ಚಿಕ್ಕಬಳ್ಳಾಪುರದಲ್ಲಿ RRR Mega Pre Release Event ಸ್ಟಾರ್ಟ್​! ಜ್ಯೂ.NTR-ರಾಮ್​ಚರಣ್​ ನೋಡಲು ಸಾಗರೋಪಾದಿಯಲ್ಲಿ ಸೇರಿದ ಫ್ಯಾನ್ಸ್​

ರಾಜಮೌಳಿ ನಿರ್ದೇಶನ ಮಾಡಿರುವ ಆರ್​ಆರ್​ಆರ್​​ ಸಿನಿಮಾ ವಿಶ್ವಾದ್ಯಂತ ಮಾ.25ರಂದು ಬಿಡುಗಡೆ ಆಗಲಿದೆ. ಇಂದು (ಮಾ.19) ಚಿಕ್ಕಬಳ್ಳಾಪುರದ ಅಗಲಗುರ್ಕಿಯಲ್ಲಿ ಅದ್ದೂರಿಯಾಗಿ ಪ್ರೀ-ರಿಲೀಸ್​ ಇವೆಂಟ್​ (RRR Movie Pre-Release event) ಕಾರ್ಯಕ್ರಮ ನಡೆಯುತ್ತಿದೆ. ಚಿತ್ರತಂಡ ಈಗಾಗಲೇ , ಆಂಧ್ರ(Andhra), ತಮಿಳುನಾಡು(Tamil nadu), ಕೇರಳ(Kerala), ಮುಂಬೈ(Mumbai)ನಲ್ಲಿ ಅಬ್ಬರದ ಪ್ರಚಾರ ನಡೆಸಿದ್ದಾರೆ. ಇಂದು ಚಿಕ್ಕಬಳ್ಳಾಪುರದಲ್ಲಿ ದಾಖಲೆ ಮಟ್ಟದಲ್ಲಿ ಪ್ರೀ ರಿಲೀಸ್ ಇವೆಂಟ್ ಕಾರ್ಯಕ್ರಮ ನಡೆಯುತ್ತಿದೆ. ಎಸ್​.ಎಸ್​.ರಾಜಮೌಳಿ (S.S Rajamouli) ಅಂದರೆ ಅಲ್ಲಿ ಹೊಸತನ ಇರುತ್ತೆ. ಅದು ಚಿತ್ರದಲ್ಲಿ ಆಗಲಿ, ಸಿನಿಮಾದ ಪ್ರಚಾರದಲ್ಲಿ ಆಗಲಿ, ವಿಭಿನ್ನವಾಗಿಯೇ ಪ್ರಮೋಷನ್(Promotion)​ ಮಾಡಿದ್ದಾರೆ. ಈ ಕಾರ್ಯಕ್ರಮಕ್ಕೆ ಸಾಗರೋಪಾದದಿಯಲ್ಲಿ ಜನ ಸೇರಿದ್ದಾರೆ. ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಸಿಎಂ ಬಸವರಾಜ್ ಬೊಮ್ಮಾಯಿ(CM Basavaraj Bommai)​ ಹಾಜರಾಗಿದ್ದಾರೆ. ನಟ ಜ್ಯೂ.ಎನ್​ಟಿಆರ್​ ಹಾಗೂ ರಾಮ್​ಚರಣ್​ ನೋಡಲು ಜನ ಸೇರಿದ್ದಾರೆ.  ಮಾತಿನ ಮಲ್ಲಿ ಅನುಶ್ರೀ ಹಾಗೂ ತೆಲುಗು ಆ್ಯಂಕರ್​​ ಕಾರ್ಯಕ್ರಮವನ್ನು ನಿರೂಪಣೆ ಮಾಡುತ್ತಿದ್ದಾರೆ.

100 ಎಕರೆ ಜಾಗದಲ್ಲಿ ಪ್ರೀ ರಿಲೀಸ್​ ಇವೆಂಟ್​!

ಚಿಕ್ಕಬಳ್ಳಾಪುರದ ಅಗಲಗುರ್ಕಿ ಗ್ರಾಮದಲ್ಲಿ ಆರ್‌ಆರ್‌ಆರ್‌ ಸಿನಿಮಾದ ಪ್ರೀ ರಿಲೀಸ್ ಕಾರ್ಯಕ್ರಮ ನಡೆಯುತ್ತಿದೆ. ನೂರು ಎಕರೆ ಜಾಗದಲ್ಲಿ ಎರಡು ಲಕ್ಷ ಜನರ ಸಮ್ಮುಖದಲ್ಲಿ ಈ ಕಾರ್ಯಕ್ರಮ ನಡೆಯುತ್ತಿದೆ.  52 ಸಾವಿರ ಚದುರಡಿಯ ಬೃಹತ್​ ಎಲ್ಇಡಿ ಸ್ಕ್ರೀನ್​ ಹಾಗೂ 42 ಬೃಹತ್​ ಲೇಸರ್​​ ಲೈಟ್​ಗಳ ಬಹುದೊಡ್ಡ ಸ್ಟೇಜ್​ ಹಾಕಲಾಗಿದೆ.ಆರ್‌ಆರ್‌ಆರ್‌ ಪ್ರಿ ರಿಲೀಸ್ ಕಾರ್ಯಕ್ರಮಕ್ಕೆ ಸಿನಿಮಾ ಹಾಗೂ ರಾಜಕೀಯ ರಂಗದ ಗಣ್ಯರು ಆಗಮಿಸಿದ್ದಾರೆ.  ಕರ್ನಾಟಕದಲ್ಲಿ ಕೆವಿಎನ್​ ಪ್ರೊಡಕ್ಷನ್​ ಸಂಸ್ಥೆಯು ‘ಆರ್​ಆರ್​ಆರ್​’ ಸಿನಿಮಾದ ವಿತರಣೆ ಜವಾಬ್ದಾರಿಯನ್ನು ವಹಿಸಿಕೊಂಡಿದೆ.

ಸಿಎಂ ಬೊಮ್ಮಾಯಿ, ಸಚಿವ ಸುಧಾಕಾರ್​ ಭಾಗಿ

ರಾಷ್ಟ್ರಮಟ್ಟದಲ್ಲಿ ‘ಆರ್​ಆರ್​ಆರ್’​ ಸಿನಿಮಾದ ಪ್ರೀ-ರಿಲೀಸ್​ ಇವೆಂಟ್​ ಸದ್ದು ಮಾಡುತ್ತಿದೆ. ಕರ್ನಾಟಕದ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಆರೋಗ್ಯ ಸಚಿವ ಡಾ. ಕೆ. ಸುಧಾಕರ್​, ನಟ ಶಿವರಾಜ್​ಕುಮಾರ್​ ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದಾರೆ. ಯಾವುದೇ ಅಹಿತಕರ ಘಟನೆಗಳು ನಡೆಯದಂತೆ ನೋಡಿಕೊಳ್ಳಲು ಪೊಲೀಸ್​ ಬಿಗಿ ಬಂದೋಬಸ್ತ್​ ಮಾಡಿದ್ದಾರೆ.

ಇದನ್ನೂ ಓದಿ: ನಟ ಧನುಷ್ ಮಾಜಿ ಪತ್ನಿಗೆ ಮಾಡಿದ್ದ ಟ್ವೀಟ್ ಎಂತದ್ದು ಗೊತ್ತೇ? ಇದಕ್ಕೆ ಐಶ್ವರ್ಯಾ ಏನ್ ಹೇಳಿದ್ರು ನೋಡಿ

ಅಪ್ಪುಗಾಗಿ ಸ್ಪೆಷಲ್​ ಟ್ರಿಬ್ಯೂಟ್​ ಪರ್ಫಾಮೆನ್ಸ್​!

ಇನ್ನೂ ಈ ಕಾರ್ಯಕ್ರಮವನ್ನು ಪವರ್​ ಸ್ಟಾರ್​ ಪುನೀತ್​ ರಾಜ್​ಕುಮಾರ್​ ಅವರಿಗೆ ‘ಆರ್​ಆರ್​ಆರ್​’ ಚಿತ್ರತಂಡ ಅರ್ಪಿಸಿದೆ. ಕೊರಿಯಾಗ್ರಾಫರ್​ ಭೂಷಣ್​ ನೇತೃತ್ವದಲ್ಲಿ ವೇದಿಕೆ ಮೇಲೆ ಅಪ್ಪು ಅಭಿನಯದ ಹಾಡುಗಳಿಗೆ ಡ್ಯಾನ್ಸ್​ ಮಾಡಿದರು. ಇನ್ನೂಅಪ್ಪು ನೆನೆದು ಆರ್​ಆರ್​​ಆರ್​ಆರ್​ ಚಿತ್ರತಂಡ ಹಾಗೂ ನೆರೆದಿದ್ದ ಜನರು ಭಾವುಕರಾದರು.

ಕಾರ್ಯಕ್ರಮದಲ್ಲಿ ಭಾಗಿಯಾದ ಶಿವಣ್ಣ!

ಮಾರ್ಚ್​ 17ರಂದು ವಿಶ್ವವದಾದ್ಯಂತ ಜೇಮ್ಸ್​ ಸಿನಿಮಾ ರಿಲೀಸ್​ ಆಗಿದೆ. ಮೈಸೂರಿನಲ್ಲಿ ತಮ್ಮನ ಸಿನಿಮಾ ನೋಡಿ ಕಣ್ಣೀರು ಹಾಕಿದ್ದ ಶಿವಣ್ಣ, ಇಂದು ಆರ್​ಆರ್​ಆರ್​ ಪ್ರಿ ರಿಲೀಸ್​ ಇವೆಂಟ್​ನಲ್ಲಿ ಭಾಗಿಯಾಗಿದ್ದಾರೆ. ಶಿವಣ್ಣನ ನೋಡಿ ಅಭಿಮಾನಿಗಳು ಖುಷಿ ಪಟ್ಟರು.