Love Mocktail: ಲವ್ ಮಾಕ್ಟೆಲ್-2 ಸಿನಿಮಾಕ್ಕೆ 1 ವರ್ಷ! ಪಾರ್ಟ್-3 ಮಾಡ್ತಾರಾ ಆದಿ-ನಿಧಿಮಾ?

ಕನ್ನಡದಲ್ಲಿ ಲವ್ ಮಾಕ್ಟೆಲ್ (Love Mocktail) ಚಿತ್ರ ಬರೋ ಮುಂಚೆ ಅನೇಕ ಚಿತ್ರಗಳು ಬಂದಿದ್ದವು. ಪ್ರೀತಿಯ ವಿವಿಧ ರೀತಿ, ಅದರ ತೀವ್ರತೆ ಎರಡನ್ನೂ ಹೇಳಿದ್ದರು. ಲವ್ ಮಾಕ್ಟೆಲ್​ (Love Mocktail-2 Movie) ಸಿನಿಮಾ ಅದನ್ನೆಲ್ಲ ಮೀರಿ ರೆಡಿ ಆಗಿತ್ತು. ಪ್ರೀತಿಯಲ್ಲಿ ಹೀಗೂ ಸಾಧ್ಯತೆ ಇದೆ ಅನ್ನೋದನ್ನ ಈ ಚಿತ್ರ ತಿಳಿಸಿಕೊಟ್ಟಿತ್ತು. ಸಿನಿಮಾ ಪ್ರೇಮಿಗಳು ತಮ್ಮ ನೆಚ್ಚಿನ ನಾಯಕ ಸತ್ತು ಹೋದ್ರೆ ಇಷ್ಟಪಡೋದಿಲ್ಲ. ಇಲ್ಲಿ (Darling Krishna Movie) ನಾಯಕ ಡಾರ್ಲಿಂಗ್ ಕೃಷ್ಣ ಸಾಯೋದಿಲ್ಲ. ಆದರೆ ನಾಯಕಿ ಸತ್ತು ಹೋಗುತ್ತಾಳೆ. ಅದೇ ಪಾಯಿಂಟ್​ ಸಿನಿ ಪ್ರೇಮಿಗಳ ಹೃದಯದಲ್ಲಿ ಅಗಾಧ ಪ್ರೀತಿಯನ್ನ ಹುಟ್ಟಿಸಿಬಿಟ್ಟಿತ್ತು. ಹಾಗೆ ಈ ಲವ್ ಮಾಕ್ಟೆಲ್ ಚಿತ್ರ ಬಂದು ಮೂರು ವರ್ಷ ಕಳೆದಿದೆ.

ಆದರೆ ಲವ್ ಮಾಕ್ಟೆಲ್-2 (Love Mocktail-2 Cinema) ಸಿನಿಮಾ ರಿಲೀಸ್ ಆಗಿ ಒಂದು ವರ್ಷ ಪೂರ್ಣ ಆಗಿದೆ.

ಲವ್ ಮಾಕ್ಟೆಲ್-3 ಚಿತ್ರ ಮಾಡೋ ಯೋಚನೆ ಇದೆ

ಇದೇ ಖುಷಿಯಲ್ಲಿಯೇ ನಾಯಕ ಮತ್ತು ನಿರ್ದೇಶಕ ಡಾರ್ಲಿಂಗ್ ಕೃಷ್ಣ ಚಿತ್ರದ ಕುರಿತು ನ್ಯೂಸ್-18 ಕನ್ನಡ ಡಿಜಿಟಲ್​ ಜೊತೆಗೆ ಮಾತನಾಡಿದ್ದಾರೆ. ಲವ್ ಮಾಕ್ಟೆಲ್-1 ಚಿತ್ರವನ್ನ ತುಂಬಾ ಶ್ರದ್ಧೆಯಿಂದಲೇ ಮಾಡಿದ್ದೆವು ಎಂದಿದ್ದಾರೆ.

ಲವ್ ಮಾಕ್ಟೆಲ್-2 ಚಿತ್ರ ಮಾಡುವ ಪ್ಲಾನ್ ಮೊದಲು ಇರಲಿಲ್ಲ!
ಚಿತ್ರವನ್ನ ಗೆಲ್ಲಿಸಬೇಕು ಅನ್ನುವ ನಿರೀಕ್ಷೆ ಇತ್ತು. ಜನ ಸ್ವೀಕರಿಸುತ್ತಾರೆ ಅನ್ನುವ ಭರವಸೆ ಇತ್ತು. ಅದು ಸಾಧ್ಯವಾಯಿತು. ಆದರೆ ಲವ್​ ಮಾಕ್ಟೆಲ್-2 ಚಿತ್ರ ಮಾಡುವ ಇರಾದೆ ಇರಲಿಲ್ಲ. ಲವ್ ಮಾಕ್ಟೆಲ್ ಮೊದಲ ಭಾಗದಲ್ಲಿಯೇ ಕಥೆ ಪೂರ್ಣ ಆಗಿತ್ತು.

ಆದರೆ ಲವ್ ಮಾಕ್ಟೆಲ್-2 ಚಿತ್ರ ಮಾಡಬೇಕು ಅಂತ ನಿರ್ಧರಿಸಿದೆವು. ಆಗ ನಿಜಕ್ಕೂ ಆ ಕೆಲಸ ತುಂಬಾ ಸವಾಲಿನ ಕೆಲಸವೇ ಆಗಿತ್ತು. ಚಿತ್ರದಲ್ಲಿ ಲಾಜಿಕಲ್ ಎಂಡ್ ಕೊಟ್ಟಿದ್ದೇವೆ. ಕಥೆ ಕೂಡ ಪೂರ್ಣ ಆಗಿದೆ.

ಲವ್ ಮಕ್ಟೆಲ್-2 ಕಥೆ ಬರೆಯೋದೇ ಸವಾಲಾಗಿತ್ತು!
ಲವ್ ಮಾಕ್ಟೆಲ್-2 ಚಿತ್ರದ ಕಥೆ ಬರೆಯೋದು ಹೇಗೆ? ಹೀಗೆ ಯೋಚನೆ ಮಾಡೋ ಹೊತ್ತಿಗೆ ಲವ್ ಮಾಕ್ಟೆಲ್-2 ಚಿತ್ರವನ್ನ ಕ್ಲೈಮ್ಯಾಕ್ಸ್​ನಿಂದಲೆ ಬರೆಯೋಕೆ ಶುರು ಮಾಡಿದೆ.
ಆಗ ಚಿತ್ರದ ಕಥೆ ಹೊಳೆಯುತ್ತಲೇ ಸಾಗಿತ್ತು. ಹಾಗೆ ಈ ಚಿತ್ರ ಮಾಡಿದಾಗ ಜನ ಹೇಗೆ ತೆಗೆದುಕೊಳ್ತಾರೆ ಅನ್ನೋ ಕುತೂಹಲ ಇತ್ತು. ಈ ಒಂದು ಜಾಗದಲ್ಲಿ ಜನ ಚಿತ್ರವನ್ನ ಹೀಗೆ ತೆಗೆದುಕೊಳ್ಳುತ್ತಾರೆ. ಈ ಒಂದು ಡೈಲಾಗ್​ನ್ನ ತುಂಬಾ ಎಂಜಾಯ್ ಮಾಡ್ತಾರೆ ಅಂತಲೂ ನಟ-ನಿರ್ದೇಶಕ ಡಾರ್ಲಿಂಗ್ ಕೃಷ್ಣ ಮಾರ್ಕ್​ ಮಾಡಿದ್ದರು.

ಲವ್ ಮಾಕ್ಟೆಲ್-2 ಚಿತ್ರವನ್ನ ಗೆಸ್ ಮಾಡಿದಂತೆ ಜನ ಮೆಚ್ಚಿದ್ದರು!
ಲವ್ ಮಾಕ್ಟೆಲ್-2 ಚಿತ್ರ ನೋಡಿದ ಪ್ರೇಕ್ಷಕರು ಕೃಷ್ಣ ಮಾರ್ಕ್ ಮಾಡಿರೋ ಡೈಲಾಗ್, ಸೀನ್​ಗಳನ್ನ ಕೃಷ್ಣ ಗೆಸ್​ ಮಾಡಿದಂತೆ ಎಂಜಾಯ್ ಮಾಡಿದ್ದರು. ಥಿಯೇಟರ್​​ನಲ್ಲಿ ಅದೇ ರೀತಿಯ ರಿಯಾಕ್ಟ್ ಮಾಡಿದ್ದರು.

ಅದೇ ಚಿತ್ರ ಎರಡು ತಿಂಗಳ ಮುಂಚೆ ರೆಡಿ ಆಗಿತ್ತು. ಆದರೆ ಕೊರೊನಾ ಲಾಕ್ ಡೌನ್ ಎಲ್ಲ ಪ್ಲಾನ್ ಅನ್ನ ಏರು-ಪೇರು ಮಾಡಿತ್ತು. ಹಾಗಾಗಿಯೇ ಲವ್​ ಮಾಕ್ಟೆಲ್-2 ಚಿತ್ರ ಪ್ರೇಮಿಗಳ ವಾರ ಫೆಬ್ರವರಿ-11 ಕ್ಕೆ ರಿಲೀಸ್ ಆಯಿತು ಎಂದು ನಾಯಕ-ನಿರ್ದೇಶಕ ಡಾರ್ಲಿಂಗ್ ಕೃಷ್ಣ ಲವ್​ ಮಾಕ್ಟೆಲ್-2 ದಿನಗಳನ್ನ ನೆನಪಿಸಿಕೊಂಡ್ರು.

ಲವ್ ಮಾಕ್ಟೆಲ್-2 ಚಿತ್ರಕ್ಕೆ ಇಂದು ಒಂದು ವರ್ಷ ಪೂರ್ಣ
ಲವ್ ಮಾಕ್ಟೆಲ್-2 ಚಿತ್ರ ಬಂದು ಫೆಬ್ರವರಿ-11ಕ್ಕೆ ಒಂದು ವರ್ಷ ಪೂರ್ಣ ಆಗುತ್ತದೆ. ಆ ಹಿನ್ನೆಲೆಯಲ್ಲಿ ತಮ್ಮ ಈ ಚಿತ್ರದ ದಿನಗಳನ್ನ ಮೆಲುಕು ಹಾಕಿದ ಡಾರ್ಲಿಂಗ್ ಕೃಷ್ಣ, ಲವ್ ಮಾಕ್ಟೆಲ್-3 ಚಿತ್ರ ಮಾಡಬೇಕು ಅಂತಲೇ ಮಾಡುತ್ತಿದ್ದಾರೆ.

ಲವ್ ಮಾಕ್ಟೆಲ್-3 ಇನ್ನು ಯೋಚನೆಯ ಹಂತದಲ್ಲಿ ಇದೆ. ಈ ಯೋಚನೆ ಕಾರ್ಯರೂಪಕ್ಕೆ ತರುವ ಆಸೆ ಕೂಡ ಇದೆ. ಆದರೆ ಲವ್ ಮಾಕ್ಟೆಲ್-2 ಮಾಡೋದು ಕೂಡ ಆಗ ಕಷ್ಟ ಆಗಿತ್ತು. ಕಥೆ ಹೇಗೆ ಮುಂದುವರೆಸೋದು ಅನ್ನೋದೆ ಸವಾಲ್ ಆಗಿತ್ತು.

ಲವ್ ಮಾಕ್ಟೆಲ್-2 ಚಿತ್ರವನ್ನ ಗೆಸ್ ಮಾಡಿದಂತೆ ಜನ ಮೆಚ್ಚಿದ್ದರು!

ಲವ್ ಮಾಕ್ಟೆಲ್-3 ಚಿತ್ರ ಮಾಡೋ ಯೋಚನೆ ಇದೆ
ಲವ್ ಮಾಕ್ಟೆಲ್-3 ಚಿತ್ರದ ವಿಷಯದಲ್ಲೂ ಈಗ ಅಂತ ಸವಾಲ್​ ಇದ್ದೇ ಇದೆ. ಕಥೆಯನ್ನ ಹೇಗೆ ಮುಂದುವರೆಸೋದು ಅನ್ನೊದನ್ನ ಯೋಚನೆ ಮಾಡುತ್ತಿದ್ದೇನೆ ಎಂದು ಡಾರ್ಲಿಗ್ ಕೃಷ್ಣ ಹೇಳುತ್ತಾರೆ.

ಲವ್ ಮಾಕ್ಟೆಲ್ ಚಿತ್ರದಲ್ಲಿ ಪ್ರೀತಿ ಮತ್ತು ಎಮೋಷನ್​ ಕ್ಯಾರಿ ಮಾಡಿದ್ದೆವು. ಅದು ಜನಕ್ಕೆ ಇಷ್ಟ ಆಗಿದೆ. ಅದೇ ರೀತಿ ಈಗೀನ ದಿನಗಳಲ್ಲಿ ಬೇರೆ ರೀತಿಯ ಸಿನಿಮಾ ಮಾಡೋ ಚಾಲೆಂಜ್ ಇದ್ದೇ ಇದೆ.

ಇದನ್ನೂ ಓದಿ:  Urvashi Rautela-Rishab Shetty: ರಿಷಬ್ ಜೊತೆ ಊರ್ವಶಿ ರೌಟೇಲಾ! ಕಾಂತಾರ 2 ಲೋಡಿಂಗ್ ಎಂದ ಬಾಲಿವುಡ್ ಬೆಡಗಿ

ಎಮೋಷನ್ಸ್ ಚಿತ್ರದಲ್ಲಿದ್ದರೆ ಜನಕ್ಕೆ ಅದು ಇಷ್ಟ ಆಗುತ್ತದೆ!
ಅದೇ ರೀತಿ ಎಮೋಷನ್​ ಎಲ್ಲ ಕಾಲಕ್ಕೂ ಎಲ್ಲರಿಗೂ ಇಷ್ಟ ಆಗುತ್ತವೆ. ಅದನ್ನ ಇಟ್ಟುಕೊಂಡು ಸಿನಿಮಾ ಮಾಡಿದ್ರೆ, ಜನ ಚಿತ್ರವನ್ನ ಖಂಡಿತ ಸ್ವೀಕರಿಸುತ್ತಾರೆ ಅನ್ನೋದು ಡಾರ್ಲಿಂಗ್ ಕೃಷ್ಣ ಅವರ ಆತ್ಮವಿಶ್ವಾಸದ ಮಾತಾಗಿವೆ.

ಲವ್ ಮಾಕ್ಟೆಲ್-2 ರಿಲೀಸ್ ಆಗಿ ಒಂದು ವರ್ಷ ಕಳೆದ ಈ ದಿನ ಕೃಷ್ಣ ಸಾಕಷ್ಟು ವಿಷಯಗಳನ್ನ ಇಲ್ಲಿ ಮತ್ತೆ ನೆನಪಿಸಿಕೊಂಡಿದ್ದಾರೆ.