ಕಾಲಿವುಡ್​ನತ್ತ ಪಯಣ ಬೆಳೆಸಿದ 'ಮಫ್ತಿ': ಶಿವಣ್ಣನ ಪಾತ್ರ ಯಾರು ಮಾಡಲಿದ್ದಾರೆ ಗೊತ್ತಾ..?

2017ರ ಕೊನೆಯಲ್ಲಿ ಬಿಡುಗಡೆಯಾಗಿದ್ದ 'ಮಫ್ತಿ' ಸಿನಿಮಾ ತನ್ನ ಅದ್ಭುತ ಮೇಕಿಂಗ್‍ನಿಂದಲೇ ಕನ್ನಡ ಚಿತ್ರರಂಗದಲ್ಲಿ ಹೊಸ ಸಂಚಲನ ಉಂಟುಮಾಡಿತ್ತು. ಕನ್ನಡ ಚಿತ್ರರಸಿಕರಿಂದ ಅದ್ಭುತ ಪ್ರತಿಕ್ರಿಯೆ ಪಡೆದುಕೊಂಡು, ಬಾಕ್ಸಾಫಿಸ್‍ನಲ್ಲಿ ರಣಕೇಕೆ ಹಾಕಿತ್ತು. ಇದೀಗ ಈ ಸಿನಿಮಾ ತಮಿಳಿನತ್ತ ಹೊರಟಿದೆ.

ಇದನ್ನೂ ಓದಿ: Dr. Rajkumar Memories: ಅಣ್ಣಾವ್ರು ಮೈಯೆಲ್ಲಾ ಕೆಸರು ಮಾಡಿಕೊಂಡಿದ್ದ ಘಟನೆ...

'ಮಫ್ತಿ' ಸಿನಿಮಾ ತನ್ನ ಹೊಸ ರೀತಿಯ ಮೇಕಿಂಗ್‍ನಿಂದಲೇ ಗಮನ ಸೆಳೆದ ಸಿನಿಮಾ. ಅದರಲ್ಲೂ ಶಿವರಾಜ್‍ಕುಮಾರ್ ಲುಕ್ಕು, ಗೆಟಪ್ಪು, ಬೈರತಿ ರಣಗಲ್ ಪಾತ್ರ ಸ್ಯಾಂಡಲ್‍ವುಡ್ ಪ್ರೇಕ್ಷಕರಿಗೆ ಹುಚ್ಚು ಹಿಡಿಸಿತ್ತು, ಪರಿಣಾಮ ಬಾಕ್ಸಾಫಿಸ್‍ನಲ್ಲಿ 'ಮಫ್ತಿ' ದೊಡ್ಡ ಯಶಸ್ಸು ಕಂಡಿತ್ತು.

'ಮಫ್ತಿ' ಸಿನಿಮಾ ತಮಿಳಿಗೆ ರಿಮೇಕ್ ಆಗಲಿದೆ. 'ಮಫ್ತಿ' ಮೂಲಕ ಚೊಚ್ಚಲ ನಿರ್ದೇಶನದಲ್ಲಿಯೇ ಗೆದ್ದು ಬೀಗಿರೋ ನರ್ತನ್‍ ಅವರೇ ತಮಿಳಿನಲ್ಲೂ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ. ಅಂದಹಾಗೆ ಶಿವರಾಜ್‍ಕುಮಾರ್ ಅವರ ಬೈರತಿ ರಣಗಲ್ ಪಾತ್ರವನ್ನ ತಮಿಳಿನ ಸ್ಟಾರ್ ನಟ ಸಿಲಂಬರಸನ್ ನಿರ್ವಹಿಸಲಿದ್ದಾರೆ.

ಇದನ್ನೂ ಓದಿ: Dr. Rajkumar Birthday: ವರನಟ ರಾಜಣ್ಣನ 90ನೇ ಹುಟ್ಟುಹಬ್ಬಕ್ಕೆ ಶುಭಕೋರಿದ ಅಪ್ಪು, ದಚ್ಚು, ಕಿಚ್ಚ, ಜಗ್ಗೇಶ್​ ಹಾಗೂ ಗಣೇಶ್​

ಹಾಗೆ ಶ್ರೀ ಮುರಳಿ ಅಭಿನಯಿಸಿದ್ದ ಪಾತ್ರಕ್ಕೆ ಗೌತಮ್ ಕಾರ್ತಿಕ್ ಆಯ್ಕೆ ಆಗಿದ್ದಾರೆ ಎನ್ನಲಾಗುತ್ತಿದೆ. ಸದ್ಯ ಇದಿಷ್ಟು ಫೈನಲ್ ಆಗಿದ್ದು, ನಾಯಕಿಯಾಗಿ ಯಾರು ಹಾಗೂ ಸಿನಿಮಾ ಚಿತ್ರೀಕರಣ ಯಾವಾಗಿನಿಂದ ಆರಂಭವಾಗಲಿದೆ ಅನ್ನೋ  ಮಾಹಿತಿ ಹೊರಬಿದ್ದಿಲ್ಲ.

PHOTOS: 'ಟಕ್ಕರ್' ಕೊಡಲು ಬಂದಿದ್ದಾನೆ ಡಿಬಾಸ್​ ಹುಡುಗ ಮನೋಜ್​​