Totapuri Trailer: ಸಖತ್​ ಸೌಂಡ್​ ಮಾಡ್ತಿದೆ 'ತೋತಾಪುರಿ'​! ಆದ್ರೂ, ಸ್ವಲ್ಪ ಡೈಲಾಗ್ಸ್​ ಓವರ್​ ಆಯ್ತು ಎಂದ ಫ್ಯಾನ್ಸ್​

ಈ ನಿರ್ದೇಶಕನ ಸಿನಿಮಾಗಳೇ ಹಾಗೇ. ಡಬಲ್​ ಮಿನಿಂಗ್ ಡೈಲಾಗ್ಸ್ (Double Meaning Dialogues)​​, ಮಿನಿಂಗ್​ಫುಲ್ ಸ್ಟೋರಿ (Meaning Full Story). ನಗು ನಗುತ್ತಲೇ ಜೀವನಕ್ಕೆ ಒಂದೊಳ್ಳೆ ಮೆಸೇಜ್ ನೀಡುವ ನಿರ್ದೇಶಕ ಅಂದರೆ, ಅದು ವಿಜಯ್​ ಪ್ರಸಾದ್​ (Vjay Prasad). ಕನ್ನಡ ಚಿತ್ರರಂಗದ ಅಂಡರ್‌ ರೇಟೆಡ್ ನಿರ್ದೇಶಕರು. ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಚಾಪು ಮೂಡಿಸಿದ್ದಾರೆ ವಿಜಯ್ ಪ್ರಕಾಶ್​. 'ಸಿದ್ಲಿಂಗು' (Sidlingu), 'ನೀರ್​ ದೋಸೆ'  (Neer Dose) ಯಂತಹ ಡಿಫ್ರೆಂಟ್​ ಜಾನರ್​ ಸಿನಿಮಾ ಮಾಡಿ ಸೈ ಎನಿಸಿಕೊಂಡಿದ್ದಾರೆ. ಇದಾದ ಬಳಿಕ ನವರಸ ನಾಯಕ ಜಗ್ಗೇಶ್ (Jaggesh)​ ಜೊತೆಗೂಡಿ 'ತೋತಾಪುರಿ' (Totapuri) ಎಂಬ ಸಿನಿಮಾ ಅನೌನ್ಸ್​ ಮಾಡಿದ್ದರು. ಟೈಟಲ್​ನಲ್ಲೇ ಜನರ ನಿರೀಕ್ಷೆ ಹೆಚ್ಚು ಮಾಡಿದ್ದ ವಿಜಯ್​ ಪ್ರಸಾದ್​ ಅವರ ಸಿನಿಮಾದ ಟ್ರೈಲರ್​ ರಿಲೀಸ್​ ಆಗಿದೆ. 'ತೋತಾಪುರಿ' ಸಿನಿಮಾದ ಟ್ರೈಲರ್​ ಅನ್ನು ಸ್ಯಾಂಡಲ್​ವುಡ್​ ಬಾದ್​ಶಾ ಕಿಚ್ಚ ಸುದೀಪ್ (Kiccha Sudeep)​ ಬಿಡುಗಡೆ ಮಾಡಿದ್ದಾರೆ. ಟ್ರೈಲರ್​ ಈಗಾಗಲೇ ಯೂಟ್ಯೂಬ್​ನಲ್ಲೂ ಸಖತ್ ಸೌಂಡ್ ಮಾಡುತ್ತಿದೆ. ಆದರೆ, ಟ್ರೈಲರ್​ ನೋಡಿದ ಕೆಲವು ಮಂದಿ ಇದಕ್ಕೆ ವಿರೋಧಿಸುತ್ತಿದ್ದಾರೆ. ಯಾಕೆ ಅಂತೀರಾ? ಮುಂದೆ ನೋಡಿ.

ಟ್ರೈಲರ್ ಬಿಡುಗಡೆ ಮಾಡಿ ಕಿಚ್ಚ ಹೇಳಿದ್ದೇನು?

ಬೆಂಗಳೂರಿನಲ್ಲಿ ನಿನ್ನೆ ನಡೆದ ಕಾರ್ಯಕ್ರಮದಲ್ಲಿ ಟ್ರೈಲರ್​​ ಬಿಡುಗಡೆ ಮಾಡಿ ಮಾತನಾಡಿದ ಸುದೀಪ್, ''ಈ ಸಿನಿಮಾದ ಡೈಲಾಗ್‌ಗಳನ್ನು ನಟರು ಹೇಳಿರುವ ರೀತಿಯಿಂದಾಗಿ ಅವು ಕಚಗುಳಿ ಇಡುತ್ತಿವೆ, ಅಸಭ್ಯ ಎನಿಸುತ್ತಿಲ್ಲ. ಸಿನಿಮಾದಲ್ಲಿ ಜಗ್ಗೇಶ್ ಹೇಳಿರುವ ಡೈಲಾಗ್‌ಗಳನ್ನು ನಾವು ಹೇಳಿದರೆ ಸರಿಯಾಗಿ ಟ್ರೋಲ್ ಆಗುತ್ತೇವೆ'' ಎಂದರು. ಹೌದು, ಈ ಸಿನಿಮಾ ಟ್ರೈಲರ್​ ಸೂಪರ್​ ಆಗಿದೆ. ಅದರಲ್ಲಿ ಎರಡು ಮಾತಿಲ್ಲ. ಜಗ್ಗೇಶ್​ ಅಭಿನಯದ 100ನೇ ಸಿನಿಮಾ ಮಠ ಕೂಡ ಡಬಲ್​ ಮಿನಿಂಗ್​ ಡೈಲಾಗ್​ಗಳಿಂದ ತುಂಬಿತ್ತು. ಇದಾದ ಬಳಿಕ ಎದ್ದೇಳು ಮಂಜುನಾಥ ಕೂಡ ಈ ರೀತಿಯ ಸಿನಿಮಾನೇ. ಇದೀಗ ತೋತಾಪುರಿ ಸಿನಿಮಾ ಕೂಡ ಡಬಲ್​ ಮಿನಿಂಗ್ ಡೈಲಾಗ್​ಗಳಿಂದಳೇ ತುಂಬಿ ಹೋಗಿದೆ.

ಡೈಲಾಗ್ಸ್​ ಸ್ವಲ್ಪ ಓವರ್​ ಆಯ್ತ ಎಂದ ಫ್ಯಾನ್ಸ್​!

ನವರಸ ನಾಯಕ ಜಗ್ಗೇಶ್​ ಸಿನಿಮಾಗಳಲ್ಲಿ ತುಸು ಹೆಚ್ಚು ಡಬಲ್​ ಮಿನಿಂಗ್​ ಡೈಲಾಗ್​ಗಳು ಇರುವುದು ಸಹಜ. ಇವರ ಜೊತೆ ವಿಜಯ್​ ಪ್ರಸಾದ್​ ಜೊತೆಯಾಗುತ್ತಿದ್ದಾರೆ ಅಂದರೆ ಕೇಳಬೇಕಾ? ತೋತಾಪುರಿ ಸಿನಿಮಾದಲ್ಲಿ ಸೀರಿಯಸ್​ ವಿಚಾರ ಇರುವುದು ಪಕ್ಕಾ. ಆದರೆ, ಈ ಟ್ರೈಲರ್​ನಲ್ಲೇ ಕೆಲ ಡೈಲಾಗ್​ಗಳು ಫ್ಯಾಮಿಲಿ ಆಡಿಯನ್ಸ್​​ಗೆ ಮುಜುಗರ ಉಂಟು ಮಾಡುವಂತಿದೆ. ತುಂಬಾ ಡಬಲ್ ಮಿನಿಂಗ್ ಡೈಲಾಗ್​ಗಳು ಈ ಟ್ರೈಲರ್​ನಲ್ಲಿದೆ. ನೋಡುಗರಲ್ಲಿ ಒಂದು ರೀತಿಯ ಬೇರೆ ಭಾವನೆ ಬರಲಿದೆ ಎಂದು ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ಆ ಮಗು ಛತ್ರಿ ತಂದಿದ್ದು ಏಕೆ? ಭಾವನಾತ್ಮಕ ಕಥೆ ಹೇಳಿ ಧನ್ಯವಾದ ಅರ್ಪಿಸಿದ ಯಶ್

ಮನಸ್ಸಿಗೆ ಮುಟ್ಟುವ ಡೈಲಾಗ್​ ಸಹ ಇವೆ!

ವಿಜಯ್ ಪ್ರಸಾದ್ ಟ್ರೇಡ್ ಮಾರ್ಕ್ ಆಗಿರುವ ದ್ವಂದ್ವಾರ್ಥದ ಸಂಭಾಷಣೆ ಈ ಸಿನಿಮಾದಲ್ಲೂ ಇದೆ. ಟ್ರೇಲರ್‌ನಲ್ಲಿಯೇ ಅವುಗಳ ಝಲಕ್ ಅನ್ನು ನಿರ್ದೇಶಕರು ನೀಡಿದ್ದಾರೆ. ಜೊತೆಗೆ ಕೆಲವು ಮನಸ್ಸಿಗೆ ತಾಗುವ ಸಾಲುಗಳು ಸಹ ಇವೆ. ಜಗ್ಗೇಶ್, ಡಾಲಿ ಧನಂಜಯ್, ಸುಮನಾ ರಂಗನಾಥ್, ಹೇಮಾ ದತ್, ಅದಿತಿ ಪ್ರಭುದೇವಾ, ದತ್ತಣ್ಣ ಪ್ರತಿಭಾವಂತ ಹಿರಿ-ಕಿರಿ ನಟ-ನಟಿಯರು ಪೈಪೋಟಿಗೆ ಬಿದ್ದಂತೆ ನಟಿಸಿರುವುದು ಸಹ ಟ್ರೇಲರ್‌ನಲ್ಲಿಯೇ ಗೊತ್ತಾಗುತ್ತಿದೆ.

ಇದನ್ನೂ ಓದಿ: 3 ದಿನ ನಿದ್ರೆ ಇಲ್ಲದ ರಾತ್ರಿಗಳನ್ನು ಕಳೆದಿದ್ದೆ, ಹೆರಿಗೆ ನಂತರ ಕಾಜಲ್ ಭಾವನಾತ್ಮಕ ಪೋಸ್ಟ್..!

ರಿಲೀಸ್​ಗೆ ರೆಡಿಯಾಗಿದೆ ಪೆಟ್ರೊಮ್ಯಾಕ್ಸ್​!

'ತೋತಾಪುರಿ' ಸಿನಿಮಾದ ಜೊತೆಗೆ ವಿಜಯ ಪ್ರಸಾದ್ ನಿರ್ದೇಶನದ 'ಪೆಟ್ರೊಮ್ಯಾಕ್ಸ್' ಸಿನಿಮಾ ಸಹ ಬಿಡುಗಡೆಗೆ ರೆಡಿಯಾಗಿದೆ. ಆ ಸಿನಿಮಾದಲ್ಲಿ ನೀನಾಸಂ ಸತೀಶ್, ಹರಿಪ್ರಿಯ ಇನ್ನಿತರರು ನಟಿಸಿದ್ದಾರೆ. ಬಳಿಕ 'ಪರಿಮಳ ಲಾಡ್ಜ್' ಸಿನಿಮಾ ಸಹ ಬಿಡುಗಡೆ ಆಗಲಿದೆ.