ನಿರ್ದೇಶಕ ಸುಶಿ ಗಣೇಶನ್​ ವಿರುದ್ಧ 'ಹೆಬ್ಬುಲಿ’ ನಟಿಯಿಂದ #MeToo ಆರೋಪ!

 ನ್ಯೂಸ್ 18 ಕನ್ನಡ 

ಸದ್ಯ ಮೀಟೂ ಎಲ್ಲ ಚಿತ್ರರಂಗದಲ್ಲಿ ಸೆನ್ಸೇಷನ್​ ಸೃಷ್ಟಿಮಾಡಿದೆ. ಕನ್ನಡದ ನಟಿಯರಾದ ಸಂಗೀತಾ ಭಟ್​, ಶೃತಿ ಹರಿಹರನ್​ ಸೇರಿ ವಿವಿಧ ಚಿತ್ರರಂಗದ ನಟಿಯರು ತಮ್ಮ ವೃತ್ತಿ ಬದುಕಿನಲ್ಲಿ ಉಂಟಾದ ಕಹಿ ಅನುಭವವನ್ನು ಹಂಚಿಕೊಂಡಿದ್ದಾರೆ. ಈಗ ಈ ವಿಚಾರದಲ್ಲಿ ‘ಹೆಬ್ಬುಲಿ’ ನಟಿ ಅಮಲಾ ಪೌಲ್​ ಹೊಸ ಬಾಂಬ್​ ಸಿಡಿಸಿದ್ದಾರೆ. ತಮಿಳು ನಿರ್ದೇಶಕ ಸುಶಿ ಗಣೇಶನ್​ ವಿರುದ್ಧ ಮೀಟೂ ಆರೋಪ ಮಾಡಿದ್ದಾರೆ.

ಕಳೆದ ವರ್ಷ ತೆರೆಕಂಡಿದ್ದ ಸುಶಿ ಗಣೇಶನ್​ ನಿರ್ದೇಶನದ ‘ತಿರುಟ್ಟು ಪಾಯಲೆ 2’ ಚಿತ್ರದಲ್ಲಿ ಅಮಲಾ ನಟಿಸಿದ್ದರು. ಈ ಚಿತ್ರದ ಶೂಟಿಂಗ್​ ವೇಳೆ ಸುಶಿ ಗಣೇಶನ್​ ಅನುಚಿತಚಾಗಿ ವರ್ತಿಸಿದ್ದಾರೆ. ಅವರಿಗೆ ಮಹಿಳೆಯರ ಬಗ್ಗೆ ಗೌರವವೇ ಇಲ್ಲ ಎಂದಿದ್ದಾರೆ ಅಮಲಾ.

ಇದನ್ನು ಓದಿ :  #MeToo: ಚಂದನವನದಲ್ಲಿ ನಿರ್ದೇಶಕ ಶಿವಮಣಿ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ..!

ಗಣೇಶನ್​ ವಿರುದ್ಧ ತಮಿಳು ನಟಿ ಲೀನಾ ಮಣಿಮೇಕಲೈ ಇಂಥದ್ದೇ ಆರೋಪ ಮಾಡಿದ್ದರು. ಅವರ ಬೆಂಬಲಕ್ಕೆ ನಿಂತಿರುವ ಅಮಲಾ, ‘ಲೀನಾ ಈಗತಾನೇ ಚಿತ್ರರಂಗದಲ್ಲಿ ಗುರುತಿಸಿಕೊಳ್ಳುತ್ತಿದ್ದಾರೆ. ಹಾಗಾಗಿ ಅವರನ್ನು ನಿರ್ದೇಶಕರು ಸುಲಭವಾಗಿ ಟಾರ್ಗೆಟ್​ ಮಾಡಿದ್ದಾರೆ.

#MeToo #MeTooIndia #LeenaManimekalai #susiganesan pic.twitter.com/Jt2sS685H5

— Amala Paul ⭐️ (@Amala_ams) October 24, 2018

Just got the shock of my life! @DirectorSusi & @sgmanjari called &I picked up to explain the stand.While I was trying to pacify his wife; Susi strted abusing me&to my surprise his wife strted laughing&they both joined to slut shame me. De feel de can scare me with dese tactics 👊🏿

— Amala Paul ⭐️ (@Amala_ams) October 24, 2018

ತಿರುಟ್ಟು ಪಾಯಲೆ 2’ ಚಿತ್ರದಲ್ಲೂ ನನ್ನ ಜತೆ ಅವರು ಅನುಚಿತವಾಗಿ ನಡೆದುಕೊಂಡಿದ್ದರು. ಉದ್ದೇಶ ಪೂರಕವಾಗಿ ಡಬಲ್​ ಮೀನಿಂಗ್​ ಮಾತುಗಳನ್ನಾಡುತ್ತಿದ್ದರು’ ಎಂದು ಆರೋಪಿಸಿದ್ದಾರೆ.

ಇನ್ನು ಈ ರೀತಿ ಮನಸ್ಥಿತಿ ಹೊಂದಿರುವ ಪುರುಷರ ಬಗೆಗೂ ಅಮಲಾ ಬೇಸರ ವ್ಯಕ್ತಪಡಿಸಿದ್ದಾರೆ. ‘ಈ ರೀತಿ ವ್ಯಕ್ತಿಗಳು ಕುಟುಂಬದಲ್ಲಿರುವ ಮಹಿಳೆಯರ ಬಗ್ಗೆ ಕಾಳಜಿ ವಹಿಸುತ್ತಾರೆ. ಆದರೆ ವೃತ್ತಿಬದುಕಿನಲ್ಲಿ ಸಿಗುವ ಮಹಿಳೆಯರ ಜತೆ ಅಡ್ವಾಂಟೇಜ್​ ಪಡೆದುಕೊಳ್ಳಲು ಯತ್ನಿಸುತ್ತಾರೆ’ ಎಂದಿದ್ದಾರೆ. ಸದ್ಯ ಅವರ ಈ ಹೇಳಿಕೆ ಕಾಲಿವುಡ್​ ಅಂಗಳದಲ್ಲಿ ತೀವ್ರ ಚರ್ಚೆ ಹುಟ್ಟುಹಾಕಿದೆ.

ಇದನ್ನು ಓದಿ :  #MeToo: ಬಾಲಿವುಡ್​ನಲ್ಲಿ ದೊಡ್ಡ ನಟರಿಂದಲೇ ನನಗೂ ಕಿರುಕುಳ ಆಗಿದೆ: ಅವಂತಿಕಾ ಶೆಟ್ಟಿ..!