Kurukshetra Trailer: ಅದ್ಧೂರಿ ಕಾರ್ಯಕ್ರಮದಲ್ಲಿ 'ಕುರುಕ್ಷೇತ್ರ' ಚಿತ್ರದ ಆಡಿಯೋ ಜತೆಗೆ ಬಿಡುಗಡೆಯಾಯ್ತು ಟ್ರೈಲರ್​..!

ದರ್ಶನ್ ನಟನೆಯ ಬಹುನಿರೀಕ್ಷಿತ 'ಕುರುಕ್ಷೇತ್ರ' ಚಿತ್ರದ ಆಡಿಯೋ ಬಿಡುಗಡೆಯಾಗಿದೆ.  ಬೆಂಗಳೂರಿನ ಕೋರಮಂಗಲದ ಇನ್‍ಡೋರ್ ಸ್ಟೇಡಿಯಂನಲ್ಲಿ ನಿನ್ನೆ ಸಂಜೆ ನಡೆದ ಅದ್ಧೂರಿ  ಸಮಾರಂಭದಲ್ಲಿ ಧ್ವನಿ ಸುರಳಿ ಜತೆಗೆ ಸಿನಿಮಾದ ಟ್ರೈಲರ್​ ಸಹ ಬಿಡುಗಡೆಯಾಗಿದೆ.

ದರ್ಶನ್​ ಅಭಿನಯದ 50ನೇ ಸಿನಿಮಾ 'ಕುರುಕ್ಷೇತ್ರ'. ಈ ಕಾರಣದಿಂದಾಗಿ ಡಿಬಾಸ್​ ಅಭಿಮಾನಿಗಳು ಇದೆ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಹೀಗಿರುವಾಗಲೇ ಸಿನಿಮಾದ ಟ್ರೈಲರ್ ಸಹ ಬಿಡುಗಡೆಯಾಗಿರುವುದು ಅವರ ಸಂಭ್ರಮಕ್ಕೆ ಮತ್ತಷ್ಟು ಮೆರುಗು ಕೊಟ್ಟಿದೆ. ಹೆಚ್ಚು ವೀಕ್ಷಣೆ ಪಡೆಯುವ ಮೂಲಕ ಈ ಟ್ರೈಲರ್​ ಸದ್ಯ ಟ್ರೆಂಡಿಂಗ್​ನಲ್ಲಿದೆ.


ಕಾರ್ಯಕ್ರಮದಲ್ಲಿ ಇತ್ತೀಚೆಗೆ ಬಿಡುಗಡೆಯಾಗಿದ್ದ 'ಸಾಹೋರೆ ಸಾಹೋ...' ಹಾಡಿನ ಮೂಲಕ ದರ್ಶನ್​ ಅವರನ್ನು ವೇದಿಕೆಗೆ ಸ್ವಾಗತಿಸಲಾಯಿತು.

ಕುರುಕ್ಷೇತ್ರ ಆಡಿಯೋ ಸಮಾರಂಭಕ್ಕೆ ಬಂದಿರುವ ಭಕ್ತಾದಿಗಳು 😍😘

ತಮ್ಮ ನೆಚ್ಚಿನ ಆರಾಧ್ಯ ದೈವರನ್ನು ನೋಡಲು ಕಾತುರದಿಂದ ಕಾಯುತ್ತಿರುವ ಅಭಿಮಾನಿಗಳು @dasadarshan @LahariMusic@MunirathnaMLA @AICSDF @DBoss_Hudugaru_ @Dcompany171 @CSDSK1 @DarshanTrends @Darshanfans171 @DarshanFanz pic.twitter.com/EKOUsGeFWi

— Karunada Kalaputra Darshan Thoogudeepa Fans-KKDTFA (@kkdtfs) July 7, 2019

ನಾಗಣ್ಣ ನಿರ್ದೇಶನದ ಹಾಗೂ ವೃಷಭಾದ್ರಿ ಪ್ರೊಡಕ್ಷನ್ಸ್​ ಅಡಿ ಮುನಿರತ್ನ ಅವರು ನಿರ್ಮಿಸಿರುವ ಕನ್ನಡದ ಪ್ರಥಮ 3D ತಂತ್ರಜ್ಞಾನದ 'ಕುರುಕ್ಷೇತ್ರ' ಆಗಸ್ಟ್ 2ಕ್ಕೆ ತೆರೆಗೆ ಬರಲಿದ್ದು, ಅದಕ್ಕೂ ಮುನ್ನ ಅದ್ಧೂರಿಯಾಗಿ ಹಾಡುಗಳ ಲೋಕಾರ್ಪಣೆಯಾಗಿದೆ.

ಅಂದಹಾಗೆ ಧ್ವನಿಸುರಳಿ ಬಿಡುಗಡೆ ಸಮಾರಂಭದಲ್ಲಿ ದರ್ಶನ್, ನಟ ಸೋನು ಸೂದ್​, ಶಶಿಕುಮಾರ್, ನಿರ್ದೇಶಕ ನಾಗಣ್ಣ, ಮೇಘನಾ ರಾಜ್​​, ಹರಿಪ್ರಿಯಾ ಸೇರಿದಂತೆ ಹಲವರು ಭಾಗವಹಿಸಿದ್ದರು.



ಇನ್ನು ಆಡಿಯೋ ಬಿಡುಗಡೆ ಕಾರ್ಯಕ್ರಮದ ಎಂಟ್ರಿಗೆ ನೀಡಲಾಗಿದ್ದ ಪಾಸ್‍ನಲ್ಲಿ ದರ್ಶನ್ ಹೆಸರು ಫೋಟೋ ಇಲ್ಲ ಅಂತ ಈ ಹಿಂದೆ ಅಭಿಮಾನಿಗಳು ಆಕ್ರೋಶಗೊಂಡಿದ್ರು. ಆದರೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಅಭಿಮಾನಿಗಳನ್ನೇ ಸೆಲೆಬ್ರಿಟಿ ಎಂದು ಕರೆದು, ಅವರಿಗೆ ಚಾಲೆಂಜ್ ನೀಡುವ ಮೂಲಕ ಸಮಾಧಾನ ಮಾಡಿದ್ರು. ಯಾರು ಬೇಸರ  ಮಾಡಿಕೊಳ್ಳಬೇಡಿ ಅಂತ ಕೇಳಿಕೊಂಡಿದ್ರು.



ಹರಿಕೃಷ್ಣಅವರು ನೀಡಿರುವ ಸಂಗೀತದಲ್ಲಿ ಹಾಡುಗಳು ಮೂಡಿಬಂದಿದ್ದು, ಈಗಾಗಲೇ 'ಸಾಹೋರೆ ಸಾಹೋ...' ಹಾಡು ಕೇಳುಗರ ಮನಗೆದ್ದಿದೆ. 40 ಕೋಟಿಗೂ ಅಧಿಕ ಬಜೆಟ್‍ನ 'ಕುರುಕ್ಷೇತ್ರ', ಬೆಳ್ಳಿ ತೆರೆಯ ಮೇಲೆ ದೃಶ್ಯ ವೈಭವದ ಮ್ಯಾಜಿಕ್ ಮಾಡುವ ಭರವಸೆ ಹುಟ್ಟಿಸಿದೆ. ಕನ್ನಡ ಚಿತ್ರರಂಗದ ಬಾಹುಬಲಿಯಾಗಲಿದೆ ಎಂಬ ಸೂಚನೆಯನ್ನ ಮೇಕಿಂಗ್ ಝಲಕ್‍ಗಳಿಂದಲೇ ಕೊಡ್ತಿದೆ.

ಇದನ್ನೂ ಓದಿ: Pailwaan: ಲಹರಿ ಸಂಸ್ಥೆ​ ಪಾಲಾಯ್ತು ಪೈಲ್ವಾನ ಚಿತ್ರ ಆಡಿಯೋ ಹಕ್ಕು