HOME » NEWS » Entertainment » KICHCHA SUDEEP CHANGED THE PHANTOM MOVIE NAME AS VIKRANT RONA HERE IS THE DETAILS AE

ಸಿನಿಮಾದ ಹೆಸರು ಬದಲಿಸಿದ ಫ್ಯಾಂಟಮ್​ ಚಿತ್ರತಂಡ: ಹೊಸ ಟೈಟಲ್​ ಜೊತೆ ಮತ್ತೊಂದು ಅಪ್ಡೇಟ್​ ಕೊಟ್ಟ ಕಿಚ್ಚ ಸುದೀಪ್​..!

ಈ ಹಿಂದೆಯೇ ಹೇಳಲಾಗುತ್ತಿದ್ದಂತೆಯೇ ಈಗ ಫ್ಯಾಂಟಮ್​ ಸಿನಿಮಾದ ಟೈಟಲ್​ ಬದಲಿಸಲಾಗಿದೆ. ವಿಕ್ರಾಂತ್ ರೋಣ ಎಂದು ಸಿನಿಮಾಗೆ ಮರು ನಾಮಕರಣ ಮಾಡಿದ್ದು, ಅದರ ಟೈಟಲ್​ ಲೊಗೋವನ್ನು ಇದೇ ತಿಂಗಳ 31ಕ್ಕೆ ದುಬೈನ ಬುರ್ಜ್​ ಖಲೀಫ ಕಟ್ಟದ ಮೇಲೆ ಅನಾವರಣಗೊಳಿಸಲಾಗುವುದು ಎಂದು ಸುದೀಪ್​ ಟ್ವೀಟ್​ ಮಾಡಿದ್ದಾರೆ.

Anitha E | news18-kannada
Updated:January 22, 2021, 8:28 AM IST
ಸಿನಿಮಾದ ಹೆಸರು ಬದಲಿಸಿದ ಫ್ಯಾಂಟಮ್​ ಚಿತ್ರತಂಡ: ಹೊಸ ಟೈಟಲ್​ ಜೊತೆ ಮತ್ತೊಂದು ಅಪ್ಡೇಟ್​ ಕೊಟ್ಟ ಕಿಚ್ಚ ಸುದೀಪ್​..!
ವಿಕ್ರಾಂತ್​ ರೋಣ ಸಿನಿಮಾದಲ್ಲಿ ಕಿಚ್ಚ ಸುದೀಪ್​
  • Share this:
ಕಿಚ್ಚ ಸುದೀಪ್​ (Kichcha Sudeep) ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದು, ಒಂದರ ಹಿಂದೆ ಒಂದರಂತೆ ಎಲ್ಲವೂ ರಿಲೀಸ್​ಗೆ ಸಿದ್ಧವಾಗುತ್ತಿವೆ. ಅದರಲ್ಲೂ ಅವರ ಬಹುನಿರೀಕ್ಷಿತ ಸಿನಿಮಾಗಳೆಂದರೆ ಫ್ಯಾಂಟಮ್ ಹಾಗೂ ಕೋಟಿಗೊಬ್ಬ 3(Kotigobba 3)​. ಲಾಕ್​ಡೌನ್​ನಿಂದಾಗಿ ಈ ಎರಡೂ ಚಿತ್ರಗಳ ಚಿತ್ರೀರಕಣ ನಿಂತಿತ್ತು. ಒಮ್ಮೆ ಹೈದರಾಬಾದಿನಲ್ಲಿ ಚಿತ್ರೀಕರಣಕ್ಕೆ ಅನುಮತಿ ಸಿಗುತ್ತಿದ್ದಂತೆಯೇ ಸುದೀಪ್​ ತಮ್ಮ ಫ್ಯಾಂಟಮ್​ (Phantom) ಚಿತ್ರತಂಡದೊಂದಿಗೆ ಹೈದರಾಬಾದಿಗೆ ಹಾರಿದ್ದರು. ಜೊತೆಗೆ ಲಾಕ್​ಡೌನ್​ನಿಂದಾಗಿ ಕೆಲಸವಿಲ್ಲದೆ ಸಂಕಷ್ಟದಲ್ಲಿದ್ದ ಸ್ಯಾಂಡಲ್​ವುಡ್​ ತಂತ್ರಜ್ಙರು, ಲೈಟ್​ಬಾಯ್​, ಸ್ಪಾಟ್​ಬಾಯ್​ ಹೀಗೆ ಚಿತ್ರೀಕರಣಕ್ಕೆ ಅಗತ್ಯ ಸಿಬ್ಬಂದಿಗಳನ್ನೂ ಇಲ್ಲಿಂದಲೇ ಜೊತೆಯಲ್ಲಿ ಕರೆದುಕೊಂಡು ಹೋಗಿದ್ದರು. ಈ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಕೆಲಸ ಮಾಡುವ ಕಾರ್ಮಿಕರಿಗೆ ನೆರವಾಗಿದ್ದರು. ನಂತರ ಚಿತ್ರದ ಚಿತ್ರೀಕರಣ ಕುರಿತಂತೆ ವಿಡಿಯೋಗಳನ್ನು ಹಂಚಿಕೊಳ್ಳುವ ಮೂಲಕ ಆಗಾಗ ಅಪ್ಡೇಟ್​ ಕೊಡುತ್ತಿದ್ದರು. ಈಗ ಈ ಸಿನಿಮಾ ಕುರಿತಾಗಿ ಎರಡು  ದೊಡ್ಡ ಅಪ್ಡೇಟ್​ ಕೊಟ್ಟಿದ್ದಾರೆ ಕಿಚ್ಚ ಸುದೀಪ್​.

ಒಂದೊಂದೇ ಚಿತ್ರತಂಡಗಳು ತಮ್ಮ ತಮ್ಮ ಸಿನಿಮಾಗಳ ಬಗ್ಗೆ ದೊಡ್ಡ ಬ್ರೇಕಿಂಗ್​ ಕೊಡುತ್ತಿರುವಾಗವೇ ಕಿಚ್ಚ ಸುದೀಪ್​ ಸಹ ತಮ್ಮ ಬಹುನಿರೀಕ್ಷಿತ ಸಿನಿಮಾ ಫ್ಯಾಂಟಮ್​ ಕುರಿತಾಗಿ ದೊಡ್ಡ ಅಪ್ಡೇಟ್​ ಕೊಡಲಿರುವುದಾಗಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ್ದರು. ಅದರಂತೆ ಎರಡು ದೊಡ್ಡ ಅಪ್ಡೇಟ್​ ಕೊಟ್ಟಿದ್ದಾರೆ.




ಹೌದು, ಈ ಹಿಂದೆಯೇ ಹೇಳಲಾಗುತ್ತಿದ್ದಂತೆಯೇ ಈಗ ಫ್ಯಾಂಟಮ್​ ಸಿನಿಮಾದ ಟೈಟಲ್​ ಬದಲಿಸಲಾಗಿದೆ. ವಿಕ್ರಾಂತ್ ರೋಣ ಎಂದು ಸಿನಿಮಾಗೆ ಮರು ನಾಮಕರಣ ಮಾಡಿದ್ದು, ಅದರ ಟೈಟಲ್​ ಲೊಗೋವನ್ನು ಇದೇ ತಿಂಗಳ 31ಕ್ಕೆ ದುಬೈನ ಬುರ್ಜ್​ ಖಲೀಫ ಕಟ್ಟದ ಮೇಲೆ ಅನಾವರಣಗೊಳಿಸಲಾಗುವುದು ಎಂದು ಸುದೀಪ್​ ಟ್ವೀಟ್​ ಮಾಡಿದ್ದಾರೆ.




ಬುರ್ಜ್​ ಖಲೀಫ ದುಬೈನಲ್ಲಿರುವ ಎತ್ತಿ ಎತ್ತರದ ಕಟ್ಟಡ. ಇದರ ಮೇಲೆ ಸುದೀಪ್​ ಅವರ ವಿಕ್ರಾಂತ್​ ರೋಣ ಸಿನಿಮಾ ಟೈಟಲ್​ ಲೊಗೋ ಅನಾವರಣಗೊಳ್ಳಲಿದೆ. ಈ ಕಾರ್ಯಕ್ರಮ ಜ.31ಕ್ಕೆ ಕಿಚ್ಚ ಕ್ರಿಯೇಷನ್ಸ್​ನ ಯೂಟ್ಯೂಬ್​ ಚಾನಲ್​ನಲ್ಲಿ ಪ್ರಸಾರಗೊಳ್ಳಲಿದೆ.




ದುಬೈನ ಬುರ್ಜ್​ ಖಲೀಫ ಕಟ್ಟಡದ ಮೇಲೆ ಶಾರುಖ್​ ಖಾನ್ ಹಾಗೂ ರಜಿನಿಕಾಂತ್​ ಅವರ  ಪೋಸ್ಟರ್​ ಹಾಗೂ ವಿಡಿಯೋಗಳು ಪ್ರದರ್ಶನಗೊಂಡಿವೆ. ಆದರೆ ಇದೇ ಮೊದಲ ಬಾರಿಗೆ ಕನ್ನಡದ ನಟರೊಬ್ಬರ ಸಿನಿಮಾದ ಲೈಟಲ್​ ಲೊಗೋ ಪ್ರದರ್ಶನಗೊಳ್ಳಲಿದೆ.
Published by: Anitha E
First published: January 22, 2021, 8:28 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories