HOME » NEWS » Entertainment » IT RAIDS ON TAMIL ACTOR THALAPATHY VIJAY AND QUESTIONED BY INCOME TAX DEPARTMENT SESR

ರಶ್ಮಿಕಾ ಬಳಿಕ ತಮಿಳು ನಟ ವಿಜಯ್​ಗೆ ಐಟಿ ಶಾಕ್​; ದಳಪತಿ ಮನೆಯಲ್ಲಿ ಶೋಧ ನಡೆಸಿದ ಅಧಿಕಾರಿಗಳು

ವಿಜಯ್​ ನಟನೆಯ ಮರ್ಸೆಲ್​ ಚಿತ್ರದಲ್ಲಿ ಕೇಂದ್ರ ಸರ್ಕಾರದ ಜಿಎಸ್​ಟಿ ಹಾಗೂ ನೋಟು ಅಮಾನ್ಯೀಕರಣ ಕುರಿತ  ವಿವಾದಾತ್ಮಕ ಹೇಳಿಕೆ ನೀಡಿದ್ದರು. ಈ ಹೇಳಿಕೆ ವಿರುದ್ಧ ತಮಿಳುನಾಡು ಬಿಜೆಪಿ ಘಟಕ ವಿರೋಧ ವ್ಯಕ್ತಪಡಿಸಿದ್ದು, ಈ ದೃಶ್ಯಗಳಿಗೆ ಕತ್ತರಿ ಹಾಕಬೇಕು ಎಂದು ಒತ್ತಾಯಿಸಿದ್ದರು. 

Seema.R | news18-kannada
Updated:February 5, 2020, 6:19 PM IST
ರಶ್ಮಿಕಾ ಬಳಿಕ ತಮಿಳು ನಟ ವಿಜಯ್​ಗೆ ಐಟಿ ಶಾಕ್​; ದಳಪತಿ ಮನೆಯಲ್ಲಿ ಶೋಧ ನಡೆಸಿದ ಅಧಿಕಾರಿಗಳು
ನಟ ವಿಜಯ್​
  • Share this:
ಕಾಲಿವುಡ್​ನ ಹೆಸರಾಂತ ನಟ ವಿಜಯ್​ ಮನೆ ಮೇಲೆ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ತೆರಿಗೆ ವಂಚನೆ ಪ್ರಕರಣದಲ್ಲಿ ಈ ದಾಳಿ ನಡೆದಿದ್ದು, ದಾಖಲೆ ಪರಿಶೀಲನೆ ನಡೆಸಲಾಗಿದೆ.

ಇನ್ನು ಇದೇ ವೇಳೆ ಎಜಿಎಸ್​ ಸಿನಿಮಾ ಪ್ರಾಪರ್ಟಿ ಮೇಲೂ ಕೂಡ ದಾಳಿ ನಡೆಸಲಾಗಿದೆ, ಈ ಎಜಿಎಸ್​ ಸಿನಿಮಾ ಕಳೆದ ವರ್ಷ ವಿಜಯ್​ ನಟನೆಯ 'ಬಿಗಿಲ್​' ಸಿನಿಮಾಗೆ ಹೂಡಿಕೆ ಮಾಡಿದ್ದರು. ಎಜಿಎಸ್​ನ ಗ್ರೂಪ್​ಗೆ ಸಂಬಂಧಿಸಿದ 20 ಸ್ಥಳಗಳಲ್ಲಿ ಅಧಿಕಾರಿಗಳು ಶೋಧ ನಡೆಸಿದ್ದಾರೆ.

ಇನ್ನು ಈ ದಾಳಿ ವೇಳೆ ನಟ ವಿಜಯ್​ ನೈವೇಲಿಯಲ್ಲಿ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದರು. ವಿಜಯ್​ ನಟನೆಯ ಬಿಗಿಲ್​ ಸಿನಿಮಾ ಸೂಪರ್​ ಹಿಟ್​ ಆಗಿದ್ದು, ಕೋಟಿ ಕೋಟಿ ಗಳಿಕೆ ಮಾಡಿತ್ತು. ಈ ಸಂಬಂಧ ಲಾಭಾದ ವಿವರಣೆ ಪಡೆಯಲು ಐಟಿ ಇಲಾಖೆ ಈ ಹಿಂದೆ ಸಮನ್ಸ್​ ಜಾರಿ ಮಾಡಿತ್ತು.

ಇನ್ನು ಈ ಕುರಿತು ಸ್ಪಷ್ಟನೆ ನೀಡಿರುವ ನಟ ವಿಜಯ್​, ಐಟಿ ಅಧಿಕಾರಿಗಳು, ಕಳೆದ ವಾರ ಕೂಡ ನನ್ನ ಕಚೇರಿ ಮತ್ತು ಮನೆ ಮೇಲೆ ದಾಳಿ ನಡೆಸಿದ್ದರು. ಈ ವೇಳೆ ಅವರ ಶೋಧ ಕಾರ್ಯಕ್ಕೆ ನನ್ನ ಕುಟುಂಬ ಮತ್ತು ಸಿಬ್ಬಂದಿಗಳು ಸಹಕಾರ ನೀಡಿದ್ದರು. ಅಲ್ಲದೇ ತೆರಿಗೆ ವಿವರಣೆಯ ದಾಖಲೆಯನ್ನು ನೀಡಲಾಗಿದೆ ಎಂದರು.

ವಿಜಯ್​ ನಟನೆಯ 'ಮರ್ಸೆಲ್'​ ಚಿತ್ರದಲ್ಲಿ ಕೇಂದ್ರ ಸರ್ಕಾರದ ಜಿಎಸ್​ಟಿ ಹಾಗೂ ನೋಟು ಅಮಾನ್ಯೀಕರಣ ಕುರಿತ  ವಿವಾದಾತ್ಮಕ ಹೇಳಿಕೆ ನೀಡಿದ್ದರು. ಈ ಹೇಳಿಕೆ ವಿರುದ್ಧ ತಮಿಳುನಾಡು ಬಿಜೆಪಿ ಘಟಕ ವಿರೋಧ ವ್ಯಕ್ತಪಡಿಸಿದ್ದು, ಈ ದೃಶ್ಯಗಳಿಗೆ ಕತ್ತರಿ ಹಾಕಬೇಕು ಎಂದು ಒತ್ತಾಯಿಸಿದ್ದರು.

ಈ ಹಿಂದೆ 2015ರಲ್ಲಿ ಕೂಡ ನಟ ವಿಜಯ್​ ಮನೆ ಮೇಲೆ ಐಟಿ ಅಧಿಕಾರಿಗಳು ದಾಳಿ ನಡೆಸಿದ್ದರು.

ಇದನ್ನು ಓದಿ: ರಶ್ಮಿಕಾ ಮಂದಣ್ಣಗೆ ಐಟಿ ಶಾಕ್​; ವಿರಾಜಪೇಟೆ ಮನೆಯ ಮೇಲೆ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳ ದಾಳಿಇನ್ನು ಇತ್ತೀಚೆಗಷ್ಟೆ ದಕ್ಷಿಣ ಭಾರತದ ಬಹುಬೇಡಿಕೆ ನಟಿ , ಕನ್ನಡತಿ ರಶ್ಮಿಕಾ ಮನೆ ಮೇಲೂ ಕೂಡ ಐಟಿ ಅಧಿಕಾರಿಗಳು ದಾಳಿ ನಡೆಸಿದ್ದರು. ಸಿನಿಮಾದಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿದ್ದ ಅವರು, ಸಂಭಾವನೆ ದುಪ್ಪಟ್ಟು ಮಾಡಿದ್ದು, ಈ ಕುರಿತು ಅಧಿಕಾರಿಗಳು ಮಾಹಿತಿ ಪಡೆದಿದ್ದರು.
First published: February 5, 2020, 6:19 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories