Big Boss ನಿರೂಪಣೆಗೆ ಈ ಸ್ಟಾರ್ ನಟ ಗುಡ್‌ ಬೈ, ಹಾಗಿದ್ರೆ ಇನ್ಯಾರು ಬರ್ತಾರೆ!

ಬಿಗ್​ಬಾಸ್ (Big Boss)​.. ಕಿರುತೆರೆಯ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋ (Reality Show). ಈ ಕಾರ್ಯಕ್ರಮ ಅಂದರೆ ಎಲ್ಲರಿಗೂ ಅಚ್ಚುಮೆಚ್ಚು. ಒಂದೇ ಮನೆಲಿ 12 ರಿಂದ 13 ಸೆಲೆಬ್ರಿಟಿ (Celebrity)ಗಳು 100 ದಿನ ಜೊತೆಯಾಗಿರುಗ ಈ ಶೋ, ನೋಡೋಕೆ ಒಂದು ಥ್ರಿಲ್ (Thrill)​. ಎಲ್ಲ ಭಾಷೆಗಳಲ್ಲೂ ಬಿಗ್​ ಬಾಸ್​ ಶೋ ಬಂದಿದೆ. ಕನ್ನಡದಲ್ಲಿ ಕಿಚ್ಚ ಸುದೀಪ್ (Kiccha Sudeep)​ ಅವರು ನಿರೂಪಕರಾಗಿದ್ದರೆ, ಹಿಂದಿಯಲ್ಲಿ ಬಜರಂಗಿ ಭಾಯ್​​ಜಾನ್​ ಸಲ್ಮಾನ್​ ಖಾನ್ (Salman Khan)​ ಬಿಗ್​ ಬಾಸ್​​ ನಡೆಸಿಕೊಡುತ್ತಾರೆ. ಇನ್ನೂ ತೆಲುಗಿನಲ್ಲಿ ನಾಗಾರ್ಜುನ (Nagarajuna) ಅವರು ಈ ರಿಯಾಲಿಟಿ ಶೋ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ಇತ್ತ ತಮಿಳಿನಲ್ಲಿ ಉಳಗನಯನನ್​ ಕಮಲ್​ ಹಾಸನ್ (Kamal Haasan)​ ಬಿಗ್​ ಬಾಸ್​ ಶೋ ಹೋಸ್ಟ್​ ಆಗಿದ್ದರು. ಇದೀಗ ಈ ಜವಾಬ್ದಾರಿಯಿಂದ ನಟ ಕಮಲ್​ ಹಾಸನ್​ ಹಿಂದೆ ಸರಿದಿದ್ದಾರೆ. ಇನ್ನೂ ಮುಂದೆ ತಮಿಳಿನ ಬಿಗ್​ ಬಾಸ್​ ಶೋ ಕಮಲ್​ ಹಾಸನ್​ ನಿರೂಪಣೆ ಮಾಡುವುದಿಲ್ಲ. ಈ ಸುದ್ದಿ ಅಧಿಕೃತವಾಗಿ ಬಂದಿದೆ. 

ನಿರೂಪಣೆ ಮಾಡಲ್ವಂತೆ ಕಮಲ್​ ಹಾಸನ್​!

ತಮಿಳು ಬಿಗ್​ ಬಾಸ್​ ನಿರೂಪಕನ ಸ್ಥಾನಕ್ಕೆ ವಿದಾಯ ಹೇಳಲು ಕಮಲ್​ ಹಾಸನ್​ ತೀರ್ಮಾನಿಸಿದ್ದಾರೆ. ಇದು ಅವರ ಅಭಿಮಾನಿಗಳಿಗೆ ಬೇಸರ ಮೂಡಿಸಿದೆ. ಕಮಲ್​ ಹಾಸನ್​ ಕೈಯಲ್ಲಿ ಸಾಲು ಸಾಲು ಸಿನಿಮಾಗಳಿವೆ, ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದಾರೆ. ಕೇವಲ ನಟನೆಯಷ್ಟೇ ಅಲ್ಲದೇ ನಿರ್ದೇಶನ, ನಿರ್ಮಾಣ, ರಾಜಕೀಯ ರಂಗದಲ್ಲೂ ಕಮಲ್​ ಹಾಸನ್​ ಬ್ಯುಸಿ.  ಇದೆಲ್ಲದರ ನಡುವ ಬಿಗ್​ ಬಾಸ್​ ತಮಿಳು ಅಲ್ಟಿಮೇಟ್​ ಕಾರ್ಯಕ್ರಮದ ನಿರೂಪಣ ಮಾಡುತ್ತಿದ್ದರು. ಇದು ತಮಿಳು ಬಿಗ್​ಬಾಸ್ ಒಟಿಟಿ ವರ್ಷನ್​, ಆದರೆ, ಈಗ ಅವರು ಈ ಶೋ ನಿರೂಪಣೆಯಿದ ಹೊರಬುರುವುದಾಗಿ ತಿಳಿಸಿದ್ದಾರೆ.

‘ವಿಕ್ರಮ್’​ ಸಿನಿಮಾ ಕೆಲಸದಲ್ಲಿ ತೊಡಗಿಕೊಂಡಿರುವ ಕಮಲ್​!

ಕಮಲ್​ ಹಾಸನ್​ ಅವರು ಬಹುನಿರೀಕ್ಷಿತ ‘ವಿಕ್ರಮ್​’ ಸಿನಿಮಾದ ಕೆಲಸಗಳಲ್ಲಿ ತೊಡಗಿಕೊಂಡಿದ್ದಾರೆ. ಖ್ಯಾತ ನಿರ್ದೇಶಕ ಲೋಕೇಶ್​ ಕನಗರಾಜ್​ ಚಿತ್ರಕ್ಕೆ ಆ್ಯಕ್ಷ ನ್​ ಕಟ್​ ಹೇಳುತ್ತಿದ್ದಾರೆ. ಬಿಗ್​ ಬಾಸ್​ನಿಂದಾಗಿ ಈ ಸಿನಿಮಾದ ಶೂಟಿಂಗ್​ ಮತ್ತು ಇತರೆ ಕೆಲಸಗಳಿಗೆ ತೊಂದರೆಯಾಗುತ್ತಿದೆ. ಹಾಗಾಗಿ ಇವರು ಬಿಗ್​ ಬಾಸ್​ ತಮಿಳು ಅಲ್ಟಿಮೇಟ್​ ಶೋ ನಿಂದ ಹೊರಬರಲು ತೀರ್ಮಾನಿಸಿದ್ದಾರೆ.

ಇದನ್ನೂ ಓದಿ: ಮತ್ತೊಬ್ಬ ಯುವ ನಿರ್ದೇಶಕನಿಗೆ ಕಾಲ್​ಶಿಟ್​ ಕೊಟ್ಟ ರಜನಿಕಾಂತ್​.. ಇದು ಬೇರೆ ಲೆವೆಲ್​ ಸಿನಿಮಾ ಅಂತೆ!

ಎರಡೂ ಡೇಟ್ ​ಕ್ಲ್ಯಾಶ್ ಆಗಿದೆ ಎಂದ ಕಮಲ್​​

‘ನನ್ನ ನಟನೆಯ ‘ವಿಕ್ರಮ್​’ ಸಿನಿಮಾ ಮತ್ತು ಬಿಗ್​ ಬಾಸ್​ ಕಾರ್ಯಕ್ರಮದ ಶೂಟಿಂಗ್​ ನಡುವೆ ಕ್ಲ್ಯಾಶ್​ ಆಗಬಾರದು ಎಂದು ಎರಡೂ ತಂಡಗಳು ಕಷ್ಟಪಟ್ಟು ಈ ದಿನದವರೆಗೂ ಪ್ಲ್ಯಾನ್​ ಮಾಡುತ್ತಿದ್ದವು. ಆದರೆ ಎರಡೂ ಪ್ರಾಜೆಕ್ಟ್​ಗಳನ್ನು ಏಕಕಾಲಕ್ಕೆ ಮಾಡಲು ನನಗೆ ಪ್ರಾಯೋಗಿಕವಾಗಿ ಸಾಧ್ಯವಾಗುತ್ತಿಲ್ಲ. ಲಾಕ್​ಡೌನ್​ ಮತ್ತು ಕೊರೊನಾ ನಿರ್ಬಂಧದ ಕಾರಣದಿಂದ ‘ವಿಕ್ರಮ್​’ ಸಿನಿಮಾದ ಕೆಲಸಗಳು ಮುಂದೂಡಲ್ಪಟ್ಟವು. ಅದರ ಪರಿಣಾಮವಾಗಿ ಬಿಗ್​ ಬಾಸ್​ ಅಲ್ಟಿಮೇಟ್​ ಶೋಗೆ ನೀಡಿದ್ದ ಡೇಟ್ಸ್​ ಜೊತೆ ಈಗ ಕ್ಲ್ಯಾಶ್​ ಆಗಿದೆ’ ಎಂದು ಕಮಲ್​ ಹಾಸನ್​ ಹೇಳಿದ್ದಾರೆ.

ಇದನ್ನೂ ಓದಿ: ‘ದಳಪತಿ’ ನೋಡಲು ಮುಗಿಬಿದ್ದ ಫ್ಯಾನ್ಸ್, ತಮಿಳು ನಟ ವಿಜಯ್ ಕೈ ಮುಗಿದು ಕ್ಷಮೆಯಾಚಿಸಿದ್ದು ಯಾಕೆ ಗೊತ್ತಾ?

ವಿಕ್ರಮ್​ ಸಿನಿಮಾದಲ್ಲಿ ಘಟಾನುಘಟಿಗಳ ಸಮಾಗಮ!

‘ವಿಕ್ರಮ್​’ ಸಿನಿಮಾದಲ್ಲಿ ನನ್ನ ಸಲುವಾಗಿ ದೊಡ್ಡ ದೊಡ್ಡ ಸ್ಟಾರ್​ ನಟರು ಮತ್ತು ತಂತ್ರಜ್ಞರು ಕಾಯುವಂತೆ ಮಾಡುವುದು ನ್ಯಾಯಸಮ್ಮತ ಅಲ್ಲ’ ಎಂದು ಕಮಲ್​ ಹಾಸನ್​ ಹೇಳಿದ್ದಾರೆ. ಸದ್ಯ ಹೊಸದಾಗಿ ಬಿಗ್​ ಬಾಸ್​ ನಿರೂಪಕನ ಸ್ಥಾನಕ್ಕೆ ಯಾರು ಬರಲಿದ್ದಾರೆ ಎಂಬ ಕೌತುಕ ಮೂಡಿದೆ. ಇನ್ನೂ ಇವರ ಜಾಗಕ್ಕೆ ಯಾರಾದರೂ ಸೂಪರ್​ ಸ್ಟಾರ್ ನಟನನ್ನೆ ಕರೆತರಬೇಕೆಂದು ತಂಡ ನಿರ್ಧರಿಸಿದೆ.