KGF Chapter 2 Teaser: ಮತ್ತೊಂದು ಹೊಸ ದಾಖಲೆ ಮಾಡಿದ ಕೆಜಿಎಫ್​ ಚಾಪ್ಟರ್​ 2 ಟೀಸರ್​

ಕೆಜಿಎಫ್​ ಚಾಪ್ಟರ್ ಒಂದು ಮಾಡಿದ ನಂತರ ನಿರ್ದೇಶಕ ಪ್ರಶಾಂತ್ ನೀಲ್ ಹಾಗೂ ಯಶ್​ ನ್ಯಾಷನಲ್​ ಸ್ಟಾರ್​ಗಳಾದರು. ಈ ಸಿನಿಮಾದ ಮೂಲಕ ಬೇರೆ ಚಿತ್ರರಂಗಗಳು ಕನ್ನಡ ಸಿನಿಮಾರಂಗದತ್ತ ನೋಡುವಂತಾಯಿತು. ಇಂತಹ ಸಿನಿಮಾದ ಮುಂದುವರೆದ ಭಾಗವಾಗಿರುವ ಕೆಜೆಎಫ್​ ಚಾಪ್ಟರ್​ 2 ಸಿನಿಮಾದ ಬಗ್ಗೆ ಸಿನಿರಸಿಕರಲ್ಲಿ ದೊಡ್ಡ ಮಟ್ಟದ ನಿರೀಕ್ಷೆ ಇದೆ.ನರಾಚಿಯಲ್ಲಿ ರಾಕಿ ಭಾಯ್​ ಸಾಮಾಜ್ಯ ಸ್ಥಾಪನೆಯ ರೋಚಕ ಘಟ್ಟವನ್ನು ಕಣ್ತುಂಬಿಕೊಳ್ಳಲು ಪ್ರೇಕ್ಷಕರು ಕಾಯುತ್ತಿದ್ದಾರೆ. ಇನ್ನೂ ಯಶ್​ ಹುಟ್ಟುಹಬ್ಬಕ್ಕೂ ಒಂದು ದಿನ ಮೊದಲು ಕೆಜಿಎಫ್​ ಚಾಪ್ಟರ್ 2 ಟೀಸರ್​ ಅನ್ನು ರಿಲೀಸ್ ಮಾಡಲಾಗಿತ್ತು. ಅದು​ ರಿಲೀಸ್​ ಆಗುತ್ತಿದಂತೆಯೇ ದಾಖಲೆಗಳನ್ನು ಮಾಡಿತ್ತು. ಅತಿ ಕಡಿಮೆ ಸಮಯದಲ್ಲಿ ಹೆಚ್ಚು ಜನ ವೀಕ್ಷಿಸಿರುವ ಟೀಸರ್​ ಎಂ ಬ ಖ್ಯಾತಿಗೂ ಪಾತ್ರವಾಗಿದೆ. ಈಗ ಇದೇ ಟೀಸರ್​​ ಮತ್ತೊಂದು ಹೊದ ದಾಖಲೆ ಮಾಡಿದೆ. ಹೌದು, ಈ ವಿಷಯವನ್ನು ಹೊಂಬಾಳೆ ಫಿಲಂಸ್​ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದೆ.

ಹೌದು, ಪ್ರಶಾಂತ್​ ನೀಲ್​ ನಿರ್ದೇಶನದಲ್ಲಿ ರಾಕಿಂಗ್​ ಯಶ್​ ನಟಿಸುತ್ತಿರುವ ಕೆಜಿಎಫ್​ ಚಾಪ್ಟರ್​ 2 ಸಿನಿಮಾ ಟೀಸರ್​​ ಈಗ ಹೊಸ ದಾಖಲೆ ಬರೆದಿದೆ. ಟೀಸರ್​​ ರಿಲೀಸ್ ಆಗಿ ನಾಲ್ಕು ತಿಂಗಳಾಗಿದ್ದು,  ಯೂಟ್ಯೂಬ್​ನಲ್ಲಿ ಈ ಟ್ರೇಲರ್​ಗೆ 10 ಲಕ್ಷಕ್ಕೂ ಹೆಚ್ಚು ಮಂದಿ ಕಮೆಂಟ್​ ಮಾಡಿದ್ದಾರೆ.

1M COMMENTS FOR KGF2 TEASER pic.twitter.com/ThKKkYURvM

— Hombale Films (@hombalefilms) May 31, 2021

ಈ ಖುಷಿಯ ವಿಷಯನ್ನು ಹೊಂಬಾಳೆ ಫಿಲಂಸ್​ ತನ್ನ ಅಧಿಕೃತ ಟ್ವಿಟರ್​ ಖಾತೆಯಲ್ಲಿ ಹಂಚಿಕೊಂಡಿದೆ. ಈಗಾಗಲೇ 18 ಕೋಟಿಗೂ ಹೆಚ್ಚು ಜನ ವೀಕ್ಷಿಸಿದ್ದಾರೆ. ಅಲ್ಲದೆ ಬುಕ್​ ಮೈ ಶೋನಲ್ಲಿ ಅತಿಹೆಚ್ಚು ಜನರು ವೀಕ್ಷಿಸಲು ಬಯಸುವ ಸಿನಿಮಾ ಆಗಿ ಹೊರಹೊಮ್ಮಿದೆ. ಹೀಗೆ ರಿಲೀಸ್​ಗೆ ಮುನ್ನವೇ ಹಲವಾರು ಹೊಸ ದಾಖಲೆಗಳನ್ನು ಮಾಡುತ್ತಿದೆ ಕೆಜಿಎಫ್ ಚಾಪ್ಟರ್​ 2 ಸಿನಿಮಾ.

ಯಶ್ ಹುಟ್ಟುಹಬ್ಬದಂದು ಕೆಜಿಎಫ್ ಚಾಪ್ಟ್​ 2 ಸಿನಿಮಾದ ಟೀಸರ್​ ರಿಲೀಸ್​ಗೆ ಎಲ್ಲ ಸಿದ್ಧತೆ ಮಾಡಿಕೊಳ್ಳಲಾಗಿತ್ತು. ಆದರೆ ಅದಕ್ಕೂ ಮುಂಚಿತವಾಗಿಯೇ ಅಂದರೆ ಹಿಂದಿನ ದಿನ ರಾತ್ರಿಯೇ ಟೀಸರ್​ ಲೀಕ್​ ಆಗಿತ್ತು. ಅದಕ್ಕಾಗಿಯೇ ಚಿತ್ರತಂಡ ಆಗಲೇ ಅಧಿಕೃತವಾಗಿ ಟೀಸರ್ ರಿಲೀಸ್ ಮಾಡಿತ್ತು.

ಇದನ್ನೂ ಓದಿ: Manoranjan Ravichandran: ಮುದ್ದಿನ ಸಾಕು ನಾಯಿಯ ಹುಟ್ಟುಹಬ್ಬ ಆಚರಿಸಿದ ಮನೋರಂಜನ್​ ರವಿಚಂದ್ರನ್​..!

ಟೀಸರ್​ ರಿಲೀಸ್ ಆಗುತ್ತಿದಂತೆಯೇ ವೀಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಕೆಜಿಎಫ್​ ಚಾಪ್ಟರ್​ 2 ಟೀಸರ್​ ಬಿಡುಗಡೆಯಾದ ಒಂದೇ ದಿನದಲ್ಲಿ 6 ಕೋಟಿಗೂ ಅಧಿಕ ಜನರು ವೀಕ್ಷಿಸಿದ್ದರು. ಈ ಮೂಲಕ ಈ ಹಿಂದಿನ ಎಲ್ಲ ದಾಖಲೆಗಳನ್ನೂ ಇದು ಮುರಿದಿತ್ತು. ವಿಜಯ್​ ಕಿರಗಂದೂರು ನಿರ್ಮಾಣದ ಈ ಸಿನಿಮಾ ಜು.16ಕ್ಕೆ ರಿಲೀಸ್​ ದಿನಾಂಕ ಪ್ರಕಟಿಸಿದೆ. ಆದರೆ ಸದ್ಯ ಲಾಕ್​ಡೌನ್​ ಇದ್ದು, ಚಿತ್ರಮಂದಿರಗಳು ಮುಚ್ಚಿವೆ. ಅಲ್ಲದೆ ಇನ್ನೂ ಸಿನಿಮಾದ ಪೋಸ್ಟ್​ ಪೋಡಕ್ಷನ್​ ಕೆಲಸಗಳು ಲಾಕ್​ಡೌನ್​ ಆರಂಭವಾಗುವ ಮುನ್ನ ನಡೆಯುತ್ತತ್ತು. ಈ ಎಲ್ಲ ಕಾರಣಗಳಿಂದಾಗಿ ಸಿನಿಮಾ ರಿಲೀಸ್ ದಿನಾಂಕ ಮುಂದೆ ಹೋದರೂ ಆಶ್ಚರ್ಯ ಪಡಬೇಕಿಲ್ಲ.

ಇದನ್ನೂ ಓದಿ: Pawan Kalyan - Akira Nandan: ವೈರಲ್​ ಆಗುತ್ತಿವೆ ಪವನ್​ ಕಲ್ಯಾಣ್​ ಮಗ ಅಕಿರಾ ನಂದನ್​ ಲೆಟೆಸ್ಟ್​ ಫೋಟೋಗಳು

ಕೆಜಿಎಫ್​ ಚಾಪ್ಟರ್​ 2 ಚಿತ್ರ ನಿರ್ಮಿಸುತ್ತಿರುವ ಹೊಂಬಾಳೆ ಫಿಲಂಸ್​ ಈ ಹಿಂದೆ ಸಲಾರ್​ ಸಿನಿಮಾ ಪ್ರಕಟಿಸಿದಾಗ ಕೆಜಿಎಫ್​ ಅಭಿಮಾನಿಗಳು ಸಿಟ್ಟಿಗೆದ್ದಿದ್ದರು. ಹೊಸ ಸಿನಿಮಾ ಪ್ರಕಟಿಸುತ್ತಾ ಟೈಟಲ್​ ಪೋಸ್ಟರ್​ ರಿಲೀಸ್​ ಮಾಡುತ್ತಿರುವ ನಿರ್ಮಾಪಕರು, ಕೆಜಿಎಫ್​ ಚಾಪ್ಟರ್​ ಚಿತ್ರದ ಅಪ್ಡೇಟ್​ ಬಗ್ಗೆ ಮಾತನಾಡುತ್ತಿಲ್ಲ ಎಂದು ಕೋಪಗೊಂಡಿದ್ದರು. ಇದೇ ಕಾರಣದಿಂದ ಯಶ್ ಅಭಿಮಾನಿಗಳು ಈ ಹಿಂದೆ ಸಹ ಕೆಜಿಎಫ್​ ಚಾಪ್ಟರ್ 2 ಟೀಸರ್​ ಬಿಡುಗಡೆ ಮಾಡುವಂತೆ ಸಾಮಾಜಿಕ ಜಾಲತಾಣದಲ್ಲಿ ಒತ್ತಡ ಹೇರಿದ್ದರು. ಇನ್ನಾದರೂ ಟೀಸರ್ ರಿಲೀಸ್​ ಮಾಡಿ ಎಂದು ನಿರ್ದೇಶಕ ಹಾಗೂ ನಿರ್ಮಾಪಕರನ್ನು ಆಗ್ರಹಿಸಿದ್ದರು.