Madhagaja: ಪಕ್ಕಾ ಪೈಸಾ ವಸೂಲ್​ ಸಿನಿಮಾ `ಮದಗಜ’: ಫಸ್ಟ್​ ಶೋ Review!

ಶ್ರೀಮುರಳಿ(Sri Murali) ನಟಿಸಿರುವ ‘ಮದಗಜ’(Madhagaja) ಸಿನಿಮಾ ಸಾಕಷ್ಟು ನಿರೀಕ್ಷೆ ಹುಟ್ಟುಹಾಕಿತ್ತು. ಇಂದು ಸಿನಿಮಾ ರಾಜ್ಯಾದ್ಯಂತ ರಿಲೀಸ್(Release) ಆಗಿದೆ. ಸುಮಾರ್​ 800 ಚಿತ್ರಮಂದಿರಗಳಲ್ಲಿ ಸಿನಿಮಾ ತೆರೆಕಂಡಿದ್ದು, ಮೊದಲ ಪ್ರದರ್ಶನ ಮುಗಿದಿದೆ. ಸಿನಿಮಾ ನೋಡಿದ ಪ್ರೇಕ್ಷಕ ಪ್ರಭುಗಳು ಬಹುಪರಾಕ್​ ಹೇಳಿದ್ದಾರೆ. ಶ್ರೀ ಮುರುಳಿ ಅವರ ನಟನೆ(Acting), ಫೈಟ್​ಗೆ ಫ್ಯಾನ್ಸ್​ ಫಿದಾ ಆಗಿದ್ದಾರೆ.  ಶ್ರೀಮುರಳಿ ‘ಭರಾಟೆ’ ಬಳಿಕ  ‘ಮದಗಜ’ ಸಿನಿಮಾವನ್ನು ಒಪ್ಪಿಕೊಂಡಿದ್ದರಯ. ಈ ಕಾರಣಕ್ಕೆ ಚಿತ್ರ ಸೆಟ್ಟೇರಿದ ದಿನದಿಂದಲೂ ಭಾರಿ ಕ್ರೇಜ್​ ಹುಟ್ಟುಹಾಕಿತ್ತು. ಈ ಸಿನಿಮಾಗೆ ರವಿ ಬಸ್ರೂರು(Ravi Basruru) ಸಂಗೀತ ನಿರ್ದೇಶನ ಮಾಡಿದ್ದಾರೆ.  ಸಿನಿಮಾದ ಹಾಡುಗಳು ಹಾಗೂ ಟ್ರೇಲರ್​ಗಳು ಭಾರೀ ಸೌಂಡ್​ ಮಾಡುತ್ತಿವೆ. ಫಸ್ಟ್ ಶೋ(First Sow) ನೋಡಿದ ಸಿನಿರಸಿಕರು ಮಾತ್ರ ಮದಗಜನ ಅಬ್ಬರಕ್ಕೆ ಸೈ ಎಂದಿದ್ದಾರೆ. ಪಕ್ಕಾ ಪೈಸಾ ವಸೂಲ್​ ಸಿನಿಮಾ ಗುರೂ ಅಂತಿದ್ದಾರೆ. ಫಸ್ಟ್​ ಹಾಫ್​ ಆಕ್ಷನ್​-ಸೆಂಟಿಮೆಂಟ್(Action-Sentiment)​ ವರ್ಕೌಟ್​ ಆಗಿದೆ.  ಸೆಕೆಂಡ್ ಹಾಫ್​ನಲ್ಲಿ ವಿಲ್​ನ(Villain)ಗಳ ಅಬ್ಬರದ ನಡುವೆ ಕೊಂಚ ಲವ್​ ಟಚ್​​ ಸಖತ್​ ಕಿಕ್​ ನೀಡುತ್ತೆ. ಪ್ರತಿಯೊಂದು ದೃಶ್ಯವು ಕಣ್ಣಿಗೆ ಹಬ್ಬ ಅಂತಿದ್ದಾರೆ ಸಿನಿಮಾ ನೋಡಿಬಂದ ಫ್ಯಾನ್ಸ್​. 

ಫಸ್ಟ್​ ಹಾಫ್​.. ಆಕ್ಷನ್​ ಬೊಂಬಾಟ್​.. ಸೆಂಟಿಮೆಂಟ್ ಸೂಪರ್​..!

ಮದಗಜ ಸಿನಿಮಾ ಶುರುವಾದಗಿನಿಂದಲೂ ಮಾಸ್​ ಪ್ರೇಕ್ಷಕರಿಗೆ ಸಖತ್​ ಮಜಾ ನೀಡುತ್ತೆ. ಸಿನಿಮಾ ಮೊದಲಾರ್ಧ ಸಖತ್​ ಮಾಸ್ ಆಗಿ ಮೂಡಿಬಂದಿದೆ. ಶ್ರೀ ಮುರುಳಿ ಅವರ ಆ್ಯಕ್ಷನ್​ ನೋಡೋಕೆ ಖುಷಿ. ಫಸ್ಟ್​ ಹಾಫ್​ನಲ್ಲಿರುವ ಎರಡು ಫೈಟ್​ ದೃಶ್ಯಗಳು ಪ್ರೇಕ್ಷಕರ ಎದೆಬಡಿತವನ್ನು ಹೆಚ್ಚಿಸುತ್ತೆ.  ಫಸ್ಟ್​ ಹಾಫ್​ನಲ್ಲಿ ಬರುವ ಅನೇಕ ಸನ್ನಿವೇಶಗಳು ವಾರಾಣಸಿಯಲ್ಲಿ ನಡೆಯುತ್ತಿವೆ. ಇನ್ನುಳಿದ ದೃಶ್ಯಗಳು ಕರ್ನಾಟಕದ ಕನೆಕ್ಷನ್​ ಹೊಂದಿವೆ. ವಾರಾಣಸಿಯಿಂದ ಕರ್ನಾಟಕದತ್ತ ಕಥೆ ಸಾಗುತ್ತದೆ.ಆ್ಯಕ್ಷನ್​ ಜೊತೆಗೆ ತಾಯಿ ಸೆಂಟಿಮೆಂಟ್​ ದೃಶ್ಯಗಳಿಗೆ ಫಸ್ಟ್​ ಹಾಫ್​ನಲ್ಲಿ ಹೆಚ್ಚು ಮಹತ್ವ ನೀಡಲಾಗಿದೆ.ಶಿವರಾಜ್​ ಕೆ.ಆರ್​. ಪೇಟೆ ಮತ್ತು ಚಿಕ್ಕಣ್ಣ ಅವರ ಕಾಮಿಡಿಗೆ  ಅವಕಾಶ ಸಿಕ್ಕಿದೆ.

ಸೆಕೆಂಡ್​ ಹಾಫ್​.. ಲವ್​ ಸೀನ್​.. ವಿಲನ್​ ಅಬ್ಬರ.. ​ಮಸ್ತ್​ ಮ್ಯೂಸಿಕ್​!

ಇನ್ನೂ ಸೆಕೆಂಡ್​ ಹಾಫ್​ ಕೂಡ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಮದಗಜ ಯಶಸ್ವಿಯಾಗಿದೆ. ಕಥೆಯ ಮುಖ್ಯ ವಿಲನ್​ ಜಗಪತಿ ಬಾಬು ಅವರ ಪಾತ್ರ  ಮಧ್ಯಂತರದ ವೇಳೆಗೆ ಕಾಣಿಸಿಕೊಳ್ಳುತ್ತದೆ. ಇದಾದ ಬಳಿಕ ಸೆಕೆಂಟ್​ ಹಾಫ್​ನಲ್ಲಿ ಜಗಪತಿ ಬಾಬು ಪಾತ್ರ ಅಬ್ಬರಿಸಿ ಬೊಬ್ಬಿರಿದಿದೆ. ಪ್ರತಿ ಸಿನಿಮಾದಲ್ಲಿ ವಿಲನ್​ ಆಗಿ ಕಾಣಿಸಿಕೊಳ್ಳುವ ಜಗಪತಿ ಬಾಬು, ಈ ಸಿನಿಮಾದಲ್ಲೂ ಅವರು ಭಿನ್ನ ರೀತಿಯ ವಿಲನ್​ ಗೆಟಪ್​ ತೊಟ್ಟಿದ್ದಾರೆ. ಇನ್ನು ಅಲ್ಲಲ್ಲಿ ತಾಯಿ ಸೆಂಟಿಮೆಂಟ್​ ದೃಶ್ಯಗಳು ಕಣ್ಣೀರು ತರಿಸುತ್ತೆ. ಸಿನಿಮಾ ಪೂರ್ತಿ ಡೈಲಾಗ್ಸ್​ಗಳೇ ಹೈಲೆಟ್​. ಕಥೆಯಲ್ಲಿ ಹೊಸತನ ಇಲ್ಲದಿದ್ದರೂ ಕಟ್ಟಿಕೊಟ್ಟಿರುವ ರೀತಿ ಜನರಿಗೆ ಇಷ್ಟವಾಗುತ್ತೆ. ಮಾಸ್​ ಪ್ರೇಕ್ಷಕರಿಗೆ ಹೇಳಿ ಮಾಡಿಸಿದ ಹಾಗೇ ಸಿನಿಮಾ ಮಾಡಿದ್ದಾರೆ ಮಹೇಶ್​.

ಇದನ್ನು ಓದಿ : ವೀಕೆಂಡ್​ ಮೂವಿ ಧಮಾಕ: ಈ ವಾರ OTTಯಲ್ಲಿ ಈ 5 ಥ್ರಿಲ್ಲಿಂಗ್ ಸಿನಿಮಾಗಳು ರಿಲೀಸ್​!

ಹಿನ್ನಲೆ ಸಂಗೀತವೇ ಸಿನಿಮಾಗೆ ಹೈಲೆಟ್​

ಈ ಸಿನಿಮಾಗೆ ರವಿ ಬಸ್ರೂರು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಹಾಡುಗಳಷ್ಟೇ ಅಲ್ಲದೇ ಹಿನ್ನಲೆ ಸಂಗೀತದಲ್ಲೂ ರವಿ ಬಸ್ರೂರು ಕೈ ಚಳಕ ತೋರಿದ್ದಾರೆ. ಹೀರೋ - ವಿಲನ್​ ಎಂಟ್ರಿ ದೃಶ್ಯ, ತಾಯಿ ಸೆಂಟಿಮೆಂಟ್​ ದೃಶ್ಯಗಳಲ್ಲಿ ರವಿ ಬಸ್ರೂರು ಅವರ ಸಂಗೀತ ಮನಸ್ಸಿಗೆ ನಾಟುತ್ತದೆ. ತೆರೆ ಮುಂದೆ ರವಿ ಬಸ್ರೂರು ಕಾಣಿಸಿಕೊಳ್ಳದಿದ್ದರೂ, ತೆರೆ ಹಿಂದೆ ಅವರ ಸಂಗೀತ ಸಖತ್​ ಸೌಂಡ್​ ಮಾಡಿದೆ. ಇನ್ನೂ ಆಶಿಕಾ ಕೂಡ ಹಳ್ಳಿ ಹುಡುಗಿ ಪಾತ್ರದಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡಿದ್ದಾರೆ. ತುಂಬಾ ಮುದ್ದಾಗಿ ಕಾಣಿಸುತ್ತಾರೆ.

ಇದನ್ನು ಓದಿ :ಕಿಚ್ಚನ ಬಳಿಕ ರಾಜಮೌಳಿ ಸಿನಿಮಾದಲ್ಲಿ ಮತ್ತೊಬ್ಬ ಕನ್ನಡ ನಟ​: RRR​ ಚಿತ್ರದಲ್ಲಿ ಅರುಣ್​ ಸಾಗರ್​!

ಸಿನಿಮಾದ ಛಾಯಾಗ್ರಹಣ ಬೇರೆ ಲೆವಲ್​ಗೆ ಇದೆ ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ. ಪ್ರತಿಯೊಂದು ದೃಶ್ಯವೂ ತುಂಬಾ ಅದ್ಭುತವಾಗಿ ಮೂಡಿಬಂದಿದೆ. ಎಲ್ಲ ವರ್ಗದ ಪ್ರೇಕ್ಷಕರಿಗೂ ಸಿನಿಮಾ ಇಷ್ಟವಾಗುತ್ತಿದೆ,