Chiranjeevi: ಚಿರು ಅಭಿನಯದ 'ಆಚಾರ್ಯ'ಗೆ ತೀರದ ಸಂಕಷ್ಟ: ಸಿನಿಮಾ ರಿಲೀಸ್​ ವಿಷಯದಲ್ಲಿ ಮೆಗಾಸ್ಟಾರ್ ಅಭಿಮಾನಿಗಳಿಗೆ ಶಾಕ್​..!

ಮೆಗಾಸ್ಟಾರ್​ ಚಿಂರಜೀವಿ ಅಭಿನಯದ 152ನೇ ಸಿನಿಮಾ 'ಆಚಾರ್ಯ'. ಈ ಸಿನಿಮಾಗೆ ಆರಂಭದಿಂದಲೂ ಒಂದಲ್ಲ ಒಂದು ರೀತಿಯ ಸಂಕಷ್ಟ ಎದುರಾಗುತ್ತಲೇ ಇದೆ. 'ಸೈರಾ ನರಸಿಂಹರೆಡ್ಡಿ' ನಂತರ ಚಿರು ನಟಿಸುತ್ತಿರುವ ಚಿತ್ರ ಇದಾಗಿರುವ ಕಾಣರಕ್ಕೆ ಇದರ ಬಗ್ಗೆ ಅಭಿಮಾನಿಗಳಿಗೆ ತುಂಬಾ ನಿರೀಕ್ಷೆ ಇದೆ. 

ಸಿನಿಮಾ ಆರಂಭದಲ್ಲಿ ಈ ಚಿತ್ರಕ್ಕೆ ನಾಯಕಿ ತ್ರಿಶಾ ಎಂದು ಹೇಳಲಾಗುತ್ತಿತ್ತು. ಅದಕ್ಕೆ ತ್ರಿಶಾ ಸಹ ಓಕೆ ಎಂದಿದ್ದರು. ಆದರೆ ಇತ್ತೀಚೆಗಷ್ಟೆ ಕೆಲವು ಭಿನ್ನಾಭಿಪ್ರಾಯಗಳಿಂದಾಗಿ ಈ ಸಿನಿಮಾದಿಂದ ಹೊರ ಹೋಗುತ್ತಿರುವುದಾಗಿ ತ್ರಿಷಾ ಟ್ವೀಟ್​ ಮಾಡಿದ್ದರು. ನಂತರ ನಾಯಕಿ ಪಾತ್ರಕ್ಕೆ ಅನುಷ್ಕಾರನ್ನು ಸಂಪರ್ಕಿಸಲಾಗಿದ್ದು, ಸ್ವೀಟಿ ಸಹ ಈ ಪಾತ್ರಕ್ಕೆ ಒಲ್ಲೆ ಎಂದಿದ್ದಾರಂತೆ.



ಅನುಷ್ಕಾ ಕೈಯಲ್ಲಿ ಸದ್ಯ ಯಾವುದೇ ಸಿನಿಮಾಗಳಿಲ್ಲ. ಅವರ ಆಭಿನಯದ 'ನಿಶ್ಯಬ್ಧಂ' ಬಿಡುಗಡೆಯ ಹಂತದಲ್ಲಿದ್ದು, ಅದರ ಪ್ರಚಾರದ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ ಸ್ವೀಟಿ. ಆದರೆ ಸಿನಿಮಾಗಳು ಕೈಯಲ್ಲಿಲ್ಲ ಎಂದಾಗ ಯಾರಾದರೂ ದೊಡ್ಡ ಸ್ಟಾರ್​ಗಳ ಚಿತ್ರದಲ್ಲಿ ಅವಕಾಶ ಬಂದರೆ ಒಪ್ಪಿಕೊಳ್ಳುತ್ತಾರೆ. ಆದರೆ ಅನುಷ್ಕಾ ಇದಕ್ಕೆ ಇಲ್ಲ ಎಂದಿರುವುದು ಚರ್ಚೆಗೆ ಕಾರಣವಾಗಿದೆ.



ಇನ್ನು ಈ ಸಿನಿಮಾಗೆ ಈಗ ನಾಯಕಿ ಯಾರು ಎಂದು ತಲೆಕೆಡಿಸಿಕೊಂಡಿರುವ ಚಿತ್ರತಂಡ ಕಾಜಲ್​ ಅಗರ್​ವಾಲ್​ ಅವರನ್ನು ಸಂಪರ್ಕಿಸಿದೆ ಎಂಬ ಸುದ್ದಿ ಇದೆ. ಆದರೆ ಇದು ಎಷ್ಟರ ಮಟ್ಟಿಗೆ ಸತ್ಯ ಅನ್ನೋದಕ್ಕೆ ಚಿತ್ರತಂಡವಷ್ಟೇ ಉತ್ತರಿಸಬೇಕಿದೆ.

ಇದನ್ನೂ ಓದಿ: ನಿಖಿಲ್​ ಕುಮಾರಸ್ವಾಮಿ ಭಾವಿ ಪತ್ನಿ ರೇವತಿ ಜೊತೆ ತೆಗೆದ​ ಸೆಲ್ಫಿಗೂ ತಟ್ಟಿದ ಕೊರೋನಾ ಬಿಸಿ​..!

ಈ ಸಿನಿಮಾದಲ್ಲಿ ಚಿರು ಜತೆ ವಿಶೇಷ ಪಾತ್ರದಲ್ಲಿ ನಟಿಸಲು ಮಹೇಶ್​ ಬಾಬು ಅವರನ್ನೂ ಸಂಪರ್ಕಿಸಲಾಗಿತ್ತು. ಈಗಾಗಲೇ ಮಲ್ಟಿ ಸ್ಟಾರರ್​ ಚಿತ್ರಗಳಲ್ಲಿ ನಟಿಸಿರುವ ಮಹೇಶ್​ ಬಾಬು ಬೇರೆ ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಕಾಣರಕ್ಕೆ ಈ ಚಿತ್ರದಲ್ಲಿ ನಟಿಸುವ ಆಸಕ್ತಿ ತೋರಲಿಲ್ಲವಂತೆ.



ಇನ್ನು ಈ ಚಿತ್ರವನ್ನು ಬರುವ ಆಗಸ್ಟ್​ನಲ್ಲಿ ಬಿಡುಗಡೆ ಮಾಡೋಕೆ ಚಿತ್ರತಂಡ ನಿರ್ಧರಿಸಿತ್ತು. ಈಗ ಅದೂ ಕೂಡ ಮುಂದಕ್ಕೆ ಹೋಗುವ ಸಾಧ್ಯತೆ ಇದೆ. ಕೊರಟಾಲ ಶಿವ ನಿರ್ದೇಶನದ ಈ ಸಿನಿಮಾಗೆ ಎರಡನೇ ನಾಯಕ ಹಾಗೂ ನಾಯಕಿಯನ್ನು ಹುಡುಕುವ ಕೆಲಸ ಪೂರ್ಣಗೊಳ್ಳಬೇಕಿದೆ. ನಂತರ ಸಿನಿಮಾದ ಚಿತ್ರೀಕರಣ ಆರಂಭಗೊಳ್ಳಲಿದೆ. ಇದರಿಂದಾಗಿ ಈಗ ಚಿರು ಅಭಿಮಾನಿಗಳೂ ಈ ಸಿನಿಮಾದ ರಿಲೀಸ್​ ದಿನಾಂಕಕ್ಕಾಗಿ ಕಾತರದಿಂದ ಕಾಯುವಂತಾಗಿದೆ.

Pooja Hegde: ಬಾಲಿವುಡ್​ನಲ್ಲಿ ಕರಾವಳಿ ಬೆಡಗಿ ಪೂಜಾ ಹೆಗ್ಡೆಗೆ ಸಿಕ್ತು ಕೋಟಿ ಕೋಟಿ ಬಂಪರ್​ ಆಫರ್​