KGF Chapter 2 Teaser: ಕೆಜಿಎಫ್​ ಚಾಪ್ಟರ್​ 2 ಟೀಸರ್​ ರಿಲೀಸ್​ಗೆ ದಿನಾಂಕ ನಿಗದಿ: ಟ್ವಿಟರ್​ನಲ್ಲಿ ಟ್ರೆಂಡ್​ ಆಗುತ್ತಿದೆ ಯಶ್​ ಅಭಿನಯದ ಸಿನಿಮಾ..!

ಒಂದು ಕಡೆ ಚಿತ್ರಮಂದಿರಗಳು ಮತ್ತೆ ಆರಂಭವಾಗಿವೆ, ಮತ್ತೊಂದು ಕಡೆ ಸಿನಿಮಾ ಶೂಟಿಂಗ್ ಸಹ ಶುರುವಾಗಿದೆ. ಇದರ ನಡುವೆ ದೊಡ್ಡ ದೊಡ್ಡ ಸ್ಟಾರ್ ಹಾಗೂ ಬ್ಯಾನರ್​ಗಳ ಸಿನಿಮಾಗಳು ಸಿನಿಪ್ರಿಯರಿಗಾಗಿ ಟೀಸರ್, ಮೋಷನ್​ ಪೋಸ್ಟರ್​ ಅಂತ ರಿಲೀಸ್ ಮಾಡುತ್ತಿವೆ. ಅಷ್ಟೇ ಏಕೆ ಕೆಜಿಎಫ್​ ಚಾಪ್ಟರ್​ 2 ಚಿತ್ರ ನಿರ್ಮಿಸುತ್ತಿರುವ ಹೊಂಬಾಳೆ ಫಿಲಂಸ್​ ಸಹ ಹೊಸ ಸಿನಿಮಾ ಪ್ರಕಟಿಸುತ್ತಾ ಟೈಟಲ್​ ಪೋಸ್ಟರ್​ ರಿಲೀಸ್​ ಮಾಡುತ್ತಿದೆ. ಹೀಗಿರುವಾಗ ಕೆಜಿಎಫ್​ ಚಾಪ್ಟರ್​ ಚಿತ್ರತಂಡ ಮಾತ್ರ ಇಂತಹ ಯಾವುದೇ ಪ್ರಕಟಣೆ ಮಾಡುತ್ತಿಲ್ಲ. ಇದೇ ಕಾರಣದಿಂದ ಯಶ್ ಅಭಿಮಾನಿಗಳು ಈ ಹಿಂದೆ ಸಹ ಕೆಜಿಎಫ್​ ಚಾಪ್ಟರ್ 2 ಟೀಸರ್​ ಬಿಡುಗಡೆ ಮಾಡುವಂತೆ ಸಾಮಾಜಿಕ ಜಾಲತಾಣದಲ್ಲಿ ಒತ್ತಡ ಹೇರಿದ್ದರು. ಇನ್ನಾದರೂ ಟೀಸರ್ ರಿಲೀಸ್​ ಮಾಡಿ ಎಂದು ನಿರ್ದೇಶಕ ಹಾಗೂ ನಿರ್ಮಾಪಕರನ್ನು ಆಗ್ರಹಿಸಿದ್ದರು. ಆದರೆ ಈಗ ಮತ್ತೆ ಕೆಜಿಎಫ್​ ಚಾಪ್ಟರ್​ 2 ಟ್ವಿಟರ್​ನಲ್ಲಿ ಟ್ರೆಂಡಿಂಗ್​ನಲ್ಲಿದೆ. ಇದಕ್ಕೆ ಕಾರಣ ಕೆಜಿಎಫ್​ ಚಾಪ್ಟರ್ 2 ಸಿನಿಮಾದ ಟೀಸರ್​. ಹೌದು, ಟೀಸರ್ ರಿಲೀಸ್​ಗೆ ದಿನಾಂಕ ನಿಗದಿಯಾಗಿದೆಯಂತೆ.

ಒಂದೊಂದು ಚಿತ್ರತಂಡವೂ ತಮ್ಮ ಪ್ರೇಕ್ಷಕರಿಗಾಗಿ ಒಂದೊಂದು ಸರ್ಪ್ರೈಸ್​ ಕೊಡುತ್ತಿದ್ದರೆ, ಕೆಜಿಎಫ್​ ಚಿತ್ರತಂಡ ಮಾತ್ರ ಯಾವುದೇ ಅಪ್ಡೇಟ್​ ನೀಡುತ್ತಿಲ್ಲ. ಆದರೆ ಶೂಟಿಂಗ್​ ಆರಂಭವಾದಾಗ ಮಾತ್ರ ಕೆಲವು ಫೋಟೋಗಳನ್ನು ಹಂಚಿಕೊಳ್ಳುತ್ತಿದೆ. ಇದರಿಂದಾಗಿ ಬೇಸತ್ತ ಯಶ್​ ಅಭಿಮಾನಿಗಳು ಈಗ ಟ್ವಿಟರ್​ನಲ್ಲಿ #KGFChapter2 ಎಂದು ಟ್ರೆಂಡ್​ ಮಾಡುತ್ತಿದ್ದಾರೆ.

Teaser On Jan 08 2021#KGFChapter2 pic.twitter.com/R4NdcAXfMJ

— Vinayak malla (@kumarvinayak27) December 2, 2020

Rampage of #YashBOSS cults🔥#KGFChapter2 Trending with 5K+ Tweets😎#KGFChapter2TeaserOnJan08 @TheNameIsYash pic.twitter.com/1vHa81D9hw

— Yash Fans Tweet™ (@YashFansTweet) December 2, 2020

ಯಶ್ ಅಭಿಮಾನಿಗಳಲ್ಲಿ ಕೆಲವು ಕೆಜಿಎಫ್​ ಚಾಪ್ಟರ್​ 2 ಚಿತ್ರದ ಟೀಸರ್ ರಿಲೀಸ್​ಗೆ ದಿನಾಂಕ ನಿಗದಿಯಾಗಿದೆ ಎಂದು ಟ್ವೀಟ್​ ಮಾಡುತ್ತಿದ್ದಾರೆ. ಅದು ಯಶ್​ ಹುಟ್ಟುಹಬ್ಬದಂದು ಚಿತ್ರತಂಡ ಟೀಸರ್​ ಬಿಡುಗಡೆ ಮಾಡಲಿದೆ ಎಂದು ಪೋಸ್ಟ್​ ಮಾಡುತ್ತಿದ್ದಾರೆ.

#KGFChapter2 Teaser on 8th January 🔥🔥
Just 36 Days To Go 👊💪
Finally, Something Special Is Coming in 2021 🙌
Can't Wait Much Excited!#YashBoss #KGFChapter2 pic.twitter.com/BH08hCCYic

— Naveed Shafi (@NaveedShafi15) December 2, 2020

Waiting Boss😍❤️🤗 #KGFChapter2 #YashBOSS pic.twitter.com/ybA6V6lxYf

— Jeeva Here☢ (@YashCultJeeva) December 2, 2020

ಕೆಜಿಎಫ್​ 2 ಟೀಸರ್ ರಿಲೀಸ್​ ಬಗ್ಗೆ ಚಿತ್ರತಂಡ ಯಾವುದೇ ಅಧಿಕೃತ ಪ್ರಕಟಣೆ ಮಾಡಿಲ್ಲ. ಆದರೆ ಯಶ್​ ಅಭಿಮಾನಿಯೊಬ್ಬರಿಗೆ ಟ್ವೀಟ್​ ಮೂಲಕ ಉತ್ತರ ಕೊಟ್ಟಿರುವ ಹೊಂಬಾಳೆ ಫಿಲಂಸ್​ನ ಕಾರ್ಯಕಾರಿ ನಿರ್ಮಾಪಕ ಕಾರ್ತಿಕ್​ ಗೌಡ, ಹುಟ್ಟುಹಬ್ಬಕ್ಕೆ ನೋಡ್ತಿಯಾ ಬೇರೆ ರೇಂಜ್​ನಲ್ಲೇ ಇರುತ್ತೆ ಎಂದು ಉತ್ತರಿಸಿದ್ದಾರೆ.





ಈ ಪೋಸ್ಟ್​ ಅನ್ನೇ ರೀಟ್ವೀಟ್​ ಮಾಡುತ್ತಿರುವ ಯಶ್​ ಅಭಿಮಾನಿಗಳು, ಜನವರಿ 8ಕ್ಕೆ ಟೀಸರ್​ ರಿಲೀಸ್​ ಆಗಲಿದೆ ಎಂದು ಖುಷಿಯಿಂದ ಪೋಸ್ಟ್ ಮಾಡುತ್ತಿದ್ದಾರೆ.