KGF Chapter 2: ಕೆಜಿಎಫ್​ ಚಾಪ್ಟರ್ 2 ವಿಲನ್​ ಬಗ್ಗೆ ಯಶ್​ ಕೊಟ್ಟ ಅಪ್ಡೇಟ್​ ಇಲ್ಲಿದೆ..!

ಕೆಜಿಎಫ್​ ಚಾಪ್ಟರ್​ 2 ಸಿನಿಮಾದ ಬಗ್ಗೆ ನಿರ್ದೇಶಕ ಪ್ರಶಾಂತ್​ ಒಂದರ ಹಿಂದೆ ಒಂದರಂತೆ ಅಪ್ಡೇಟ್​ ಕೊಡುತ್ತಿದ್ದಾರೆ. ಸಿನಿಮಾದ ಕ್ಲೈಮ್ಯಾಕ್ಸ್ ಚಿತ್ರೀಕರಣ ಆರಂಭವಾದ ಬಗ್ಗೆ ಈಗಾಗಲೇ ಪ್ರಶಾಂತ್​ ನೀಲ್​ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಸ್ಟೋರೀಸ್​ನಲ್ಲಿ ಹಂಚಿಕೊಂಡಿದ್ದರು. ಕೆಜಿಎಫ್​ ಚಾಪ್ಟರ್​ 1ನಲ್ಲಿ ಸಾಹಸ ನಿರ್ದೇಶಕರಾಗಿದ್ದ ಡೆಡ್ಲಿ ಬ್ರದರ್ಸ್​ ಅನ್ಬರೀವ್​ ಅವರೇ ಈ ಸಲವೂ ಚಾಪ್ಟರ್​ 2ನಲ್ಲೂ ಕ್ಲೈಮ್ಯಾಕ್ಸ್​ ಫೈಟ್​ ನಿರ್ದೇಶನ ಮಾಡುತ್ತಿದ್ದಾರೆ. ಚಾಪ್ಟರ್​ ಒಂದರ ಕ್ಲೈಮ್ಯಾಕ್ಸ್​ ಯಾವ ಮಟ್ಟದಲ್ಲಿ ಅಭಿಮಾನಿಗಳ ಮನ ಗೆದಿತ್ತು ಎಂದು ಪದೇ ಪದೇ ಹೇಳುವ ಅಗತ್ಯವಿಲ್ಲ. ಚಾಪ್ಟರ್​ 2ನಲ್ಲಿ ಮಾನ್​ಸ್ಟರ್​ ರಾಕಿ ಭಾಯ್​ಗೆ ಎದುರಾಳಿಯಾಗಿ ಬಾಲಿವುಡ್​ ಖಳನಾಯಕ್​ ಸಂಜಯ್​ ದತ್​ ನಿಂತಿದ್ದಾರೆ. ಈ ಜೋಡಿಯ ನಡುವೆ ನಡೆಯಲಿರುವ ಡೆಡ್ಲಿ ಕಾಳಗಕ್ಕೆ ಅಖಾಡ ಸಿದ್ಧವಾಗಿದೆ. ಈಗಾಗಲೇ ಬಾಲಿವುಡ್​ ನಟ ಸಂಜಯ್​ ದತ್​ ಸಹ ಹೈದರಾಬಾದ್​ ಸೇರಿಕೊಂಡಿದ್ದಾರೆ. 

ನಿರ್ದೇಶಕ ಪ್ರಶಾಂತ್​ ನೀಲ್​ ಕೆಜಿಎಫ್​ ಚಾಪ್ಟರ್​ 2 ಸಿನಿಮಾದ ಕ್ಲೈಮ್ಯಾಕ್ಸ್​ ಚಿತ್ರೀಕರಣದ ಬಗ್ಗೆ ಅಪ್ಡೇಟ್​ ಕೊಟ್ಟರೆ, ಚಿತ್ರದ ನಾಯಕ ಯಶ್​ ವಿಲನ್​ ಬಗ್ಗೆ ಮಾಹಿತಿ ನೀಡಿದ್ದಾರೆ. ಜೊತೆಗೆ ಸಖತ್ ರಗಡ್​ ಲುಕ್​ನಲ್ಲಿರುವ ತಮ್ಮ ಲೆಟೆಸ್ಟ್​ ಫೋಟೋವನ್ನೂ ಹಂಚಿಕೊಂಡಿದ್ದಾರೆ.

View this post on Instagram

A post shared by Yash (@thenameisyash)

ಕಪ್ಪು ಬಣ್ಣದ ಸೂಟ್​ ಹಾಗೂ ಬಿಳಿ ಬಣ್ಣದ ಶರ್ಟ್​ ತೊಟ್ಟಿರುವ ಯಶ್​ ಕೂಲಿಂಗ್​ ಗ್ಲಾಸ್​ ತೊಟ್ಟು ಸ್ಟೈಲಿಶ್ ಆಗಿ ನಡೆದು ಬರುತ್ತಿರುವ ಸ್ಟಿಲ್​ ಅನ್ನು ತಮ್ಮ ಇನ್​ಸ್ಟಾಗ್ರಾಂ ಹಾಗೂ ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ. ಈ ಫೋಟೋವನ್ನು ಭುವನ್​ ಗೌಡ ಅವರು ತೆಗೆದಿದ್ದಾರೆ ಎಂದು ಕ್ರೆಡಿಟ್ ಸಹ ಕೊಟ್ಟಿದ್ದಾರೆ.

They say, All good things come to an end.. it may be the last schedule of KGF but the VILLAIN stays on... forever!!

P.S : An exclusive still from the movie KGF, for all my dear fans, captured by our DOP Bhuvan Gowda 😊 pic.twitter.com/rCq9jseFY5

— Yash (@TheNameIsYash) December 7, 2020

ಅಷ್ಟೇಅಲ್ಲ, ಸಿನಿಮಾದ ಕ್ಲೈಮ್ಯಾಕ್ಸ್​ ಹಾಗೂ ವಿಲನ್​ ಬಗ್ಗೆ ತಮ್ಮದೇ ಆದ ಸ್ಟೈಲ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ. ಎಲ್ಲ ಒಳ್ಳೆಯ ಸಂಗತಿಗಳಿಗೂ ಒಂದಲ್ಲಾ ಒಂದು ದಿನ ಅಂತ್ಯವಾಗುತ್ತದೆ. ಇದು ಕೆಜಿಎಫ್​ ಸಿನಿಮಾದ ಕೊನೆಯ ಹಂತ ಚಿತ್ರೀಕರಣ ಇರಬಹುದು. ಆದರೆ, ವಿಲನ್​ ಮಾತ್ರ ಸದಾ ಇರುತ್ತಾನೆ ಎಂದಿದ್ದಾರೆ ರಾಕಿ ಭಾಯ್​. ಇನ್ನು ಯಶ್​ ಹಂಚಿಕೊಂಡಿರುವ ಈ ಹೊಸ ಸ್ಟಿಲ್​ಗೆ ಲಕ್ಷಗಟ್ಟಲೆ ಲೈಕ್ಸ್ ಸಿಕ್ಕಿದ್ದು, ಸಾವಿರಾರು ಮಂದಿ ಕಮೆಂಟ್​ ಮಾಡುತ್ತಿದ್ದಾರೆ.

ಇದನ್ನೂ ಓದಿ: Power Of Youth: ಪವರ್​ ಆಫ್​ ಯೂತ್ ಡ್ಯಾನ್ಸ್​ ಚಾಲೆಂಜ್​: ಗೆದ್ದವರಿಗೆ ಪುನೀತ್ ರಾಜ್​ಕುಮಾರ್​ ಕಡೆಯಿಂದ ಸಿಗಲಿದೆ ಸರ್ಪ್ರೈಸ್​

ಲಾಕ್​ಡೌನ್​ನಿಂದಾಗಿ ಕೆಜಿಎಫ್​ ಚಾಪ್ಟರ್​ 2 ಚಿತ್ರದ ಶೂಟಿಂಗ್​ಗೆ ಬ್ರೇಕ್​ ಬಿದ್ದಿತ್ತು. ಆದರೆ ಈಗ ಚಿತ್ರತಂಡ ಸಿನಿಮಾದ ಕ್ಲೈಮ್ಯಾಕ್ಸ್​ ಶೂಟಿಂಗ್​ ನಡೆಸುತ್ತಿದೆ. ಸಿನಿಮಾದ ಕ್ಲೈಮ್ಯಾಕ್ಸ್​ ಬಗ್ಗೆ ನಿರ್ದೇಶಕ ಪ್ರಶಾಂತ್​ ನೀಲ್​ ಅಪ್ಡೇಟ್​ ಕೊಡುತ್ತಿದ್ದಂತೆಯೇ ಈಗ ಮತ್ತೆ ಟ್ವಿಟರ್​ನಲ್ಲಿ #KGFChapter2 ಟ್ರೆಂಡ್​ ಆಗುತ್ತಿದೆ.

#KGFChapter2TeaserOnJan08🔥

Can't wait this movie #KGFChapter2 @prashanth_neel #YashBOSS pic.twitter.com/ZhdPhPth7j

— HITESH CHAUDHARY (@HITESHC31896162) December 7, 2020

ಇನ್ನು ಯಶ್​ ಹುಟ್ಟಿದ ಹಬ್ಬದಂದು ಅಂದರೆ, ಜನವರಿ 8ಕ್ಕೆ ಕೆಜಿಎಫ್​ ಚಾಪ್ಟರ್ 2 ಸಿನಿಮಾದ ಟ್ರೇಲರ್​ ರಿಲೀಸ್​ ಆಗುವ ಸಾಧ್ಯತೆ ಇದೆ ಎಂದೂ ಹೇಳಲಾಗುತ್ತಿದೆ. ಅದಕ್ಕೆ ಅಭಿಮಾನಿಗಳು ಟ್ರೇಲರ್​ ನಿರೀಕ್ಷೆಯಲ್ಲಿದ್ದಾರೆ.