Nani: ನ್ಯಾಚುರಲ್​ ಸ್ಟಾರ್ ನಾನಿ ಅಭಿನಯದ ವಿ ಸಿನಿಮಾದ ಒಟಿಟಿ ರಿಲೀಸ್​ಗೆ ದಿನಾಂಕ ಫಿಕ್ಸ್​..!

ಕೊರೋನಾ ಭೀತಿಯಿಂದಾಗಿ ಇನ್ನೂ ಸಹ ಲಾಕ್​ಡೌನ್​ ಅನ್ನು ಸಂಪೂರ್ಣವಾಗಿ ಸಡಿಲಗೊಳಿಸಲಾಗಿಲ್ಲ. ಇದರಿಂದಾಗಿಯೇ ಚಿತ್ರಮಂದಿರಗಳು ಇನ್ನೂ ಲಾಕಾಗಿಯೇ ಇವೆ. ಇದೇ ಕಾರಣದಿಂದಾಗಿ ಸಾಕಷ್ಟು ಸಿನಿಮಾಗಳ ರಿಲೀಸ್​ ದಿನಾಂಕ ಸಹ ಮುಂದಕ್ಕೆ ಹೋಗುತ್ತಲೇ ಇದೆ. 

ಆದರೆ, ಕೆಲ ಫಿಲ್ಮ್​ ಮೇಕರ್ಸ್​ ಮಾತ್ರ ತಮ್ಮ ಸಿನಿಮಾಗಳನ್ನು ಒಟಿಟಿ ವೇದಿಕೆ ಮೂಲಕ ರಿಲೀಸ್​ ಮಾಡುತ್ತಿದ್ದಾರೆ. ಬಾಲಿವುಡ್​ನ ಸಾಕಷ್ಟು ಚಿತ್ರಗಳು ಈಗಾಗಲೇ ಒಟಿಟಿ ಮೂಲಕ ರಿಲೀಸ್​ ಆಗಿವೆ. ಇನ್ನು ತೆರೆಕಾಣಲು ಹಲವಾರು ಸಿನಿಮಾಗಳು ಸಾಲುಗಟ್ಟಿವೆ. ಈಗ ಒಟಿಟಿ ಮೂಲಕ ಆಗೊಂದು ಈಗೊಂದು ತೆಲುಗು ಸಿನಿಮಾಗಳು ರಿಲೀಸ್​ ಆಗುತ್ತಿದೆ. ಈ ಪಟ್ಟಿಗೆ ನ್ಯಾಚುರಲ್​ ಸ್ಟಾರ್​ ನಾನಿ ಅಭಿನಯದ 'ವಿ' ಸಿನಿಮಾ ಸಹ ಸೇರಿಕೊಂಡಿದೆ.

View this post on Instagram

A post shared by Nani (@nameisnani) on Aug 19, 2020 at 6:32am PDT

ಅಮೆಜಾನ್​ ಪ್ರೈಂನಲ್ಲಿ ಸೆ.5ಕ್ಕೆ ರಿಲೀಸ್ ಆಗಲಿದೆ. ಈ ವಿಷಯವನ್ನು ಬಹಳ ಆತ್ಮೀಯವಾಗಿ ಅಭಿಮಾನಿಗಳಿಗೆ ಪತ್ರ ಬರೆಯುವ ಮೂಲಕ ತಿಳಿಸಿದ್ದಾರೆ ನಾನಿ. ಹೌದು, ಈ 12 ವರ್ಷಗಳು ನನ್ನು ನೋಡಲು ನೀವು ಚಿತ್ರಮಂದಿರಕ್ಕೆ ಬರುತ್ತಿದ್ರಿ, ಆದರೆ ಈಗ ನಿಮಗೆಲ್ಲ ಧನ್ಯವಾದ ತಿಳಿಸಲು ನಾನು ನಿಮ್ಮ ಮನೆಗೆ ಬರುತ್ತಿದ್ದೇನೆ ಎಂದು ತಮ್ಮ ಸಿನಿಮಾ ಒಟಿಟಿ ರಿಲೀಸ್ ದಿನಾಂಕ ತಿಳಿಸಿದ್ದಾರೆ.

View this post on Instagram

‪V is coming home ❤️‬ ‪September 5th.. The Hunt is On!‬ #VOnPrime ‬

A post shared by Nani (@nameisnani) on Aug 20, 2020 at 12:43am PDT

ಇಂದ್ರಗಂಟಿ ಮೋಹನ್​ಕೃಷ್ಣ ನಿರ್ದೇಶನದ ಈ 'ವಿ' ಸಿನಿಮಾದಲ್ಲಿ ಸುಧೀರ್​ ಬಾಬು ನಾಯಕನಾಗಿ ಕಾಣಿಸಿಕೊಂಡರೆ, ನಾನಿ ನೆಗೆಟಿವ್​ ಶೇಟ್​ನಲ್ಲಿ ನಟಿಸಿದ್ದಾರೆ. ಇದು ನಾನಿ ಅಭಿನಯದ 25ನೇ ಚಿತ್ರವಾಗಿದೆ.

ನಾನಿ ಅಭಿನಯದ ವಿ ಸಿನಿಮಾವನ್ನು ನಿರ್ಮಾಪಕ ದಿಲ್​ ರಾಜು 33 ಕೋಟಿಗೆ ಅಮೆಜಾನ್​ ಪ್ರೈಂಗೆ ಮಾರಾಟ ಮಾರಿದ್ದಾರೆ ಎನ್ನಲಾಗುತ್ತಿದೆ. ಇನ್ನು ಉಳಿದಂತೆ ಟ್ಯಾಕ್ಸಿವಾಲಾ ಖ್ಯಾತಿಯ ನಿರ್ದೇಶಕ ರಾಹುಲ್​ ಅವರು ಆ್ಯಕ್ಷನ್​ ಕಟ್​ ಹೇಳಿರುವ ಶ್ಯಾಮ್​ ಸಿಂಗ ರಾಯ್​ ಚಿತ್ರದಲ್ಲಿ ನಾನಿ ನಾಯಕನಾಗಿ, ಸಾಯಿ ಪಲ್ಲವಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಜೊತೆಗೆ ವಿಲನ್​ ಪಾತ್ರಕ್ಕಾಗಿ ಬಾಲಿವುಟ್​ ನಟಿಯನ್ನು ಆಯ್ಕೆ ಮಾಡಲಾಗಿದೆಯಂತೆ.