Kamal Haasan: ನಟ ಕಮಲ್ ಹಾಸನ್ ಮುಂದಿನ ಚಿತ್ರಕ್ಕೆ ಮೂವರು ಹೀರೋಯಿನ್​ಗಳು!

ಹಲವಾರು ದಶಕಗಳ ಕಾಲ ಚಿತ್ರರಂಗದಲ್ಲಿ ಶ್ರಮಿಸಿದ್ದ ನಟ ಕಮಲ್​ ಹಾಸನ್​ ತಮಿಳುನಾಡಿನ ರಾಜಕೀಯಕ್ಕೆ ಧುಮುಕಿದ್ದಾರೆ. ಪಕ್ಷ ಕಟ್ಟುವ ಕೆಲಸದಲ್ಲಿ ಬ್ಯುಸಿ ಇರುವ ಅವರು ಸಿನಿಮಾದಿಂದ ದೂರ ಉಳಿದಿಲ್ಲ. ಈಗ ಅವರ ಮುಂದಿನ ಸಿನಿಮಾ ಸಖತ್​ ಆಕ್ಷನ್​ ಥ್ರಿಲ್ಲರ್​ ಇರಲಿದ್ದು, ಈ ಸಿನಿಮಾಗೆ ಮೂವರು ಹೀರೋಯಿನ್​ಗಳಂತೆ!

ಹೌದು, ಹೀಗೊಂದು ವಿಚಾರ ಕಾಲಿವುಡ್​ ಅಂಗಳದಲ್ಲಿ ಹರಿದಾಡುತ್ತಿದೆ. ಕಮಲ್​ ಹಾಸನ್​ ತಲೈವನ್ ಇರುಕ್ಕಿರಾನ್​ ಸಿನಿಮಾದಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ. ಲಾಕ್​ಡೌನ್​ ಪೂರ್ಣಗೊಂಡ ನಂತರ ಈ ಚಿತ್ರದ ಕೆಲಸಗಳು ಆರಂಭವಾಗಲಿದೆಯಂತೆ. ಈ ಸಿನಿಮಾಗೆ ಮೂರು ಹೀರೋಯಿನ್​ಗಳು ಎನ್ನುವ ಮಾತು ಈಗ ಕೇಳಿ ಬಂದಿದೆ.

ಈ ಸಿನಿಮಾದಲ್ಲಿ ತಮಿಳಿನಿನ ಸ್ಟಾರ್​ ನಟ ವಿಜಯ್​ ಸೇತುಪತಿ ವಿಲನ್​ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ. ಲೇಟೆಸ್ಟ್​ ಅಪ್ಡೇಟ್​ ಎಂದರೆ, 1992ರಲ್ಲಿ ತೆರೆಕಂಡಿದ್ದ ತೇವರ್​ ಮಗನ್​ ಸಿನಿಮಾದ ಸಹ ನಟಿ ರೇವತಿ, ವಿಶ್ವರೂಪಂ ಸಿನಿಮಾದ ನಾಯಕಿಯರಾದ ಆಂಡ್ರಿಯಾ ಜೆರೆಮಿಯ ಹಾಗೂ ಪೂಜಾ ಕುಮಾರ್​ ಈ ಚಿತ್ರದಲ್ಲಿ ನಾಯಕಿಯರಾಗಿ ಕಾಣಿಸಿಕೊಳ್ಳಲಿದ್ದಾರೆ.

ಇದನ್ನೂ ಓದಿ: ತಂದೆಯ ಹುಟ್ಟುಹಬ್ಬಕ್ಕೆ ಮನಮುಟ್ಟುವಂತಹ ವಿಡಿಯೋ ಹಂಚಿಕೊಂಡ ರಿತೇಶ್ ದೇಶ್​ಮುಖ್

ಈ ಚಿತ್ರಕ್ಕೆ ಆಸ್ಕರ್​ ವಿಜೇತ ಎಆರ್​ ರೆಹಮಾನ್​ ಸಂಗೀತ ಸಂಯೋಜನೆ ಮಾಡಲಿದ್ದಾರೆ. ಕಮಲ್​ ಹಾಸನ್​ ಅವರೇ ಈ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಲೈಕಾ ಪ್ರೊಡಕ್ಷನ್​ ಹಾಗೂ ಕಮಲ್​ ಜಂಟಿಯಾಗಿ ಈ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ.