ಬ್ಯಾಡ್ಮಿಂಟನ್ ತಾರೆ ಜ್ವಾಲಾ ಗುಟ್ಟಾರನ್ನು ವರಿಸಲಿದ್ದಾರೆ ಕಾಲಿವುಡ್​ನ ಈ ಖ್ಯಾತ ನಟ!

ಕಾಲಿವುಡ್​ ನಟ ವಿಷ್ಣು ವಿಶಾಲ್​ ಶುಕ್ರವಾರದಂದು ತಮ್ಮ 36ನೇ ಹಟುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಅಷ್ಟು ಮಾತ್ರವಲ್ಲದೆ, ಅದೇ ದಿನ ಬ್ಯಾಡ್ಮಿಂಟನ್​ ತಾರೆ ಜ್ವಾಲಾ ಗುಟ್ಟಾ ಅವರು ವಿಷ್ಣು ವಿಶಾಲ್​ ಮನೆಗೆ ದಿಢೀರ್​ ಭೇಟಿ ನೀಡುವ ಮೂಲಕ ಅವರಿಗೆ ಸರ್​ಪ್ರೈಸ್​ ನೀಡಿದ್ದಾರೆ. ಸದ್ಯ ಇವರಿಬ್ಬರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.

ಮತ್ತೊಂದೆಡೆ ಕಾಲಿವುಡ್​​ನಲ್ಲಿ ವಿಷ್ಣು ವಿಶಾಲ್​ ಮತ್ತು ಜ್ವಾಲಾ ಗುಟ್ಟಾ ಅವರ ನಡುವೆ ಲವ್ಚಿಡವ್ವಿ ನಡೀತಾ ಇದೆ ಎಂಬ ಮಾತುಗಳು ಕೂಡ ಕೇಳಿಬರುತ್ತಿದೆ. ಶೀಘ್ರದಲ್ಲೇ ಈ ಜೋಡಿಗಳು ಹಸೆಮಣೆ ಏರಲಿದ್ದಾರೆ ಎಂಬ ಗುಸುಗುಸು ಮಾತುಗಳು ಹರಿದಾಡುತ್ತಿದೆ. ಜ್ವಾಲಾ ಗುಟ್ಟಾ ಕೂಡ ತಮ್ಮ ಮದುವೆ ಸಿದ್ಧತೆ ಬಗ್ಗೆ ಸಂದರ್ಶನದಲ್ಲೊಂದರಲ್ಲಿ ಹೇಳಿಕೊಂಡಿದ್ದರು.

ಇತ್ತೀಚೆಗೆ ವಿಶಾಲ್​ಗೆ ಅಭಿಮಾನಿಗಳು ಜ್ವಾಲಾ ಗುಟ್ಟರೊಂದಿಗಿನ ಸ್ನೇಹದ ಬಗ್ಗೆ ಪ್ರಶ್ನೆ ಮುಂದಿಟ್ಟಿದ್ದರು. ಇದಕ್ಕೆ ಉತ್ತರಿಸಿದ ವಿಶಾಲ್​ ತನ್ಮ ತಂಗಿಯ ಮದುವೆ ಸಂಗೀತ ಕಾರ್ಯಕ್ರಮದಲ್ಲಿ ಜ್ವಾಲಾರನ್ನು ಮೊದಲು ಭೇಟಿ ಮಾಡಿದ್ದೆ ಎಂದು ಹೇಳಿಕೊಂಡಿದ್ದಾರೆ.

My bday suprise...😁@Guttajwala pic.twitter.com/HPURz48K80

— VISHNU VISHAL - stay home stay safe (@TheVishnuVishal) July 16, 2020

ಆದರೀಗ ಟಾಲಿವುಡ್​ನಲ್ಲಿ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ ವಿಶಾಲ್​ ಮತ್ತು ಜ್ವಾಲ ಗುಟ್ಟಾರನ್ನು ಪ್ರೀತಿಸುತ್ತಿದ್ದಾರೆ. ಸದ್ಯದಲ್ಲೇ ಈ ಜೋಡಿ ಮದುವೆಯಾಗಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿದೆ.