Love Mocktail 2: ಏನು.. ಚಿನ್ನಿನಾ? ಯಾವಳೋ ಚಿನ್ನಿ? ಗಂಡನಿಗೇ ವಾರ್ನಿಂಗ್​ ಕೊಟ್ಟ ಮಿಲನಾ ನಾಗರಾಜ್​, ವಿಡಿಯೋ ಸಿಕ್ಕಾಪಟ್ಟೆ ವೈರಲ್​!

ಲವ್​ ಮಾಕ್​ಟೈಲ್(Love Mocktail)​.. ಪ್ರೇಮಿಗಳಿಗೆ ಈ ಸಿನಿಮಾ ಒಂದು ಪಾಠವನ್ನೇ ಕಲಿಸಿತ್ತು ಅಂದರೆ ತಪ್ಪಾಗಲ್ಲ. 2020ರ ಆರಂಭದಲ್ಲಿ ರಿಲೀಸ್​ ಆದ ‘ಲವ್​ ಮಾಕ್ಟೇಲ್​’ (Love Mocktail)ಸಿನಿಮಾ ಸೂಪರ್​ ಹಿಟ್​ ಆಗಿತ್ತು. ರಿಲೀಸ್​ ಆದ ದಿನ ಚಿತ್ರಮಂದಿರಗಳಿಗೆ ಜನ ಬರಲಿಲ್ಲ. ದಿನಗಳೆದಂತೆ ಈ ಸಿನಿಮಾ ಮಾಡಿದ ಕ್ರೇಜ್(Craze)​ ಇದೆಯಲ್ಲಾ, ಯಾವ ಕನ್ನಡ ಸಿನಿಮಾಗೂ ಆಗಿಲ್ಲ. ಸಿನಿಮಾ ಸೋತೇ ಹೋಯಿತು ಅಂದುಕೊಳ್ಳುವಾಗಲೇ ಲವ್​ಮಾಕ್​ಟೈಲ್​ ಸೂಪರ್​ ಡೂಪರ್(Super Duper Hit)​ ಹಿಟ್​ ಆಗಿತ್ತು. ನೋಡ ನೋಡುತ್ತಲೇ ಚಿತ್ರ ಬಾಕ್ಸಾಫೀಸ್​(Box Office)ನಲ್ಲಿ ಕಮಾಲ್​ ಮಾಡಿತ್ತು. ಕೊರೋನಾ ಕೊಂಚ ಬ್ರೇಕ್​ ಕೊಟ್ಟಿದ್ದಾಗ ಸಿನಿಮಾ ಚಿತ್ರಮಂದಿರಗಳಲ್ಲಿ ತೆರೆಕಂಡಿತ್ತು. ಇದಾದ ಬಳಿಕ ಒಟಿಟಿಯಲ್ಲೂ ಈ ಸಿನಿಮಾ ಸಖತ್​ ಸೌಂಡ್​ ಮಾಡಿತ್ತು. ಲವ್​ ಮಾಕ್​ಟೈಲ್​ 1 ಸಿನಿಮಾದ ಯಶಸ್ಸಿನಲ್ಲಿರುವಾಗಲೇ ಚಿತ್ರತಂಡ, ಲವ್​ ಮಾಕ್​ಟೈಲ್​ 2 ಸಿನಿಮಾ ಮಾಡುವುದಾಗಿ ಹೇಳಿದ್ದರು. ಇದೀಗ ಸಿನಿಮಾ ಕೂಡ ರೆಡಿಯಾಗಿದೆ. ಲವ್ ಮಾಕ್​ಟೈಲ್​ 2 ಸಿನಿಮಾ ರಿಲೀಸ್​ ಡೇಟ್​ ಕೂಡ ಅನೌನ್ಸ್​ ಮಾಡಿತ್ತು. ಫೆಬ್ರವರಿ 11ರಂದು ಸಿನಿಮಾ ರಿಲೀಸ್​ ಮಾಡುವುದಾಗಿ ಹೇಳಿಕೊಂಡಿತ್ತು. ಸಿನಿಮಾ ರಿಲೀಸ್​ ದಿನಾಂಕ ಹತ್ತಿರ ಬರುತ್ತಿದ್ದರು ಟ್ರೈಲರ್(Trailer)​ ಮಾತ್ರ ಇನ್ನೂ ರಿಲೀಸ್​ ಆಗಿಲ್ಲ. ಇದಕ್ಕೆ ಕೋಪ ಗೊಂಡಿರುವ  ಮಿಲನಾ ನಾಗರಾಜ್​ ಪತಿ ಡಾರ್ಲಿಂಗ್​ ಕೃಷ್ಣಗೆ ವಾರ್ನಿಂಗ್​ ಕೊಟ್ಟಿದ್ದಾರೆ. ಈ ವಿಡಿಯೋ ಇದೀಗ ಎಲ್ಲೆಡೆ ವೈರಲ್​ ಆಗುತ್ತಿದೆ.

ಟ್ರೈಲರ್​ ರಿಲೀಸ್ ಮಾಡುವಂತೆ ಮಿಲನಾ ಸ್ವೀಟ್ ವಾರ್ನಿಂಗ್​!

ಲವ್​ ಮಾಕ್​ಟೈಲ್​ ಸಿನಿಮಾದಲ್ಲಿ ಹೆಂಡತಿ ಹುಟ್ಟಹಬ್ಬವನ್ನು ಮರೆಯುವ ಗಂಡನಿಗೆ ಒದಿಯುವ ದೃಶ್ಯವೊಂದು ಸಖತ್​ ವೈರಲ್​ ಆಗಿತ್ತು. ಅದೇ ದೃಶ್ಯವನ್ನು ವಿಡಿಯೋ ಮಾಡಿ ಮಿಲನಾ ನಾಗರಾಜ್​, ಪತಿ ಕೃಷ್ಣಗೆ ವಾರ್ನಿಂಗ್​ ಕೊಟ್ಟಿದ್ದಾರೆ. ‘ಎಲ್ಲರೂ ಟ್ರೈಲರ್​ ರಿಲೀಸ್​ ಮಾಡುತ್ತಿದ್ದಾರೆ. ನೀನೇನ್​ ಮಾಡ್ತಿದ್ದೀಯಾ. ಟ್ರೈಲರ್​ ರೆಡಿ ಇದೆ ತಾನೆ ರಿಲೀಸ್ ಮಾಡೀಕೆ ಏನ್​ ಕಷ್ಟ ನಿನಗೆ ಅಂತ ಹೇಳಿದ್ದಾರೆ. ಈ ಸಿನಿಮಾದ ನಿರ್ಮಾಪಕಿ ನಾನು ನನ್ನ ಮಾತನ್ನೇ ಕೇಳಲ್ವಾ?ಮನೆಗೆ ಬಂದವರಿಗೆಲ್ಲ ಟ್ರೈಲರ್​ ತೋರಿಸ್ತೀಯಾ. ಆದ್ರೆ, ರಿಲೀಸ್​ ಮಾಡೋಕೆ ಏನ್​ ಪ್ರಾಬ್ಲಂ’ ಎಂದು ಅವರು ಅಂದಿದ್ದಾರೆ. ಇದಕ್ಕೆ ಡಾರ್ಲಿಂಗ್​ ಕೃಷ್ಣ ‘ರಿಲೀಸ್​ ಮಾಡ್ತೀನಿ. ಶೀಘ್ರದಲ್ಲೇ ಲವ್​ ಮಾಕ್​ಟೈಲ್​ 2 ಟ್ರೈಲರ್​ ಬರುತ್ತೆ’ ಅಂತ ವಿಡಿಯೋದಲ್ಲಿ ಹೇಳಿದ್ದಾರೆ.

View this post on Instagram

A post shared by Milana Nagaraj (@milananagaraj)

ಇದನ್ನು ಓದಿ : ಸೆಂಚುರಿ ಸ್ಟಾರ್ ಮೇಲೆ ಕಣ್ಣಿಟ್ಟ ಹೊಂಬಾಳೆ ಫಿಲ್ಮ್ಸ್​, ಸಂತೋಷ್​ ಆನಂದ್​ರಾಮ್​ ನಿರ್ದೇಶನದ ಚಿತ್ರದಲ್ಲಿ ಶಿವಣ್ಣ!

ಫೆಬ್ರವರಿ 11ಕ್ಕೆ ಲವ್​ ಮಾಕ್​ಟೈಲ್ - 2 ರಿಲೀಸ್​!​ 

ಶೀರ್ಷಿಕೆಯೇ ಸೂಚಿಸುವಂತೆ ಇದು ಲವ್​ ಸ್ಟೋರಿ ಸಿನಿಮಾ. ಪ್ರೇಮಿಗಳಿಗೆ ಸೂಕ್ತವಾಗುವಂತಹ ಕಥೆಯನ್ನು ನಿರೀಕ್ಷಿಸಲಾಗುತ್ತಿದೆ. ಹಾಗಾಗಿ ಫೆ.14ರ ಪ್ರೇಮಿಗಳ ದಿನದಂದು ಈ ಸಿನಿಮಾ ರಿಲೀಸ್​ ಆಗಬಹುದು ಎಂದು ಸಿನಿಪ್ರಿಯರು ಊಹಿಸಿದ್ದರು. ಆದರೆ, ಆ ದಿನಕ್ಕಿಂದ ಮೂರು ದಿನ ಮುನ್ನವೇ ಸಿನಿಮಾ ಬಿಡುಗಡೆಯಾಗುತ್ತಿದೆ . ‘ಲವ್​ ಮಾಕ್ಟೇಲ್​ 2’ ಚಿತ್ರಕ್ಕೆ ನಕುಲ್​ ಅಭ್ಯಂಕರ್​ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಈಗಾಗಲೇ ಬಿಡುಗಡೆ ಆಗಿರುವ ಹಾಡುಗಳು ಕೇಳುಗರಿಗೆ ಇಷ್ಟ ಆಗಿವೆ. ಚಿತ್ರದ ಸೆನ್ಸಾರ್​ ಪ್ರಕ್ರಿಯೆ ಕೂಡ ಮುಗಿದಿದೆ. ಸೆನ್ಸಾರ್​ ಮಂಡಳಿಯಿಂದ ‘ಯು’ ಪ್ರಮಾಣ ಪತ್ರ ಸಿಕ್ಕಿದೆ.

ಇದನ್ನು ಓದಿ: ಅಭಿಮಾನಿಗಳಿಂದ `ರಾಜರತ್ನ’ ಮೂರ್ತಿ ಪ್ರತಿಷ್ಠಾಪನೆ, ಪುನೀತ್​ ತತ್ವ-ಆದರ್ಶ ಪಾಲನೆಗಾಗಿ ಪತ್ರಿಮೆ ಅನಾವರಣ!

ರಿಲೀಸ್​ ಡೇಟ್​ ಪೋಸ್ಟ್​ಪೋನ್​ ಆಗುತ್ತಾ?

ಕೊರೋನಾದಿಂದಾಗಿ ಎಲ್ಲ ದೊಡ್ಡ ಸಿನಿಮಾಗಳು ಕೂಡ ತಮ್ಮ ರಿಲೀಸ್​ ದಿನಾಂಕವನ್ನು ಮುಂದೂಡುತ್ತಿದ್ದಾರೆ. ಇದೇ ಹಾದಿಯಲ್ಲಿ ಲವ್​ ಮಾಕ್​ಟೈಲ್ 2 ಸಿನಿಮಾ ಕೂಡ ಸಾಗುತ್ತಾ ಎಂಬ ಪ್ರಶ್ನೆ ಎದುರಾಗಿದೆ. ​ಕಾರಣ ಕೊರೋನಾದಿಂದ ಈಗಾಗಲೇ ಚಿತ್ರರಂಗ ನಲುಗಿಹೋಗಿದೆ. ಹೀಗಾಗಿ ಕೊರೋನಾ ಆತಂಕ ಕಡಿಮೆಯಾದ ಮೇಲೆ ಸಿನಿಮಾ ರಿಲೀಸ್ ಮಾಡಲು ಪ್ಲ್ಯಾನ್​ ಮಾಡಲಾಗಿದೆ.