Kotigobba 3 Release Date: ಕೋಟಿಗೊಬ್ಬ 3 ಚಿತ್ರದ ರಿಲೀಸ್ ಬಗ್ಗೆ ಖುಷಿಯಿಂದ ಹಂಚಿಕೊಂಡ ಕಿಚ್ಚ ಸುದೀಪ್​

Kichcha Sudeep: ಇತ್ತೀಚೆಗಷ್ಟೆ ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡಿಸ್​ ಸಹ ವಿಕ್ರಾಂತ್ ರೋಣ ಚಿತ್ರತಂಡ ಸೇರಿಕೊಂಡಿದ್ದು, ತಮ್ಮ ಪಾಲಿನ ಶೂಟಿಂಗ್ ಮುಗಿಸಿದ್ದಾರೆ. ಇದರ ಬೆನ್ನಲ್ಲೇ ಈಗ ಕಿಚ್ಚ ಸುದೀಪ್​ ಅವರು ಕೋಟಿಗೊಬ್ಬ 3 ಸಿನಿಮಾ ಕುರಿತಾಗಿ ಒಂದು ಅಪ್ಡೇಟ್​ ಕೊಟ್ಟಿದ್ದಾರೆ.

ಕಿಚ್ಚ ಸುದೀಪ್​

ಕಿಚ್ಚ ಸುದೀಪ್​

  • Share this:
ಕಿಚ್ಚ ಸುದೀಪ್​ ಅವರ ಅಭಿಮಾನಿಗಳಿಗೆ ಸಾಲು ಸಾಲಾಗಿ ಗುಡ್​ ನ್ಯೂಸ್​ ಸಿಗಲಿದೆ. ಹೌದು, ಸುದೀಪ್​ ಅಭಿನಯದ ಸಿನಿಮಾಗಳು ರಿಲೀಸ್​ಗೆ ರೆಡಿಯಾಗಿದ್ದು, ಬಿಡುಗಡೆ ದಿನಾಂಕವಷ್ಟೆ ಪ್ರಕಟವಾಗಬೇಕಿದೆ. ಲಾಕ್​ಡೌನ್​ ಇರಲಿ-ಇಲ್ಲದಿರಲಿ ಸುದೀಪ್ ಮಾತ್ರ ತಮ್ಮ ಅಭಿಮಾನಿಗಳಿಗೆ ಆಗಾಗ ಒಂದೊಂದು ಅಪ್ಡೇಟ್​ ಕೊಡುವ ಮೂಲಕ ಸಂತೋಷವಾಗಿಡುತ್ತಿದ್ದರು. ತಮ್ಮ ಸಿನಿಮಾ ಕುರಿತಾದ ಪುಟ್ಟ ವಿಡಿಯೋ ತುಣುಕು, ಪೋಸ್ಟರ್ ಹೀಗೆ ಒಂದಲ್ಲಾ ಒಂದು ರೀತಿಯ ಟ್ರೀಟ್ ಕೊಡುತ್ತಲೇ ಇದ್ದಾರೆ ಸುದೀಪ್​. ಸುದೀಪ್​ ಅಭಿನಯದ ಸಿನಿಮಾ ಕೋಟಿಗೊಬ್ಬ 3 ಹಾಗೂ ವಿಕ್ರಾಂತ್ ರೋಣ ಚಿತ್ರ ರಿಲೀಸ್​ಗೆ ಸಜ್ಜಾಗುತ್ತಿವೆ. ಇತ್ತೀಚೆಗಷ್ಟೆ ಚಿತ್ರಮಂದಿರಗಳು ಬಾಗಿಲು ತೆರೆದಿದ್ದು, ಕೊರೋನಾ ಕಾರಣದಿಂದಾಗಿ ಈಗಲೂ ಸಹ ಶೇ 50ರಷ್ಟು ಆಸನ ಭರ್ತಿಗೆ ಅನುಮತಿ ನೀಡಲಾಗಿದೆ. ಕೊರೋನಾ ಎರಡಣೇ ಅಲೆಯಿಂದಾಗಿ ಮಾಡಲಾಗಿದ್ದ ಲಾಕ್​ಡೌನ್​ ಅನ್ನು ಹಂತ ಹಂತವಾಗಿ ಸಡಿಲಗೊಳಿಸಲಾಗುತ್ತಿದೆ. 4.0 ಅನ್​ಲಾಕ್​ನಲ್ಲಿ ಸಿನಿಮಾ ಮಂದಿರಗಳ ಬಾಗಿಲು ತೆರೆಯಲು ಅನುಮತಿ ನೀಡಲಾಗಿದೆ. 

ಚಿತ್ರಮಂದಿರಗಳು ಬಾಗಿಲು ತೆರೆಯುತ್ತಿದ್ದಂತೆಯೇ ರಿಲೀಸ್​ಗೆ ರೆಡಿಯಾಗಿರುವ ಚಿತ್ರಗಳು ಸಹ ತಮ್ಮ ಕೆಲಸಗಳನ್ನು ಆರಂಭಿಸಿವೆ. ಇದಕ್ಕೆ ಸುದೀಪ್​ ಅವರ ಚಿತ್ರಗಳೂ ಹೊರತಾಗಿಲ್ಲ. ಸುದೀಪ್​ ಅಭಿನಯದ ವಿಕ್ರಾಂತ್ ರೋಣದ ಚಿತ್ರೀಕರಣ ಪೂರ್ಣಗೊಂಡಿದೆ. ಇತ್ತೀಚೆಗಷ್ಟೆ ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡಿಸ್​ ಸಹ ವಿಕ್ರಾಂತ್ ರೋಣ ಚಿತ್ರತಂಡ ಸೇರಿಕೊಂಡಿದ್ದು, ತಮ್ಮ ಪಾಲಿನ ಶೂಟಿಂಗ್ ಮುಗಿಸಿದ್ದಾರೆ. ಇದರ ಬೆನ್ನಲ್ಲೇ ಈಗ ಕಿಚ್ಚ ಸುದೀಪ್​ ಅವರು ಕೋಟಿಗೊಬ್ಬ 3 ಸಿನಿಮಾ ಕುರಿತಾಗಿ ಒಂದು ಅಪ್ಡೇಟ್​ ಕೊಟ್ಟಿದ್ದಾರೆ.

ಕಿಚ್ಚ ಸುದೀಪ್ ಮಾಡಿರುವ ಲೆಟೆಸ್ಟ್​ ಟ್ವೀಟ್​ನ ಲಿಂಕ್​ ಇಲ್ಲಿದೆ...





ಹೌದು, ಕೋಟಿಗೊಬ್ಬ 3 ಸಿನಿಮಾ ರಿಲೀಸ್​ಗೆ ಸಜ್ಜಾಗುತ್ತಿದೆ. ಕಿಚ್ಚನನ್ನು ಉಳಿದು ಬೇರೆ ಎಲ್ಲರೂ ಅವರವರ ಪಾಲಿನ ಡಬ್ಬಿಂಗ್ ಮುಗಿಸಿದ್ದಾರಂತೆ. ಈಗ ಕಿಚ್ಚ ಸುದೀಪ್​ ಸಹ ಕಂಠದಾನ ಮಾಡಲಾರಂಭಿಸಿದ್ದು, ಶೀಘ್ರವಾಗಿ ಅದನ್ನು ಮುಗಿಸಲಿದ್ದಾರಂತೆ. ಈ ಬಗ್ಗೆಯೇ ಸುದೀಪ್​ ಟ್ವೀಟ್​ ಮಾಡಿದ್ದಾರೆ.

ಇದನ್ನೂ ಓದಿ: Shwetha Srivatsav: ಬಕ್ರೀದ್​ ಹಬ್ಬದ ವಿಶೇಷ ಫೋಟೋಶೂಟ್​ನಲ್ಲಿ ಮಗಳ ಜೊತೆ ಪೋಸ್​ ಕೊಟ್ಟ ಶ್ವೇತಾ ಶ್ವೇತಾ ಶ್ರೀವಾತ್ಸವ

ಮತ್ತೊಮ್ಮೆ ಮೈಕ್ ಮುಂದೆ ಬಂದಿದ್ದೇನೆ. ಈ ಸಲ ಕೋಟಿಗೊಬ್ಬ 3 ಚಿತ್ರದ ವಾಯ್ಸ್​ ಓವರ್​ಗಾಗಿ. ತುಂಬಾ ಸಮಯದ ನಂತರ ಸತ್ಯ ಹಾಗೂ ಶಿವನಾಗಿ ಜೀವಿಸುತ್ತಿದ್ದೇನೆ. ಇದೊಂದು ರೀತಿ ಫನ್​ ಎನಿಸುತ್ತಿದೆ. ಎಲ್ಲರೂ ಕಂಠದಾನ ಮಾಡಿದ್ದಾರೆ. ನಾನು ಈಗ ನನ್ನ ಪಾಲಿನ ಡಬ್ಬಿಂಗ್​ ಮಾಡುತ್ತಿದ್ದೇನೆ. ಬೇಗನೇ ಸಿನಿಮಾ ಕೆಲಸಗಳನ್ನು ಮುಗಿಸಿ, ರಿಲೀಸ್​ ದಿನಾಂಕವನ್ನು ಶೀಘ್ರದಲ್ಲೇ ಪ್ರಕಟಿಸಲಿದ್ದೇವೆ ಎಂದು ಟ್ವೀಟ್​ನಲ್ಲಿ ಬರೆದಿದ್ದಾರೆ.

ಇನ್ನು ಕೋಟಿಗೊಬ್ಬ 3 ಸಿನಿಮಾದಲ್ಲೂ ಕಿಚ್ಚ ಸುದೀಪ್​ ಎರಡು ಶೇಡ್​ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅದೇ ಸತ್ಯ ಹಾಗೂ ಶಿವನಾಗಿ. ಶಿವಕಾರ್ತಿಕ್​ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಸಿನಿಮಾ ಇದಾಗಿದ್ದು, ಸುದೀಪ್​ ಅವರು ಕೋಟಿಗೊಬ್ಬ ಸಿನಿಮಾ ಮೊದಲ ಹಾಗೂ ಎರಡನೇ ಭಾಗದಲ್ಲೂ ಎರಡು ಶೇಡ್​ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾದಲ್ಲಿ ಮಡೋನ್ನಾ ಸೆಬಾಸ್ಟಿಯನ್​ ಅವರು ನಾಯಕಿಯಾಗಿ ನಟಿಸಿದ್ದಾರೆ. ಈಗಾಗಲೇ ಈ ಸಿನಿಮಾದ ಪೋಸ್ಟರ್​ಗಳು ಹಾಗೂ ಟೀಸರ್ ರಿಲೀಸ್ ಆಗಿದ್ದು, ಸಿನಿಮಾ ಬಗೆಗಿನ ಕುತೂಹಲ ಹೆಚ್ಚಿಸಿವೆ.

ಇದನ್ನೂ ಓದಿ: ದಿವ್ಯಾ ಸುರೇಶ್​ಗೆ ಒಂಟಿತನ ಕಾಡುತ್ತಿದೆ ಎಂದರೂ ಮಂಜು ಮನಸ್ಸು ಮಾತ್ರ ಕರಗುತ್ತಿಲ್ಲ

ಕೋಟಿಗೊಬ್ಬ 3 ಚಿತ್ರತಂಡ ಸಿನಿಮಾ ಬಿಡುಗಡೆ ದಿನಾಂಕ ಪ್ರಕಟಿಸಿದರೂ,  ಸದ್ಯಕ್ಕೆ ರಿಲೀಸ್​ ಆಗುವಂತೆ ಕಾಣುತ್ತಿಲ್ಲ. ಕಾರಣ ಈ ಹಿಂದೆ ಅಂದರೆ ಕೊರೋನಾ ಮೊದಲ ಅಲೆ ವೇಳೆ ಲಾಕ್​ಡೌನ್​ ಆಗಿದ್ದಾಗಲೇ ನಿರ್ಮಾಪಕರು ಸೂರಪ್ಪ ಬಾಬು ಅವರು ಚಿತ್ರಮಂದಿರಗಳಲ್ಲಿ ಸಂಪೂರ್ಣ ಆಸನ ಭರ್ತಿಗೆ ಅವಕಾಶ ನೀಡುವವರೆಗೂ ಸಿನಿಮಾವನ್ನು ರಿಲೀಸ್​ ಮಾಡುವುದಿಲ್ಲ ಎಂದಿದ್ದರು. ಹೀಗಾಗಿಯೇ ಸಿನಿಮಾ ರಿಲೀಸ್​ಗೆ ರೆಡಿಯಾದರೂ ಚಿತ್ರಮಂದಿರಗಳಲ್ಲಿ ಸಂಪೂರ್ಣ ಆಸನಗ ಭರ್ತಿಗೆ ಅವಕಾಶ ಸಿಗುವರೆಗೂ ಕಾಯಬೇಕಾಗುತ್ತದೆಯೋನೋ..?
Published by:Anitha E
First published: