600ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಹಾಸ್ಯ ಕಲಾವಿದ ಮಿಮಿಕ್ರಿ ರಾಜ ಗೋಪಾಲ್ ಇನ್ನಿಲ್ಲ

ತಮ್ಮದೇ ಆದ ಮಿಮಿಕ್ರಿ ತಂಡವನ್ನು ಕಟ್ಟಿಕೊಂಡಿದ್ದ ರಾಜ ಗೋಪಾಲ್​ ಅವರು ಸಾವಿರಾರು ಸ್ಟೇಜ್​ ಶೋಗಳನ್ನೂ ನೀಡಿದ್ದಾರೆ. ಕೊರೋನಾದಿಂದಾಗಿ ಲಾಕ್​ಡೌನ್​ ಆರಂಭವಾಗುವವರೆಗೂ ಈ ನಟ ಸ್ಟೇಜ್​ ಶೋ ನೀಡುತ್ತಿದ್ದರು.

Anitha E | news18-kannada
Updated:July 2, 2020, 8:45 AM IST
600ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಹಾಸ್ಯ ಕಲಾವಿದ ಮಿಮಿಕ್ರಿ ರಾಜ ಗೋಪಾಲ್ ಇನ್ನಿಲ್ಲ
ಹಾಸ್ಯ ಕಲಾವಿದ ರಾಜ ಗೋಪಾಲ್​
  • Share this:
ಸ್ಯಾಂಡಲ್​ವುಡ್​ನಲ್ಲಿ 600ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ರಂಜಿಸಿದ್ದ ಹಾಸ್ಯ ನಟ ಮಿಮಿಕ್ರಿ ರಾಜ ಗೋಪಾಲ್ ಇನ್ನಿಲ್ಲ. ಕಿಡ್ನಿ ಸಮಸ್ಯೆಯಿಂದ ಬಳಲುತ್ತಿದ್ದ ನಟ ನಿನ್ನೆ ರಾತ್ರಿ ಕೆಂಗೇರಿಯಲ್ಲಿರುವ ತಮ್ಮ ನಿವಾಸದಲ್ಲಿ ಕೊನೆಯುಸಿರೆಳೆದಿದ್ದಾರೆ.  

ಕೆಂಗೇರಿಯ ಬಿಡಿಎ ಅಪಾರ್ಟ್ಮೆಂಟ್​ನಲ್ಲಿ ವಾಸವಿದ್ದ 64 ವರ್ಷದ ರಾಜ ಗೋಪಾಲ್​ ಅವರು ಪತ್ನಿ ಹಾಗೂ ಮೂವರು ಪುತ್ರಿಯರನ್ನು ಅಗಲಿದ್ದಾರೆ. ಇತ್ತೀಚೆಗೆ ಕಳೆದೋಗ್ಬುಟ್ಟೆ ಎಂಬ ಸಿನಿಮಾದಲ್ಲಿ ಅಭಿನಯಿಸಿದ್ದರು.

Kannada Comedy actor Raja Gopal Passed away
ಹಾಸ್ಯ ನಟ ಡಿಂಗ್ರಿ ನಾಗರಾಜ್​ ಹಾಗೂ ರಾಜ ಗೋಪಾಲ್​


ತಮ್ಮದೇ ಆದ ಮಿಮಿಕ್ರಿ ತಂಡವನ್ನು ಕಟ್ಟಿಕೊಂಡಿದ್ದ ರಾಜ ಗೋಪಾಲ್​ ಅವರು ಸಾವಿರಾರು ಸ್ಟೇಜ್​ ಶೋಗಳನ್ನೂ ನೀಡಿದ್ದಾರೆ. ಕೊರೋನಾದಿಂದಾಗಿ ಲಾಕ್​ಡೌನ್​ ಆರಂಭವಾಗುವವರೆಗೂ ಈ ನಟ ಸ್ಟೇಜ್​ ಶೋ ನೀಡುತ್ತಿದ್ದರು.

'ವಿಷ್ಣುವರ್ಧನ್​, ಶಶಿಕುಮಾರ್ ಸೇರಿದಂತೆ ಸಾಕಷ್ಟು ಸ್ಟಾರ್ ನಟರ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಜೊತೆಗೆ ಒಂದು ತಮಿಳು ಸಿನಿಮಾದಲ್ಲೂ ಅಭಿನಯಿಸಿದ್ದಾರೆ.  ಕರಿಬಸವಯ್ಯ, ಬ್ಯಾಂಕ್​ ಜನಾರ್ಧನ್ ಸೇರಿದಂತೆ ಇನ್ನೂ ಹಲವರೊಂದಿಗೆ ಸೇರಿ ತಮ್ಮದೇ ಆದ ಮಿಮಿಕ್ರಿತಂಡವನ್ನು ಕಟ್ಟಿಕೊಂಡು ಕಾರ್ಯಕ್ರಮ ನೀಡುತ್ತಿದ್ದರು. ಎರಡು ದಿನಗಳ ಹಿಂದೆಯಷ್ಟೆ ಅವರಿಗೆ ಕರೆ ಮಾಡಿ ಮಾತನಾಡಿದ್ದೆ. ನಾಳೆ ಅವರನ್ನು ಭೇಟಿ ಮಾಡಲು ಹೋಗಬೇಕಿತ್ತು. ಆದರೆ ವಿಧಿಯಾಟ ಇಷ್ಟು ಬೇಗೆ ರಾಜ ಗೋಪಾಲ್​ ನಮ್ಮಿಂದ ದೂರಾಗಿದ್ದಾರೆ' ಎಂದು ಅವರ ಬಹುಕಾಲದ ಗೆಳೆಯ ಹಾಸ್ಯ ನಟ ಡಿಂಗ್ರಿ ನಾಗರಾಜ್​ ನ್ಯೂಸ್​ 18 ಕನ್ನಡಕ್ಕೆ ತಿಳಿಸಿದ್ದಾರೆ.

Kannada Comedy actor Raja Gopal Passed away
ಗಾಯಕ ಬಾಲಸುಬ್ರಹ್ಮಣ್ಯಂ ಅವರೊಂದಿಗೆ ನಟ ರಾಜ ಗೋಪಾಲ್​


ಸ್ಟೇಜ್​ ಶೋಗಳಿಗೆ ಹೋದಾಗ ಅವರು ತಪ್ಪದೆ ಕಲ್ಪನಾ ಅವರಂತೆ ಮಿಮಿಕ್ರಿ ಮಾಡುತ್ತಿದ್ದರು. ಅವರು ಒಂದೊಂದು ಡೈಲಾಗ್​ ಹೇಳಿದಾಗಲೂ ಕಲ್ಪನಾ ಅವರೇ ಮಾತನಾಡಿದಂತೆ ಆಗುತ್ತಿತ್ತಂತೆ. ಇದರಿಂದಾಗಿಯೇ ಅವರು ಸಖತ್ ಫೇಮಸ್​ ಆಗಿದ್ದರಂತೆ.ಇದನ್ನೂ ಓದಿ: ಹೊಸ ಲುಕ್​ನ ಫೋಟೋಗಳನ್ನು ಹಂಚಿಕೊಂಡು ಮಾಧ್ಯಮಗಳ ಮೇಲೆ ಗರಂ ಆದ ಸ್ಯಾಂಡಲ್​ವುಡ್​ ನಟಿ..!

ಆರೋಗ್ಯವಾಗಿದ್ದ ರಾಜ ಗೋಪಾಲ್​ ಅವರಿಗೆ ಬಹಳ ಸಮಯದಿಂದ ಮಂಡಿ ನೋವು ಇತ್ತಂತೆ. ಅದರಿಂದ ಹೆಚ್ಚಾಗಿ ಅವರು ನೋವನ್ನು ಕಡಿಮೆ ಮಾಡುವ ಮಾತ್ರೆ  ಸೇವಿಸುತ್ತಿದ್ದು, ಅದರಿಂದ ಅವರಿಗೆ ಕಿಡ್ನಿ ಸಮಸ್ಯೆ ಹೆಚ್ಚಾಗಿರಬಹುದು ಎಂದೂ ಹೇಳಲಾಗುತ್ತಿದೆ.

 

Anushka Sharma: ಸ್ಟನ್ನಿಂಗ್​ ಲುಕ್​ನಲ್ಲಿ ಅನುಷ್ಕಾ ಶರ್ಮಾ: ವಿರಾಟ್​ ಕೊಹ್ಲಿ ನಿದ್ದೆಗೆಡಿಸಿದ ಹೊಸ ಫೋಟೋ..!



ಇದನ್ನೂ ಓದಿ: ವಿದ್ಯುತ್​ ಜಮ್ವಾಲ್-ಕುನಾಲ್​ ಖೇಮು ಬೆಂಬಲಕ್ಕೆ ನಿಂತ ಕಂಗನಾ..!
First published: July 2, 2020, 8:34 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading