Katrina Kaif - Vicky Kaushal : ಗ್ರ್ಯಾಂಡ್​ ವೆಡ್ಡಿಂಗ್​ ಆಯ್ತು.. ಈಗ ಅದ್ಧೂರಿ ರಿಸೆಪ್ಷನ್​ಗೆ ಸಿದ್ಧತೆ!

ಬಾಲಿವುಡ್(Bollywood)​ ಕ್ಯೂಟ್​ ಕಪಲ್​(Cute Couple) ಕತ್ರಿನಾ ಕೈಫ್​- ವಿಕ್ಕಿ ಕೌಶಲ್(Katrina Kaif - Vicky Kaushal)​ ಮದುವೆಯಾಗಿ ಮರಳಿ ಮನೆ ಸೇರಿಕೊಂಡಿದ್ದಾರೆ. ಅದ್ಧೂರಿಯಾಗಿ ವಿವಾಹವಾದ ಈ ಜೋಡಿ, ಈಗ ಮತ್ತಷ್ಟು ಅದ್ಧೂರಿಯಾಗಿ ರಿಸೆಪ್ಷನ್(Reception)​ ಮಾಡಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಕತ್ರಿನಾ ಕೈಫ್​ ಹಾಗೂ ವಿಕ್ಕಿ ಕೌಶಲ್​ ಅವರು ಡಿಸೆಂಬರ್​ 9ರಂದು ರಾಜಸ್ಥಾನದ ಸಿಕ್ಸ್​ ಸೆನ್ಸಸ್​ ಫೋರ್ಟ್​ ಹೋಟೆಲ್​ನಲ್ಲಿ ವಿವಾಹವಾಗಿದ್ದರು. ಇವರ ಅದ್ದೂರಿ ಮದುವೆಗೆ ಆಪ್ತರು ಹಾಗೂ ಕುಟುಂಬದವರು ಮಾತ್ರ ಭಾಗಿ ಆಗಿದ್ದರು. ಹೆಚ್ಚು ಜನರಿಗೆ ಈ ಮದುವೆ(Marriage)ಗೆ ಆಹ್ವಾನ ಮಾಡಿರಲಿಲ್ಲ.  ಹೀಗಾಗಿ ಕತ್ರಿನಾ ಕೈಫ್​ ಹಾಗೂ ವಿಕ್ಕಿ ಕೌಶಲ್​ ಅದ್ಧೂರಿ ಆರತಕ್ಷತೆ  ಆಯೋಜಿಸಿದೆ. ಮದುವೆಗೆ ಯಾರಿಗೆಲ್ಲ ಆಹ್ವಾನ ನೀಡಲು ಸಾಧ್ಯವಾಗಲಿಲ್ಲ, ಅವರನ್ನೆಲ್ಲ ಈ ಗ್ರ್ಯಾಂಡ್​ ರಿಸೆಪ್ಷನ್​​ಗೆ ಕರೆಯಲು ಪ್ಲ್ಯಾನ್(Plan)​ ಮಾಡುತ್ತಿದ್ದಾರೆ. ಡಿಸೆಂಬರ್​ 20ರಂದು ಮುಂಬೈ(Mumbai)ನಲ್ಲಿ ಅದ್ಧೂರಿಯಾಗಿ ಇವರಿಬ್ಬರ ಆರತಕ್ಷತೆ ಸಮಾರಂಭ ನಡೆಯಲಿದೆ. ಬಾಲಿವುಡ್​ ದಿಗ್ಗಜರು, ರಾಜಕಾರಣಿಗಳು, ಕ್ರಿಕೆಟಿಗರು ಸೇರಿ ಗಣ್ಯರೆಲ್ಲ ಆರತಕ್ಷತೆ ಆಗಮಿಸಲಿದ್ದಾರೆ. ಈ ವಿಚಾರ ಇದೀಗ ಬಾಲಿವುಡ್​ ಅಂಗಳದಲ್ಲಿ ಸಾಕಷ್ಟ ಚರ್ಚೆ ಆಗುತ್ತಿದೆ. ಕಾರಣ ಮದುವೆಯಾದ ಬಳಿಕ ಎಲ್ಲೂ ಹೆಚ್ಚು ದಿನ ಹನಿಮೂನ್(Honymoon)​ ಹೋಗದೇ ಕತ್ರಿನಾ- ವಿಕ್ಕಿ ವಾಪಸ್​ ಆಗಿದ್ದಾರೆ. ಕೇವಲ ನಾಲ್ಕೇ ದಿನಕ್ಕೆ ಮನೆಗೆ ವಾಪಸ್​ ಆಗಿದ್ದರು. 

ಕತ್ರಿನಾ ಕೈಯಲ್ಲಿವೆ ಸಾಲು ಸಾಲು ಸಿನಿಮಾಗಳು!

ಕತ್ರಿನಾ ಕೈಫ್​ ಹಾಗೂ ವಿಕ್ಕಿ ಕೌಶಲ್​ ಸಿನಿಮಾ ಕೆಲಸಗಳಿಗೆ ಮತ್ತೆ ಚಾಲನೆ ನೀಡಬೇಕಿದೆ. ಈ ಕಾರಣಕ್ಕೆ ಆರತಕ್ಷತೆ ಕಾರ್ಯಕ್ರಮವನ್ನು ಬಹುಬೇಗ ಮುಗಿಸುವ ಆಲೋಚನೆ ಈ ದಂಪತಿಯದ್ದು. ಇದರ ಜತೆಗೆ ಕ್ರಿಸ್​​ಮಸ್​ ಕೂಡ ಆಗಮಿಸುತ್ತಿದೆ. ಅದರ ಬೆನ್ನಲ್ಲೇ ಹೊಸ ವರ್ಷದ ಸೆಲಬ್ರೇಷನ್​ ಇರಲಿದೆ. ಅದಕ್ಕೂ ಮೊದಲೇ ಈ ರಿಸೆಪ್ಷನ್​ ನಡೆಯುತ್ತಿದೆ. ಶೂಟಿಂಗ್​ನಲ್ಲಿ ಭಾಗವಹಿಸುವುದಕ್ಕಿಂತ ಮುಂಚೆ ರಿಸೆಪ್ಷನ್​ ಮಾಡಲು ಕತ್ರಿನಾ ಕೈಫ್​ - ವಿಕ್ಕಿ ಕೌಶಲ್​ ನಿರ್ಧರಿಸಿದ್ದಾರೆ

ಇದನ್ನು ಓದಿ : ಸುಶಾಂತ್ ಮಾಜಿ ಪ್ರೇಯಸಿ ಅಂಕಿತಾ ಲೋಖಂಡೆ ಅದ್ಧೂರಿ ವಿವಾಹ

ಮೂರು ಸಿನಿಮಾ ಶೂಟಿಂಗ್​ನಲ್ಲಿ ಕತ್ರಿನಾ ಭಾಗಿ!

ರಮೇಶ್ ತೌರಾನಿ ನಿರ್ಮಾಣದ ಮತ್ತು ಶ್ರೀರಾಮ್ ರಾಘವನ್ ನಿರ್ದೇಶನದ ಚಿತ್ರಕ್ಕಾಗಿ ಕತ್ರಿನಾ ಚಿತ್ರೀಕರಣವನ್ನು ಪ್ರಾರಂಭಿಸುವ ನಿರೀಕ್ಷೆಯಿದೆ ಎಂದು ವರದಿಯೊಂದು ಬಹಿರಂಗಪಡಿಸಿದೆ . ಮುಂಬೈನಲ್ಲಿ ಅವರ ವಿವಾಹದ ಆರತಕ್ಷತೆಯ ನಂತರ ವಿಜಯ್ ಸೇತುಪತಿ ಜೊತೆಗಿನ ಮೆರ್ರಿ ಕ್ರಿಸ್‌ಮಸ್ ಎಂಬ ಚಿತ್ರದ ಶೂಟಿಂಗ್​ನಲ್ಲಿ ಕತ್ರಿನಾ ಭಾಗಿಯಾಗಲಿದ್ದಾರಂತೆ. ಇದಾದ ಬಳಿಕ ಸಲ್ಮಾನ್​ ಖಾನ್​ ಜೊತೆ ಟೈಗರ್​ 3 ಸಿನಿಮಾ ಮಾಡಲಿದ್ದಾರೆ. ನವೆಂಬರ್​ನಲ್ಲಿ ಟೈಗರ್​ 3 ಸಿನಿಮಾಗಾಗಿ ಕತ್ರಿನಾ ಡೇಟ್ಸ್​ ನೀಡಿದ್ದರು.ಇದಾದ ಬಳಿಕ ಶಾಹಿದ್​​ ಕಪೂರ್​ ಜೊತೆ ಒಂದು ಸಿನಿಮಾಗೆ ಸಹಿ ಹಾಕಿದ್ದಾರೆ.  ಹೀಗಾಗಿ ಮದುವೆಯಾದ ಬಳಿಕ ಸಿನಿಮಾ ಶೂಟಿಂಗ್​ನಲ್ಲಿ ಕತ್ರಿನಾ  ಬ್ಯುಸಿಯಾಗಲಿದ್ದಾರೆ.

ಇದನ್ನು ಓದಿ : ಈ ನಟಿಗೆ ನಿನ್ನ ಸೊಂಟ, ಎದೆ ಸೈಜ್ ಎಷ್ಟಿದೆ ಅಂತ​ ಕೇಳಿದ್ರಂತೆ ಸೌತ್​ ಡೈರೆಕ್ಟರ್ಸ್​!

ಕತ್ರಿನಾಗೆ ರೇಂಜ್​ ರೋವರ್​ ಗಿಫ್ಟ್​ ಕೊಟ್ಟ ಸಲ್ಮಾನ್​ ಖಾನ್​!

ಸಲ್ಮಾನ್​ ಖಾನ್​ ಅವರು ಕತ್ರಿನಾಗೆ 3 ಕೋಟಿ ರೂಪಾಯಿ ಮೌಲ್ಯದ ರೇಂಜ್​ ರೋವರ್ ಕಾರನ್ನು ನೀಡಿದ್ದಾರೆ ಎಂದು ವರದಿ ಆಗಿದೆ. ಈ ಮೂಲಕ ಸಲ್ಮಾನ್​ ಖಾನ್​ ಅವರು ವಿಕ್ಕಿ ಹಾಗೂ ಕತ್ರಿನಾಗೆ ವಿಶೇಷವಾಗಿ ವಿಶ್​ ಮಾಡಿದ್ದಾರೆ. ಅಲ್ಲದೆ, ಕತ್ರಿನಾ ಬಗ್ಗೆ ಇರುವ ಫ್ರೆಂಡ್​ಶಿಪ್​ಅನ್ನು ಮತ್ತೊಮ್ಮೆ ಸಾಬೀತು ಮಾಡಿದ್ದಾರೆ. ಅಂದಹಾಗೆ, ಕತ್ರಿನಾ ಮತ್ತು ವಿಕ್ಕಿ ಮದುವೆ ಆಗುತ್ತಿದ್ದಂತೆ ಸಲ್ಲು ಬಗ್ಗೆ ಸಾಕಷ್ಟು ಟ್ರೋಲ್​ಗಳು ಹರಿದಾಡಿದ್ದವು. ಆದರೆ, ಆ ಬಗ್ಗೆ ಸಲ್ಮಾನ್​ ತಲೆಕೆಡಿಸಿಕೊಂಡಿಲ್ಲ. ಬದಲಿಗೆ ದುಬಾರಿ ಗಿಫ್ಟ್​ ನೀಡಿದ್ದಾರೆ. ಮದುವೆಗೆ ತನ್ನ ವಯಕ್ತಿಕ ಬಾಡಿಗಾರ್ಡ್​ ಕೂಡ ಕಳಿಸಿಕೊಟ್ಟರು.