KGF Chapter 2: ಹೊಸ ದಾಖಲೆಯತ್ತ 'ಕೆ.ಜಿ.ಎಫ್​ ಚಾಪ್ಟರ್​ 2': ಇದರ ಬಜೆಟ್​ ಕೇಳಿದ್ರೆ ದಂಗಾಗುತ್ತೀರಾ..!

- ಅನಿತಾ ಈ, 

ಸ್ಯಾಂಡಲ್​ವುಡ್​ ಬಗ್ಗೆ ರಾಷ್ಟ್ರಮಟ್ಟದಲ್ಲಿ ಎಲ್ಲರೂ ಮಾತನಾಡುವಂತೆ ಮಾಡಿದ ಸಿನಿಮಾ 'ಕೆ.ಜಿ.ಎಫ್​'. ಹೌದು, ನಿರ್ದೇಶಕ ಪ್ರಶಾಂತ್ ನೀಲ್​ ನಿರ್ದೇಶನದಲ್ಲಿ ರಾಕಿಂಗ್​ ಸ್ಟಾರ್​ ಯಶ್​ ಅಭಿನಯದ ಐದು ಭಾಷೆಗಳಲ್ಲಿ ತೆರೆ ಕಂಡಿದ್ದ ಕನ್ನಡದ ಮೊದಲ ಸಿನಿಮಾ 'ಕೆ.ಜಿ.ಎಫ್​'. ಈ ಸಿನಿಮಾ ಬಿಡುಗಡೆಯಾಗಿ ಕನ್ನಡದಲ್ಲೇ ನೂರು ಕೋಟಿಯ ಕ್ಲಬ್​ ಸೇರಿದ ಮೊದಲ ಸಿನಿಮಾ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿತ್ತು.

ಟಾಲಿವುಡ್​, ಬಾಲಿವುಡ್​, ಮಾಲಿವುಡ್​ ಹಾಗೂ ಕಾಲಿವುಡ್​ನಲ್ಲೂ ಕನ್ನಡದ ಸಿನಿಮಾ ಹಾಗೂ ಯಶ್​ ಬಗ್ಗೆ ಸಾಕಷ್ಟು ಮಾತುಕತೆ ನಡೆದಿತ್ತು. ಕಳೆದ ವರ್ಷದ ಬ್ಲಾಕ್​ಬಸ್ಟರ್​ ಹಿಟ್​ ಆಗ ಈ ಸಿನಿಮಾದ 'ಚಾಪ್ಟರ್​  2' ಬಗ್ಗೆ ಈಗ ಬೆಟ್ಟದಷ್ಟು ನಿರೀಕ್ಷೆ ಇದೆ.

ಇದನ್ನೂ ಓದಿ: KGF Chapter 2: ನಿನ್ನೆಯಿಂದ ಆರಂಭವಾಗಿದೆ 'ಕೆ.ಜಿ.ಎಫ್​ ಚಾಪ್ಟರ್​ 2' ಚಿತ್ರೀಕರಣ

ಮೊದಲ ಸಿನಿಮಾವನ್ನು 80 ಕೋಟಿ ಬಜೆಟ್​ನಲ್ಲಿ ವಿಜಯ್​ ಕಿರಂಗದೂರು ಅವರು ನಿರ್ಮಿಸಿದ್ದರು. ಈಗ ಇದೇ ನಿರ್ಮಾಪಕ 'ಚಾಪ್ಟರ್​ 2'ಗೆ ನೂರು ಕೋಟಿ ಹಣ ಹೂಡಲಿದ್ದಾರಂತೆ. ಈಗಾಗಲೇ ಈ ಸಿನಿಮಾ ಚಿತ್ರೀಕರಣ ಆರಂಭವಾಗಿದ್ದು, ಚಿತ್ರೀಕರಣ ಭರದಿಂದ ಸಾಗಿದೆ.

ಹೀಗಿರುವಾಗಲೇ 'ಕೆ.ಜಿ.ಎಫ್​' ಅಡ್ಡಾದಿಂದ ಹೊಸದೊಂದು ಸುದ್ದಿ ಹೊರ ಬಿದ್ದಿದೆ. ಅದೇ ಸಿನಿಮಾದ ಬಜೆಟ್​. ಹೌದು, ಈ ಸಿನಿಮಾದ ಚಿತ್ರೀಕರಣದ ಒಟ್ಟು ವೆಚ್ಚ ಈಗಾಗಲೇ ನೂರು ದಾಟಿದೆ ಎಂದು ಅಂದಾಜಿಸಲಾಗುತ್ತಿದೆ.

KGF Chapter 2: 'ಕೆ.ಜಿ.ಎಫ್​ ಚಾಪ್ಟರ್​ 2' ಚಿತ್ರೀಕರಣದ ಸೆಟ್​ನಲ್ಲಿ ಪ್ರಶಾಂತ್​ ನೀಲ್​ ಹಾಗೂ ಭುವನ್​ ಗೌಡ
ಇದನ್ನೂ ಓದಿ: ಯೂಟ್ಯೂಬ್​ನಲ್ಲಿ ಅತಿಹೆಚ್ಚು ವೀಕ್ಷಣೆ ಪಡೆದ ಹಾಡಾಗಿ ಹೊರ ಹೊಮ್ಮಿದ 'ಚುಟು ಚುಟು...' ಗೀತೆ..!

ಈಗಾಗಲೇ ಈ ಸಿನಿಮಾದ ಚಿತ್ರೀಕರಣ ಶೇ 90ರಷ್ಟು ಮುಗಿದಿದೆ ಎಂದು ನಿರ್ದೇಶಕ ಪ್ರಶಾಂತ್ ನೀಲ್​ ಈ ಹಿಂದೆಯೇ ತಿಳಿಸಿದ್ದರು. ಮೊದಲ ಭಾಗ ಹಿಟ್​ ಆದ ಕಾರಣಕ್ಕೆ ಸಿನಿಮಾ ಮೇಲಿನ ನಿರೀಕ್ಷೆ ಹೆಚ್ಚಿದ್ದು, ಅದನ್ನು ಮುಟ್ಟುವ ಸಲುವಾಗಿ ಸಿನಿಮಾದ ಬಜೆಟ್​ ಸಹ ಹೆಚ್ಚು ಮಾಡಲಾಗಿದೆಯಂತೆ. ಹೀಗಾಗಿ 'ಚಾಪ್ಟರ್​ 2' ಬಿಗ್​ ಬೆಟ್​ ಸಿನಿಮಾ ಆಗುವುದರಲ್ಲಿ ಯಾವುದೇ ಅನುಮಾವಿಲ್ಲ ಎನ್ನುತ್ತಿದೆ ಗಾಂಧಿನಗರ.