ಏಕಾಂಗಿ.. ಜಾಕಲಿನ್​ ಫರ್ನಾಂಡಿಸ್​ ಏಕಾಂಗಿ..: ನಟಿ ಜೊತೆ ಸಲ್ಮಾನ್​ ಖಾನ್​ ಫ್ರೆಂಡ್​ಶಿಪ್​ ಕಟ್​!

ಡಿಸೆಂಬರ್​ 10ಕ್ಕೆ ರಿಯಾದ್​ನಲ್ಲಿ Da-bangg ಎಂಬ ಕಾರ್ಯಕ್ರಮ ಇದೆ. ಇದಕ್ಕೆ ಸಲ್ಮಾನ್​ ಖಾನ್​ ಹಾಗೂ ಜಾಕ್ವೆಲಿನ್​ ಒಟ್ಟಾಗಿ ತೆರಳಬೇಕಿತ್ತು. ಆದರೆ, ಜಾಕ್ವೆಲಿನ್​ ಮಾಡಿಕೊಂಡ ಎಡವಟ್ಟಿನಿಂದ ಅವರಿಗೆ ವಿದೇಶಕ್ಕೆ ತೆರಳೋಕೆ ಆಗುತ್ತಿಲ್ಲ. ಹೀಗಾಗಿ, ಅವರನ್ನು ದೂರ ಇಡಲು ಸಲ್ಲು ನಿರ್ಧರಿಸಿದ್ದಾರೆ.

ಸಲ್ಮಾನ್​ ಖಾನ್​, ಜಾಕಲಿನ್​ ಫರ್ನಾಂಡಿಸ್​

ಸಲ್ಮಾನ್​ ಖಾನ್​, ಜಾಕಲಿನ್​ ಫರ್ನಾಂಡಿಸ್​

  • Share this:
ಶ್ರೀಲಂಕಾ(Sri Lanka) ಮೂಲದ ಬೆಡಗಿ ಜಾಕಲಿನ್​ ಫರ್ನಾಂಡಿಸ್(Jacqueline Fernandes) ಬಾಲಿವುಡ್​(Bollywood)ನಲ್ಲಿ ಸಖತ್​ ಸೌಂಡ್​ ಮಾಡಿದರವು. ತಮ್ಮ ನಟನೆ ಮೂಲಕ ಅಷ್ಟು ಫೇಮಸ್​ ಆಗದಿದ್ದರೂ,  ತಮ್ಮ ಬಳುಕುವ ಸೊಂಟದೊಂದಿಗೆ ಬಾಲಿವುಡ್​ ಸಿನಿರಸಿಕರನ್ನು ತನ್ನತ್ತ ಸೆಳೆದರು. ದೊಡ್ಡ ದೊಡ್ಡ ಸ್ಟಾರ್​​ಗಳ ಜೊತೆ ನಟಿಸುವ ಅವಕಾಶವನ್ನು ಗಿಟ್ಟಿಸಿಕೊಂಡಿದ್ದರು. ಆದರೆ,  ಉದ್ಯಮಿಗಳಿಗೆ 200 ಕೋಟಿ ರೂಪಾಯಿ ವಂಚನೆ ಹಾಗೂ ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಜಾಕಲಿನ್​​ ಫರ್ನಾಂಡಿಸ್​ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಪ್ರಕರಣದ ಕಿಂಗ್​ಪಿನ್​ ಸುಕೇಶ್​ ಚಂದ್ರಶೇಖರ್(Sukesh Chandrashekar) ಜತೆ ಜಾಕಲಿನ್​​ ಲಿಂಕ್(Link) ಹೊಂದಿದ್ದರು ಎನ್ನಲಾಗಿದೆ. ಇದಕ್ಕೆ ಸಾಕ್ಷ್ಯ ಎಂಬಂತೆ ಸುಕೇಶ್​ ಹಾಗೂ ಈ ನಟಿಯ ಕಿಸ್ಸಿಂಗ್​ ಫೋಟೋಗಳು ಲೀಕ್(Leak)​ ಆಗಿತ್ತು. ಇದರಿಂದ ಈ ಪ್ರಕರಣ ಮತ್ತಷ್ಟು ಬಿಗಿಯಾಗಿದೆ. ಇನ್ನು ಜಾಕಲಿನ್​​ ಅವರಿಗೆ ಚಂದ್ರಶೇಖರ್ ₹ 10 ಕೋಟಿ ಮೌಲ್ಯದ ವಸ್ತುಗಳನ್ನು ಉಡುಗೊರೆ(Gift)ಯಾಗಿ ನೀಡಿರುವುದು ಬಯಲಾಗಿದೆ. ಇದರಲ್ಲಿ ₹ 52 ಲಕ್ಷ ಮೌಲ್ಯದ ಕುದುರೆ ಮತ್ತು ₹ 9 ಲಕ್ಷ ಮೌಲ್ಯದ ಪರ್ಷಿಯನ್ ಬೆಕ್ಕು(Persian cat) ಸೇರಿವೆ ಎಂದು ಇಡಿ ತನ್ನ ಚಾರ್ಜ್‌ಶೀಟ್‌ನಲ್ಲಿ ತಿಳಿಸಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ. ಈ ವಿಚಾರದಿಂದ ಈಗ ಬಾಲಿವುಡ್​ ಕೂಡ ನಟಿ ಜಾಕ್ವಲಿನ್ ಫರ್ನಾಂಡಿಸ್​ ಅವರನ್ನು ದೂರ ಇಡಲು ಮುಂದಾಗಿದೆ. ಯಾವ ನಟ, ನಟಿಯರು ಕೂಡ ಜಾಕಲಿನ್​ ಅವರ ಜೊತೆ ಸರಿಯಾಗಿ ಮಾತಾಡುತ್ತಿಲ್ಲ ಎಂದು ವರದಿಯಾಗಿದೆ. 

ಜಾಕಲಿನ್​ ಜೊತೆ ಸಲ್ಮಾನ್​ ಖಾನ್ ಫ್ರೆಂಡ್​ಶಿಪ್​ ಕಟ್​!

ಡಿಸೆಂಬರ್​ 10ಕ್ಕೆ ರಿಯಾದ್​ನಲ್ಲಿ Da-bangg ಎಂಬ ಕಾರ್ಯಕ್ರಮ ಇದೆ. ಇದಕ್ಕೆ ಸಲ್ಮಾನ್​ ಖಾನ್​ ಹಾಗೂ ಜಾಕ್ವೆಲಿನ್​ ಒಟ್ಟಾಗಿ ತೆರಳಬೇಕಿತ್ತು. ಆದರೆ, ಜಾಕ್ವೆಲಿನ್​ ಮಾಡಿಕೊಂಡ ಎಡವಟ್ಟಿನಿಂದ ಅವರಿಗೆ ವಿದೇಶಕ್ಕೆ ತೆರಳೋಕೆ ಆಗುತ್ತಿಲ್ಲ. ಹೀಗಾಗಿ, ಅವರನ್ನು ದೂರ ಇಡಲು ಸಲ್ಲು ನಿರ್ಧರಿಸಿದ್ದಾರೆ. ಈ ಮಧ್ಯೆ ಜಾಕ್ವೆಲಿನ್​ ​ 5 ದುಬೈಗೆ ಹಾರುವ ಪ್ರಯತ್ನ ಮಾಡಿದ್ದರು. ಈ ವೇಳೆ ಮುಂಬೈನ ವಿಮಾನ ನಿಲ್ದಾಣದಲ್ಲಿ ಅವರನ್ನು ಅಧಿಕಾರಿಗಳು ತಡೆದಿದ್ದರು. ವಿಚಾರಣೆಗಾಗಿ ಅವರನ್ನು ದೆಹಲಿಗೆ ಕರೆತರಲಾಗಿದೆ ಎಂದು ಇಡಿ(ED) ಮೂಲಗಳು ತಿಳಿಸಿವೆ.

ಇದನ್ನು  ಓದಿ: ವಂಚಕನಿಂದ 36 ಲಕ್ಷ ಮೌಲ್ಯದ ಬೆಕ್ಕು ಉಡುಗೊರೆ ಪಡೆದಿದ್ದ ಜಾಕ್ವೆಲಿನ್..!

ಸಲ್ಮಾನ್​ ಜೊತೆ ಒಳ್ಳೆ ಬಾಂಧವ್ಯ ಹೊಂದಿದ್ದ ಜಾಕಲಿನ್​!

ಸಲ್ಮಾನ್​ ಖಾನ್​ ಹಾಗೂ ಜಾಕ್ವೆಲಿನ್​ ನಡುವೆ ಒಳ್ಳೆಯ ಬಾಂಧವ್ಯ ಇದೆ. ಇಬ್ಬರೂ ಹಲವು ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದಾರೆ. ಈ ಜೋಡಿ ಅನೇಕ ಕಡೆಗಳಿಗೆ ಒಟ್ಟಾಗಿ ತೆರಳಿದ್ದಿದೆ. ಇಬ್ಬರ ನಡುವೆ ಒಳ್ಳೆಯ ಗೆಳೆತನ ಬೆಳೆದಿದೆ. ಆದರೆ, ಈಗ ಜಾಕ್ವೆಲಿನ್​ ಅವರಿಂದ ಅಂತರ ಕಾಯ್ದುಕೊಳ್ಳುವ ನಿರ್ಧಾರಕ್ಕೆ ಸಲ್ಮಾನ್​ ಖಾನ್​ ಬಂದಿದ್ದಾರೆ. ಸ್ವತಃ ಜಾಕಲಿನ್​ ಮಾಡಿಕೊಂಡ ಎಡವಟ್ಟಿನಿಂದ ದೂರ ಇರಲು ಭಜರಂಗಿ ಭಾಯ್​ಜಾನ್​ ನಿರ್ಧರಿಸಿದ್ದಾರಂತೆ. ಕೇವಲ ಸಲ್ಮಾನ್​ ಖಾನ್ ಅಲ್ಲ ಇಡೀ ಬಾಲಿವುಡ್​​ ಮಂದಿ ಈಕೆಯಿಂದ ಅಂತರ ಕಾಯ್ತುಕೊಳ್ಳುತ್ತಿದ್ದಾರಂತೆ.

ಇದನ್ನು ಓದಿ : ದೇಶ ತೊರೆಯುತ್ತಿದ್ದ ನಟಿ ಜಾಕ್ವೆಲಿನ್​​ಗೆ ತಡೆ: ಏರ್​​ಪೋರ್ಟ್​​ನಲ್ಲೇ ವಶಕ್ಕೆ ಪಡೆದ ಅಧಿಕಾರಿಗಳು

ಜಾಕಲಿನ್​ಗೆ 36 ಲಕ್ಷ ಬೆಲೆಯ ಬೆಕ್ಕು ಉಡುಗೊರೆ 

ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ವಂಚಕ ಸುಕೇಶ್ ವಿಚಾರಣೆ ಮಾಡುತ್ತಿದ್ದು ಬರೋಬ್ಬರಿ 7 ಸಾವಿರ ಪುಟಗಳ ಚಾರ್ಜ್​ಶೀಟ್​ ಸಲ್ಲಿಕೆ ಮಾಡಿದ್ದಾರೆ. ಈ ವಿಚಾರಣೆ ವೇಳೆ ಸುಕೇಶ್​ ಚಂದ್ರಶೇಖರ್​ ಅನೇಕ ವಿಚಾರಗಳನ್ನು ಬಾಯಿ ಬಿಟ್ಟಿದ್ದಾರೆ. ಅಚ್ಚರಿ ಎಂದರೆ ಜಾಕ್ವೆಲಿನ್​ ಫರ್ನಾಂಡಿಸ್ ಅವರಿಗೆ 52 ಲಕ್ಷ ರೂ. ಮೌಲ್ಯದ ಕುದುರೆ ಮತ್ತು 36 ಲಕ್ಷ ರೂ. ಬೆಲೆಯ ಬೆಕ್ಕುಗಳನ್ನು ಉಡುಗೊರೆಯಾಗಿ ನೀಡಿರುವ ಬಗ್ಗೆ ಸುಕೇಶ್​ ಮಾಹಿತಿ ನೀಡಿದ್ದಾರೆ
Published by:Vasudeva M
First published: