸಿದ್ದರು. ಈ ವೇಳೆ ನಾನು ಕೂಗಿಕೊಂಡಿದ್ದೆ. ಆಗ ನನಗೆ ಅವರು ಬೆಲ್ಟ್​ ನಿಂದ ಹೊಡೆದಿದ್ದರು,” ಎನ್ನುತ್ತಾರೆ ಸಂತ್ರಸ್ತೆ.

ಈ ಘಟನೆ ಬಗ್ಗೆ ಎಲ್ಲರಿಗೂ ಗೊತ್ತಿದ್ದು ಸುಮ್ಮನಿದ್ದಾರೆ ಎಂಬುದು ಸಂತ್ರಸ್ತೆಯ ಆರೋಪ. “ನನಗಾದ ಕಿರುಕುಳದ ಬಗ್ಗೆ ಮನೆಯಲ್ಲಿ ಹೇಳಿಕೊಂಡಿದ್ದೇನೆ. ಆದರೆ, ಅದನ್ನು ಯಾರೂ ನಂಬಲು ಸಿದ್ಧರಿಲ್ಲ. ಎಲ್ಲರೂ ಮಿನಾಜುದ್ದಿನ್​ ಬೆಂಬಲಕ್ಕೆ ನಿಲ್ಲುತ್ತಾರೆ. ನವಾಜುದ್ದಿನ್​ ಕೂಡ ನನ್ನ ತಮ್ಮ ಆ ರೀತಿ ಮಾಡಲು ಸಾಧ್ಯವೇ ಇಲ್ಲ. ನೀನೇ ಸುಳ್ಳು ಆರೋಪ ಮಾಡುತ್ತಿದ್ದೀಯ ಎನ್ನುತ್ತಾರೆ. ಈ ವಿಚಾರವಾಗಿ ನಾನು ಠಾಣೆ ಮೆಟ್ಟಿಲೇರಿದ್ದರೂ ಯಾವುದೇ ಪ್ರಯೋಜನ ಆಗಿಲ್ಲ,” ಎಂದು ಬೇಸರ ಹೊರಹಾಕುತ್ತಾರೆ ಅವರು.