• Home
  • »
  • News
  • »
  • entertainment
  • »
  • ಸಂಕ್ರಾಂತಿ ಸಂಭ್ರಮಕ್ಕೆ 'ಪೈಲ್ವಾನ'ನ ಕಿಚ್ಚು: ಕುಸ್ತಿ ಟೀಸರ್​ಗೆ ಮೆಚ್ಚುಗೆಯ ಸುರಿಮಳೆ!

ಸಂಕ್ರಾಂತಿ ಸಂಭ್ರಮಕ್ಕೆ 'ಪೈಲ್ವಾನ'ನ ಕಿಚ್ಚು: ಕುಸ್ತಿ ಟೀಸರ್​ಗೆ ಮೆಚ್ಚುಗೆಯ ಸುರಿಮಳೆ!

'ಪೈಲ್ವಾನ್​'ನಲ್ಲಿ ಕಿಚ್ಚ ಸುದೀಪ್​

'ಪೈಲ್ವಾನ್​'ನಲ್ಲಿ ಕಿಚ್ಚ ಸುದೀಪ್​

  • News18
  • 2-MIN READ
  • Last Updated :
  • Share this:

'ಪೈಲ್ವಾನ್' ಕಿಚ್ಚ ಸುದೀಪ್ ಅಭಿನಯದ ಹು ನಿರೀಕ್ಷಿತ ಸಿನಿಮಾ. ಹೆಬ್ಬುಲಿ ನಂತರ ಕೃಷ್ಣ ಮತ್ತೆ ಸುದೀಪ್‍ಗೆ ಆ್ಯಕ್ಷನ್ ಕಟ್ ಹೇಳುತ್ತಿರುವ ಚಿತ್ರ. ಕೇವಲ ಸುದೀಪ್ ಲುಕ್ಕು-ಗೆಟಪ್‍ನಿಂದಲೇ ಬೆಟ್ಟದಷ್ಟು ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ.. ಇಂತಹ ಈ ಸಿನಿಮಾ ಈಗ ಖಡಕ್​ ಟೀಸರ್​ನಿಂದಲೇ ಸಂಕ್ರಾಂತಿಗೆ ಕಿಚ್ಚು ಹಚ್ಚಿದೆ.

'ಪೈಲ್ವಾನ್', ಸ್ಯಾಂಡಲ್‍ವುಡ್​ನ ಬಾಕ್ಸಾಫಿಸ್ ಚಿಂದಿ ಮಾಡುತ್ತೆ ಎಂದು ಹೇಳಲಾಗುತ್ತಿರುವ ಸಿನಿಮಾ.  ಕೇವಲ ಒಂದೆರಡು ಪೋಸ್ಟರ್, ಚಿಕ್ಕದೊಂದು ಟೀಸರ್​ನಿಂದಲೇ ಸಾಕಷ್ಟು ಸದ್ದು ಮಾಡಿತ್ತು.  ಇದಕ್ಕೆಲ್ಲ ಕಾರಣ ಕಿಚ್ಚ ಸುದೀಪ್. ಹೌದು, ಇದೇ ಮೊದಲ ಬಾರಿಗೆ 'ಪೈಲ್ವಾನ್' ಮೂಲಕ ಬಾಕ್ಸರ್ ಪಾತ್ರದಲ್ಲಿ ರಾರಾಜಿಸಲು ಸಜ್ಜಾಗಿದ್ದಾರೆ ಕಿಚ್ಚ.

ಈ ಸಿನಿಮಾದ ಮತ್ತೊಂದು ಆಕರ್ಷಣೆ ಅಂದರೆ ನಿರ್ದೇಶಕ ಕೃಷ್ಣ. ಇವರ ನಿರ್ದೇಶನದಲ್ಲಿ, ಸುದೀಪ್ ನಟನೆಯಲ್ಲಿ ಈ ಮುನ್ನ 'ಹೆಬ್ಬುಲಿ' ಸಿನಿಮಾ ಬಂದಿತ್ತು. ಬಾಕ್ಸಾಫಿಸ್‍ನಲ್ಲಿ ಭರ್ಜರಿಯಾಗಿಯೇ ಘರ್ಜಿಸಿತ್ತು. ಈಗ ಅದೇ ರೀತಿಯ ಹಿಟ್​ ನೀಡೋಕೆ ಸಜ್ಜಾಗಿದೆ ಸುದೀಪ್-ಕೃಷ್ಣ ಜೋಡಿ.

ಇದನ್ನೂ ಓದಿ: ಎರಡು ದಿನದೊಳಗೆ 1.20 ಕೋಟಿ ವೀಕ್ಷಣೆ ಪಡೆದ ರಣವೀರ್​ ಸಿಂಗ್​ ಹಾಡಿರುವ 'ಗಲ್ಲಿ ಬಾಯ್​'ನ ರ‍್ಯಾಪ್​ ಹಾಡು..!

'ಪೈಲ್ವಾನ್' ಮೇಲಿನ ನಿರೀಕ್ಷೆಗಳನ್ನು ಮೀರಿ ನಿಲ್ಲುವಂತಹ ಟೀಸರ್ ಅನ್ನ ಚಿತ್ರ ತಂಡ ಬಿಡುಗಡೆ ಮಾಡಿದೆ. ಸಂಕ್ರಾಂತಿ ಸಂಭ್ರಮಕ್ಕೆ ಕಿಚ್ಚು ಹಚ್ಚುವಂತೆ ಬೆಂಕಿ ಬಿರುಗಾಳಿಯನ್ನೇ ಎಬ್ಬಿಸಿದೆ ಈ ಟೀಸರ್​. 'ಪೈಲ್ವಾನ್' ಚಿತ್ರಕ್ಕಾಗಿ ತನುಮನವನ್ನೇ ಅರ್ಪಿಸಿದ್ದಾರೆ ಕಿಚ್ಚ ಸುದೀಪ್.

ಚಿತ್ರದಲ್ಲಿನ ಬಾಕ್ಸರ್ ಪಾತ್ರಕ್ಕಾಗಿ ದೇಹವನ್ನ ದಂಡಿಸಿರೋ ಸುದೀಪ್ ಸುಮಾರು 16 ಕೆ.ಜಿ ತೂಕ ಇಳಿಸಿಕೊಂಡಿದ್ದಾರೆ. 'ಪೈಲ್ವಾನ್' ಶುರುವಾಗುವ ಮುನ್ನ 89 ಕೆ.ಜಿ ತೂಕವಿದ್ದ ಸುದೀಪ್ ಈಗ 73 ಕೆ.ಜಿಗೆ ತೂಕವನ್ನ ಕಡಿಮೆ ಮಾಡಿಕೊಂಡಿದ್ದಾರೆ. ಅದು ಟೀಸರ್ ಝಲಕ್‍ನಲ್ಲಿಯೂ ಕಾಣಿಸುತ್ತೆ.


 



ಟೀಸರ್​ ಬಿಡುಗಡೆಯಾಗುತ್ತಿದ್ದಂತೆಯೇ ಅದನ್ನು ನೋಡಿದ ತೆಲುಗು ಸಿನಿಮಾ ನಿರ್ದೇಶಕ ಪೂರಿ ಜಗನ್ನಾಥ್​ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

 




'ಪೈಲ್ವಾನ್‍'ಗಾಗಿಯೇ ಹೈದರಾಬಾದ್‍ನ ರಾಮೋಜಿರಾವ್ ಸ್ಟುಡಿಯೋದಲ್ಲಿ ಅದ್ಧೂರಿ ಸೆಟ್‍ಗಳನ್ನೇ ಹಾಕಿಸಲಾಗಿದೆ.. ಅದು ಕೂಡ ಒಂದಲ್ಲ ಎರಡಲ್ಲಾ ಸುಮಾರು 20 ಸೆಟ್‍ಗಳನ್ನ 'ಪೈಲ್ವಾನ್‍'ಗಾಗಿಯೇ ಕ್ರಿಯೇಟ್ ಮಾಡಲಾಗಿದೆ.. ಸುದೀಪ್ ಮನೆ, ಮಣ್ಣಿನ ಅಖಾಡ, ಬಾಕ್ಸಿಂಗ್ ಹೀಗೆ ಎಲ್ಲದಕ್ಕೂ ಸೆಟ್ ಹಾಕಲಾಗಿದೆ.. ಇದಕ್ಕಾಗಿಯೇ ಕೋಟಿ ಕೋಟಿ ಹಣ ಖರ್ಚು ಮಾಡಲಾಗಿದೆ.

ಇದನ್ನೂ ಓದಿ: ಅತಿಲೋಕ ಸುಂದರಿ ಶ್ರೀದೇವಿ ಪಾತ್ರದಲ್ಲಿ ಪ್ರಿಯಾ ವಾರಿಯರ್​: ಇಲ್ಲಿದೆ 'ಶ್ರೀದೇವಿ ಬಂಗ್ಲೊ' ಟ್ರೈಲರ್​..!

ಇನ್ನು ಪೈಲ್ವಾನ್, ಕನ್ನಡ ಚಿತ್ರರಂಗದಲ್ಲೊಂದು ಇತಿಹಾಸ ನಿರ್ಮಿಸಿರುವ ಉತ್ಸಾಹದಲ್ಲಿದ್ದಾನೆ.  ಸದ್ಯ ಎಲ್ಲೆಲ್ಲೂ ಹವಾ ಕ್ರಿಯೇಟ್ ಮಾಡಿರೋ 'ಕೆ.ಜಿ.ಎಫ್'. ಸಿನಿಮಾ 5 ಭಾಷೆಗಳಲ್ಲಿ ರಿಲೀಸ್ ಆಗಿರೋದು ನಿನಿಮಗೆಲ್ಲ ಗೊತ್ತೇ ಇದೆ. ಆದರೆ ಇದಕ್ಕೂ ಒಂದು ಹೆಜ್ಜೆ ಮುಂದಿಟ್ಟಿದ್ದಾನೆ 'ಪೈಲ್ವಾನ್'. ಕನ್ನಡ ಸೇರಿ 8 ಭಾಷೆಗಳಲ್ಲಿ ಅಬ್ಬರಿಸಲಿದ್ದಾನೆ ಕನ್ನಡದ 'ಪೈಲ್ವಾನ'. ಕನ್ನಡ ಚಿತ್ರರಂಗಕ್ಕೆ ಮತ್ತೊಂದು ದಾಖಲೆ ನಿರ್ಮಿಸುವ ಸಿನಿಮಾ ಇದಾಗಲಿದೆ ಅಂದರೆ ತಪ್ಪಾಗದು.

 

ದರ್ಶನ್​ ತೋಟದ ಮನೆಯಲ್ಲಿ ಸಂಕ್ರಾಂತಿ ಸಂಭ್ರಮ


 

First published: