Kangana Ranaut Thalaivi: ಸೆನ್ಸಾರ್​ನಲ್ಲಿ ತಲೈವಿ ಚಿತ್ರಕ್ಕೆ ಸಿಕ್ತು ಯು ಪ್ರಮಾಣಪತ್ರ

ಈಗಾಗಲೇ ಶೂಟಿಂಗ್​ ಮುಗಿದು ವರ್ಷ ಕಳೆಯುತ್ತಿದೆ. ಆದರೆ, ಕೊರೋನಾ ಕಾರಣದಿಂದಾಗಿ ಈ ಸಿನಿಮಾ ರಿಲೀಸ್​ ಆಗಲಿಲ್ಲ. ಈ ಸಿನಿಮಾ ರಿಲೀಸ್​ಗೆ ಯಾವುದೇ ತಡೆ ಇಲ್ಲ. ತಲೈವಿ ಹಿಂದಿ ವರ್ಷನ್​ ಈಗಾಗಲೇ ಸೆನ್ಸಾರ್​ನಲ್ಲಿ ಪಾಸಾಗಿದೆ.

ತಲೈವಿ ಸಿನಿಮಾದಲ್ಲಿ ಕಂಗನಾ ಹಾಗೂ ಅರವಿಂದ್ ಸ್ವಾಮಿ

ತಲೈವಿ ಸಿನಿಮಾದಲ್ಲಿ ಕಂಗನಾ ಹಾಗೂ ಅರವಿಂದ್ ಸ್ವಾಮಿ

  • Share this:
ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜಯಲಲಿತಾ ಅವರ ಜೀವನಾಧಾರಿತ ಸಿನಿಮಾ ತಲೈವಿ. ಈ ಚಿತ್ರದಲ್ಲಿ ಜಯಲಲಿತಾ ಅವರ ಪಾತ್ರದಲ್ಲಿ ಬಾಲಿವುಡ್​ ರೆಬೆಲ್ ಕ್ವೀನ್ ಕಂಗನಾ ರನೋತ್ ಅವರು ನಟಿಸಿದ್ದಾರೆ. ಈ ಸಿನಿಮಾದ ಪೋಸ್ಟರ್​ ರಿಲೀಸ್​ ಆದಗಲೇ ಸಖತ್ ಸದ್ದು ಮಾಡಿತ್ತು. ಸಿನಿಮಾದ ವಿಡಿಯೋ ಹಾಗೂ ಹಾಡು ರಿಲೀಸ್​ ಆಗಿದ್ದು ಈಗಾಗಲೇ ಸಿನಿಮಾ ಕುರಿತಾಗಿ ಪ್ರೇಕ್ಷಕರಲ್ಲಿ ಇದ್ದ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿವೆ. ಈ ಸಿನಿಮಾದಲ್ಲಿ ಜಯಲಲಿತಾ ಅವರ ರಾಜಕೀಯ ಹಾಗೂ ಸಿನಿ ಜೀವನದ ಕುರಿತಾದ ವಿಷಯಗಳಿರಲಿವೆ. ಇನ್ನು ಕಂಗನಾ ರನೋತ್ ಜತೆ ಈ ಸಿನಿಮಾದಲ್ಲಿ ಖ್ಯಾತ ನಟ ಅರವಿಂದ್ ಸ್ವಾಮಿ ಅಭಿನಯಿಸಿದ್ದಾರೆ.

ಜಯಲಲಿತಾ ಅವರ ಹುಟ್ಟುಹಬ್ಬದಂದು ಈ ಸಿನಿಮಾದ ಪೋಸ್ಟರ್ ಅನ್ನು ರಿಲೀಸ್ ಮಾಡಲಾಗಿತ್ತು. ಇನ್ನು ಕಂಗನಾ ರನೋತ್ ಅವರು ಜಯಲಲಿತಾ ಅವರ ಪಾತ್ರದಲ್ಲಿ ಪರಕಾಯ ಪ್ರವೇಶ ಮಾಡಿದಂತೆ ಕಾಣುತ್ತಿದೆ. ರಿಲೀಸ್ ಆಗಿರುವ ಪೋಸ್ಟರ್​, ವಿಡಿಯೋ ಹಾಗೂ ಹಾಡುಗಳನ್ನು ನೋಡಿದರೆ ಬೆಳ್ಳಿ ತೆರೆಯಲ್ಲಿ ಸಿನಿಮಾ ನೋಡಲು ಪ್ರೇಕ್ಷಕರು ಕಾತರರಾಗಿರುವ ವಿಷಯ ತಿಳಿಯುತ್ತದೆ.






ಎ.ಎಲ್​ ವಿಜಯ್ ಅವರು ನಿರ್ದೇಶನ ಮಾಡಿರುವ ಈ ಸಿನಿಮಾಗೆ ರಾಜಮೌಳಿ ಅವರ ತಂದೆ ವಿ. ವಿಜಯೇಂದ್ರ ಪ್ರಸಾದ್​ ಅವರು ಕಥೆ ಬರೆದಿದ್ದಾರೆ. ಇನ್ನು ಜಯಲಲಿತಾ ಅವರ ಜೀವದಲ್ಲಿ ಯಾರಿಗೂ ತಿಳಿಯದ ಸಾಕಷ್ಟು ವಿಷಯಗಳನ್ನು ಚಿತ್ರೀಕರಿಸಲಾಗಿದೆಯಂತೆ. ಈ ಚಿತ್ರವನ್ನು ಬಾಲಕೃಷ್ಣ ಅವರ ಜತೆ ಎನ್​ಟಿಆರ್​ ಅವರ ಬಯೋಪಿಕ್ ನಿರ್ಮಿಸಿದ್ದ ವಿಷ್ಣು ಇಂದೂರಿ ಅವರೇ ನಿರ್ಮಾಣ ಮಾಡಿದ್ದಾರೆ.

'THALAIVII' CENSORED... 10 SEPT RELEASE... #Thalaivii [#Hindi] passed with 'U' certificate by #CBFC on 1 Sept 2021. Duration: 153 min, 22 sec [2 hours, 33 minutes, 22 seconds]. #India



ಸೆಪ್ಟೆಂಬರ್ 10ರಂದು ಜಯಲಲಿತ ಅವರ ಬಯೋಪಿಕ್​ ತಲೈವಿ ಪ್ರೇಕ್ಷಕರ ಮುಂದೆ ಬರಲಿದೆ. ಈಗಾಗಲೇ ಶೂಟಿಂಗ್​ ಮುಗಿದು ವರ್ಷ ಕಳೆಯುತ್ತಿದೆ. ಆದರೆ, ಕೊರೋನಾ ಕಾರಣದಿಂದಾಗಿ ಈ ಸಿನಿಮಾ ರಿಲೀಸ್​ ಆಗಲಿಲ್ಲ. ಈ ಸಿನಿಮಾ ರಿಲೀಸ್​ಗೆ ಯಾವುದೇ ತಡೆ ಇಲ್ಲ. ತಲೈವಿ ಹಿಂದಿ ವರ್ಷನ್​ ಈಗಾಗಲೇ ಸೆನ್ಸಾರ್​ನಲ್ಲಿ ಪಾಸಾಗಿದೆ. ಹೌದು, ಸೆನ್ಸಾರ್​ನಲ್ಲಿ ಈ ಸಿನಿಮಾಗೆ ಯು ಪ್ರಮಾಣ ಪತ್ರ ಸಿಕ್ಕಿದೆ. ಈ ವಿಷಯವನ್ನು ಸಿನಿಮಾ ವಿಶ್ಲೇಷಕ ತರನ್ ಆದರ್ಶ್​ ಅವರು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: Sidharth Shukla Passes Away: ಬಿಗ್ ಬಾಸ್​ ಸೀಸನ್ 13ರ ವಿನ್ನರ್​ ಸಿದ್ಧಾರ್ಥ್​ ಶುಕ್ಲಾ ನಿಧನ

ಈ ಸಿನಿಮಾಗೆ ಯು ಪ್ರಮಾಣಪತ್ರ ಸಿಕ್ಕಿದ್ದು, ಸಿನಿಮಾ 153 ನಿಮಿಷ 22 ಸೆಕೆಂಡ್​ ಇದೆಯಂತೆ. ಅಂದರೆ 2 ಗಂಟೆ 33 ನಿಮಿಷ ಹಾಗೂ 22 ಸೆಕೆಂಡ್​ ಇದೆ. ಈ ಸಿನಿಮಾ ಮೇಲೆ ಕಂಗನಾ ಅವರಿಗೂ ತುಂಬಾ ನಿರೀಕ್ಷೆ ಇದೆ.

ನಟಿ ಕಂಗನಾ ರನೋತ್​ ಸದ್ಯ ತಮ್ಮ ಬಹು ನಿರೀಕ್ಷಿತ ಸಿನಿಮಾ ಧಾಡಕ್​ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ. ಈ ಸಿನಿಮಾದಲ್ಲಿ ಅರ್ಜುನ್ ರಾಮ್​ಪಾಲ್​ ಸಹ ನಟಿಸಿದ್ದಾರೆ. ಇತ್ತೀಚೆಗೆ ವಿದೇಶದಲ್ಲಿ ಧಾಕಡ್ ಸಿನಿಮಾದ ಪೂರ್ಣಗೊಂಡಿತ್ತು. ಚಿತ್ರೀಕರಣ ಪೂರ್ಣಗೊಂಡ ಹಿನ್ನಲೆಯಲ್ಲೇ ಚಿತ್ರತಂಡ ಸಖತ್ ಪಾರ್ಟಿ ಆಯೋಜಿಸಿತ್ತು. ಈ ಪಾರ್ಟಿಯಲ್ಲಿ ಕಂಗನಾ ಬಿಳಿ ಬಣ್ಣದ ಸಖತ್ ಹಾಟ್​ ಡ್ರೆಸ್​ ತೊಟ್ಟು ಕಾಣಿಸಿಕೊಂಡಿದ್ದರು. ಪಾರ್ಟಿಗಳಿಂತ ಹೆಚ್ಚಾಗಿ ಕಂಗನಾ ಅವರ ಹಾಟ್​ ಫೋಟೋಗಳು ವೈರಲ್​ ಆಗಿದ್ದವು. ಲೇಸ್ ಬ್ರಾಲೆಟ್​ ಡ್ರೆಸ್​ನಲ್ಲಿ ಮಿಂಚಿದ್ದ ಕಂಗನಾ, ಇದರಲ್ಲಿ ಸಿಕ್ಕಾಪಟ್ಟೆ ಹಾಟ್​ ಆಗಿ ಕಾಣಿಸಿಕೊಂಡಿದ್ದರು​. ಆದರೆ ಆಗಲೂ ಎಂದಿನಂತೆ ಕೆಲವರು ಕಂಗನಾರನ್ನು ಟ್ರೋಲ್ ಮಾಡಿದ್ದರು.
Published by:Anitha E
First published: