ಬಹುನಿರೀಕ್ಷಿತ ಕೋಟಿಗೊಬ್ಬ-3 ಟೀಸರ್ ಬಿಡುಗಡೆ; ಇಂಟರ್​ ನ್ಯಾಷನಲ್​ ಕಿಲಾಡಿಯಾಗಿ ಮಿಂಚಿದ ಕಿಚ್ಚ

ಸ್ಯಾಂಡಲ್​ವುಡ್  ಬಾದ್ ಷಾ​​ ಕಿಚ್ಚ ಸುದೀಪ್​ ನಟನೆಯ ಕೋಟಿಗೊಬ್ಬ3 ಸಿನಿಮಾದ ಟೀಸರ್​ ಬಿಡುಗಡೆಯಾಗಿದೆ. ಟೀಸರ್​ ನೋಡಿದ ಅಭಿಮಾನಿಗಳು ಅಭಿನಯ ಚಕ್ರವರ್ತಿಯ ನಟನೆಗೆ ಫಿದಾ ಆಗಿದ್ದಾರೆ.

ಟೀಸರ್​ನಲ್ಲಿ ರವಿಶಂಕರ್​ ಜೈಲಿನಲ್ಲಿದ್ದುಕೊಂಡು ಪೊಲೀಸರಿಗೆ ಕಿಚ್ಚನ ಬಗ್ಗೆ ಹೇಳುತ್ತಿರುತ್ತಾರೆ. ‘ಅವನು ಇಂಟರ್​ ನ್ಯಾಷನಲ್​​ ಕಿಲಾಡಿ ಸರ್​, ಅವನು ಲೋಕಲ್​ನಲ್ಲಿ ಹೊಡೆದಾಗ್ಲೇ ಹೇಳಿದೆ ಸಾರ್​. ಯಾರು ಕೇಳ್ಲಿಲ್ಲ. ಅವನನ್ನ ಈಗ ಬಿಟ್ಬಿಟ್ರೆ ಇನ್ನುಂದೆ ಯಾವತ್ತು ಹಿಡಿಯೋಕೆ ಸಾಧ್ಯನೇ ಇಲ್ಲ ಸಾರ್​‘ ಅನ್ನೋ ಡೈಲಾಗ್​ ಅಭಿಮಾನಿಗಳನ್ನು ಹುಚ್ಚೆಬ್ಬಿಸುವಂತೆ ಮಾಡಿದೆ.

ಶಿವರಾತ್ರಿ ಹಬ್ಬದ ಪ್ರಯುಕ್ತ ಕೋಟಿಗೊಬ್ಬ3 ಚಿತ್ರತಂಡ ಟೀಸರ್​ ಬಿಡುಗಡೆ ಮಾಡುವುದಾಗಿ ಈ ಮುಂದೆಯೇ ಹೇಳಿತ್ತು. ಅದರಂತೆ ಟೀಸರ್​ ಮೂಲಕ ಕಿಚ್ಚನ ಅವತಾರವನ್ನುಅಭಿಮಾನಿಗಳ ಮುಂದೆ ಬಿಚ್ಚಿಡಲಾಗಿದೆ. ಯೂಟ್ಯೂಬ್​ ಆನಂದ್​ ಆಡಿಯೋ ಚಾನೆಲ್​ ಮೂಲಕ ಟೀಸರ್​ ಬಿಡುಗಡೆಗೊಂಡಿದ್ದು, 99 ನಿಮಿಷದಲ್ಲಿ 4 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದೆ.



ಕಿಚ್ಚನ ಮಾಸ್​ ಲುಕ್​, ಅದಕ್ಕೆ ತಕ್ಕಂತೆ ಫೈಟಿಂಗ್​ ದೃಶ್ಯಾವಳಿಗಳು, ಬ್ಯಾಗ್ರೌಂಡ್​​​ ಮ್ಯೂಸಿಕ್​ ಎಲ್ಲವೂ ಕೋಟಿಗೊಬ್ಬ 3 ಸಿನಿಮಾ ಟೀಸರ್​ ಅನ್ನು ಮತ್ತಷ್ಟು ಜಳಪಿಸುವಂತೆ ಮಾಡಿದೆ. ಟೀಸರ್​ನಲ್ಲಿ ಮೊದಲ ಬಾರಿ ಸ್ಯಾಂಡಲ್​ವುಡ್​ ಪ್ರವೇಶಿಸಿದ ಅಫ್ತಾಬ್​ ಶಿವದಾಸನಿ ಪಾತ್ರವವನ್ನು ಟೀಸರ್​ನಲ್ಲಿ ತೋರಿಸಲಾಗಿದೆ.

ಕೋಟಿಗೊಬ್ಬ 3 ಸಿನಿಮಾವನ್ನು ಶಿವ ಕಾರ್ತಿಕ್​ ನಿರ್ದೇಶನ ಮತ್ತು ಸೂರಪ್ಪ ಬಾಬು ನಿರ್ಮಾಣ ಮಾಡಿದ್ದಾರೆ. ಕಿಚ್ಚನ ನಾಯಕಿಯಾಗಿ ಮಡೋನ ಸೆಬಾಸ್ಟಿಯನ್​ ಮತ್ತು ಶ್ರದ್ಧಾ ದಾಸ್​​ ಕಾಣಿಸಿಕೊಂಡೊದ್ದಾರೆ.