Aishwarya Sindhogi: ನಾಗಿಣಿಯ ಮಾಯಾಂಗನೆ ಸೌಂದರ್ಯ ಸಮರ-ಇವರೇ ನೋಡಿ ಮಂಗಳ ಗೌರಿ ವಿಲನ್

ಐಶ್ವರ್ಯ ಸಿಂಧೋಗಿ ಅಂದ್ರೆ ಈ ಹೆಸರು ಕನ್ನಡ ಇಂಡಸ್ಟ್ರೀಗೆ ಮಾತ್ರ ಗೊತ್ತಿದೆ. ಆದರೆ ಇದೇ ನಟಿಯ ಪರಿಚಯ ಪುಟ್ಟ ಪರದೆಯಲ್ಲಿ ಮಾಯಾಂಗಿಣಿ, ತನಿಷಾ ಹೆಸರಿನ ಪಾತ್ರಗಳ ಮೂಲಕವೇ ಚಿರಪರಿಚಿತವಾಗಿದೆ.

ಇವರೇ ನೋಡಿ ಮಂಗಳ ಗೌರಿ ಸೀರಿಯಲ್ ತನಿಷಾ

ಇವರೇ ನೋಡಿ ಮಂಗಳ ಗೌರಿ ಸೀರಿಯಲ್ ತನಿಷಾ

  • Share this:
ಪುಟ್ಟ ಪರದೆಯಲ್ಲಿ ಈ ನಟಿ ಈಗ ಧಮಾಕಾ ಮಾಡುತ್ತಿದ್ದಾರೆ. ತಮ್ಮ ಅಭಿನಯದ ಮೂಲಕ ಕಿರುತೆರೆಯ (Small Screen) ಪ್ರೇಕ್ಷಕರ ಮನಸ್ಸಿನಲ್ಲಿ ಜಾಗ ಮಾಡಿಕೊಂಡಿದ್ದಾರೆ. ಆದರೆ ಜನ ಇವರನ್ನ ಮನಸೋಯಿಚ್ಛೆ ಬೈಯೋದು ಇದೆ. ಇನ್ನು ಕೆಲವೊಮ್ಮೆ ಮಾಸ್ಕ್ ಹಾಕಿಕೊಂಡು ಮಾಲ್​ಗೆ ಹೋದ್ರೆ, ಗುರುತು (Fan Following) ಹಿಡಿದು ಪ್ರೀತಿಯಿಂದ ಮಾತನಾಡಿಸೋ ಘಟನೆಗಳು ನಡೆಯುತ್ತವೆ. ಒಳ್ಳೆ ಮಾತುಗಳು ಕೇಳಿ ಬರುತ್ತವೆ. ಕೆಟ್ಟ ಬೈಗುಳಗಳನ್ನೂ ಎದುರಿಸೋದು ಇದೆ. ಮಾಡಿರೋ ಪಾತ್ರವೇ ಹಾಗಿದೆ ಅಲ್ವೇ? ಹೌದು, ಕನ್ನಡದ ಕಿರುತೆರೆಯ ವಿಲನ್ (Villain) ಪಾತ್ರಧಾರಿ ಐಶ್ವರ್ಯ ಸಿಂಧೋಗಿ ತಮ್ಮ ಪಾತ್ರದ ಸುತ್ತ ತಮಗಾದ ಅನುಭವ ನಮ್ಮ ಜೊತೆಗೆ ವಿಶೇಷವಾಗಿಯೇ ಹಂಚಿಕೊಂಡಿದ್ದಾರೆ. ಅವರ ಮಾತಿನ ಒಟ್ಟು ಚಿತ್ರಣ ಇಲ್ಲಿದೆ ಓದಿ.

ನಾಗಿಣಿ-2 ಸೀರಿಯಲ್ ಮಾಯಾಂಗಿಣಿ ಮನದ ಮಾತು
ಐಶ್ವರ್ಯ ಸಿಂಧೋಗಿ ಅಂದ್ರೆ ಈ ಹೆಸರು ಕನ್ನಡ ಇಂಡಸ್ಟ್ರಿಗೆ ಮಾತ್ರ ಗೊತ್ತಿದೆ. ಆದರೆ ಇದೇ ನಟಿಯ ಪರಿಚಯ ಪುಟ್ಟ ಪರದೆಯಲ್ಲಿ ಮಾಯಾಂಗಿಣಿ, ತನಿಷಾ ಹೆಸರಿನ ಪಾತ್ರಗಳ ಮೂಲಕವೇ ಪರಿಚಿತವಾಗಿದೆ. ನಾಗಿಣಿ-2 ಸೀರಿಯಲ್​ ನಲ್ಲಿರೋ ಮಾಯಾಂಗಿಣಿ ಪಾತ್ರದಿಂದಲೇ ಈ ಯುಟ ನಟಿ ಕಿರುತೆರೆ ಪ್ರೇಕ್ಷಕರನ್ನ ವಿಲನ್​ಗಿರಿ ಮೂಲಕ ರಂಜಿಸುತ್ತಿದ್ದಾರೆ.

ಐಶ್ವರ್ಯ ಸಿಂಧೋಗಿ ಪಾತ್ರಗಳಲ್ಲಿ ಈಗ ಮಂಗಳ ಗೌರಿ ಮದುವೆ ಸೀರಿಯಲ್​ನ ತನಿಷಾ ರೋಲ್​ ಮೂಲಕ ಐಶ್ವರ್ಯ ಎಲ್ಲರ ಮನ ಮತ್ತು ಮನೆಯಲ್ಲಿ ಹಂಗಾಮ ಮಾಡುತ್ತಿದೆ. ಯಾಕೆಂದ್ರೆ, ಈ ಒಂದು ಪಾತ್ರ ಸಂಪೂರ್ಣ Negative ಪಾತ್ರವೇ ಆಗಿದೆ.

Actress Aishwarya Sindhogi Special Talk on her Serial and Cinema
ನಾಗಿಣಿಯ ಮಾಯಾಂಗಿಣಿಯ ಸೌಂದರ್ಯ ಸಮರ


ನಾಗಿಣಿ-2 ಮೂಲಕವೇ ಬಿಗ್ ಪರದೆಯಿಂದ ಪುಟ್ಟ ಪರದೆಗೆ ಎಂಟ್ರಿ
ನಾಗಿಣಿ-2 ಸೀರಿಯಲ್ ಐಶ್ವರ್ಯ ಸಿಂಧೋಗಿ ಪುಟ್ಟ ಪರದೆಗೆ ಎಂಟ್ರಿಕೊಡಲು ನೆರವಾದ ಮೊದಲ ಸೀರಿಯಲ್ ಆಗಿದೆ. ಮಾಯಾಂಗಿಣಿ ಅನ್ನೋ ರೋಲ್ ಅನ್ನ ಒಂದು ತಿಂಗಳ ಮಟ್ಟಿಗೆ ಅಭಿನಯಿಸೋಕೆ ಸೀರಿಯಲ್ ತಂಡ ಐಶ್ವರ್ಯ ಅವರಿಗೆ ಆಫರ್ ಕೊಟ್ಟಿತ್ತು.

ನಾಗಿಣಿ-2 ಸೀರಿಯಲ್​ ನ ಈ ಪಾತ್ರಕ್ಕೆ ನೆಗೆಟಿವ್ ಶೇಡ್ ಇತ್ತು. ಆದರೆ ಪೂರ್ಣ ಪ್ರಮಾಣದಲ್ಲಿ ಇರಲಿಲ್ಲ. ಹಾಗಿದ್ದರೂ ಜನ ಈ ಪಾತ್ರವನ್ನ ಮೆಚ್ಚಿಕೊಂಡರು.
ಪಾತ್ರಕ್ಕೆ ಒಳ್ಳೆ ರೆಸ್ಪಾನ್ಸ್ ಬರ್ತಾಯಿದ್ದಂತೆ ಐಶ್ವರ್ಯ ಸಿಂಧೋಗಿ ಪಾತ್ರ ಮುಂದುವರೆಯುತ್ತಲೇ ಹೋಯಿತು. ಈಗಲೂ ಮಾಯಾಂಗಿಣಿ ರೋಲ್ ಜನ ಪ್ರಿಯತೆಗೆ ಗಳಿಸಿಕೊಂಡಿದೆ.

ಇದನ್ನೂ ಓದಿ: Bhushan Choreographer ಅಂದು ಡ್ಯಾನ್ಸರ್, ಇಂದು ಹೀರೋ! ಭೂಷಣ್ ಬೆಳವಣಿಗೆ ಸೂಪರೋ ಸೂಪರ್!

ಮಂಗಳ ಗೌರಿ ಮದುವೆ ಸೀರಿಯಲ್​ ನಲ್ಲಿ ಐಶ್ವರ್ಯ ವಿಲನ್

ಈ ಒಂದು ಸೀರಿಯಲ್ ಪಾತ್ರ ನಿರ್ವಹಿಸುತ್ತಿರೋವಾಗ್ಲೇ, ಬಂದದ್ದೇ ಮಂಗಳ ಗೌರವಿ ಮದುವೆ ಸೀರಿಯಲ್. ಈ ಧಾರವಹಿಯಲ್ಲಿ ತನಿಷಾ ಹೆಸರಿನ ಪರಿಪೂರ್ಣ ಖಳನಾಯಕಿಯ ಪಾತ್ರವೇ ಸಿಕ್ಕಿ ಬಿಡ್ತು.

ಇಲ್ಲಿಂದ ನಟಿ ಐಶ್ವರ್ಯ ಸಿಂಧೋಗಿ ಪುಟ್ಟ ಪರದಲ್ಲಿ ತಮ್ಮದೇ ರೀತಿಯಲ್ಲಿ ಹೆಸರು ಮಾಡಿಕೊಂಡು ಮುನ್ನುಗ್ಗುತ್ತಿದ್ದಾರೆ. ಐಶ್ವರ್ಯ ಸಿಂಧೋಗಿ ಅವರ ಈ ಪುಟ್ಟ ಪರದೆಯ ಪಯಣ ಅಚಾನಕ್ಕಾಗಿಯೇ ಶುರು ಆಗಿದೆ. ತಮ್ಮ ಸಿನಿಮಾಗಳಲ್ಲಿಯೇ ಐಶ್ವರ್ಯ ಬ್ಯುಸಿ ಆಗಿದ್ದಾರೆ.

Kannada Actress Sindhogi Special Talk on her Serial and Cinema
ಐಶ್ವರ್ಯ ಸಿಂಧೋಗಿ ಹಾಟ್ ಲುಕ್


ಕೊರೊನಾ 2  ನೇ ಲಾಕ್ ಡೌನ್ ಟೈಮ್​ ನಲ್ಲಿ ಸೀರಿಯಲ್ ಆಫರ್
ಕೊರೊನಾ ಎರಡನೇ ಲಾಕ್ ಡೌನ್ ಅನಿಸುತ್ತದೆ. ಆ ವೇಳೆಗೇನೆ ನಾಗಿಣಿ-2 ಸೀರಿಯಲ್ ಆಫರ್ ಬಂದಿದೆ. ಇದರಲ್ಲಿ ಅಭಿನಯಿಸುತ್ತಿರೋವಾಗ್ಲೇ, ಮಂಗಳ ಗೌರಿ ಮದುವೆ ಸೀರಿಯಲ್ ಆಫರ್ ಬಂದಿದೆ. ಎರಡನ್ನೂ ನಿಭಾಯಿಸುತ್ತಲೇ ಐಶ್ವರ್ಯ ಸಾಗುತ್ತಿದ್ದಾರೆ.

ಸೀರಿಯಲ್ ಜೊತೆಗೆ ಐಶ್ವರ್ಯ ಸಿಂಧೋಗಿ ಸಿನಿಮಾ ನಂಟು
ಐಶ್ವರ್ಯ ಸಿಂಧೋಗಿ ಸೀರಿಯಲ್ ಜತೆಗೆ ಸಿನಿಮಾ ನಂಟು ಏನು ಬಿಟ್ಟು ಹೋಗಿಲ್ಲ. ಈಗಾಗಲೇ ಐಶ್ವರ್ಯ ಅಭಿನಯದ ವಾವ್ ಸಿನಿಮಾ ರೆಡಿ ಆಗಿದೆ. ಈ ಸಿನಿಮ ಓಟಿಟಿ ಪ್ಲಾಟ್​ ಫಾರಂಗೆ ರೆಡಿ ಆಗಿದೆ. ಈಗಾಗಲೇ ಸೇಲ್ ಕೂಡ ಆಗಿದೆ.

ಇದನ್ನೂ ಓದಿ:Ponniyin Selvan: ಐಶ್ವರ್ಯಾ ರೈ-ತ್ರಿಷಾ ಒಟ್ಟಿಗೆ ಕಾಣಿಸಿಕೊಂಡೇ ಇಲ್ವಾ? ಹೀಗೇಕೆ ಮಾಡಿದ್ರು ಮಣಿರತ್ನಂ?

ನರಸಿಂಹ ರಾಜು ಅವರ ಮೊಮ್ಮಗ ಸಮರ್ಥ್ ನಟನೆಯ ಯಾರು ನೀ ಯಾರು ಸಿನಿಮಾದಲ್ಲೂ ಐಶ್ವರ್ಯ ಸಿಂಧೋಗಿ ಅಭಿನಯಿಸಿದ್ದಾರೆ. ಇದು ಪೋಸ್ಟ್ ಪ್ರೋಡಕ್ಷನ್ ಹಂತದಲ್ಲಿಯೇ ಇದೆ.

ಮಮ್ಮಿ ಡೈರೆಕ್ಟರ್ ಲೋಹಿತ್ ಸಿನಿಮಾದಲ್ಲಿ ಐಶ್ವರ್ಯ ಸಿಂಧೋಗಿ
ಈ ಸಿನಿಮಾದ ಹೊರತಾಗಿ ಮಮ್ಮಿ ಸಿನಿಮಾದ ನಿರ್ದೇಶಕ ಲೋಹಿತ್ ನಿರ್ದೇಶನದ ಸೈತಾನ್ ಸಿನಿಮಾದಲ್ಲೂ ಐಶ್ವರ್ಯ ಸಿಂಧೋಗಿ ಅಭಿನಯಿಸಿದ್ದಾರೆ. ಇದು ಕೂಡ ಫೋಸ್ಟ್ ಪ್ರೋಡಕ್ಷನ್ ಹಂತದಲ್ಲಿಯೇ ಇದೆ.

ಐಶ್ವರ್ಯ ಸಿಂಧೋಗಿ ಅಭಿನಯದ ಆಶಿಕಿ ರೆಡಿ ಟು ರಿಲೀಸ್
ಐಶ್ವರ್ಯ ಸಿಂಧೋಗಿ ಅಭಿನಯದ ಆಶಿಕಿ ಸಿನಿಮಾ ಕೂಡ ಈಗ ರಿಲೀಸ್ ಹಂತಕ್ಕೆ ಬಂದಿದೆ. ಈ ರೀತಿ ಸಿನಿಮಾ ಮತ್ತು ಸೀರಿಯಲ್ ಎರಡೂ ನಿಭಾಯಿಸ್ತಿರೋ ಐಶ್ವರ್ಯ ಸಿಂಧೋಗಿ ತಮ್ಮ ಪಯಣವನ್ನ ಯಶಸ್ವಿಯಾಗಿಯೇ ಮುಂದುವರೆಸಿಕೊಂಡು ಹೋಗ್ತಿದ್ದಾರೆ.
First published: