Jothe Jotheyali: ಅನು ಸಿರಿಮನೆ ಪಾತ್ರಧಾರಿ ಚೇಂಜ್? ಸೀರಿಯಲ್ ಬಿಟ್ಟು ಸಿನಿಮಾ ಕಡೆ ಹೊರಟಿದ್ರಂತೆ ಮೇಘಾ ಶೆಟ್ಟಿ!

‘ನೂರು ಜನ್ಮ ಕೂಡಿ ಬಾಳುವ ಜೋಡಿ ನಮ್ಮದು..  ಎಲ್ಲ ಎಲ್ಲೆ ಮೀರಿದಾಗಲೂ ಪಯಣ ನಿಲ್ಲದೂ.. ಜರಿವಾ.. ಜನರೆದುರಿನಲ್ಲಿ ನಿನ್ನಾ.. ನೆರಳಾಗಿ ನಿಲ್ಲುವೆ..’ ಈ ಸಾಂಗ್(Song)​ ಕೇಳಿದ ಕೂಡಲೇ ನಿಮಗೆ ಇದು ಜೊತೆ ಜೊತೆಯಲಿ(Jothe Jotheyali) ಕನ್ನಡ ಧಾರಾವಾಹಿ(Kannada Serial) ಹಾಡು ಅಂತ ಗೊತ್ತಾಗುತ್ತೆ. ಅಂಕಲ್​ನ ಕೇಳಿದ್ರು ಜೊತೆ ಜೊತೆಯಲಿ, ಆಂಟಿನ ಕೇಳಿದ್ರೂ ಜೊತೆ ಜೊತೆಯಲಿ. ತಾತ-ಅಜ್ಜಿನ ಕೇಳಿದ್ರೂ ಹೇಳ್ತಾರೆ ಜೊತೆ ಜೊತೆಯಲಿ ಅಂತ. ಸರಿ ಇವರನ್ನು ಬಿಡಿ ಪುಟ್ಟ ಪುಟ್ಟ ಮಕ್ಕಳು ಬಾಯಲ್ಲೂ ಇದೇ ಸಾಂಗ್​. ಸಿನಿಮಾ(Cinema) ಹಾಡುಗಳು ಫೇಮಸ್(Famous)​ ಆಗಿರುವುದನ್ನ ನಾವು ನೋಡಿದ್ದೇವೆ. ಆದರೆ ಇದೇ ಮೊದಲ ಬಾರಿಗೆ ಅನ್ನಿಸುತ್ತೆ ಕನ್ನಡ ಧಾರಾವಾಹಿ ಹಾಡು ಇಷ್ಟು ಫೇಮಸ್​ ಆಗಿದೆ. ಹೌದು,  ಮೊದಲೆಲ್ಲಾ ಎಲ್ಲರ ಮನೆಲೂ ದೋಸೆ(Dose) ತೂತು ಅಂತ ಗಾದೆ ಇತ್ತ. ಈಗ ಅದನ್ನು ಎಲ್ಲರೂ ಮನೆಲೂ ಜೊತೆ ಜೊತೆಯಲಿ ಸೀರಿಯಲ್​ ಅನ್ನುವ ಹಾಗೇ ಆಗಿದೆ. ಅಷ್ಟೇ ಯಾಕೆ ನಿಮ್ಮ ತಾಯಂದಿರ ಬಳಿ ಸುಮ್ಮನೆ ಈ ಸೀರಿಯಲ್​ ಹೆಸರು ಹೇಳಿ ಸಾಕು, ಇಷ್ಟು ದಿನದ ಎಪಿಸೋಡ್​(Episode)ಗಳ ಕಥೆಯನ್ನೇ ಹೇಳಿ ಬಿಡುತ್ತಾರೆ. ನಟ ಅನಿರುದ್ಧ(Aniruddha)- ಮೇಘಾ ಶೆಟ್ಟಿ(Megha Shetty) ಅಭಿನಯದ 'ಜೊತೆ ಜೊತೆಯಲಿ' ಧಾರಾವಾಹಿ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿ, ಮುನ್ನುಗ್ಗುತ್ತಿದೆ. 

ಎಲ್ಲರ ಮನಸ್ಸು ಗೆದ್ದ ಜೊತೆ ಜೊತೆಯಲಿ ಧಾರಾವಾಹಿ

ಕನ್ನಡ ಕಿರುತರೆಯಲ್ಲೇ ಡಿಫ್ರೆಂಟ್​ ಕಥೆ ಇಟ್ಟುಕೊಂಡು ಈ ಧಾರಾವಾಹಿ ಬಂದಿತ್ತು. ಹೆಚ್ಚಿನ ವಯಸ್ಸಿನ ವ್ಯಕ್ತಿ ಜೊತೆ ಯುವತಿಗೆ ಪ್ರೇಮಾಂಕುರವಾಗುವುದೆ ಈ ಧಾರವಾಹಿ ಕಥೆ. ಇದೆಲ್ಲ ಯಾರು ನೋಡುತ್ತಾರೆ ಅಂತ ಮಾತಾಡಿದ್ದವರೇ, ಈಗ ಒಂದು ಎಪಿಸೋಡ್​ ಮಿಸ್​ ಮಾಡದೇ ನೋಡುತ್ತಿದ್ದಾರೆ. ನಟ ಅನಿರುದ್ಧ್​ಗೂ ಈ ಸೀರಿಯಲ್​ನಿಂದ ಜೀವದಾನ ಸಿಕ್ಕಿತ್ತು. ಈ ಸೀರಿಯಲ್​ನಿಂದ ಕಿರುತರೆಗೆ ಮೇಘಾ ಶೆಟ್ಟಿ ಎಂಬ ಚೆಲುವೆ ಚಂದನವನಕ್ಕೆ ಕಾಲಿಟ್ಟಿದ್ದರು. ಮಧ್ಯಮ ವರ್ಗದ ಕುಟುಂಬದ ಮಗಳಾಗಿ ಮೇಘಾ ಶೆಟ್ಟಿ ಅಭಿನಯಿಸಿ ಎಲ್ಲರ ಮೆಚ್ಚುಗೆ ಪಡೆದುಕೊಂಡಿದ್ದರು. ಈ ಸೀರಿಯಲ್​ನಿಂದಲೇ ಮೇಘಾ ಶೆಟ್ಟಿ ಸಖತ್​ ಫೇಮಸ್​ ಆಗಿದ್ದಾರೆ. ಆಕೆ ಊಹಿಸಿಕೊಂಡಿರದಷ್ಟು ಯಶಸ್ಸು ಈ  ನಟಿಯನ್ನು ಹುಡುಕಿಕೊಂಡು ಬಂತು.  ಇದ್ದರೆ ಮೇಘಾ ಶೆಟ್ಟಿಯಂತೆ ಮಗಳು ಇರಬೇಕು ಅಂತ ಕರುನಾಡಿನ ತಾಯಂದಿರು ಹೇಳುತ್ತಿದ್ದರು.

ಸೀರಿಯಲ್ ಬಿಟ್ಟು ಸಿನಿಮಾ ಕಡೆ ಹೊರಟಿದ್ರಂತೆ ಮೇಘಾ ಶೆಟ್ಟಿ!

ಜೊತೆ ಜೊತೆಯಲಿ ಧಾರಾವಾಹಿ ಕೆಲವೇ ದಿನಗಳಲ್ಲಿ ಕನ್ನಡದ ನಂಬರ್​ 1 ಸೀರಿಯಲ್​ ಪಟ್ಟಕ್ಕೆ ಬಂದು ನಿಂತಿತ್ತು. ಈ ಸೀರಿಯಲ್​ ನಟಿ ಮೇಘಾ ಶೆಟ್ಟಿಗೆ ಸಿನಿಮಾದಿಂದ ಆಫರ್​ ಬರಲು ಶುರುವಾಯಿತು. ಲಕ್​ ಅನ್ನೋದು ಹಾಗೆ ಹೇಳದೇ ಕೇಳದೆ ಬರುತ್ತೆ. ಮೊದಲ ಸಿನಿಮಾದಲ್ಲೇ ಗೋಲ್ಡನ್​ ಸ್ಟಾರ್ ಗಣೇಶ್​ ಜೊತೆ ನಟಿಸುವ ಅವಕಾಶ ಸಿಕ್ಕಿತ್ತು. ಬಳಿಕ ಮತ್ತೆರಡು ಸಿನಿಮಾಗಳಿಂದ ಆಫರ್​ ಬಂದಿತ್ತು. ಸಿನಿಮಾಗಳ ಸಂಖ್ಯೆ ಹೆಚ್ಚಾಗುತ್ತಿದ್ದಂತೆ, ಮೇಘಾ ಶೆಟ್ಟಿಯವರಿಗೆ ಜೊತೆ ಜೊತೆಯಲಿ ಸೀರಿಯಲ್​ ಮೇಲೆ ಆಸಕ್ತಿ ಕಡಿಮೆಯಾಗಿದ್ದಂತೆ. ಹೆಚ್ಚು ಡೇಟ್ಸ್​​ಗಳನ್ನು ಸಿನಿಮಾಗೆ ನೀಡಿ, ಉಳಿದ ಡೇಟ್ಸ್​ ಗಳನ್ನು ಈ ಸೀರಿಯಲ್​ಗೆ ನೀಡುತ್ತಿದ್ದರಂತೆ. ಇದರಿಂದ ಈ ಧಾರಾವಾಹಿ ನಿರ್ದೇಶಕ ಆರೂರು ಜಗದೀಶ್ ಅವರಿಗೆ ಟೆನ್ಶನ್​ ತಂದಿತ್ತಂತೆ.

ಇದನ್ನು ಓದಿ : ನೀವು ಧಾರಾವಾಹಿಗಳಲ್ಲಿ ಆಕ್ಟ್​ ಮಾಡಬೇಕಾ? ಕಲಾವಿದರಿಗೆ ಇಲ್ಲಿದೆ ಸುವರ್ಣ ಅವಕಾಶ!

ಹೊಸ ನಟಿಯನ್ನು ಫೈನಲ್​​ ಮಾಡಿದ್ದರಂತೆ ನಿರ್ದೇಶಕರು!

ಮೇಘಾ ಶೆಟ್ಟಿಯವರಿಗೆ ದಿನಕಳೆದಂತೆ ಸೀರಿಯಲ್​ ಮೇಲಿರುವ ಆಸಕ್ತಿ ಕಡಿಮೆ ಆಗುತ್ತಲೆ ಇತ್ತು. ಹೀಗಾಗಿ ನಿರ್ದೇಶಕರು ಮೇಘಾ ಶೆಟ್ಟಿ ಅವರ ಜಾಗಕ್ಕೆ ಮತ್ತೊಬ್ಬ ಹೀರೋಯಿನ್​ ತರಲು ಮುಂದಾಗಿದ್ದರಂತೆ. ರಕ್ಷಾ ಶೆಟ್ಟಿ ಎಂಬ ಯುವತಿಯನ್ನು ಆಡಿಷನ್​ ನಡೆಸಿ ಫೈನಲ್​ ಕೂಡ ಮಾಡಿದ್ದರಂತೆ. ಇತ್ತ ಇದರ ಬಗ್ಗೆ ತಿಳಿಯದ ಮೇಘಾ ಶೆಟ್ಟಿ ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿ ಇದ್ದರಂತೆ. ತ್ರಿಬಲ್​ ರೈಡಿಂಗ್​ ಸಿನಿಮಾ  ಶೂಟಿಂಗ್​ ಮುಗಿದ ಮೇಲೂ ಮತ್ತೆರಡು ಸಿನಿಮಾಗಳಿಗೆ ಸಹಿ ಹಾಕಿದ್ದರಂತೆ.

ಇದನ್ನು ಓದಿ: Bachelorette Partyಯಲ್ಲಿ ಎಂಜಾಯ್​ ಮಾಡಿದ ಕಿರುತೆರೆ ನಟಿ Kavya Gowda

ವಿಚಾರ ತಿಳಿದು ಓಡೋಡಿ ಬಂದ್ರಂತೆ ಮೇಘಾ ಶೆಟ್ಟಿ

ಜೊತೆ ಜೊತೆಯಲಿ ಸೀರಿಯಲ್​ ನಟಿ ಬದಲಾವಣೆ  ವಿಚಾರ ತಿಳಿದು ಮೇಘಾ ಶೆಟ್ಟಿ ನಿರ್ದೇಶಕ ಬಳಿ ಓಡೋಡಿ ಬಂದಿದ್ದರಂತೆ. ಈಕೆ ಒಪ್ಪಿಕೊಂಡಿದ್ದ ಎರಡು ಸಿನಿಮಾವನ್ನು ಕೈಬಿಟ್ಟು ಸೀರಿಯಲ್​ನಲ್ಲಿ ನಾನು ಮುಂದುವರೆಯುತ್ತೇನೆ ಎಂದು ಹೇಳಿದ್ದರಂತೆ. ತಮ್ಮ ತಪ್ಪಿನ ಅರಿವಾಗಿ ಮತ್ತೆ ಜೊತೆ ಜೊತೆಯಲಿ ಸೀರಿಯಲ್​ನ ಎಂದಿಗೂ ಮರೆಯುವುದಿಲ್ಲ ಎಂದು ಹೇಳಿದ್ದರಂತೆ. ಎಷ್ಟೇ ಸಿನಿಮಾ ಮಾಡಿದರೂ ನನಗೆ ಮೊದಲು ಜೊತೆ ಜೊತೆಯಲಿ ಎಂದು ಸ್ವತಃ ಮೇಘಾ ಶೆಟ್ಟಿ ಹೇಳಿದ್ದರು. ಇನ್ನೂ ಮೇಘಾ ಶೆಟ್ಟಿ ಜಾಗಕ್ಕೆ ಕರೆತರಲಾಗಿದ್ದ ರಕ್ಷಾ ಶೆಟ್ಟಿ ಎಂಬ ನಟಿ, ಸ್ಟಾರ್​ ಸುವರ್ಣದಲ್ಲಿ ಬರುತ್ತಿರುವ ಹೊಸ ಸೀರಿಯಲ್​ವೊಂದರ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.