Shiva Rajkumar: ರೋಡ್ ಸೈಡ್ ಡಾಭಾದಲ್ಲಿ ಪ್ರಭುದೇವ-ಶಿವರಾಜ್​ ಕುಮಾರ್! ಶೂಟಿಂಗ್ ವಿಡಿಯೋ ಲೀಕ್

ಹ್ಯಾಟ್ರಿಕ್ ಹೀರೋ ಶಿವರಾಜ್​ ಕುಮಾರ್ (Shiva Rajkumar New Movie) ಅಭಿನಯದ ಹೊಸ ಸಿನಿಮಾದ ಕೆಲಸ ಶುರು ಆಗಿದೆ. ಕಳೆದ ವರ್ಷ ಈ ಚಿತ್ರದ (Karataka Damanaka Movie) ಶೂಟಿಂಗ್ ಶುರು ಆಗಿದೆ. ಸಿನಿಮಾದಲ್ಲಿ ಇಬ್ಬರು ಹಿರೋಗಳು ಇರೋದು ವಿಶೇಷ ಆಗಿದೆ. ಇಂಡಿಯನ್ ಮೈಕಲ್ ಜಾಕ್ಸನ್ (Prabhudeva Movie) ಎಂದು ಕರೆಸಿಕೊಳ್ಳುವ ಪ್ರಭುದೇವ ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಶಿವರಾಜ್​​ ಕುಮಾರ್ ಮತ್ತು ಪ್ರಭುದೇವ (Shiva Rajkumar New Film) ಜೋಡಿಯ ಈ ಚಿತ್ರದ ಶೂಟಿಂಗ್ ಭರದಿಂದ ಸಾಗಿದೆ. ಇದೇ ಚಿತ್ರದ ಒಂದು ದೃಶ್ಯ ಸೋಷಿಯಲ್ ಮೀಡಿಯಾದಲ್ಲಿ ಸದ್ಯ ಹರಿದಾಡುತ್ತಿದೆ. ಇದರ ಸುತ್ತ ಒಂದಷ್ಟು ಮಾಹಿತಿ ಈ ಸ್ಟೋರಿಯಲ್ಲಿದೆ ಓದಿ.

ಶಿವರಾಜ್ ಕುಮಾರ್ ಸದ್ಯ ಕರಟಕ ದಮನಕ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿ ಆಗಿದ್ದಾರೆ. ತಮ್ಮ ಚಿತ್ರ ಜೀವನದಲ್ಲಿ ಇಲ್ಲಿವರೆಗೂ ಒಪ್ಪಿರೋ ಸಿನಿಮಾಗಳಿಗಿಂತಲೂ ಈ ಚಿತ್ರ ಇನ್ನೂ ವಿಭಿನ್ನ ಅನ್ನುವ ಮಾತು ಕೂಡ ಕೇಳಿ ಬರುತ್ತಿದೆ.

ಕರಟಕ ದಮನಕ ಚಿತ್ರಕ್ಕೆ ಇಬ್ಬರು ನಾಯಕಿಯರು

ಕರಟಕ ದಮನಕ ಚಿತ್ರದಲ್ಲಿ ರಾಕ್​ಲೈನ್ ಪೊಲೀಸ್ ಆಫೀಸರ್
ಕರಟಕ ದಮನಕ ಅನ್ನುವ ವಿಶೇಷ ಟೈಟಲ್​ನೊಂದಿಗೆ ಚಿತ್ರ ಅನೌನ್ಸ್ ಆಗಿದೆ. ರಾಕ್ ಲೈನ್​ ವೆಂಕಟೇಶ್ ನಿರ್ಮಾಣದ ಈ ಚಿತ್ರದಲ್ಲಿ ಸ್ವತಃ ರಾಕ್​ಲೈನ್ ವೆಂಕಟೇಶ್ ಪೊಲೀಸ್ ಪಾತ್ರದ ಮೂಲಕ ವಿಶೇಷ ಪಾತ್ರವನ್ನ ಕೂಡ ಮಾಡುತ್ತಿದ್ದಾರೆ.

ಕರಟಕ ದಮನಕ ಚಿತ್ರದ ಚಿತ್ರೀಕರಣ ಜೋರಾಗಿಯೇ ನಡೆಯುತ್ತಿದೆ. ಈ ಚಿತ್ರದ ಒಂದು ದೃಶ್ಯದ ಚಿತ್ರೀಕರಣ ರಸ್ತೆ ಪಕ್ಕದ ಢಾಬಾದಲ್ಲಿ ನಡೆಯುತ್ತಿದೆ. ಇದೇ ಚಿತ್ರೀಕರಣದ ಮೇಕಿಂಗ್ ವಿಡಿಯೋ ಒಂದು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಕರಟಕ-ದಮನಕ ಸೆಟ್ ವಿಡಿಯೋದಲ್ಲಿ ಏನಿದೆ?
ಸದ್ಯ ಹರಿದಾಡುತ್ತಿರೋ ಸೆಟ್​​ನ ವಿಡಿಯೋ ಸಾರಾಂಶ ಏನು ಅಂತ ಹೇಳೋದಾದ್ರೆ, ಇಲ್ಲಿ ಶಿವರಾಜ್​ ಕುಮಾರ್ ಮತ್ತು ಪ್ರಭು ದೇವ ಒಂದು ಡಾಭಾಗೆ ಬಂದಿದ್ದಾರೆ. ಊಟದ ವಿಚಾರದಲ್ಲಿ ದೊಡ್ಡಣ್ಣ ಅವರ ಜೊತೆಗೆ ಮಾತು ಕಥೆ ನಡೆಸುತ್ತಿದ್ದಾರೆ. ಆ ಮಾತಿನಲ್ಲಿ ಪ್ರಭುದೇವ ಡ್ಯಾನ್ಸಿಂಗ್ ಸ್ಟೈಲ್​ ಅಲ್ಲಿಯೇ ಡೈಲಾಗ್ ಹೇಳುತ್ತಿದ್ದಾರೆ ಅನಿಸುತ್ತದೆ.

ಕರಟಕ-ದಮನಕ ಚಿತ್ರೀಕರಣದ ವಿಡಿಯೋ ರಿವೀಲ್

ಚಿತ್ರೀಕರಣದ ಸಮಯದಲ್ಲಿ ಅದ್ಯಾರೋ ತೆಗೆದಿರೋ ಈ ವಿಡಿಯೋದಲ್ಲಿ ಡಾಭಾ ಸೆಟ್ ಇರೋದು ಕಂಡು ಬರುತ್ತದೆ. ನಟ ದೊಡ್ಡಣ್ಣ ಕೂಡ ಈ ಒಂದು ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದಾರೆ.

ಚಿತ್ರ ತಂಡ ಈ ಒಂದು ವಿಡಿಯೋವನ್ನ ಎಲ್ಲೂ ಬಿಟ್ಟುಕೊಟ್ಟಿಲ್ಲ. ಆದರೆ ಸೋಷಿಯಲ್ ಮೀಡಿಯಾದಲ್ಲಿ ಇದು ಹರಿದಾಡುತ್ತಿದೆ. ಕರಟಕ-ದಮನಕ ಸಿನಿಮಾ ಸೆಟ್​​ ವಿಡಿಯೋ ಅನ್ನೋದು ಕೂಡ ಇದೇ ವಿಡಿಯೋ ಜೊತೆಗೆ ಬರೆದುಕೊಳ್ಳಲಾಗಿದೆ.

ಕರಟಕ ದಮನಕ ಚಿತ್ರಕ್ಕೆ ಇಬ್ಬರು ನಾಯಕಿಯರು

ಕರಟಕ ದಮನಕ ಚಿತ್ರದಲ್ಲಿ ಇಬ್ಬರು ನಾಯಕಿಯರು ಅಭಿನಯಿಸುತ್ತಿದ್ದು ಪ್ರಿಯಾ ಆನಂದ್ ಮತ್ತು ನಿಶ್ವಿಕಾ ನಾಯ್ಡು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಎಂದಿನಂತೆ ಯೋಗರಾಜ್ ಭಟ್ ಅವರ ಈ ಸಿನಿಮಾಕ್ಕೆ ವಿ.ಹರಿಕೃಷ್ಣ ಸಂಗೀತ ಕೊಡುತ್ತಿದ್ದಾರೆ. ಸಂತೋಷ್ ರೈ ಪಾತಾಜೇ ಕ್ಯಾಮೆರಾ ವರ್ಕ್ ಮಾಡುತ್ತಿದ್ದಾರೆ.

ಕರಟಕ ದಮನಕ ಚಿತ್ರದಲ್ಲಿ ರಾಕ್​ಲೈನ್ ಪೊಲೀಸ್ ಆಫೀಸರ್

ಆದರೆ ಸದ್ಯ ಸಿನಿಮಾದ ಶೂಟಿಂಗ್​ನ ಒಂದು ವಿಡಿಯೋ ಎಲ್ಲೆಡೆ ಹರಿದಾಡೋ ಮೂಲಕ ಶೂಟಿಂಗ್​ ನಡೆಯುತ್ತಿರೋ ವಿಷಯವನ್ನ ತಿಳಿಸುತ್ತಿದೆ ಅಂತಲೇ ಹೇಳಬಹುದು. ಸಿನಿಮಾದಲ್ಲಿ ಇನ್ನು ಏನೆಲ್ಲ ಇದೆ ಅನ್ನೊ ಕುತೂಹಲ ಕೂಡ ಇದೆ.

ಇದನ್ನೂ ಓದಿ:  Arjun Janya: ಅರ್ಜುನ್ ಜನ್ಯ ನಿರ್ದೇಶನದ ಚಿತ್ರದ ತಯಾರಿ ಹೇಗಿದೆ? ಶಿವಣ್ಣ ಕೊಟ್ಟ ಸಲಹೆ ಏನು?

ಹಾಗೇನೆ ಈಗಾಗಲೇ ಹಬ್ಬಿರೋ ಸುದ್ದಿಯಂತೆ, ಕರಟಕ-ದಮನಕದಲ್ಲಿ ಒಂದ್ ಹೊಸ ರೀತಿಯ ಕಥೆ ಇದೆ ಅನ್ನುವ ಮಾಹಿತಿ ಇದೆ. ಇದರ ಹೊರತಾಗಿ ಚಿತ್ರದಲ್ಲಿ ಇಬ್ಬರು ಹೀರೋಗಳು-ಇಬ್ಬರು ಹೀರೋಯಿನ್​ಗಳು ಇದ್ದಾರೆ. ಈ ಮೂಲಕ ಯೋಗರಾಜ್​ ಭಟ್ ಹೊಸದೊಂದು ಕಥೆಯನ್ನ ಹೇಳ್ತಿದ್ದಾರೆ ಅಂತಲೂ ಹೇಳಬಹುದು.