Naseeruddin Shah: ನಾಸಿರುದ್ದೀನ್​ ಶಾ ಆರೋಗ್ಯದ ಕುರಿತು ಸ್ಪಷ್ಟನೆ ಕೊಟ್ಟ ಮಗ ವಿವಾನ್​ ಶಾ..!

ಈ ವರ್ಷದ ಏಪ್ರಿಲ್​ ತಿಂಗಳು ನಿಜಕ್ಕೂ ಭಾರತೀಯ ಚಿತ್ರರಂಗದ ಪಾಲಿಗೆ ಕರಾಳ ತಿಂಗಳು ಎಂದೇ ಕರೆಯಲಾಗುತ್ತಿದೆ. ಮೊನ್ನೆ ನೈಜ ಅಭಿನಯದ ಸರಳ ವ್ಯಕ್ತಿತ್ವದ ನಟ ಇರ್ಫಾನ್​ ಖಾನ್​ ಹಾಗೂ ನಿನ್ನೆ ರಿಷಿ ಕಪೂರ್ ಬಾಲಿವುಡ್​ ಅನ್ನು ಅನಾಥವನ್ನಾಗಿ ಮಾಡಿ ಹೋದರು. ಇವರ ಅಗಲಿಕೆಯ ಕಹಿ ಸತ್ಯವನ್ನು ಅರಗಿಸಿಕೊಳ್ಳುವ ಮುನ್ನವೇ ಮತ್ತೋರ್ವ ಹಿರಿಯ ನಟನ ಅನಾರೋಗ್ಯದ ಕುರಿತಾದ ಸುದ್ದಿಯೊಂದು ಹಡಿದಾಡುತ್ತಿದೆ.

ಹೌದು, ಆ ಹಿರಿಯ ನಟ ಮತ್ತಾರೂ ಅಲ್ಲ ನಾಸಿರುದ್ದೀನ್​ ಶಾ. ವಿಭಿನ್ನ ಪಾತ್ರಗಳ ಮೂಲಕ ತಮ್ಮದೇ ಆದ ಪ್ರೇಕ್ಷಕ ವರ್ಗವನ್ನು ಸೃಷ್ಟಿಸಿಕೊಂಡಿರುವ ಪ್ರತಿಭಾನ್ವಿತ ನಟ. ಈ ನಟನ ಆರೋಗ್ಯದಲ್ಲಿ ಏರುಪೇರಾಗಿದ್ದು, ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎನ್ನುವ ಸುದ್ದಿಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.

ನಾಸಿರುದ್ದೀನ್ ಶಾ ಅವರ ಆರೋಗ್ಯ ಕುರಿತಾದ ವದಂತಿಗಳಿಗೆ ಅವರ ಮಗ ವಿವಾನ್​ ಶಾ ಫುಲ್​ ಸ್ಟಾಪ್​ ಇಟ್ಟಿದ್ದಾರೆ. ನ್ಯೂಸ್​ 18 ಜೊತೆ ಮಾತನಾಡಿರುವ ಅವರು, ತಮ್ಮ ತಂದೆ ಆರೋಗ್ಯದಿಂದಿದ್ದಾರೆ. ಮನೆಯಲ್ಲೇ ಆರಾಮಾಗಿದ್ದಾರೆ. ಸದ್ಯ ಹರಿದಾಡುತ್ತಿರುವ ಸುದ್ದಿಗಳೆಲ್ಲ ಸುಳ್ಳು ಸುದ್ದಿಗಳು ಎಂದು ಸ್ಪಷ್ಟನೆ ನೀಡಿದ್ದಾರೆ.

JUST IN : Nasiruddin shah has been admitted to hospital.

He was in treatment from past fue days.
God bless him with good health.#IrrfanKhan #RishiKapoorji#naseeruddinshahhttps://t.co/4Yjr01p5g3

— Samad. (@iSamadkhan_) April 30, 2020

ಜೊತೆಗೆ ನಟಿ ಸುಪ್ರಿಯಾ ಪಾಠಕ್​ ಸಹ ಈ ವದಂತಿಗಳನ್ನು ತಳ್ಳಿ ಹಾಕಿದ್ದಾರೆ. ನಾಸಿರುದ್ದೀನ್​ ಶಾ ಅವರ ಮಗ ವಿವಾನ್​ ಶಾ ಅವರ ಟ್ವೀಟ್​ ಇಲ್ಲಿದೆ.

All well everyone! Baba's just fine. All the rumours about his health are fake. He's keeping well 🙏Praying for Irfan Bhai and Chintu ji. Missing them a lot. Deepest condolences to their families. Our hearts go out to all of them. It's a devastating loss for all of us 😔🙏

— Vivaan Shah (@TheVivaanShah) April 30, 2020

ನಾಸಿರುದ್ದೀನ್​ ಶಾ ಅವರು ಸಹ ನಟ ಇರ್ಫಾನ್​ ಖಾನ್​ ಅವರ ನಿಧನಕ್ಕೆ ಸಂತಾಪ ಸೂಚಿಸಿದ್ದರು. ಇದೇ ವೇಳೆ ನಾಸಿರುದ್ದೀನ್​ ಅವರ ಆರೋಗ್ಯದ ಕುರಿತಾದ ವದಂತಿಗಳಿಂದಾಗಿ ಅವರ ಅಭಿಮಾನಿಗಳಿಗೆ ಆಘಾತವಾಗಿತ್ತು. ಆದರೆ ಅದೆಲ್ಲ ಸುಳ್ಳು ಸುದ್ದಿ ಎಂದು ತಿಳಿಯುತ್ತಿದ್ದಂತೆಯೇ ಕೊಂಚ ನಿರಾಳರಾಗಿದ್ದಾರೆ.

ಪಂಚಭೂತಗಳಲ್ಲಿ ಲೀನವಾದ ರಿಷಿ ಕಪೂರ್: ಅಂತಿಮ ನಮನ ಸಲ್ಲಿಸಿದ ನೀತು-ರಣಬೀರ್​ ಕಪೂರ್​..!