ರಾಕಿಂಗ್ ಸ್ಟಾರ್ ಯಶ್​ ಹೊಸ ಫೋಟೋ ವೈರಲ್: ಇದೇನಾ ​ಕೆ.ಜಿ.ಎಫ್-​2 ಚಿತ್ರದ ರಾಕಿ ಭಾಯ್ ಲುಕ್?

ಕನ್ನಡ ಚಿತ್ರರಂಗದಲ್ಲೇ ಹೊಸ ಇತಿಹಾಸ ಸೃಷ್ಟಿಸಿದ 'ಕೆ.ಜಿ.ಎಫ್' ಚಿತ್ರದ ಎರಡನೇ ಭಾಗದ ಕೆಲಸಗಳು ಪ್ರಾರಂಭವಾಗಿದೆ. ಖಡಕ್ ಲುಕ್, ಜಬರ್ದಸ್ತ್​ ಡೈಲಾಗ್​ಗಳ ಮೂಲಕ ವಿಶ್ವದಾದ್ಯಂತ ಆರ್ಭಟಿಸಿದ್ದ ರಾಕಿ ಭಾಯ್​ಯ ರಿ ಎಂಟ್ರಿಗೆ ಭರ್ಜರಿ ತಯಾರಿಗಳು ನಡೆಯುತ್ತಿದ್ದರೆ, ಚಾಪ್ಟರ್​-​ 2 ನಲ್ಲಿ ರಾಕಿಂಗ್ ಸ್ಟಾರ್ ಯಶ್​ ಹೇಗೆ ಕಾಣಿಸಲಿದ್ದಾರೆ ಎಂಬ ಕುತೂಹಲ ಸಿನಿಪ್ರಿಯರಲ್ಲಿ ಹುಟ್ಟಿಕೊಂಡಿದೆ.

ಇತ್ತೀಚೆಗಷ್ಟೇ ಆಡಿಷನ್ ನಡೆಸಿ 'ಕೆ.ಜಿ.ಎಫ್' ತಂಡ ಭಾರೀ ಸದ್ದು ಮಾಡಿತ್ತು. ಈ ಆಡಿಷನ್​ನಲ್ಲಿ ಗಡ್ಡದಾರಿಗಳ ದಂಡೇ ಕಾಣಿಸಿಕೊಂಡು ಎಲ್ಲರ ಹುಬ್ಬೇರುವಂತೆ ಮಾಡಿದ್ದರು. ಹೀಗಾಗಿ ಎರಡನೇ ಅವತರಣಿಕೆಯಲ್ಲೂ 'ಕೆ.ಜಿ.ಎಫ್' ಚಿತ್ರಕ್ಕೆ ಗಡ್ಡವೇ ಟ್ರೇಡ್​ ಮಾರ್ಕ್​ ಆಗಲಿದೆ ಎಂಬ ಮಾತುಗಳು ಕೇಳಿ ಬಂದಿದ್ದವು.

ಇತ್ತ ನಟ ಯಶ್ ಸಹ ಗಡ್ಡಕ್ಕೆ ಕತ್ತರಿ ಹಾಕದೇ ಓಡಾಡುತ್ತಿರುವುದು ಕೂಡ ಈ ಬಾರಿ ಚಿತ್ರದಲ್ಲಿ ರಾಕಿ ಭಾಯ್​ ಮತ್ತಷ್ಟು ಖಡಕ್​ ಆಗಿ ಕಾಣಿಸಲಿದ್ದಾರೆ ಎಂಬುದರ ಸೂಚನೆ. ಆದರೆ ಯಾವ ಮಟ್ಟದಲ್ಲಿರಲಿದೆ ಯಶ್ ಅವರ ಅವತಾರ ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಮನೆ ಮಾಡಿದೆ. ಆದರೆ ಇದೀಗ ಈ ಕಾತುರತೆ ಪುಲಿಸ್ಟಾಪ್ ಇಡಲು ಯಶ್​ರ ಲುಕ್​ವೊಂದು ಹೊರ ಬಿದ್ದಿದೆ.

ಸ್ವತಃ ರಾಕಿ ಭಾಯ್​ ಕ್ಲಿಕ್ಕಿಸಿರುವ ಫೋಟೋವೊಂದು 'ಕೆ.ಜಿ.ಎಫ್ 2'ನ ಅಸಲಿ ಲುಕ್​ ಎಂಬ ರೀತಿಯಲ್ಲಿ ವೈರಲ್ ಆಗುತ್ತಿದೆ. ಈ ಹಿಂದಿನ ಅವತಾರಕ್ಕಿಂತ ಮತ್ತಷ್ಟು ಭಯಾನಕವಾಗಿರುವ ಯಶ್ ಅವರ ಲುಕ್​ಗೆ ಅಭಿಮಾನಿಗಳು ಈಗಾಗಲೇ ಫಿದಾ ಆಗಿದ್ದಾರೆ. ಇನ್ನು ಇದೇ ​ ಗೆಟಪ್​ನಲ್ಲಿ ರಾಕಿ ಭಾಯ್ ಕಾಣಿಸಿಕೊಂಡರೆ ಚಿತ್ರಪ್ರೇಮಿಗಳಿಂದ ಸಿಳ್ಳೆ ಚಪ್ಪಾಳೆಗಳ ಸುರಿಮಳೆ ಆಗಲಿದೆ ಎಂಬ ಮಾತುಗಳು ಕೇಳಿ ಬಂದಿದೆ.

ಈ ಒಂದು ಫೋಟೋ ಸ್ಯಾಂಡಲ್​ವುಡ್​ನಲ್ಲಿ ಮಾತ್ರವಲ್ಲ, ಟಾಲಿವುಡ್, ಕಾಲಿವುಡ್​ ಹಾಗೂ ಬಾಲಿವುಡ್​ನಲ್ಲೂ ಸದ್ದು ಮಾಡಿದೆ. ರಾಕಿಂಗ್ ಸ್ಟಾರ್​ರ ಹೊಸ ಅವತಾರ, 'ಕೆ.ಜಿ.ಎಫ್2' ಚಿತ್ರದ ರಾಕಿ ಭಾಯ್​ ಎಂದು ಈ ಚಿತ್ರಕ್ಕೆ ಶೀರ್ಷಿಕೆ ನೀಡಿ ಸುದ್ದಿಗಳು ಪ್ರಕಟಗೊಂಡಿದೆ.

ಕೇವಲ ಒಂದೇ ಒಂದು ಫೋಟೋ ಮೂಲಕ ಅಲೆಯಿಬ್ಬಿಸಿರುವ ಯಶ್, ಮತ್ತೊಮ್ಮೆ 'ಕೆ.ಜಿ.ಎಫ್'​ ಮೂಲಕ ಕನ್ನಡ ಚಿತ್ರರಂಗವನ್ನು ವಿಶ್ವ ಮಟ್ಟಕ್ಕೆ ಹೊತ್ತೊಯ್ಯಲಿದ್ದಾರೆ ಎಂಬುದಕ್ಕೆ ಈ ಕ್ರೇಜ್​ ಸಾಕ್ಷಿ. ಸದ್ಯ ಕುಟುಂಬದೊಂದಿಗೆ ಕಾಲ ಕಳೆಯುತ್ತಿರುವ ರಾಕಿ ಭಾಯ್​ ಶೀಘ್ರದಲ್ಲೇ ಚಿತ್ರತಂಡವನ್ನು ಕೂಡಿಕೊಳ್ಳಲಿದ್ದಾರೆ. ಇದೇ ತಿಂಗಳು 13 ರಿಂದ 'ಕೆ.ಜಿ.ಎಫ್2'ಚಿತ್ರದ ಅಧಿಕೃತ ಶೂಟಿಂಗ್ ಪ್ರಾರಂಭವಾಗಲಿದೆ ಎನ್ನಲಾಗಿದೆ. ಎರಡನೇ ಭಾಗದಲ್ಲಿ ಯಶ್  ಎದುರಾಳಿಯಾಗಿ ಬಾಲಿವುಡ್ ನಟ ಸಂಜಯ್ ದತ್ ಕಾಣಿಸಿಕೊಳ್ಳುವುದು ಖಚಿತ ಎನ್ನಲಾಗಿದ್ದು, ಇಬ್ಬರ ಕಾಂಬಿನೇಷನ್​ ಚಿತ್ರ ಮೂಡಿ ಬಂದರೆ ಬಾಕ್ಸಾಫೀಸ್​ ಧೂಳೀಪಟವಾಗುವುದು ಪಕ್ಕಾ ಎನ್ನುತ್ತಿದೆ ಗಾಂಧಿನಗರ.

 

View this post on Instagram

 

Yash from #kgfchapter2 🤟 . .#kgf #kgfmovie #kgf2018 #tollywood #telugucinema #telugumovie

A post shared by Sandesam (@sandesamweb) on May 11, 2019 at 12:57am PDT

ಈ ಹಿಂದೆ ಕೆಜಿಎಫ್ ಚಿತ್ರವನ್ನು ಪಂಚಭಾಷೆಯಲ್ಲಿ ಹೊರ ತಂದಿದ್ದ ನಿರ್ದೇಶಕ ಪ್ರಶಾಂತ್ ನೀಲ್ ಸಹ ಈ ಬಾರಿ ಭರ್ಜರಿ ಯೋಜನೆಯೊಂದನ್ನು ರೂಪಿಸಿದ್ದಾರಂತೆ. ಈ ಮೂಲಕ ವಿಶ್ವದಾದ್ಯಂತ ಅನೇಕ ಭಾಷೆಗಳಲ್ಲಿ ಏಕಕಾಲಕ್ಕೆ ರಾಕಿ ಭಾಯ್​ಯನ್ನು ತೆರೆಗೆ ತರಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಒಟ್ಟಿನಲ್ಲಿ ಚಿತ್ರೀಕರಣ ಆರಂಭಿಸುವ ಮುನ್ನವೇ ರಾಕಿ ಭಾಯ್​ಯ ಆರ್ಭಟವಂತು ಪ್ರಾರಂಭವಾದಂತಿದೆ.

 

View this post on Instagram

 

#kgfchapter2 look by a fan is lit af 😍❤️🔥 . . Follow @_thenameisyash.fc @thenameisyash #yashfans #nimmayash #yash #kannadamovies #sandalwoodadda #kgf21dec #rockingstaryash #kannadacinema #kannada #kannadafilmindustry #incrediblekarnataka #radhikapandit #nimmayashboss #incredibleindia #annthamma #ramachari #tollywoodactress #kollywood #mollywood #bollywood #kgf2018 #kannadacinema #sandalwood #tollywood #karnataka

A post shared by ㄚ卂丂卄™ (@_thenameisyash.fc) on May 9, 2019 at 9:25am PDT