ಟ್ವಿಟರ್​ನಲ್ಲಿ 8 ಮಂದಿಯನ್ನು ಬಿಟ್ಟು ಉಳಿದ ಸೆಲೆಬ್ರಿಟಿಗಳನ್ನು ಅನ್​ಫಾಲೋ ಮಾಡಿದ ಕರಣ್​ ಜೋಹರ್​..!

ಸುಶಾಂತ್ ಸಿಂಗ್​ ರಾಜಪೂತ್​ ಅವರ ನಿಧನ ಸಾಮಾಜಿಕ ಜಾಲತಾಣದಲ್ಲಿ ಬಿ-ಟೌನ್​ನಲ್ಲಿರುವ ಸ್ವಜನಪಕ್ಷಪಾತ ಕುರಿತಂತೆ ಚರ್ಚೆಗೆ ನಾಂದಿ ಹಾಡಿದೆ. ಬಾಲಿವುಡ್​ನಲ್ಲಿ ದೊಡ್ಡ ಕುಟುಂಬಗಳು ಎನಿಸಿಕೊಂಡವರು ಹೊರಗಿನಿಂದ ಬಂದ ಕಲಾವಿದರನ್ನು ಮಲತಾಯಿ ಮಕ್ಕಳಂತೆ ಕಾಣುತ್ತಾರೆ ಎನ್ನುವ ಆರೋಪ ಕೇಳಿ ಬರುತ್ತಿದೆ. ಅದರಲ್ಲೂ ಕೆಲ ಸೆಲೆಬ್ರಿಟಿಗಳೇ ಈ ಆರೋಪ ಮಾಡುತ್ತಿದ್ದು, ತಮಗಾದ ಅನುಭವ ಹಾಗೂ ಅನ್ಯಾಯದ ವಿರುದ್ಧ ದನಿ ಎತ್ತುತ್ತಿದ್ದಾರೆ. 

ಸುಶಾಂತ್​ ಆತ್ಮಹತ್ಯೆ ಮಾಡಿಕೊಳ್ಳುವಂತೆ ಮಾಡಿದ್ದು ಬಿ-ಟೌನ್​ನ ದೊಡ್ಡ ದೊಡ್ಡ ಫಿಲ್​ಮೇಕರ್ಸ್​ ಹಾಗೂ ಕೆಲ ಸ್ಟಾರ್​ಗಳು ಎಂದು ನೆಟ್ಟಿಗರು ಆರೋಪಿಸುತ್ತಿದ್ದಾರೆ. ಜೊತೆಗೆ ಅವರನ್ನು ಸಾಮಾಜಿಕ ಜಾಲತಾಣದಲ್ಲಿ ಅನ್​ಫಾಲೋ ಮಾಡಿ ಹಾಗೂ ಅವರ ಸಿನಿಮಾಗಳನ್ನು ಬಹಿಷ್ಕರಿಸಿ ಎಂದು ಅಭಿಯಾನ ಆರಂಭಿಸಿದ್ದಾರೆ ನೆಟ್ಟಿಗರು.



ಕರಣ್​ ಜೋಹರ್​, ಯಶ್ ರಾಜ್​ ಫಿಲ್ಮ್ಸ್​, ನಾಡಿಯಾದ್​ವಾಲ ಪ್ರೊಡಕ್ಷನ್ಸ್​, ಏಕ್ತಾ ಕಪೂರ್​, ಸಲ್ಮಾನ್​ ಖಾನ್, ಆಲಿಯಾ ಭಟ್​ ಹಾಗೂ ಸೋನಮ್​ ಕಪೂರ್​​ ಅವರನ್ನು ಈ ಕಾರಣದಿಂದಾಗಿ ಟ್ರೋಲ್​ ಮಾಡಲಾಗುತ್ತಿದೆ.



ಅಲ್ಲದೆ ಸುಶಾಂತ್​ ಅಗಲಿದ ದಿನದಿಂದ ಇಲ್ಲಿಯವರೆಗೆ ಈ ಸೆಲೆಬ್ರಿಟಿಗಳು ಹಾಗೂ ಸ್ಟಾರ್​ ಕಿಡ್ಸ್​ಗಳನ್ನು ಸಾಮಾಜಿಕ ಜಾಲತಾಣದಿಂದ ಲಕ್ಷಾಂತರ ಮಂದಿ ಅನ್​ಫಾಲೋ ಮಾಡುತ್ತಿದ್ದಾರೆ. ಹೀಗಿರುವಾಗಲೇ ಫಿಲ್ಮ್​ ಮೇಕರ್​ ಕರಣ್​ ಜೋಹರ್ ಸಹ ಟ್ವಿಟರ್​ನಲ್ಲಿ 8 ಮಂದಿಯನ್ನು ಬಿಟ್ಟು ಉಳಿದವರನ್ನು ಅನ್​ಫಾಲೋ ಮಾಡಿದ್ದಾರೆ.

ಇದನ್ನೂ ಓದಿ: ಸುಶಾಂತ್​ರಂತೆಯೇ ಆಗಿತ್ತಾ ಟಾಲಿವುಡ್​ ನಟ ಉದಯ್​ ಕಿರಣ್​ ಪರಿಸ್ಥಿತಿ..?

ಕರಣ್​ ಜೋಹರ್ ಸಾಕಷ್ಟು ಸೆಲೆಬ್ರಿಟಿಗಳನ್ನು ಹಿಂಬಾಲಿಸುತ್ತಿದ್ದರು. ಆದರೆ ಈಗ ಅವರಲ್ಲಿ ಅಮಿತಾಭ್​ ಬಚ್ಚನ್​, ಶಾರುಖ್ ಖಾನ್​, ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಕೇವಲ 8 ಮಂದಿಯನ್ನು ಮಾತ್ರ ಕರಣ್​ ಫಾಲೋ ಮಾಡುತ್ತಿದ್ದಾರೆ. ಉಳಿದವರನ್ನು ಅನ್​ಫಾಲೋ ಮಾಡಿದ್ದಾರೆ.

 

Nithya Menen: ನಾವು ಚೆನ್ನಾಗಿದ್ದರೆ ಮಾತ್ರ ಬೇರೆಯವರಿಗೆ ನೆರವಾಗಬಹುದು ಎಂದ ನಿತ್ಯಾ ಮೆನನ್​..!

 

 

ಇದನ್ನೂ ಓದಿ: ತನ್ನ ನೃತ್ಯ ಪ್ರದರ್ಶನದಲ್ಲಿ ಸಹ ನೃತ್ಯಗಾರನಾಗಿದ್ದ ಸುಶಾಂತ್​ ಅಗಲಿಕೆಗೆ ಕಂಬನಿ ಮಿಡಿದ ಐಶ್ವಯಾ ರೈ..!