Kabzaa Movie: ಸ್ಯಾಂಡಲ್​ವುಡ್​ ಕಬ್ಜ ಚಿತ್ರಕ್ಕೆ ತೆಲುಗು ನಟ ನಿತಿನ್ ಸಾಥ್!

ಸ್ಯಾಂಡಲ್​ವುಡ್​​ನ ಕಬ್ಜ (Sandalwood Kabzaa Movie) ಚಿತ್ರದ ಕ್ರೇಜ್ ದಿನೇ ದಿನೇ ಜೋರಾಗುತ್ತಿದೆ. ಬಾಲಿವುಡ್​ನಲ್ಲಿ (Bollywood Movie) ಇದರ ನಿರೀಕ್ಷೆ ಹೆಚ್ಚಾಗುತ್ತಿದೆ. ಅಲ್ಲಿನ ವಿತರಕರೂ ಚಿತ್ರವನ್ನು ದೊಡ್ಡಮಟ್ಟದಲ್ಲಿಯೇ ರಿಲೀಸ್ ಮಾಡೋಕೆ ಪ್ಲಾನ್ ಮಾಡಿದ್ದಾರೆ. ಟಾಲಿವುಡ್​ನಲ್ಲೂ (Tollywood Movie) ಕನ್ನಡದ ಕಬ್ಜ ಚಿತ್ರಕ್ಕೆ ಒಳ್ಳೆ ವೆಲ್​​ಕಮ್ ಸಿಗುತ್ತಿದೆ. ಇಲ್ಲಿ ಸಿನಿಮಾ ವಿತರಿಸಲು ದೊಡ್ಡ ಸಂಸ್ಥೆಯೊಂದು ಆರ್.ಚಂದ್ರು (Director R Chandru Movie) ಅವರಿಗೆ ಸಾಥ್ ಕೊಡುತ್ತಿದೆ. ಫೆಬ್ರವರಿ 4 ರಂದು ದೊಡ್ಡಮಟ್ಟದಲ್ಲಿ ಚಿತ್ರದ ಲಿರಿಕಲ್ ವಿಡಿಯೋ ಇಲ್ಲಿ ರಿಲೀಸ್ ಆಗುತ್ತಿದೆ. ಆರ್.ಚಂದ್ರು ತಮ್ಮ ಈ ಚಿತ್ರದ ರಿಲೀಸ್ ಖುಷಿಯನ್ನು ಹಂಚಿಕೊಂಡಿದ್ದಾರೆ. ಸಿನಿಮಾಗೆ ಯಾರೆಲ್ಲ ಸಪೋರ್ಟ್ ಮಾಡ್ತಿದ್ದಾರೋ ಅವರಿಗೆ ಥ್ಯಾಂಕ್ಸ್ ಕೂಡ ಹೇಳ್ತಿದ್ದಾರೆ.

ಕನ್ನಡದ ಕಬ್ಜ ಚಿತ್ರಕ್ಕೆ ಟಾಲಿವುಡ್​ ನಟ ನಿತಿನ್ ಸಾಥ್

ಕನ್ನಡದ ಕಬ್ಜ ಪ್ಯಾನ್​ ಇಂಡಿಯಾ ರಿಲೀಸ್​ಗೆ ರೆಡಿ ಆಗುತ್ತಿದೆ. ಪುನೀತ್ ರಾಜ್​ಕುಮಾರ್ ಜನ್ಮದಿನ ಮಾರ್ಚ್​-17 ರಂದು ಚಿತ್ರ ರಿಲೀಸ್ ಆಗುತ್ತಿದೆ. ಈ ಒಂದು ನಿರ್ಧಾರಕ್ಕೆ ಮುಂಬೈ ವಿತರಕರು ಚಂದ್ರು ಅವರಿಗೆ ಸಾಥ್ ಕೊಟ್ಟಿದ್ದಾರೆ. ತೆಲುಗು ಚಿತ್ರರಂಗದಲ್ಲೂ ಒಳ್ಳೆ ವೆಲ್​ಕಮ್ ಸಿಕ್ಕಿದೆ.

ಟಾಲಿವುಡ್​ ಆ್ಯಕ್ಟರ್-ಪ್ರೋಡ್ಯೂಸರ್ ನಿತಿನ್ ವಿತರಣೆ

ತೆಲುಗು ಚಿತ್ರರಂಗದಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ಅವರಿಗೂ ಫ್ಯಾನ್ಸ್ ಇದ್ದಾರೆ. ಕಿಚ್ಚ ಸುದೀಪ್ ಅವರಿಗೂ ಟಾಲಿವುಡ್​ ನಲ್ಲಿ ಫ್ಯಾನ್​ ಫಾಲೋಯಿಂಗ್ ಇದೆ. ಇದರಿಂದ ಇಲ್ಲಿ ದೊಡ್ಡಮಟ್ಟದಲ್ಲಿಯೇ ಕಬ್ಜ ರಿಲೀಸ್ ಆಗುತ್ತಿದೆ.

ಟಾಲಿವುಡ್​ ಆ್ಯಕ್ಟರ್-ಪ್ರೋಡ್ಯೂಸರ್ ನಿತಿನ್ ವಿತರಣೆ!
ಕಬ್ಜ ಚಿತ್ರದಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಕಿಚ್ಚ ಸುದೀಪ್ ಇರೋದು ಗೊತ್ತೇ ಇದೆ. ಈ ಚಿತ್ರದಲ್ಲಿ ಬಿಗ್ ಸ್ಟಾರ್ ಇರುವುದರಿಂದ ಬಿಗ್ ಕ್ರೇಜ್ ಕೂಡ ಹುಟ್ಟಿಕೊಳ್ಳುತ್ತದೆ. ಅಂತಹ ಈ ಬಿಗ್ ಚಿತ್ರದ ಬಗ್ಗೆ ಭಾರೀ ನಿರೀಕ್ಷೆ ಇದೆ.

ಈ ನಿರೀಕ್ಷೆಯೊಂದಿಗೆ ನಟ-ನಿರ್ಮಾಪಕ ನಿತಿನ್ ಅವರು ಆರ್.ಚಂದ್ರು ಅವರಿಗೆ ಸಾಥ್ ಕೊಟ್ಟಿದ್ದಾರೆ. ತಮ್ಮ ರುಚಿರಾ ಎಂಟರಟೈನಮೆಂಟ್​ ಮೂಲಕ ಚಿತ್ರ ವಿತರಿಸೋಕೆ ಜೋಡಿ ಆಗಿದ್ದಾರೆ. ಆರ್​.ಚಂದ್ರು ಅವರಿಗೆ ಟಾಲಿವುಡ್​ನಲ್ಲಿ ಎನ್​.ಸಿನಿಮಾಸ್​ ಕೂಡ ಜೋಡಿ ಆಗಿದೆ.

ಕಬ್ಜ ಚಿತ್ರಕ್ಕೆ ನಿತಿನ್ ಸಾಥ್-ಆರ್​.ಚಂದ್ರು ಫುಲ್ ಖುಷ್
ಕಬ್ಜ ಸಿನಿಮಾ ಟಾಲಿವುಡ್​ನಲ್ಲಿ ದೊಡ್ಡಮಟ್ಟದಲ್ಲಿ ರಿಲೀಸ್ ಆಗುತ್ತಿದೆ. ನಟ-ನಿರ್ಮಾಪಕ ನಿತಿನ್ ಕೂಡ ಚಿತ್ರವನ್ನ ತೆಲುಗು ಪ್ರೇಕ್ಷಕರಿಗೆ ಕೊಡಲು ಸಜ್ಜಾಗಿದ್ದಾರೆ. ನಿತಿನ್ ತಮ್ಮ ಟ್ವಿಟರ್​ ಅಕೌಂಟ್​ನಲ್ಲಿ ಈ ವಿಷಯವನ್ನ ಹೇಳಿಕೊಂಡಿದ್ದಾರೆ.

ಇದಕ್ಕೆ ಆರ್.ಚಂದ್ರು ಕೂಡ ಟ್ವಿಟರ್​​ನಲ್ಲಿ ರಿಪ್ಲೈ ಮಾಡಿದ್ದಾರೆ. ನನ್ನ ಕನಸಿನ ಪ್ರೋಜೆಕ್ಟ್ ದೊಡ್ಡಮಟ್ಟದಲ್ಲಿ ತೆಲುಗು ಪ್ರೇಕ್ಷಕರಿಗೂ ಕೊಡ್ತಿರುವುದು ಖುಷಿ ತಂದಿದೆ. ಇದನ್ನ ಸಾಕಾರಗೊಳಿಸಲು ಕೈ ಜೋಡಿಸಿದ ನಟ ನಿತಿನ್ ಅವರ ಪ್ರೀತಿ ಮತ್ತು ಬೆಂಬಲಕ್ಕೆ ಧನ್ಯವಾದಗಳು ಎಂದಿದ್ದಾರೆ.

ಕಬ್ಜ ಚಿತ್ರಕ್ಕೆ ನಿತಿನ್ ಸಾಥ್-ಆರ್​.ಚಂದ್ರು ಫುಲ್ ಖುಷ್

ಮಾರ್ಚ್-17 ರಂದು ಕಬ್ಜ ಪ್ಯಾನ್ ಇಂಡಿಯಾ ರಿಲೀಸ್
ಮಾರ್ಚ್​-17 ರಂದು ಕನ್ನಡದ ಕಬ್ಜ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ರಿಲೀಸ್ ಆಗುತ್ತಿದೆ. ಹೈದರಾಬಾದ್​ನಲ್ಲಿ ಫೆಬ್ರವರಿ-4 ರಂದು ದೊಡ್ಡಮಟ್ಟದಲ್ಲಿಯೇ ಲಿರಿಕಲ್ ವಿಡಿಯೋ ರಿಲೀಸ್ ಆಗುತ್ತಿದೆ.

ಮುಂಬೈಯಲ್ಲಿ ಮಾರ್ಚ್​-3 ರಂದು ದೊಡ್ಡ ಇವೆಂಟ್​ ಮೂಲಕ ಚಿತ್ರದ ಟ್ರೈಲರ್ ಕೂಡ ರಿಲೀಸ್ ಆಗುತ್ತಿದೆ ಅನ್ನೋ ಮಾಹಿತಿ ಕೂಡ ಇದ್ದು ನಿರೀಕ್ಷೆ ಕೂಡ ದೊಡ್ಡಮಟ್ಟದಲ್ಲಿ ಇದೆ. ಆರ್.ಚಂದ್ರು ಈ ಚಿತ್ರಕ್ಕೆ ದುಡ್ಡು ಹಾಕೋದಲ್ಲದೇ ಡೈರೆಕ್ಷನ್ ಕೂಡ ಮಾಡಿದ್ದಾರೆ.

ಇದನ್ನೂ ಓದಿ:  Kabzaa Movie: ಕನ್ನಡದ ಕಬ್ಜಗೆ ರಾಜಮೌಳಿ ಸಾಥ್! ಹೈದರಾಬಾದ್​ನಲ್ಲಿ ನಡೆಯಲಿದೆ ಬಿಗ್ ಇವೆಂಟ್​

ರವಿ ಬಸ್ರೂರು ಸಂಗೀತ ಕೊಟ್ಟಿದ್ದಾರೆ. ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಕಿಚ್ಚ ಸುದೀಪ್ ಈ ಮೂಲಕ ತೆರೆ ಹಂಚಿಕೊಂಡು ದೊಡ್ಡಮಟ್ಟದಲ್ಲಿಯೇ ಮಾರ್ಚ್​-17 ರಂದು ಎಂಟ್ರಿ ಕೊಡುತ್ತಿದ್ದಾರೆ.