Ravishankar Gowda: ವಿಷ್ಣುವರ್ಧನ್​ ನೆನಪಿನಲ್ಲಿ ಹಾಡು ಹಾಡಿದ ರವಿಶಂಕರ್​: ಮೆಚ್ಚಿಕೊಂಡ ಕಿಚ್ಚ ಸುದೀಪ್​..!

ನಟ ಹಾಗೂ ಗಾಯಕ ರವಿಶಂಕರ್ ಗೌಡ ಎಷ್ಟು ಚೆನ್ನಾಗಿ ಹಾಡು ಹಾಡುತ್ತಾರೆ ಅಂತ ತಿಳಿದಿದೆ. ಆಗಾಗ ಅವರು ಮನೆಯಲ್ಲಿ ತಮ್ಮಿಷ್ಟದ ನಟರ ಹಾಡುಗಳನ್ನು ಹಾಡುತ್ತಿರುತ್ತಾರೆ. ಅದರಲ್ಲೂ ಕೊರೋನಾ ಲಾಕ್​ಡೌನ್​ನಿಂದಾಗಿ ಮನೆಯಲ್ಲೇ ಇರುವ ರವಿಶಂಕರ್​ ಹಲವಾರು ಹಾಡಿನ ವಿಡಿಯೋಗಳನ್ನು ಮಾಡಿ ಹಂಚಿಕೊಳ್ಳುತ್ತಿದ್ದಾರೆ.

ಮಡದಿ ಜೊತೆ ಸೇರಿ ಈ ಹಿಂದೆ ಸಾಕಷ್ಟು ಹಾಡುಗಳನ್ನು ಹಾಡಿದ್ದು, ಅದರ ವಿಡಿಯೋಗಳನ್ನೂ ರವಿಶಂಕರ್​ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಎರಡು ತಿಂಗಳ ಗಿಂದೆ ಅಣ್ಣಾವ್ರ ಸಿನಿಮಾದ ಹಾಡನ್ನು ಹಾಡಿ, ಅದರ ವಿಡಿಯೋವನ್ನು ಪೋಸ್ಟ್​ ಮಾಡಿದ್ದರು.

ಆಗಾಗ ಫೇಸ್​ಬುಕ್​ನಲ್ಲಿ ಲೈವ್​ ಬಂದು ಹಾಡುಗಳನ್ನು ಹಾಡುವ ರವಿಶಂಕರ್​ ಹಾಗೂ ಅವರ ಮಡದಿ ಸಂಗೀತಾ, ಲಾಕ್​ಡೌನ್​ನಲ್ಲಿ ನೆಟ್ಟಿಗರನ್ನು ತಮ್ಮದೇ ಆದ ರೀತಿಯಲ್ಲಿ ರಂಜಿಸುತ್ತಿದ್ದಾರೆ. ನಿನ್ನೆ ಮತ್ತೆ ರವಿಶಂಕರ್​, ವಿಷ್ಣುವರ್ಧನ್​ ಅವರ ನೆನಪಿನಲ್ಲಿ 'ಮಾಮರವೆಲ್ಲೋ ಕೋಗಿಲೆ ಎಲ್ಲೋ...' ಹಾಡನ್ನು ಹಾಡಿದ್ದಾರೆ.

ತುಂಬಾ ದಿನವಾಗಿತ್ತು ಹಾಡಿ....
ನಿಮಗಾಗಿ ಹಾಗೂ
ವಿಷ್ಣು ದಾದನ ನೆನಪಿಗಾಗಿ...
ಕರುನಾಡಿನ ಪ್ರತಿಯೊಬ್ಬರ ಮನಸ್ಸಿನಲ್ಲಿರುವ
ಈ ಗೀತೆ ಮರೆಯಲಾಗದ ಮಧುರ ಗೀತೆ.
Please use headphone 🙏🙏🙏😊@KicchaSudeep @Official_Ganesh @raghuram9777 @SanthoshAnand15 @ pic.twitter.com/GXbx32cvVu

— Ravishankar Gowda (@RavishankarGow5) July 3, 2020

ರವಿಶಂಕರ್ ಅವರ ಸ್ನೇಹಿತರಾಗಿರುವ ಸುದೀಪ್​, ಅವರ ವಿಡಿಯೋ ನೋಡಿ ಮೆಚ್ಚುಗೆ ಸೂಚಿಸಿದ್ದಾರೆ. ನೀನು ನಿಜಕ್ಕೂ ಒಳ್ಳೆಯ ಗಾಯಕ ಎಂದಿದ್ದಾರೆ.

Fabulous attempt my friend @RavishankarGow5 .. you sing really well.
🤗🤗👏🏼 https://t.co/KakHcwaoII

— Kichcha Sudeepa (@KicchaSudeep) July 3, 2020

ತಾವು ವಾಸಿಸುತ್ತಿರುವ ಅಪಾರ್ಟ್​ಮೆಂಟ್​ನಲ್ಲಿ, ಎದುರು ಮನೆಯವರಿಗೆ ಕೊರೋನ ಸೋಂಕು ತಗುಲಿದ್ದ ಕಾರಣದಿಂದ ರವಿಶಂಕರ್​ ಸುದ್ದಿಯಲ್ಲಿದ್ದರು. ಮನೆಯಲ್ಲಿ ಇಬ್ಬರು ಮಕ್ಕಳಿದ್ದಾರೆ. ಇನ್ನು 14 ದಿನಗಳು ಮನೆಯಿಂದ ಹೊರ ಬರುವಂತಿಲ್ಲ. ಈ ವಿಷಯ ತಿಳಿದ ಸ್ನೇಹಿತರು ನನ್ನನ್ನು ಅವರ ಮನೆಗೆ ಬರುವಂತೆ ಕರೆಯುತ್ತಿದ್ದಾರೆ. ಅವರಿಗೆಲ್ಲ ನಾನು ಚಿರಋಣಿ ಎಂದು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ್ದರು.

Urvashi Rautela: ಕಿರುತೆರೆ ನಟನೊಂದಿಗೆ ಸಪ್ತಪದಿ ತುಳಿದ್ರಾ ಐರಾವತ ಬೆಡಗಿ ಊರ್ವಶಿ ರೌಟೆಲ..!

 

ಇದನ್ನೂ ಓದಿ: Rachita Ram: ಸೆಲ್ಫಿ ತೆಗೆಸಿಕೊಂಡ ಅಭಿಮಾನಿಗೆ ಇನ್​ಸ್ಟಾಗ್ರಾಂನಲ್ಲಿ ಟ್ಯಾಗ್​ ಮಾಡುವಂತೆ ಮನವಿ ಮಾಡಿದ ರಚಿತಾ ರಾಮ್​..!