Sanvi Sudeep: ಇಂಗ್ಲಿಷ್​ ಹಾಡು ಹಾಡಿದ ಸುದೀಪ್​ ಮಗಳು ಸಾನ್ವಿ: ವಿಡಿಯೋ ನೋಡಿ ಮೆಚ್ಚಿಕೊಂಡ ಕಾರ್ತಿಕ್​ ಜಯರಾಮ್​

ಬಾಲಿವುಡ್​ ಹಾಗೂ ಟಾಲಿವುಡ್​ನಲ್ಲಿರುವಂತೆ ಸ್ಯಾಂಡಲ್​ವುಡ್​ನಲ್ಲಿ ಈ ಸ್ಟಾರ್​ ಕಿಡ್​ಗಳ ಅಬ್ಬರ ಅಷ್ಟಾಗಿಲ್ಲ. ಸಾಮಾಜಿಕ ಜಾಲತಾಣದಲ್ಲೂ ಸಹ ಎಲೆ ಮರೆ ಕಾಯಿಯಂತೆ ಇದ್ದಾರೆ ಕನ್ನಡದ ಸ್ಟಾರ್​ಗಳ ಮಕ್ಕಳು. ಅದರಲ್ಲೂ ಸುದೀಪ್​ ಹಾಗೂ ದರ್ಶನ್​ ಅವರ ಮಕ್ಕಳ ಬಗ್ಗೆ ಅಷ್ಟಾಗಿ ಎಲ್ಲೂ ಸುದ್ದಿಯಾಗಲಿ, ಚರ್ಚೆಗಳಾಗಲಿ ನಡೆದದ್ದು ತೀರಾ ಕಡಿಮೆ. ಆದರೆ ಕಿಚ್ಚ ಸುದೀಪ್​ ಅವರ ಮಗಳು ಸಾನ್ವಿ ಈಗ ಸುದ್ದಿಯಲ್ಲಿದ್ದಾರೆ. ಅದೂ ಕೂಡ ಸುದೀಪ್​ ಮಗಳು ಎನ್ನುವ ಕಾರಣಕ್ಕಿಂತ ಹೆಚ್ಚಾಗಿ ತನ್ನದೇ ಆದ ಕಾರಣದಿಂದಾಗಿ ಸಾನ್ವಿ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದ್ದಾರೆ. ಕ್ಯಾಮೆರಾ ಮುಂದೆ ಹೆಚ್ಚಾಗಿ ಕಾಣಿಸಿಕೊಳ್ಳದ ಸಾನ್ವಿ ಅವರ ವಿಡಿಯೋ ಒಂದು ಈಗ ವೈರಲ್​ ಆಗುತ್ತಿದೆ. ಅದು ಸಹ ಸಾನ್ವಿ ಈ ವಿಡಿಯೋ ರೆಕಾರ್ಡ್​ ಮಾಡಿದ್ದು, ಅದನ್ನು ನೋಡಿದ ಕಿಚ್ಚನ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಅಷ್ಟಕ್ಕೂ ಸಾನ್ವಿಯ ಯಾವ ವಿಡಿಯೋ ಬಗ್ಗೆ ಮಾತನಾಡುತ್ತಿದ್ದೇವೆ ಎಂದು ಆಲೋಚಿಸುತ್ತಿದ್ದೀರಾ..? 

ಕಿಚ್ಚ ಸುದೀಪ್​ ಅವರ ಮಗಳು ಸಾನ್ವಿಗೆ ಈಗ 16 ವರ್ಷ. ಅಷ್ಟರಲ್ಲೇ ತನ್ನದೇ ಆದ ಯೂಟ್ಯೂಬ್​ ಚಾನಲ್​ ಮಾಡಿಕೊಂಡಿರುವ ಸಾನ್ವಿ ಅದರಲ್ಲಿ ತಮ್ಮ ಹಾಡಿನ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ.



ಎರಡು ದಿನಗಳ ಹಿಂದೆಯಷ್ಟೆ ಸಾನ್ವಿ ಸುದೀಪ್​ ಅಮೆರಿಕದ ಗಾಯಕಿ ಆ್ಯಂಡ್ರಾ ಡೇ ಅವರ ರೈಸ್​ ಅಪ್​ ಇಂಗ್ಲಿಷ್​ ಹಾಡಿಗೆ ದನಿಯಾಗಿದ್ದಾರೆ. ತಾವು ಹಾಡಿರುವ ವಿಡಿಯೋವನ್ನು ತಮ್ಮ ಯೂಟ್ಯೂಬ್​ ಚಾನಲ್​ನಲ್ಲಿ ಹಂಚಿಕೊಂಡಿದ್ದಾರೆ. ಸುಮಧುರ ಕಂಠದಿಂದ ಸಖತ್ತಾಗಿ ಹಾಡು ಹಾಡಿರುವ ಸಾನ್ವಿಯ ವಿಡಿಯೋಗೆ ಈಗಾಗಲೇ 39 ಸಾವಿರ ವೀಕ್ಷಣೆ ಹಾಗೂ 2 ಸಾವಿರಕ್ಕೂ ಅಧಿಕ ಲೈಕ್ಸ್​ ಸಿಕ್ಕಿದೆ.

ಇದನ್ನೂ ಓದಿ: ತುಂಬು ಗರ್ಭಿಣಿ ಮಯೂರಿಗೆ ಎರಡನೇ ಸಲ ಸೀಮಂತ ಶಾಸ್ತ್ರ

ಇನ್ನು ಈ ವಿಡಿಯೋ ನೋಡಿ ಫಿದಾ ಆಗಿರುವ ನಟ ಜೆಕೆ (ಕಾರ್ತಿಕ್​ ಜಯರಾಮ್​) ತಮ್ಮ ಇನ್​ಸ್ಟಾಗ್ರಾಂನಲ್ಲಿದ್ದ ಸಾನ್ವಿ ಬಗ್ಗೆ ಪ್ರೀತಿಯಿಂದ ಬರೆದುಕೊಂಡಿದ್ದಾರೆ. 11 ವರ್ಷಗಳಿಂದ ಸಾನ್ವಿಯನ್ನು ನೋಡುತ್ತಿದ್ದೇನೆ. ಸುಮಧುರ ಕಂಠವನ್ನು ದೇವರು ಉಡುಗೊರೆಯಾಗಿ ನೀಡಿದ್ದಾನೆ ಎನ್ನುವುದಕ್ಕಿಂತ ಸಾನ್ವಿಯ ಶ್ರಮವೂ ಇದರಲ್ಲಿದೆ, ಶುಭವಾಗಲಿ ಎಂದು ಜೆಕೆ ಪೋಸ್ಟ್​ ಮಾಡಿದ್ದಾರೆ.

View this post on Instagram

A post shared by Karthik Jayaram (@karthik.jayaram)

ಇನ್ನು ಸುದೀಪ್​ ಹಾಗೂ ಕಾರ್ತಿಕ್​ ಜಯರಾಮ್​ ಅವರ ನಡುವಿನ ಸ್ನೇಹ ಸಂಬಂಧದ ಬಗ್ಗೆ ಹೇಳಬೇಕಿಲ್ಲ. ಜೆಕೆ ಸಿನಿ ಜರ್ನಿಯ ಆರಂಭದ ದಿನಗಳಲ್ಲೂ ಸಹ ಕಿಚ್ಚ ಬೆಂಬಲ ನೀಡಿದ್ದರು. ಇತ್ತೀಚೆಗೂ ಸಹ ಜೆಕೆ ಅಭಿನಯದ ಐರಾವನ್​ ಟೀಸರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಸುದೀಪ್​ ಭಾಗಿಯಾಗಿದ್ದರು.

ಬುರ್ಜ್ ಖಲೀಫ ಮೇಲೆ ವಿಕ್ರಾಂತ್ ರೋಣ⁰⁰! Phantom is now #VikrantRona. World's first movie to reveal Title Logo+180secs sneak peek on Burj Khalifa Jan 31st#VikrantRonaOnBurjKhalifa @VikrantRona ⁰@KicchaSudeep @jackmanjunath @alankar_pandian @Shaliniartss Invenio Films Zakir Khan pic.twitter.com/sHGSTB69j7

— Anup Bhandari (@anupsbhandari) January 21, 2021

ಇನ್ನು ಕಿಚ್ಚ ಸುದೀಪ್​ ಅವರ ಸಿನಿಮಾ ವಿಷಯಕ್ಕೆ ಬಂದರೆ, ಫ್ಯಾಂಟಮ್​ ಹಾಗೂ ಕೋಟಿಗೊಬ್ಬ 3 ಸಿನಿಮಾ ರಿಲೀಸ್​ಗೆ ರೆಡಿಯಾಗಿದೆ. ಇನ್ನು ಇತ್ತೀಚೆಗಷ್ಟೆ ಫ್ಯಾಂಟಮ್​ ಸಿನಿಮಾದ ಹೆಸರನ್ನು ವಿಕ್ರಾಂತ್​ ರೋಣ ಎಂದು ಬಲಾಯಿಸಿದ್ದು, ಇದರ ಟೈಟಲ್​ ಲೊಗೊವನ್ನು ದುಬೈನ ಬುಜ್​ ಖಲೀಫಾ ಕಟ್ಟಡದ ಮೇಲೆ ಜ.31ಕ್ಕೆ ಅನಾವರಣಗೊಳಿಸಲಾಗುವುದು.