ಅಲ್ಲಿ ನಾಯಕ ಇಲ್ಲಿ ಖಳನಾಯಕ: ಸಲಾರ್​ನಲ್ಲಿ ಇರಲಿದೆಯಾ ಸ್ಟಾರ್ ನಟನ ದರ್ಬಾರ್..?

ಟಾಲಿವುಡ್​ ಯಂಗ್ ಟೈಗರ್ ಜೂ. ಎನ್​ಟಿಆರ್​ಗೂ ಕೆಜಿಎಫ್ ನಿರ್ದೇಶಕರು ಆ್ಯಕ್ಷನ್ ಕಟ್ ಹೇಳಲಿದ್ದಾರೆ. ಅದಕ್ಕೂ ಪ್ರಶಾಂತ್ ನೀಲ್ ಅವರ ಕೆಜಿಎಫ್ ಚಾಪ್ಟರ್-2 ಬಿಡುಗಡೆಯಾಗಲಿದೆ.

Salaar-Prashanth Neel

Salaar-Prashanth Neel

  • Share this:
    ಸ್ಯಾಂಡಲ್​ವುಡ್​ನ ಖ್ಯಾತ ನಿರ್ದೇಶಕ ಪ್ರಶಾಂತ್ ನೀಲ್​ಗಾಗಿ ಬಂಡವಾಳವನ್ನು ಹೂಡಲು ಬಾಲಿವುಡ್ ಸೇರಿದಂತೆ ಹಲವು ವುಡ್​ಗಳ​ ನಿರ್ಮಾಪಕರು ಕಾದು ಕುಳಿತಿರುವುದು ಗೊತ್ತಿರುವ ವಿಷಯ. ಅದ್ಭುತ ಮೇಕಿಂಗ್ ಮೂಲಕ 'ಕೆ.ಜಿ.ಎಫ್' ಎಂಬ ಚಿತ್ರವನ್ನು ವಿಶ್ವದಲ್ಲಿ ಗುರುತಿಸಿಕೊಳ್ಳುವಂತೆ ಮಾಡಿದ ಹಿರಿಮೆ ನೀಲ್ ಅವರದ್ದು. ಹೀಗಾಗಿಯೇ ನಿರ್ಮಾಪಕರ ದಂಡೇ ಕನ್ನಡ ನಿರ್ದೇಶಕನ ಕಾಲ್​ಶೀಟ್​ಗಾಗಿ ಕಾಯುತ್ತಿದೆ. ಅಷ್ಟೇ ಅಲ್ಲ ನೀಲ್ ಅವರ ಚಿತ್ರದಲ್ಲಿ ನಟಿಸಲು ಸ್ಟಾರ್ ನಟರುಗಳೂ ಕೂಡ ಕ್ಯೂನಲ್ಲಿದ್ದಾರೆ.

    ಇದಕ್ಕೆ ಸಾಕ್ಷಿಯೇ ಬಾಹುಬಲಿ ಪ್ರಭಾಸ್ ಏಕಾಏಕಿ ಪ್ರಶಾಂತ್ ನೀಲ್ ಅವರಿಗೆ ಕಾಲ್​ಶೀಟ್ ನೀಡಿರುವುದು. ಟಾಲಿವುಡ್​ ಯಂಗ್ ಟೈಗರ್ ಜೂ. ಎನ್​ಟಿಆರ್​ಗೂ ಕೆಜಿಎಫ್ ನಿರ್ದೇಶಕರು ಆ್ಯಕ್ಷನ್ ಕಟ್ ಹೇಳಲಿದ್ದಾರೆ. ಅದಕ್ಕೂ ಪ್ರಶಾಂತ್ ನೀಲ್ ಅವರ ಕೆಜಿಎಫ್ ಚಾಪ್ಟರ್-2 ಬಿಡುಗಡೆಯಾಗಲಿದೆ. ಇದರ ಬೆನ್ನಲ್ಲೇ ಟಾಲಿವುಡ್​ ರೆಬೆಲ್ ಸ್ಟಾರ್ ಜೊತೆ ಸಲಾರ್ ಶೂಟಿಂಗ್ ಆರಂಭಿಸಲಿದ್ದಾರೆ.

    ಒಂದೆಡೆ ಕೆಜಿಎಫ್ ಚಾಪ್ಟರ್-2 ಬಗ್ಗೆ ಬ್ಯಾಕ್ ಟು ಬ್ಯಾಕ್ ಅಪ್​ಡೇಟ್ ನೀಡುವ ಮೂಲಕ ನೀಲ್, ಯಶ್ ಅಭಿಮಾನಿಗಳ ಕುತೂಹಲಕ್ಕೆ ಕಿಚ್ಚು ಹಚ್ಚುತ್ತಿದ್ದಾರೆ. ಅತ್ತ ಪ್ರಭಾಸ್ ಅಭಿಮಾನಿಗಳು ಸಹ ಸಲಾರ್ ಚಿತ್ರದ ಅಪ್​ಡೇಟ್​ಗಳಿಗಾಗಿ ಚಾತಕ ಪಕ್ಷಿಗಳಂತೆ ಕಾದು ಕುಳಿತಿದ್ದಾರೆ. ಏಕೆಂದರೆ ಸಲಾರ್ ಮಾಸ್ ಸಿನಿಮಾ ಎಂಬುದು ಈಗಾಗಲೇ ಬಹಿರಂಗವಾಗಿದೆ. ಆದರೆ ಮಾಸ್​ ಹೀರೋಗೆ ಕ್ಲಾಸ್ ವಿಲನ್ ಯಾರು ಎಂಬ ಕೌತುಕ ಚಿತ್ರಪ್ರೇಮಿಗಳಲ್ಲಿದೆ. ಆದರೆ ಅತ್ತ ಸಲಾರ್ ಚಿತ್ರದ ಖಳನಾಯಕನಾಗಲಿರುವುದು ಬಾಲಿವುಡ್ ನಾಯಕ ಎಂಬ ಸುದ್ದಿಯೊಂದು ಹುಟ್ಟಿಕೊಂಡಿದೆ.

    ಹೌದು, ಬಾಲಿವುಡ್ ಹಂಕ್ ಜಾನ್ ಅಬ್ರಾಹಂ ಸಲಾರ್ ಚಿತ್ರದಲ್ಲಿ ವಿಲನ್ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿಯೊಂದು ಟಾಲಿವುಡ್​ನಲ್ಲಿ ಹರಿದಾಡುತ್ತಿದೆ. ಧೂಮ್ ಚಿತ್ರದ ಖಳನಾಯಕನನ್ನು ಸಲಾರ್ ಚಿತ್ರಕ್ಕಾಗಿ ಕರೆತರಲು ಕೆಜಿಎಫ್ ನಿರ್ಮಾಪಕರು ಬಿಗ್ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.

    ಇನ್ನು ಜಾನ್ ಅಬ್ರಾಹಂ ಕೂಡ ಸತ್ಯಮೇವ ಜಯತೆ-2 ಚಿತ್ರದಲ್ಲಿ ಬಿಝಿಯಾಗಿದ್ದು, ಇದರ ಬಳಿಕ ಯಾವುದೇ ಚಿತ್ರಕ್ಕೂ ಡೇಟ್ಸ್ ನೀಡಿಲ್ಲ ಎನ್ನಲಾಗಿದೆ. ಹಾಗಾಗಿ ಪ್ರಭಾಸ್ ಹಾಗೂ ಜಾನ್ ಸಲಾರ್ ಚಿತ್ರದಲ್ಲಿ ಧೂಮ್ ಮಚಾಯಿಸಲಿದ್ದಾರೆ ಎಂದೇ ಹೇಳಲಾಗುತ್ತಿದೆ. ಆದರೆ ಈ ಬಗ್ಗೆ ಚಿತ್ರತಂಡವಾಗಲಿ, ನಿರ್ಮಾಪಕರಾಗಲಿ ಯಾವುದೇ ಅಧಿಕೃತ ಹೇಳಿಕೆ ಬಿಡುಗಡೆ ಮಾಡಿಲ್ಲ. ಹೀಗಾಗಿ ಸಲಾರ್​ನಲ್ಲಿ ಯಾರೆಲ್ಲಾ ದರ್ಬಾರ್​ ಮಾಡಲಿದ್ದಾರೆ ಎಂಬುದನ್ನು ಅಧಿಕೃತವಾಗಲು ಇನ್ನಷ್ಟು ದಿನ ಕಾಯಬೇಕಿದೆ.
    Published by:zahir
    First published: