Thalaivii: ತನ್ನ ಬಯೋಪಿಕ್​ನಲ್ಲಿ ಐಶ್ವಯಾ ರೈ ನಾಯಕಿಯಾಗಬೇಕೆಂದು ಬಯಸಿದ್ದ ಜಯಲಲಿತಾ..!

ಕಂಗನಾ ರನೋತ್  (Kangana Ranaut) ಅವರು  ಜಯಲಲಿತಾ (Jayalalithaa) ಪಾತ್ರದಲ್ಲಿ ನಟಿಸಿರುವ ಸಿನಿಮಾ ತಲೈವಿ (Thalaivii) ನಿನ್ನೆಯಷ್ಟೆ ಬಿಡುಗಡೆಯಾಗಿದ್ದು, ಎಲ್ಲೆಡೆ ಯಸಸ್ವಿ ಪ್ರದರ್ಶನ ಕಾಣುತ್ತಿದೆ. ಜೊತೆಗೆ ಉತ್ತಮ ಪ್ರತಿಕ್ರಿಯೆ ಸಹ ಪಡೆದುಕೊಳ್ಳುತ್ತಿದೆ. ಅದರಲ್ಲೂ ಕಂಗನಾ ಅಭಿನಯಕ್ಕೆ ಸಿಕ್ಕಾಪಟ್ಟೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಇದು ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜಯಲಲಿತಾ ಅವರ ಜೀವನಾಧಾರಿತ ಸಿನಿಮಾ (Biopic) ಆಗಿದೆ. ಇನ್ನು ಈ ಸಿನಿಮಾ ರಿಲೀಸ್ ಆಗುತ್ತಿದ್ದಂತೆಯೇ ಜಯಲಲಿತಾ ಅವರ ಬಯೋಪಿಕ್​ಗೆ ಸಂಬಂಧಿಸಿದ ವಿಷಯವೊಂದು ಹರಿದಾಡುತ್ತಿದೆ. ಅದೇ ಜಯಲಲಿತಾ ಅವರಿಗೆ ತಮ್ಮ ಜೀವನಾಧಾರಿತ ಸಿನಿಮಾದಲ್ಲಿ ಬೇರೆ ನಟಿಯಾಗಿ ನಟಿಸಬೇಕೆಂಬ ಆಸೆ ಇತ್ತಂತೆ. ಅದನ್ನು ಅವರೂ ಹೇಳಿಕೊಂಡಿಯೂ ಇದ್ದರಂತೆ.

ಹಿರಯ ನಟಿ ಸಿಮಿ ಗರೆವಾಲ್ (Simi Garewal) ಅವರು ಸಹ ಕಂಗನಾ ಅಭಿನಯದ ತಲೈವಿ ಚಿತ್ರತಂಡ ಆಯೋಜಿಸಲಾಗಿದ್ದ ವಿಶೇಷ ಸ್ಕ್ರೀನಿಂಗ್​ಗೆ ಹೋಗಿದ್ದರಂತೆ. ಸಿನಿಮಾ ನೋಡಿದ ನಂತರ ಟ್ವಿಟರ್​ನಲ್ಲಿ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಜೊತೆಗೆ ತಮಗೆ ತಿಳಿದಿದ್ದ ವಿಷಯವನ್ನೂ ಬರೆದುಕೊಂಡಿದ್ದಾರೆ. ​

Altho I do not support #KanganaRanaut's radical comments..I do support her acting talent. In #Thailavii she gives it her heart & soul! Jaya-ji wanted Aishwarya to play her..my hunch is JJ wud hv approved of Kangana's portrayal👍. As for @thearvindswamy he is MGR reincarnate!!

— Simi Garewal (@Simi_Garewal) September 10, 2021

ಸಾಮಾಜಿಕ ಜಾಲತಾಣದಲ್ಲಿ ಕಂಗನಾ ಕೆಲವು ವಿಷಯಗಳ ಕುರಿತಾಗಿ ಪೋಸ್ಟ್​ ಮಾಡುವ ಅಭಿಪ್ರಾಯಗಳನ್ನು ನಾನು ಇಷ್ಟಪಡುವುದಿಲ್ಲ. ಆದರೆ, ನಟಿಯಾಗಿ ಆಕೆಯನ್ನು ಬೆಂಬಲಿಸುತ್ತೇನೆ. ತಲೈವಿ ಸಿನಿಮಾದಲ್ಲಿ ಕಂಗನಾ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಇದು ಅವರ ಜೀವನದ ಉತ್ತಮ ಸಿನಿಮಾ ಎನ್ನಬಹುದು. ಆದರೆ, ಜಯಲಲಿತಾ ಅವರಿಗೆ ತಮ್ಮ ಬಯೋಪಿಕ್​ನಲ್ಲಿ ಐಶ್ವರ್ಯಾ ರೈ ಅವರು ನಟಿಸಬೇಕು ಅನ್ನೋ ಆಸೆ ಇತ್ತು. ಆದರೆ ಈಗ ಅವರು ಕಂಗನಾ ಅವರನ್ನು ತಮ್ಮ ಪಾತ್ರದಲ್ಲಿ ನೋಡಿದಿದ್ದರೆ, ತುಂಬಾ ಖುಷಿಯಿಂದ ಹೊಗಳುತ್ತಿದ್ದರು. ಜೊತೆಗೆ ಎಂಜಿಆರ್ ಪಾತ್ರದಲ್ಲಿ ಮಿಂಚಿರುವ ಅರವಿಂದ್ ಸ್ವಾಮಿ ಸಹ ಪಾತ್ರದಲ್ಲಿ ಪರಕಾಯ ಪ್ರವೇಶ ಮಾಡಿದ್ದಾರೆ ಎಂದು ಸಿಮಿ ಗೆರೆವಾಲ್ ಟ್ವೀಟ್​ ಮಾಡಿದ್ದಾರೆ.

ಇದನ್ನೂಓದಿ: Raj Kundra-Shamita Shetty ಗೈರಿನಲ್ಲಿ ಮಕ್ಕಳ ಜತೆ ಗಣಪತಿ ಹಬ್ಬ ಆಚರಿಸಿದ Shilpa Shetty

ಕಂಗನಾ ರಾಜಕೀಯ ಪ್ರವೇಶ

ಸಿನಿಮಾದ ಪ್ರಚಾರ ಕಾರ್ಯದಲ್ಲಿ ತೊಡಗಿಕೊಂಡಿದ್ದ ಕಂಗನಾ ರನೋತ್ ತಮ್ಮ ರಾಜಕೀಯ ಪ್ರವೇಶ ಕುರಿತಂತೆ ಮಾತನಾಡಿದ್ದರು. 'ನಾನು ರಾಷ್ಟ್ರೀಯವಾದಿ ಹಾಗೂ ನಾನು ನನ್ನ ದೇಶಕ್ಕಾಗಿ ಮಾತನಾಡುತ್ತೇನೆ. ಅದಕ್ಕೆ ನಾನು ರಾಜಕಾರಣಿಯಾಗಬೇಕಿಲ್ಲ. ಅದಕ್ಕೆ ಜವಾಬ್ದಾರಿ ಇರುವ ನಾಗರಿಕರಾಗಿದ್ದರೆ ಸಾಕು. ರಾಜಕೀಯಕ್ಕೆ ಬರಲು ನನಗೆ ಸಾರ್ವಜನಿಕರ ಬೆಂಬಲ ಬೇಕು. ಆದರೆ, ಸದ್ಯಕ್ಕೆ ನಾನು ನಟಿಯಾಗಿ ಖುಷಿಯಾಗಿದ್ದೇನೆ. ಭವಿಷ್ಯದಲ್ಲಿ ಜನರು ನನಗೆ ಇಷ್ಟಪಟ್ಟು ಬೆಂಬಲ ನೀಡಿದರೆ, ಖಂಡಿತ ನಾನು ಖುಷಿಯಿಂದ ರಾಜಕೀಯಕ್ಕೆ ಬರುತ್ತೇನೆ' ಎಂದು ಸ್ಪಷ್ಟಪಡಿಸಿದ್ದಾರೆ.

ತಲೈವಿ ಸಿನಿಮಾ ಒಟಿಟಿಯಲ್ಲಿ ಇನ್ನೇನು ತೆರೆ ಕಾಣಬೇಕಿದೆ. ನೆಟ್​ಫ್ಲೆಕ್ಸ್, ಅಮೆಜಾನ್​ ಪ್ರೈಮ್​ನಲ್ಲಿ ತಲೈವಿ ಚಿತ್ರವನ್ನು ರಿಲೀಸ್ ಮಾಡಲಿದ್ದಾರೆ. ನೆಟ್​ಫ್ಲಿಕ್ಸ್​ನಲ್ಲಿ ತಲೈವಿ ಹಿಂದಿ ವರ್ಷನ್, ಅಮೆಜಾನ್ ಪ್ರೈಂನಲ್ಲಿ ತೆಲುಗು, ತಮಿಳು ಹಾಗೂ ಮಲಯಾಳಂ ವರ್ಷನ್ ಚಿತ್ರಗಳು ತೆರೆಕಾಣಲಿವೆ. ಈ ಹಿಂದೆ ದೊಡ್ಡ ಮಟ್ಟದಲ್ಲಿ ಆಫರ್​ ಸಿಕ್ಕರೂ ನಿರ್ಮಾಪಕರು ಒಟಿಟಿಯಲ್ಲಿ ರಿಲೀಸ್​ ಮಾಡಲು ಹಿಂಜರಿಯುತ್ತಿದ್ದರು. ಆದರೆ, ಈಗ ತಲೈವಿ ಸಿನಿಮಾದ ನಿರ್ಮಾಪಕರು ಮಾತ್ರ ಒಟಿಟಿ ಹಾಗೂ ಚಿತ್ರಮಂದಿರಗಳಲ್ಲಿ ರಿಲೀಸ್ ಮಾಡಿದ್ದಾರೆ. ಈ ಸಿನಿಮಾದ ಒಟಿಟಿ ರಿಲೀಸ್​ಗೆ 55 ಕೋಟಿ ಹಣ ಸಿಕ್ಕಿದೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ: Ganesh Chaturthi: ಪತಿ ನಿಖಿಲ್​ ಕುಮಾರಸ್ವಾಮಿ ಜೊತೆ ಗಣಪನ ಪೂಜೆ ಮಾಡಿದ ರೇವತಿ: ಇಲ್ಲಿವೆ ಲೆಟೆಸ್ಟ್​ ಫೋಟೋಗಳು..!

ನಟಿ ಮತ್ತು ರಾಜಕಾರಣಿ ಆಗಿದ್ದ ಜೆ ಜಯಲಲಿತಾ ಆರು ಬಾರಿ ತಮಿಳುನಾಡಿನ ಮುಖ್ಯಮಂತ್ರಿ ಆಗಿದ್ದರು. ಕಂಗನಾ ಅಭಿನಯದ ತಲೈವಿ ಸಿನಿಮಾ ತಮಿಳು, ಹಿಂದಿ ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ. ಏಪ್ರಿಲ್ 30ರಂದೇ ಬಿಡುಗಡೆ ಆಗಬೇಕಿತ್ತಾದರೂ, ಕೋವಿಡ್ ಎರಡನೇ ಅಲೆಯ ಕಾರಣದಿಂದಾಗಿ ಮುಂದೂಡಲ್ಪಟ್ಟಿತ್ತು. ಬಳಿಕ ನಿರ್ಮಾಪಕರು ಸೆಪ್ಟೆಂಬರ್‌ನಲ್ಲಿ ಚಿತ್ರ ಬಿಡುಗಡೆ ಮಾಡಲು ನಿರ್ಧರಿಸಿದರು.