Vedha Movie: ಟಾಲಿವುಡ್​​ನಲ್ಲಿ ಬದಲಾಯಿತು ವೇದ ಚಿತ್ರದ ಟೈಟಲ್; ಟ್ರೈಲರ್​ನೊಂದಿಗೆ ಚಿತ್ರದ ರಿಲೀಸ್ ಡೇಟ್ ಅನೌನ್ಸ್!

ಹ್ಯಾಟ್ರಿಕ್ ಹೀರೋ ಶಿವರಾಜ್​ ಕುಮಾರ್ (Shiva Rajkumar Movie) ಅಭಿನಯದ ವೇದ ಸಿನಿಮಾ ಟಾಲಿವುಡ್​ನಲ್ಲೂ (Tollywood Movie) ರಿಲೀಸ್ ಆಗುತ್ತಿದೆ. ದೊಡ್ಡಮಟ್ಟದಲ್ಲಿಯೇ ರಿಲೀಸ್ ಆಗ್ತಿರೋ ಈ ಚಿತ್ರದ ಟೈಟಲ್ ಇಲ್ಲಿ ಬದಲಾಗಿದೆ. ಇದರೊಟ್ಟಿಗೆ ಚಿತ್ರದ ತೆಲುಗು ಟ್ರೈಲರ್ (Tollywood Trailer Release) ಕೂಡ ರಿಲೀಸ್ ಆಗಿದೆ. ಸಿನಿಮಾ ರಿಲೀಸ್ ಡೇಟ್​ ಕೂಡ ಅಧಿಕೃತವಾಗಿ ರಿವೀಲ್ ಆಗಿದ್ದು, ಟಾಲಿವುಡ್​ನಲ್ಲಿ ಶಿವರಾಜ್​ ಕುಮಾರ್ ಹವಾ ಸಣ್ಣಗೆ ಈಗಲೇ ಶುರು ಆಗಿದೆ. ತೆಲುಗು ಟ್ರೈಲರ್ ಕೂಡ ಭರ್ಜರಿಯಾಗಿಯೇ ರೆಡಿ ಆಗಿದೆ. ಕನ್ನಡದ ರೀತಿನೇ ( ShivaVeda Movie) ತೆಲುಗು ಭಾಷೆ ಟ್ರೈಲರ್ ಭರವಸೆ ಮೂಡಿಸುತ್ತಿದೆ. ಈ ಟ್ರೈಲರ್​​ನಲ್ಲೂ ಶಿವಣ್ಣನ ಖದರ್ ಬಲು ಜೋರಾಗಿಯೇ ಇದೆ. 

ಕನ್ನಡದ ವೇದ ಚಿತ್ರದ ಟೈಟಲ್ ಟಾಲಿವುಡ್​ನಲ್ಲಿ ಚೇಂಜ್!
ಕನ್ನಡದ ವೇದ ಸಿನಿಮಾ ಕನ್ನಡಿಗರ ಹೃದಯ ಗೆದ್ದಿದೆ. ಹ್ಯಾಟ್ರಿಕ್ ಹೀರೋ ಶಿವರಾಜ್​ ಕುಮಾರ್ ಈ ಮೂಲಕ ಪ್ರೇಕ್ಷಕರಿಗೆ ಹೊಸ ಕಥೆ ಹೇಳಿದ್ದಾರೆ. ಮಹಿಳೆಯರ ಬಗ್ಗೆ ಗೌರವ ಇರಲೇಬೇಕು ಅನ್ನೋದನ್ನ ತುಂಬಾ ಗಟ್ಟಿಯಾಗಿಯೇ ಇಲ್ಲಿ ಹೇಳಿದ್ದಾರೆ.

ಟಾಲಿವುಡ್​​ನಲ್ಲಿ ಬದಲಾಯಿತು ವೇದ ಚಿತ್ರದ ಟೈಟಲ್

ಮಹಿಳೆಯರನ್ನ ಗೌರವಿಸಿ, ಅವಳ ಪರವಾನಗಿ ಇಲ್ಲದೇ ಅವಳನ್ನ ಮುಟ್ಟೋ ಹಾಗಿಲ್ಲ, ಅವಳಿಗೆ ಅಗೌರವ ತೋರೋ ಹಾಗಿಲ್ಲ, ಅದು ಚಿಕ್ಕ ಹುಡುಗಿ ಆದರೂ ಅಷ್ಟೇ ಅನ್ನೋದನ್ನ ಸಾರಿ ಸಾರಿ ಈ ಚಿತ್ರದಲ್ಲಿ ಡೈರೆಕ್ಟರ್ ಹರ್ಷ ಹಲವು ಮಹಿಳಾ ಪಾತ್ರಗಳ ಮೂಲಕ ತಿಳಿಸಿದ್ದಾರೆ.

ವೇದ ಚಿತ್ರಕ್ಕೆ ಟಾಲಿವುಡ್​ನಲ್ಲಿ "ಶಿವವೇದ" ಟೈಟಲ್!
ವೇದ ಸಿನಿಮಾ ತೆಲುಗುದಲ್ಲಿ ರಿಲೀಸ್ ಆಗಲು ರೆಡಿ ಆಗಿದೆ. ಶಿವವೇದ ಅನ್ನೋ ಟೈಟಲ್​ನ್ನ ಇದಕ್ಕೆ ಇಲ್ಲಿ ಇಡಲಾಗಿದೆ. ಚಿತ್ರದ ಟ್ರೈಲರ್ ಕೂಡ ರಿಲೀಸ್ ಆಗಿದೆ. ಭಾರೀ ಭರವಸೆಯನ್ನ ಕೂಡ ಈಗಲೇ ಮೂಡಿಸಿದೆ.

ಶಿವವೇದ ಅನ್ನೋ ಟೈಟಲ್​ನೊಂದಿಗೆ ಬರ್ತಿರೋ ಈ ಚಿತ್ರದಲ್ಲಿ ಟೈಟಲ್ ಹೊರತಾಗಿ ಬೇರೆ ಏನೂ ಬದಲಾವಣೆ ಇಲ್ವೇ ಇಲ್ಲ. ಕನ್ನಡದ ಟ್ರೈಲರ್ ಹೇಗಿತ್ತೋ ಅದೇ ರೀತಿನೇ ತೆಲುಗು ಭಾಷೆಯ ಟ್ರೈಲರ್ ಮಾಡಲಾಗಿದೆ. ತೆಲುಗು ಬಲ್ಲ ಯಾರೇ ಈ ಚಿತ್ರದ ಟ್ರೈಲರ್ ನೋಡಿದ್ರೆ, ರೋಮಾಂಚನಗೊಳ್ಳುವ ರೀತಿನೇ ಇದನ್ನ ರೆಡಿ ಮಾಡಲಾಗಿದೆ.

ಫೆಬ್ರವರಿ-09 ರಂದು ಟಾಲಿವುಡ್​​ನಲ್ಲಿ ಶಿವವೇದ ರಿಲೀಸ್
ಶಿವರಾಜ್​ ಕುಮಾರ್ ಅಭಿನಯದ ಶಿವವೇದ ರಿಲೀಸ್ ಡೇಟ್ ಫಿಕ್ಸ್ ಆಗಿದೆ. ಇದೇ ತಿಂಗಳ ಫೆಬ್ರವರಿ-09 ರಂದು ಚಿತ್ರವನ್ನ ತೆಲುಗು ಭಾಷೆಯಲ್ಲಿ ರಿಲೀಸ್ ಮಾಡೋಕೆ ಪ್ಲಾನ್ ಮಾಡಲಾಗಿದೆ.

ಅಧಿಕೃತವಾಗಿಯೇ ಈ ಚಿತ್ರದ ರಿಲೀಸ್ ಡೇಟ್ ಈಗ ಅನೌನ್ಸ್ ಆಗಿದೆ. ಟಾಲಿವುಡ್​ನಲ್ಲಿ ಕನ್ನಡದ ವೇದ ಚಿತ್ರ ಶಿವವೇದ ಆಗಿ ರಿಲೀಸ್ ಆಗುತ್ತಿದೆ. ಈ ಮೂಲಕ ಕನ್ನಡದ ನಟಿಯರಾದ ಅದಿತಿ ಸಾಗರ್, ಗಾನವಿ ಲಕ್ಷ್ಮಣ, ಶ್ವೇತಾ ಚಂಗಪ್ಪ ಹೀಗೆ ಎಲ್ಲರೂ ಟಾಲಿವುಡ್​ನಲ್ಲಿ ಈ ಚಿತ್ರದ ಮೂಲಕ ಹೊಸ ಅಲೆ ಎಬ್ಬಿಸಲಿದ್ದಾರೆ.

ಫೆಬ್ರವರಿ-09 ರಂದು ಟಾಲಿವುಡ್​​ನಲ್ಲಿ "ಶಿವವೇದ" ರಿಲೀಸ್

ಕನ್ನಡದ ಡೈರೆಕ್ಟರ್ ಎ.ಹರ್ಷ ತಮ್ಮ ಈ ಚಿತ್ರದಲ್ಲಿ ಸಾಕಷ್ಟು ಹೊಸ ವಿಷಯಗಳನ್ನ ಹೇಳಿದ್ದಾರೆ. ಮಹಿಳೆಯರ ಬಗ್ಗೆ ಗೌರವ ಕೊಡುವ ವಿಚಾರಕ್ಕೆ ಸಂಬಂಧಿಸಿದಂತೆ ಈ ಚಿತ್ರದಲ್ಲಿ ಸಾಕಷ್ಟು ವಿಷಯಗಳನ್ನ ಹೇಳಿದ್ದಾರೆ.

ಇದನ್ನೂ ಓದಿ: Vasishta Simha-Haripriya Marriage: ಸಿಂಹಪ್ರಿಯ ಮದುವೆಯ ಮಧುರ ಕ್ಷಣ! ಫೋಟೋ ಶೇರ್ ಮಾಡಿದ ನಟ

ಇದನ್ನ ನೋಡಿರೋ ಕನ್ನಡಿಗರು ಈಗಾಗಲೇ ಮೆಚ್ಚುಗೆ ಸೂಚಿಸಿದ್ದಾರೆ. ಇನ್ನು ಬಾಕಿ ಇರೋದು ಟಾಲಿವುಡ್​ನ ಪ್ರೇಕ್ಷಕರ ಸರದಿ. ಇವರೂ ಕೂಡ ಚಿತ್ರವನ್ನ ಚೆನ್ನಾಗಿಯೇ ರಿಸೀವ್ ಮಾಡಿಕೊಳ್ತಾರೆ ಅನ್ನೋ ನಂಬಿಕೆ ಈಗಲೇ ಮೂಡಿದೆ.

ಇನ್ನು ಶಿವರಾಜ್ ಕುಮಾರ್ ಅವರ ಗೀತಾ ಪಿಕ್ಚರ್ಸ್ ನಿರ್ಮಾಣದ ಈ ಚಿತ್ರ ದೊಡ್ಡಮಟ್ಟದಲ್ಲಿಯೇ ಕನ್ನಡದಲ್ಲಿ ರಿಲೀಸ್ ಆಗಿತ್ತು. ತೆಲುಗು ಭಾಷೆಯಲ್ಲೂ ಅದೇ ರೀತಿಯ ಪ್ಲಾನ್ ಆಗಿದೆ ಅನ್ನೋದು ಈಗಿನ ಮಾಹಿತಿ ಅಂತಲೇ ಹೇಳಬಹುದು.