ಅಭಿಮಾನಿಗಳಿಗೆ ಶಾಕಿಂಗ್​ ಸುದ್ದಿ ಕೊಟ್ರು ಸಾರಾ ಅಲಿ ಖಾನ್​-ಕಾರ್ತಿಕ್​ ಆರ್ಯನ್

ಸೈಫ್​ ಅಲಿ ಖಾನ್​ ಮಗಳು ಸಾರಾ ಅಲಿ ಖಾನ್​ ಹಾಗೂ ನಟ ಕಾರ್ತಿಕ್​ ಆರ್ಯನ್​ ಡೇಟಿಂಗ್​ ಮಾಡುತ್ತಿದ್ದರು ಎನ್ನುವ ವಿಚಾರ ಸಾಕಷ್ಟು ವೈರಲ್​ ಆಗಿತ್ತು. ನಂತರ ಬ್ರೇಕಪ್​ ಆದ ವಿಚಾರ ಕೂಡ ಹೊರ ಬಿದ್ದಿತ್ತು. ಈ ಸುದ್ದಿ ಹೊರ ಬಿದ್ದ ಹೊರತಾಗಿಯೂ ಇಬ್ಬರೂ ಸಿನಿಮಾವೊಂದರಲ್ಲಿ ನಟಿಸಿದ್ದರು. ಈಗ ಈ ಜೋಡಿ ಮತ್ತೊಂದು ಶಾಕಿಂಗ್​ ಸುದ್ದಿ ನೀಡಿದೆ. ಅದೇನು ಅಂತೀರಾ? ಅದಕ್ಕೆ ಇಲ್ಲಿದೆ ಉತ್ತರ.

ಕರಣ್​ ಜೋಹರ್​ ನಡೆಸುವ ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲಿ ಸಾರಾ ಅಲಿ ಖಾನ್​ ಭಾಗಿಯಾಗಿದ್ದರು. ಈ ವೇಳೆ ಅವರು ಕಾರ್ತಿಕ್​ ಆರ್ಯನ್​ ಜೊತೆ ಡೇಟಿಂಗ್​ ನಡೆಸುವ ಇಚ್ಛೆ ವ್ಯಕ್ತಪಡಿಸಿದ್ದರು. ಇದಾದ ಬೆನ್ನಲ್ಲೇ ಕಾರ್ತಿಕ್​ ಆರ್ಯನ್​ ಹಾಗೂ ಸಾರಾ ಅಲಿ ಖಾನ್​ ಒಟ್ಟಾಗಿ ಕಾಣಿಸಿಕೊಂಡಿದ್ದರು.

ನಂತರ ಇಬ್ಬರ ಸಂಬಂಧ ಮುರಿದು ಬಿದ್ದಿತ್ತು ಎನ್ನಲಾಗಿತ್ತು. ಅಚ್ಚರಿ ಎಂಬಂತೆ ಇಬ್ಬರೂ ಕಾರ್ತಿಕ್​ ಆರ್ಯನ್​ ಹಾಗೂ ಸಾರಾ ಅಲಿ ಖಾನ್​ ‘ಲವ್​ ಆಜ್​ ಕಲ್​’ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದರು. ಇಬ್ಬರೂ ಕಿಸ್ಸಿಂಗ್​ ದೃಶ್ಯಗಳಲ್ಲೂ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ತೆರೆಕಂಡ ನಂತರ ಇಬ್ಬರ ಸಂಬಂಧ ಸರಿಯಾಗಿದೇ ಎಂದೇ ಭಾವಿಸಲಾಗಿತ್ತು.

ಆದರೆ, ಈಗ ಇಬ್ಬರೂ ಇನ್ಸ್​ಟಾಗ್ರಾಂನಲ್ಲಿ ಒಬ್ಬರನ್ನೊಬ್ಬರು ಅನ್​ ಫಾಲೋ ಮಾಡಿದ್ದಾರೆ. ಇದನ್ನು ನೋಡಿದ ಅಭಿಮಾನಿಗಳು ತುಂಬಾನೇ ಬೇಸರಗೊಂಡಿದ್ದಾರೆ. ಎಲ್ಲವೂ ಸರಿಯಿದ್ದಾಗ ಇಬ್ಬರೂ ಒಬ್ಬರನ್ನೊಬ್ಬರು ಫಾಲೋ ಮಾಡುತ್ತಿದ್ದರು. ಆದರೆ, ಈಗ ಇಬ್ಬರೂ ಪರಸ್ಪರ ಅನ್​ ಫಾಲೋ ಮಾಡಿರುವುದು ಈಗ ಇವರ ಸಂಬಂಧ ಸಂಪೂರ್ಣವಾಗಿ ಮುರಿದುಬಿದ್ದಿದೆ ಎನ್ನಲಾಗಿದೆ.