Yash: ರಾಕಿ ಭಾಯ್ ವೈರಲ್ ಫೋಟೋಸ್ ಗುಟ್ಟೇನು? ಯಶ್ ಲುಕ್ ನೋಡಿ ನೆಟ್ಟಿಗರು ಫಿದಾ

ರಾಕಿ ಭಾಯ್ ಯಶ್ (Yash) ಅವರ ಕೆಲವು ಫೋಟೋಸ್ (Photos) ವೈರಲ್ ಆಗುತ್ತಿದೆ. ಸ್ಯಾಂಡಲ್​ವುಡ್ (Sandalwood) ನಟ, ಕೆಜಿಎಫ್ ಸ್ಟಾರ್ ಯಶ್ ಫೋಟೋಸ್ ಶೇರ್ ಮಾಡಿಕೊಂಡಿದ್ದು ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ. ಹಾಗೆಯೇ ನಟನ ಅಭಿಮಾನಿಗಳು  (Fans) ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಮಾಡಿದ್ದಾರೆ. ಆದರೆ ಈ ಫೋಟೋಗಳ ಗುಟ್ಟೇನು? ದಿಢೀರ್ ಆಗಿ ಸ್ಟೈಲಿಷ್ ಫೋಟೋಸ್ ಶೇರ್ ಮಾಡಿದ್ದೇಕೆ ರಾಕಿ ಭಾಯ್? ಈ ಸ್ಪೆಷಲ್ ಫೋಟೋ ಶೂಟ್ ಹಿಂದೆ ಯಾವುದಾದರೂ ಸಿನಿಮಾ (Cinema) ಹಿಂಟ್ ಇದೆಯಾ? ಇಲ್ಲಿದೆ ಎಲ್ಲದಕ್ಕೂ ಉತ್ತರ.

ವೈರಲ್ ಆದ ರಾಕಿ ಭಾಯ್ ಲುಕ್

ಯಶ್ ಅವರು ಬಿಳಿ ಬಣ್ಣದ ಪುರುಷರ ಅಂಡರ್​ಗಾರ್ಮೆಂಟ್ ಧರಿಸಿದ ಫೋಟೋದಲ್ಲಿ ಭರ್ಜರಿಯಾಗಿ ಕಾಣಿಸಿದ್ದಾರೆ. ನಟನ ಹೇರ್​ಸ್ಟೈಲ್ ಅಂತೂ ಇದಕ್ಕೆ ತುಂಬಾ ಸುಂದರವಾಗಿ ಮ್ಯಾಚ್ ಆಗಿದೆ. ಇದು ನಟನ ಕಂಪ್ಲೀಟ್ ಲುಕ್​ ಹೈಲೈಟ್ ಮಾಡಿದೆ.

ಸೋಷಿಯಲ್ ಮೀಡಿಯಾದಲ್ಲಿ ಆ್ಯಕ್ಟಿವ್ ಅಲ್ಲ

ಯಶ್ ಸೋಷಿಯಲ್ ಮೀಡಿಯಾದಲ್ಲಿ ಅಷ್ಟು ಆ್ಯಕ್ಟಿವ್ ವ್ಯಕ್ತಿ ಅಲ್ಲ. ಕೆಜಿಎಫ್​ನಂತಹ ಸಿನಿಮಾ ಮಾಡಿದರೂ ಯಶ್ ಇನ್​ಸ್ಟಾಗ್ರಾಮ್​ನಲ್ಲಿ ಹೆಚ್ಚು ಆ್ಯಕ್ಟಿವ್ ಆಗಿ ಫೋಟೋಸ್, ವಿಡಿಯೋಸ್ ಶೇರ್ ಮಾಡುವುದಿಲ್ಲ. ಅವರ ಪತ್ನಿಯೇ ಅವರ ಫೋಟೋವನ್ನು ಶೇರ್ ಮಾಡುತ್ತಿರುತ್ತಾರೆ. ಆದರೆ ಇತ್ತೀಚೆಗೆ ಯಶ್ ಶೇರ್ ಮಾಡಿದ ಫೋಟೋಗಳು ವೈರಲ್ ಆಗಿವೆ.

ಅಪರೂಪಕ್ಕೆ ಇನ್​ಸ್ಟಾ ಪೋಸ್ಟ್ ಹಾಕಿದ ನಟ

ಯಶ್ ಅವರು ಲೇಟೆಸ್ಟ್ ಆಗಿ ಒಂದು ಪೋಸ್ಟ್ ಮಾಡಿದ್ದಾರೆ. ಈ ಪೋಸ್ಟ್​ನಲ್ಲಿ ಸ್ಪೆಷಲ್ ಆಗಿರುವಂತಹ ಒಂದು ಕ್ಯಾಪ್ಶನ್ ಕೂಡಾ ಕೊಟ್ಟಿದ್ದಾರೆ. ನಟ ಶೇರ್ ಮಾಡಿರುವ ಕಂಟೆಂಟ್ ಹಾಗೂ ಕ್ಯಾಪ್ಶನ್ ಸಖತ್ ಮ್ಯಾಚಿಂಗ್ ಆಗಿದೆ.

View this post on Instagram

A post shared by Yash (@thenameisyash)

ಇದು ಅಲೆಗಳಲ್ಲಿ ರೈಡ್ ಮಾಡುವವರಿಗಲ್ಲ, ಇದು ಅಲೆಗಳನ್ನೇ ಸೃಷ್ಟಿಸುವವರಿಗಾಗಿ! ಇದು ಗೇಮ್ ಆಡುವವರಿಗಲ್ಲ, ಅದನ್ನೇ ಜೀವಿಸುವವರಿಗೆ, ಇದು ಸಾಮಾನ್ಯವಾಗಿರಲು ಇಷ್ಟಪಡುವವರಿಗಲ್ಲ, ಇದು ಬಿರುಗಾಳಿ ಸೃಷ್ಟಿಸುವವರಿಗೆ. ಇದು ಮ್ಯಾಕ್ರೋಮ್ಯಾನ್​ನಂತೆ ಬದುಕಲು ಬಯಸುವವರಿಗೆ ಎಂದು ನಟ ಬರೆದಿದ್ದಾರೆ.

ಇದನ್ನೂ ಓದಿ: Yash New Look: ರಾಕಿ ಭಾಯ್ ನ್ಯೂ ಲುಕ್! ಇಲ್ಲಿದೆ ನೋಡಿ Exclusive ಫೋಟೋಸ್

ಈ ವಿಡಿಯೋ ಮಾಡಿದ್ದೇಕೆ?

ನಟ ಯಶ್ ಅವರು ಮ್ಯಾಕ್ರೋ ಮ್ಯಾನ್ ಅಥವಾ ಮ್ಯಾಕ್ರೋ ವುಮೆನ್ ಎನ್ನುವ ಒಳುಡುಪುಗಳ ಬಟ್ಟೆ ಬ್ರ್ಯಾಂಡ್​ಗೆ ಜಾಹೀರಾತು ಕೊಟ್ಟಿದ್ದಾರೆ. ಆ ಜಾಹೀರಾತಿನ ಭಾಗವಾಗಿ ನಟ ವಿಡಿಯೋವನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿದ್ದಾರೆ.

ಇದನ್ನೂ ಓದಿ: Yash New Look: ರಾಕಿ ಭಾಯ್ ನ್ಯೂ ಲುಕ್! ಇಲ್ಲಿದೆ ನೋಡಿ Exclusive ಫೋಟೋಸ್

ವೈರಲ್ ಆಯ್ತು ಯಶ್ ವಿಡಿಯೋ

ಯಶ್ ಅವರು ಪೋಸ್ಟ್ ಮಾಡಿದ ವಿಡಿಯೋಗೆ 3 ಲಕ್ಷ ಲೈಕ್ಸ್ ಬಂದಿವೆ. ಒಂದೂವರೆ ಸಾವಿರಕ್ಕೂ ಹೆಚ್ಚು ಜನರು ವಿಡಿಯೋಗೆ ಕಮೆಂಟ್ ಮಾಡಿ ಅಭಿಪ್ರಾಯ ತಿಳಿಸಿದ್ದಾರೆ.

ನೆಟ್ಟಿಗರ ಪ್ರತಿಕ್ರಿಯೆ ಏನು?

ವಿಡಿಯೋ ನೋಡಿದ ಯಶ್ ಅಭಿಮಾನಿಗಳು ನೆಕ್ಟ್ಸ್​ ಮೂವಿ ಅಪ್ಡೇಟ್ ಕೊಡಿ ಬಾಸ್ ಎಂದು ಕೇಳಿದ್ದಾರೆ. ಈ ಹೇರ್​ಸ್ಟೈಲ್ ಯಶ್19 ಸಿನಿಮಾಗೋಸ್ಕರ ಮಾಡಿರೋದಲ್ವೇ ಎಂದು ಕೇಳಿದ್ದಾರೆ. ಸಿನಿಮಾ ಕುರಿತ ಅಪ್ಡೇಟ್ ಬೇಗ ಕೊಟ್ಟು ದ್ವೇಷಿಸುವವರ ಬಾಯಿ ಮುಚ್ಚಿಸಿ ಎಂದಿದ್ದಾರೆ ಇನ್ನೊಬ್ಬರು.

ಸರ್ ನೀವು ಜಾಹೀರಾತು ಮಾಡಬೇಡಿ. ಸಿನಿಮಾ ಮಾಡಿ. ನಾವು ನಿಮ್ಮ ಸಿನಿಮಾ ಅಪ್ಡೇಟ್​ಗಳಿಗಾಗಿ ಕಾಯುತ್ತಿದ್ದೇವೆ ಎಂದಿದ್ದಾರೆ ಇನ್ನೊಬ್ಬರು. ಇನ್ನೂ ಕೆಲವರು ನಾವು ಕೆಜಿಎಫ್ 2ಗಾಗಿ ಕಾಯುತ್ತಿದ್ದೇವೆ. ತುಂಬಾ ಎಕ್ಸೈಟ್ ಆಗಿದ್ದೇವೆ ಎಂದಿದ್ದಾರೆ ನೆಟ್ಟಿಗರು.