Love You Rachchu Movie: ಲವ್​ ಯು ರಚ್ಚು ಚಿತ್ರೀಕರಣದಲ್ಲಿ ಅವಘಡ ನಡೆದಿದ್ದು ಹೇಗೆ: ನಿರ್ದೇಶಕ ಶಂಕರ್ ಸೇರಿದಂತೆ ನಾಲ್ವರು ಪೊಲೀಸರ ವಶಕ್ಕೆ..!

ವಿವೇಕ್ ಅವರ ಮೃತ ದೇಹವನ್ನು ಬೆಂಗಳೂರಿನ ರಾಜರಾಜೇಶ್ವರಿ ಆಸ್ಪತ್ರೆಗೆ ತರಲಾಗಿದೆ. ಆಸ್ಪತ್ರೆ ಬಳಿ ಮೃತನ ಸಂಬಂಧಿಕರು ಆಕ್ರಂದನ ಮುಗಿಲು ಮುಟ್ಟಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿನಿಮಾ ನಿರ್ದೇಶಕ ಶಂಕರ್ ಎಸ್​ ರಾಜು , ಸ್ಟಂಟ್ ಮಾಸ್ಟರ್ ವಿನೋದ್​, ಕ್ರೇನ್ ಡ್ರೈವರ್ ಮುನಿಯಪ್ಪ ಹಾಗೂ ಜಮೀನು‌ ಮಾಲೀಕ ಪುಟ್ಟರಾಜು ಅವರನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. 

ಸಾಹಸ ಕಲಾವಿದ ವಿವೇಕ್​ ಸಾವಿನ ಪ್ರಕರಣದಲ್ಲಿ ನಾಲ್ವರು ಪೊಲೀಸರ ವಶಕ್ಕೆ

ಸಾಹಸ ಕಲಾವಿದ ವಿವೇಕ್​ ಸಾವಿನ ಪ್ರಕರಣದಲ್ಲಿ ನಾಲ್ವರು ಪೊಲೀಸರ ವಶಕ್ಕೆ

  • Share this:
ಸಹಾಸ ದೃಶ್ಯದ ಚಿತ್ರೀಕರಣದ ವೇಳೆ ನಡೆದ ಅಪಘಾತದಲ್ಲಿ ಕಲಾವಿದರು ಸಾವನ್ನಪ್ಪಿರುವುದು ಇದು ಮೊದಲೇನಲ್ಲ. ಈ ಹಿಂದೆಯೂ ಸಾಕಷ್ಟು ಸಲ ಇಂತಹ ಕಹಿ ಘಟನೆಗಳು ಸಂಭವಿಸಿವೆ. ಈ ಹಿಂದೆ ದುನಿಯಾ ವಿಜಯ್ ಅಭಿನಯದ ಮಾಸ್ತಿಗುಡಿ ಸಿನಿಮಾದ ​ಚಿತ್ರೀಕರಣದ ವೇಳೆ ನಡೆದ ದುರಂತದಲ್ಲಿ ಸ್ಯಾಂಡಲ್​ವುಡ್​ನ ಖ್ಯಾತ ವಿಲನ್​ಗಳಾಗಿದ್ದ ಉದಯ್ ಹಾಗೂ ಅನಿಲ್​ ಅವರು ಸಾವನ್ನಪ್ಪಿದ್ದರು. ಈ ಘಟನೆ ನೆನಪಿನಿಂದ ಮಾಸುವ ಮುನ್ನವೇ ಈಗ ಮತ್ತೊಂದು ದುರ್ಘಟನೆ ನಡೆದಿದೆ. ಶಂಕರ್ ರಾಜ್​ ನಿರ್ದೇಶನದ ಅಜಯ್ ರಾವ್​ ಹಾಗೂ ರಚಿತಾ ರಾಮ್​ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿರುವ ಸಿನಿಮಾ ಲವ್​ ಯೂ ರಚ್ಚು. ಈ ಸಿನಿಮಾದ ಶೂಟಿಂಗ್​ ನಡೆಯುವಾಗ ಸಂಭವಿಸಿರುವ ವಿದ್ಯುತ್​ ಅವಘಡದಿಂದ ಸಾಹಹ ಕಲಾವಿದ ಪ್ರಾಣ ಕಳೆದುಕೊಂಡಿದ್ದಾರೆ. ತಮಿಳುನಾಡು ಮೂಲದ 28 ವರ್ಷದ ವಿವೇಕ್​ ಎಂಬ ಸಹಾಸ ಕಲಾವಿದ ವಿದ್ಯುತ್ ಸ್ಪರ್ಶದಿಂದಾಗಿ ಸಾವನ್ನಪ್ಪಿದ್ದಾರೆ. ವಿವೇಕ್ ಜೊತೆಗಿದ್ದ ಮತ್ತೋರ್ವ ವ್ಯಕ್ತಿ ಗಾಯಗೊಂಡಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇಂದು ಬೆಳಿಗ್ಗೆ ಘಟನೆ ಬಿಡದಿ ಬಳಿ ಜೋಗರಪಾಳ್ಯದಲ್ಲಿ ಚಿತ್ರೀಕರಣ ನಡೆಯುತ್ತಿದ್ದಾಗ ಈ ಘಟನೆ ಸಂಭವಿಸಿದೆ. ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.  

ಜೋಗರಪಾಳ್ಯ ಹಳ್ಳಿಯಲ್ಲಿ ಕಳೆದ ಐದು ದಿನಗಳಿಂದ ಚಿತ್ರೀಕರಣ ನಡೆಯುತ್ತಿದೆ. ಇಂದು ಕೊನೆಯ ದೃಶ್ಯದ ಶೂಟಿಂಗ್ ನಡೆಯುತ್ತಿದ್ದು, ಸಾಹಸ ದೃಶ್ಯಗಳನ್ನು ಚಿತ್ರೀಕರಿಸಲಾಗುತ್ತಿತ್ತು. ಸಿನಿರಂಗದಲ್ಲಿ ಖಳನಟನಾಗುವ ಆಸೆಯಿಂದ ಕೆಲಸ ಮಾಡುತ್ತಿದ್ದ ವಿವೇಕ್​ ಅವರು ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದರು. 40ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಜೀವನ ನಿರ್ವಣೆಗಾಗಿ ಸಿನಿಮಾದ ಜೊತೆಗೆ ಟೈಲ್ಸ್​ ಹಾಕುವ ಕೆಲಸ ಸಹ ಮಾಡುತ್ತಿದ್ದರಂತೆ.

ighter Vivek Death, Rachita Ram, Ajay Rao, Love You Racchu, Sandalwood, ಫೈಟರ್​ ವಿವೇಕ್​ ಸಾವು, ರಚಿತಾ ರಾಮ್​, ಅಜಯ್​ ರಾವ್​, ಲವ್​ ಯೂ ರಚ್ಚು, ಸ್ಯಾಂಡಲ್​ವುಡ್, Ajay rao, Fighter Vivek Death, love you racchu, Rachita Ram, Sandalwood, Love You Rachchu Movie stunt man Vivek death case movie director and other 3 members facing police enquiry ae
ಸಾವನ್ನಪ್ಪಿದ ಸಾಹಸ ಕಲಾವಿದ ವಿವೇಕ್​


ಪುಟ್ಟರಾಜು ಎಂಬುವರ ತೆಂಗಿನ ತೋಟದಲ್ಲಿ ಶೂಟಿಂಗ್​ಗೆ ಎಲ್ಲ ಸಿದ್ಧತೆ ಮಾಡಿಕೊಳ್ಳಲಾಗಿತ್ತಂತೆ. ಇನ್ನು ಚಿತ್ರೀಕರಣಕ್ಕೆ ಚಿತ್ರತಂಡ ಪೊಲೀಸರಿಂದ ಅನುಮತಿ ಪಡೆದಿಲ್ಲ ಎಂದೂ ಹೇಳಲಾಗುತ್ತಿದೆ. ತೋಟದವರ ಬಳಿ ಅನುಮತಿ ಇದೆ ಎಂದು ಹೇಳಿ ಶೂಟಿಂಗ್​ ಮಾಡಲಾಗುತ್ತಿತ್ತಂತೆ. ಚಿತ್ರೀಕರಣ ನಡೆಯುವಾದ ಈ ಘಟನೆ ಸಂಭವಿಸಿ ವಿವೇಕ್ ಮರಣ ಹೊಂದಿದ್ದಾರೆ.

ಇದನ್ನೂ ಓದಿ: Weight Loss: ಹೆಚ್ಚಿಸಿಕೊಂಡಿದ್ದ 15 ಕೆಜಿ ತೂಕವನ್ನು ಇಳಿಸುವುದು ಕೃತಿ ಸನೋನ್​ಗೆ ಸುಲಭವಾಗಿರಲಿಲ್ಲ

ವಿವೇಕ್ ಅವರ ಮೃತ ದೇಹವನ್ನು ಬೆಂಗಳೂರಿನ ರಾಜರಾಜೇಶ್ವರಿ ಆಸ್ಪತ್ರೆಗೆ ತರಲಾಗಿದೆ. ಆಸ್ಪತ್ರೆ ಬಳಿ ಮೃತನ ಸಂಬಂಧಿಕರು ಆಕ್ರಂದನ ಮುಗಿಲು ಮುಟ್ಟಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿನಿಮಾ ನಿರ್ದೇಶಕ ಶಂಕರ್ ಎಸ್​ ರಾಜು , ಸ್ಟಂಟ್ ಮಾಸ್ಟರ್ ವಿನೋದ್​, ಕ್ರೇನ್ ಡ್ರೈವರ್ ಮುನಿಯಪ್ಪ ಹಾಗೂ ಜಮೀನು‌ ಮಾಲೀಕ ಪುಟ್ಟರಾಜು ಅವರನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ಘಟನೆ ನಡೆದದ್ದು ಹೇಗೆ..?

ಫೈಟಿಂಗ್ ದೃಶ್ಯಕ್ಕಾಗಿ ತೆಂಗಿನ ತೋಟದ ಒಳಗೆ ಕ್ರೇನ್ ತರಿಸಲಾಗಿತ್ತಂತೆ. ಕ್ರೇನ್ ಮೇಲಿನಿಂದ ಹಾರಿ ನೀರಿನ ಟ್ಯಾಂಕ್​ಗೆ ಬೀಳುವ ದೃಶ್ಯದ ಶೂಟಿಂಗ್​ ಮಾಡಬೇಕಿತ್ತು. ಮೆಟಲ್ ರೋಪ್​ಗಳನ್ನು ಬಳಸಿ ಕ್ರೇನ್​ಗೆ ಕಟ್ಟಲಾಗಿತ್ತು. ಕ್ರೇನ್​ನ ಮುಂಭಾಗವನ್ನು ಮೇಲಕ್ಕೆ ಎತ್ತುತ್ತಿದ್ದಂತೆಯೇ ಮೇಲೆ ಹಾದು ಹೋಗಿದ್ದ 11 ಕೆವಿ ಲೈನ್​ಗೆ ಅದು ತಾಗಿದೆ. ಅದರಿಂದ ಹರಿದ ವಿದ್ಯುತ್​ ಮೆಟಲ್​ ರೋಪ್​ ಧರಿಸಿದ್ದ ವಿವೇಕ್​ ಹಾಗೂ ರೋಪ್ ಜಾಕೆಟ್ ಧರಿಸಿದ್ದ ಮತ್ತೋರ್ವ ವ್ಯಕ್ತಿಗೆ ತಗುಲಿದೆ. ಈ ಘಟನೆಯಲ್ಲಿ ವಿವೇಕ್ ಸಾವನ್ನಪ್ಪಿದರೆ, ಜಾಕೆಟ್ ಧರಿಸಿದ್ದ ಮತ್ತೋರ್ವರಿಗೆ ತೀವ್ರವಾಗಿ ಗಾಯವಾಗಿದೆ.

ಇದನ್ನೂ ಓದಿ: Leelavathi: ಹಿರಿಯ ನಟಿ ಲೀಲಾವತಿ ಆರೋಗ್ಯ ವಿಚಾರಿಸಿದ ಶ್ರುತಿ-ಸುಧಾರಾಣಿ

ಅಜಯ್ ರಾವ್​ ಹಾಗೂ ರಚಿತಾ ರಾಮ್​ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿರುವ ಸಿನಿಮಾ ಲವ್​ ಯೂ ರಚ್ಚು. ಇದೊಂದು ರೊಮ್ಯಾಂಟಿಕ್​ ಥ್ರಿಲ್ಲರ್​ ಚಿತ್ರವಾಗಿದೆ. ಶಂಕರ್ ರಾಜ್​ ನಿರ್ದೇಶನದ ಈ ಸಿನಿಮಾದ ಮುಹೂರ್ತ ಆರ್ಟ್​ ಆಫ್​ ಲಿವಿಂಗ್​ನ ರವಿ ಸಂಕರ್ ಗುರೂಜಿ ಅವರು ಸಿನಿಮಾಗೆ ಚಾಲನೆ ನೀಡಿದ್ದರು. ಕದ್ರಿ ಅವರು ಸಿನಿಮಾಗೆ ಸಂಗೀತ ನೀಡಿದ್ದಾರೆ. ಈ ಸಿನಿಮಾದ ಚಿತ್ರೀಕರಣ ಬಹುತೇಕ ಪೂರ್ಣಗೊಂಡಿದ್ದು, ನವೆಂಬರ್​ನಲ್ಲಿ ಶೂಟಿಂಗ್​ಗೆ ತೆರೆ ಬೀಳುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
Published by:Anitha E
First published: