HOME » NEWS » Entertainment » KICCHA SUDEEP BIGG BOSS KANNADA SEASON 8 TIKTOK STAR SONU SRINIVAS GOWDA REACTION TO RUMOURS OF ENTERING BIGG BOSS HOUSE HG

Bigg Boss Kannada: ಬಿಗ್​ ಬಾಸ್​ ಮನೆಯೊಳಕ್ಕೆ ಹೋಗ್ತಾರಾ ಟಿಕ್​ಟಾಕ್ ಸ್ಟಾರ್​​ ಸೋನು ಶ್ರೀನಿವಾಸ್​ ಗೌಡ?; ಡ್ರೋನ್​ ಪ್ರತಾಪ್​ಗೂ ಬಂದಿದ್ಯಾ ಆಫರ್​?

Bigg Boss Season 8: ಟಿಕ್​ಟಾಕ್​ ಸ್ಟಾರ್​ ಸೋನು ಶ್ರೀನಿವಾಸ್​ ಗೌಡ ಬಿಗ್​ ಬಾಸ್​ ಮನೆಯೊಳಕ್ಕೆ ಹೋಗಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿದೆ.

news18-kannada
Updated:December 12, 2020, 5:26 PM IST
Bigg Boss Kannada: ಬಿಗ್​ ಬಾಸ್​ ಮನೆಯೊಳಕ್ಕೆ ಹೋಗ್ತಾರಾ ಟಿಕ್​ಟಾಕ್ ಸ್ಟಾರ್​​ ಸೋನು ಶ್ರೀನಿವಾಸ್​ ಗೌಡ?; ಡ್ರೋನ್​ ಪ್ರತಾಪ್​ಗೂ ಬಂದಿದ್ಯಾ ಆಫರ್​?
ಸೋನು ಶ್ರೀನಿವಾಸ್​ ಗೌಡ- ಡ್ರೋನ್​ ಪ್ರತಾಪ್​
  • Share this:
ಕಿಚ್ಚ ಸುದೀಪ್​ ನಿರೂಪಣೆಯ ಬಿಗ್​ ಬಾಸ್​ ಸೀಸನ್​ 8ರ ತಯಾರಿ ನಡೆಯುತ್ತಿದೆ. ಸದ್ಯದಲ್ಲೇ ಈ ಬಿಗ್​ ರಿಯಾಲಿಟಿ ಶೋ ಪ್ರಾರಂಭವಾಗಲಿದೆ ಎಂಬ ಬಗ್ಗೆ ಕಲರ್ಸ್​ ಕನ್ನಡದ​ ಬ್ಯುಸಿನೆಸ್​ ಹೆಡ್​ ಪರಮೇಶ್ವರ್​ ಗುಂಡ್ಕಲ್​ ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಹೇಳಿಕೊಂಡಿದ್ದರು. ಕಿಚ್ಚನ ಜೊತೆಗಿರುವ ಫೋಟೋ ಹಂಚಿಕೊಂಡ ಅವರು ಬಿಗ್​ಬಾಸ್​ ಕಾರ್ಯಕ್ರಮದ ಸಿದ್ಧತೆ ಕುರಿತಾಗಿ ಸಿಹಿ ಸಿದ್ದು ನೀಡಿದ್ದರು. ಅಂತೂ ಪ್ರೇಕ್ಷಕರಿಗೆ ಬಿಗ್​ಬಾಸ್​ ಸೀಸನ್​ 8 ನಡಸೆಯಲಿದೆ ಎಂಬ ಬಗ್ಗೆ ಮಾಹಿತಿ ಸಿಕ್ಕಿದೆ. ಅದರ ಜೊತೆಗೆ ಬಿಗ್​ ಬಾಸ್​​ ಮನೆಯೊಳಕ್ಕೆ ಯಾವ ಸ್ಪರ್ಧಿಗಳು ಎಂಟ್ರಿ ನೀಡಲಿದ್ದಾರೆ ಎಂಬ ಕೂತೂಹಲ ಹುಟ್ಟಿಕೊಂಡಿದೆ.

ಟಿಕ್​ಟಾಕ್​ ಸ್ಟಾರ್​ ಸೋನು ಶ್ರೀನಿವಾಸ್​ ಗೌಡ ಬಿಗ್​ ಬಾಸ್​ ಮನೆಯೊಳಕ್ಕೆ ಹೋಗಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿದೆ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗಳು ನಡೆಯುತ್ತಿದೆ. ಟಿಕ್​ಟಾಕ್​ನಲ್ಲಿ ವೈರಲ್​ ಆಗಿದ್ದ ಸೋನು ಶ್ರೀನಿವಾಸ್​ ಗೌಡ ಆಗಾಗ ಟ್ರೋಲ್​ ಕೂಡ ಆಗುತ್ತಿದ್ದರು. ಹಿಂದೊಮ್ಮೆ ಕನ್ನಡಿಗರು ಬೆಳೆಸಲ್ಲ, ತುಳಿತಾರೆ ಎಂಬ ಮಾತು ಹೇಳಿ ಟ್ರೋಲ್​ ಆಗಿದ್ದರು.

ಆ ಬಳಿಕ ತೆಲುಗು ಇಂಡಸ್ಟ್ರಿ​ಯ ಬಗ್ಗೆ ಹೊಗಳಿಕೆಯ ಮಾತನಾಡಿ ಸುದ್ದಿಯಾಗಿದ್ದರು. ಇದೀಗ ಈ ಬಾರಿಯ ಬಿಗ್​ ಬಾಸ್​ನಲ್ಲಿ ಸೋನು ಸ್ಪರ್ಧಿಸಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿದೆ. ಈ ಬಗ್ಗೆ ಸೋನು ಗೌಡ ಮಾತನಾಡಿದ್ದರೆ.

ಫೇಸ್​ಬುಕ್​ ಲೈವ್​ ಬಂದಿರುವ ಸೋನು ಶ್ರೀನಿವಾಸ್​ ಗೌಡ ಅವರಿಗೆ ಬಿಗ್ ಬಾಸ್​ ಮನೆಯೊಳಕ್ಕೆ ಹೋಗುತ್ತೀರಾ? ಎಂಬ ಪ್ರಶ್ನೆಗಳು ಬಂದಿದೆ. ಈ ಪ್ರಶ್ನೆಗೆ ಉತ್ತರಿಸಿದ ಅವರು ‘ಯಾರೋ ಸುಮ್ಮೆ ಪಬ್ಲಿಸಿಟಿ ಮಾಡುತ್ತಿದ್ದಾರೆ ನಾನು ಬಿಗ್​ ಬಾಸ್​ಗೆ ಹೋಗುತ್ತಿಲ್ಲ...ಆ ತರಹದ ಸುದ್ದಿಯಿದ್ದರೆ ನಾನು ಹೇಳ್ತಿನಿ’  ಎಂದು ಹೇಳಿದ್ದಾರೆ.

ಡ್ರೋನ್​ ಪ್ರತಾಪ್​ ಹೋಗುತ್ತಾರಾ?

ಇತ್ತೀಚೆಗೆ ಭಾರಿ ಸುದ್ದಿಯಾಗಿದ್ದ ಡ್ರೋನ್​ ಪ್ರತಾಪ್​ ಅವರ ಹೆಸರು ಕೂಡ ಕೇಳಿಬಂದಿದೆ. ಬಿಗ್​ಬಾಸ್​ ಮನೆಯೊಳಕ್ಕೆ ಹೋಗುತ್ತಿದ್ದಾರೆ ಎಂಬ ಮಾತುಗಳು ಹರಿದಾಡುತ್ತಿದೆ. ಆದರೆ ಇದು ನಿಜವೇ? ಎಂಬುದು ಬಿಗ್​ಬಾಸ್​ ಕಾರ್ಯಕ್ರಮ ಪ್ರಾರಂಭವಾದ ನಂತರ ತಿಳಿದು ಬರಲಿದೆ.
Published by: Harshith AS
First published: December 12, 2020, 5:24 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories