Rakshit Shetty: ಕಿರಿಕ್​ ಪಾರ್ಟೀಸ್​ಗಾಗಿ 'ಕಿರಿಕ್​ ಪಾರ್ಟಿ 2' ಸಿನಿಮಾ ಮಾಡುವುದಾಗಿ ಪ್ರಕಟಿಸಿದ ರಕ್ಷಿತ್​ ಶೆಟ್ಟಿ..!

ಬ್ಲಾಕ್​ಬಸ್ಟರ್​ ಹಿಟ್​ 'ಕಿರಿಕ್​ ಪಾರ್ಟಿ' ಸಿನಿಮಾ ಸ್ಯಾಂಡಲ್​ವುಡ್​ನಲ್ಲಿ ದಾಖಲೆಗಳನ್ನು ಬರೆದ ಸಿನಿಮಾ. ಕಿರಿಕ್​ ಪಾರ್ಟಿ ಚಿತ್ರ ಹಿಟ್​ ಆದ ಬೆನ್ನಲ್ಲೇ  ಕಿರಿಕ್​ ಪಾರ್ಟಿ ಪಾರ್ಟ್​ 2 ಮಾಡ್ತಾರಾ ಎಂಬ ಪ್ರಶ್ನೆಗಳು ಕೇಳಿ ಬಂದಿದ್ದವು. ಆದರೆ ಚಿತ್ರತಂಡ ಈ ಸಂಬಂಧ ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲ. ಇದೀಗ ಖುದ್ದು ಶೆಟ್ರೇ  ಟ್ವೀಟ್​ ಮಾಡಿದ್ದು ಕಿರಿಕ್​ ಪಾರ್ಟಿ ಪಾರ್ಟ್​ 2 ಕೆಲವೇ ದಿನಗಳಲ್ಲಿ ಸೆಟ್ಟೇರಲಿದೆ. ಅದರಲ್ಲೂ ಅವರು ಟ್ವೀಟ್​ ಮಾಡಿರುವ ರೀತಿ ನೋಡಿದರೆ, ಇದು ಅಧಿಕೃತ ಪ್ರಕಟಣೆ ಎನ್ನುವಂತಿದೆ.

ರಕ್ಷಿತ್ ಶೆಟ್ಟಿ, ರಶ್ಮಿಕಾ ಮಂದಣ್ಣ ಹಾಗೂ ಸಂಯುಕ್ತಾ ಹೆಗಡೆ ಅಭಿನಯದ 'ಕಿರಿಕ್​ ಪಾರ್ಟಿ' ಸಿನಿಮಾ ಕೇವಲ ಬಾಕ್ಸಾಫಿಸ್​ ಅಲ್ಲದೆ, ಈ ಚಿತ್ರದ ಹಾಡುಗಳು ಯೂಟ್ಯೂಬ್​ನಲ್ಲೂ ಹೊಸ ದಾಖಲೆ ಬರೆದಿತ್ತು. ಇಂತಹ ಹಿಟ್​ ಸಿನಿಮಾದ ಸೀಕ್ವೆಲ್​ಗಾಗಿ ಕನ್ನಡದ ಸಿನಿ ಪ್ರೇಕ್ಷಕರು ಕಾದು ಕುಳಿತಿದ್ದಾರೆ. ಹೀಗಿರುವಾಗಲೇ ರಕ್ಷಿತ್​ ಶೆಟ್ಟಿ 'ಕಿರಿಕ್​ ಪಾರ್ಟಿ 2' KP2 ಚಿತ್ರ ಮಾಡುವುದಾಗಿ ಪ್ರಕಟಿಸಿದ್ದಾರೆ.

I had no certain plans of KP2 until now but I certainly got a perfect plot now... ☺️🤟 #KirikParties will come back on screen and it will be such a fight...

— Rakshit Shetty (@rakshitshetty) February 26, 2020

''ಇಲ್ಲಿಯವರೆಗೂ ನಾನು 'ಕಿರಿಕ್​ ಪಾರ್ಟಿ 2' ಸಿನಿಮಾ ಮಾಡಬೇಕೋ ಬೇಡವೋ ಅಂತ ಇದ್ದೆ. ಆದರೆ ಈಗ ಅದಕ್ಕೆ ಸರಿಯಾದ ಸಮಯ ಕೂಡಿ ಬಂದಿದೆ. #KirikParties ಆದಷ್ಟು ಬೇಗೆ ತೆರೆ ಮರಳಿದ್ದೇವೆ. ಆಗ ಫೈಟ್​ ಸಖತ್ತಾಗಿರುತ್ತೆ'' ಎಂದು ರಕ್ಷಿತ್​ ಶೆಟ್ಟಿ ಟ್ವೀಟ್​ ಮಾಡಿದ್ದಾರೆ.

ಇದನ್ನೂ ಓದಿ: 'ಡಿಡಿಎಲ್​ಜೆ' ಡೈಲಾಗ್​ ಹೇಳಿದ ಹಾಲಿವುಡ್​ ನಟ: ಭಾರತೀಯ ಅಭಿಮಾನಿಗಳ ಮನ ಗೆದ್ದ ಕ್ರಿಸ್​ ಹೆಮ್ಸ್​ವರ್ತ್..!

ರಕ್ಷಿತ್​ ಮಾಡಿರುವ ಟ್ವೀಟ್​ನಲ್ಲಿ ಕಿರಿಕ್​ ಪಾರ್ಟೀಸ್​ ಎಂದು ಹೇಳಿರುವುದು ಯಾರಿಗೆ?

ರಕ್ಷಿತ್​ ಶೆಟ್ಟಿ ವಿರುದ್ಧ ನ್ಯಾಯಾಲಯ ಜಾಮೀನು ರಹಿತ ಬಂಧನದ ವಾರೆಂಟ್​ ಜಾರಿ ಮಾಡಿದೆ ಅನ್ನೋ ಸುದ್ದಿ ಹರಿದಾಡುತ್ತಿದೆ. ನ್ಯಾಯಾಲಯದ ಆದೇಶದ ಪ್ರತಿಯೂ ಸಾಮಾಜಿಕ ಜಾಲತಾಣದಲ್ಲಿ ಗುಲ್ಲೆಬ್ಬಿಸುತ್ತಿದೆ. ಕಾರಣ 'ಕಿರಿಕ್​ ಪಾರ್ಟಿ'  ಸಿನಿಮಾದ 'ಹೂ ಆರ್​ ಯೂ' ಹಾಡಿನಲ್ಲಿ ಶಾಂತಿ ಕ್ರಾಂತಿ ಸಿನಿಮಾದಲ್ಲಿ ಬಳಸಲಾಗಿರುವ ಸಂಗೀತವನ್ನೇ ಉಪಯೋಗಿಸಲಾಗಿದೆ ಎಂಬ ಆರೋಪ ರಕ್ಷಿತ್​ ಶೆಟ್ಟಿ ವಿರುದ್ಧ ಇದೆ. ಈ ಸಂಗೀತದ ಕಾಪಿ ರೈಟ್ಸ್​ ಲಹರಿ ಸಂಸ್ಥೆ ಬಳಿ ಇದ್ದು, ಅವರು ನ್ಯಾಯಾಲಯದ ಮೆಟ್ಟಿಲೇರಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರು ತಮಗೆ ತೊಂದರೆ ನೀಡುತ್ತಿರುವವರಿಗೆ ಕಿರಿಕ್​ ಪಾರ್ಟಿಸ್​ ಎಂದಿದ್ದಾರಾ ಎಂಬ ಅನುಮಾನ ಕೂಡ ವ್ಯಕ್ತವಾಗಿದೆ.

A year later when we won that case, the whole team celebrated but we did not announce it in public for we dint want the losing party to be targeted again in any way. Infact we thanked them in solitude. Court, Kacheri was a new experience for us and we got to learn new things...

— Rakshit Shetty (@rakshitshetty) February 26, 2020

ಈ ವಿಷಯವಾಗಿ ನ್ಯಾಯಾಲಯ ಸಮನ್ಸ್​ ಕಳುಹಿಸಿದರೂ ನ್ಯಾಯಾಲಯಕ್ಕೆ ಹಾಜರಾಗದ ಕಾರಣಕ್ಕೆ ರಕ್ಷಿತ್​ ಬಂಧನಕ್ಕೆ 9ನೇ ಎಸಿಎಂಎಂ ನ್ಯಾಯಾಲಯ ಜಾಮೀನು ರಹಿತ ವಾರೆಂಟ್​ ಜಾರಿ ಮಾಡಿದೆ. ಈ ಹಿಂದೆಯೇ ಸಿಟಿ ಸಿವಿಲ್​ ಕೋರ್ಟ್​ನಲ್ಲಿ ನಾವು ಈ ಕೇಸನ್ನು ಗೆದ್ದಿದ್ದೇವೆ. ಈಗ ಮತ್ತೇ ಇದೇ ವಿಷಯವಾಗಿ ಮತ್ತೊಂದು ಮೊಕದ್ದಮೆ ದಾಖಲಿಸುವುದು ಏನಿದೆ ಎಂದು ರಕ್ಷಿತ್​ ಪ್ರಶ್ನಿಸಿದ್ದಾರೆ.  ಅಲ್ಲದೆ ಈಗ ತನಗೆ ಈ ಸಿನಿಮಾದ ಸೀಕ್ವೆಲ್​ ಮಾಡಲು ಒಳ್ಳೆಯ ಅವಕಾಶ ಎಂದೂ ಬರೆದುಕೊಂಡಿದ್ದಾರೆ.

ಈ ಹಿಂದೆಯೂ ಒಮ್ಮೆ ರಕ್ಷಿತ್​ ಶೆಟ್ಟಿ ಸಂಯುಕ್ತಾ ಹೆಗಡೆ ಅವರಿಗೆ ಮಾಡಿದ್ದ ಟ್ವೀಟ್​ನಲ್ಲಿ ಆದಷ್ಟು ಬೇಗೆ 'ಕಿರಿಕ್​ ಪಾರ್ಟಿ2' ಸಿನಿಮಾ ಮಾಡುವುದಾಗಿ ಹೇಳಿದ್ದರು.

ರಕ್ಷಿತ್​ ಟ್ವೀಟ್​ ಮಾಡಿರುವ ಪ್ರಕಾರ ''ಕಿರಿಕ್​ ಪಾರ್ಟಿ' ಸಿನಿಮಾ ಬಿಡುಗಡೆಯಾಗುವ ಮುನ್ನವೇ ಸಿಟಿ ಸಿವಿಲ್​ ನ್ಯಾಯಾಲಯದಲ್ಲಿ ಈ ಹಾಡಿನ ಕಾಪಿ ರೈಟ್ಸ್​ ಕುರಿತಾಗಿ ಪ್ರಕರಣ ದಾಖಲಾಗಿತ್ತು. ಆಗಲೇ ನ್ಯಾಯಾಲಯದಲ್ಲಿ ಇದು ಇತ್ಯರ್ಥವಾಗಿ ನಾವು ಮೊಕದ್ದಮ್ಮೆ ಗೆದ್ದಿದ್ದೆವು. ಅಲ್ಲದೆ ಈ ಪ್ರಕಣಕ್ಕಾಗಿ ಇಟ್ಟಿದ್ದ 10 ಲಕ್ಷ ಠೇವಣಿ ಹಣವನ್ನೂ ಹಿಂಪಡೆದಿದ್ದೇವೆ'' ಎಂದು ಬರೆದುಕೊಂಡಿದ್ದಾರೆ.

I am talking for all three of us here. We had already won this case a year back and even received back our security deposit of 10 lakhs from the court. We did not make it a news then for good reasons... https://t.co/Fnm1k4MpNX

— Rakshit Shetty (@rakshitshetty) February 25, 2020

'ಕಿರಿಕ್​ ಪಾರ್ಟಿ' ಸಿನಿಮಾ ಬಿಡುಗಡೆಯಾಗುವ ಸಮಯದಲ್ಲಿ ಈ ಪ್ರಕರಣದಿಂದಾಗಿ ಸಾಕಷ್ಟು ಸಮಸ್ಯೆಯಾಗಿತ್ತು. ಆದರೂ ಎಲ್ಲವನ್ನೂ ನಿಭಾಯಿಸಿಕೊಂಡು ಸಿನಿಮಾ ರಿಲೀಸ್​ ಮಾಡಿದ್ದೆವು. ನ್ಯಾಯಾಲಯದಲ್ಲಿ ಪ್ರಕರಣ ಗೆದ್ದ ಬಗ್ಗೆ ನಾವು ಅಂದು ಎಲ್ಲೂ ಮಾತನಾಡಿರಲಿಲ್ಲ. ಆದರೆ ಈಗ ಇದೇ ವಿಷಯದಿಂದ ಸಾಕಷ್ಟು ಕಲಿತ್ತಿದ್ದೇವೆ. ಈ ಬಗ್ಗೆ ಅಪ್ಡೇಟ್ಸ್​ ಕೊಡುತ್ತಿರುತ್ತೇವೆ ಎಂದು ರಕ್ಷಿತ್​ ಟ್ವೀಟ್ ಮಾಡಿದ್ದಾರೆ.

I never spoke about it before for good reasons, but seems like there are many more beautiful experiences and new learnings coming our way. This time I will keep you all updated 🤗 This is going to be fun 🥳🥰🙌

— Rakshit Shetty (@rakshitshetty) February 26, 2020

ರಕ್ಷಿತ್​ ಹೇಳುವಂತೆ ಈ ಹಳೇ ಪ್ರಕರಣ ಈಗ 9ನೇ ಎಸಿಎಂಎಂ ನ್ಯಾಯಾಲಯದ ಮೆಟ್ಟಿಲೇರಿದೆ. ಕೋರ್ಟ್​ ಹೊರಡಿಸಿರುವ ಜಾಮೀನು ರಹಿತ ಬಂಧನದ ವಾರೆಂಟ್​ ವಿಷಯ ಮತ್ತಾವ ತಿರುವು ಪಡೆದುಕೊಳ್ಳುತ್ತದೆಯೋ ಕಾದು ನೋಡಬೇಕಷ್ಟೆ.

Chandan Shetty-Niveditha Wedding Photos: ನವಜೀವನಕ್ಕೆ ಕಾಲಿರಿಸಿದ ಚಂದನ್ ಶೆಟ್ಟಿ​-ಗೊಂಬೆ ನಿವೇದಿತಾ ಗೌಡ..!